India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 22, 2025
வாயால் பதவியை இழந்த பெண் அமைச்சர்!
ஐஸ்லாந்தில் குழந்தைகள் நலத்துறை அமைச்சராக இருந்த ஆஸ்தில்டர் லோவா (58) செய்தியாளர்கள் சந்திப்பில் சிறுவயது அனுபவங்களை மனம் திறந்து பேசி, சிக்கலில் மாட்டிக் கொண்டார். 22 வயதில் 15 வயது மாணவர் ஒருவருடன் உறவு வைத்துக் கொண்டு குழந்தை பெற்றதாக பேசிய வீடியோ சமூக வலைதளங்களில் வைரலானதை அடுத்து, அவருக்கு எதிராக கண்டன குரல்கள் எழுந்தன. இதனால், தனது அமைச்சர் பதவியை அவர் ராஜினாமா செய்திருக்கிறார்.
News March 22, 2025
கொளுத்தும் வெயில்: இந்த அறிகுறிகள் இருக்கா?
பல்வேறு மாவட்டங்களில் வெயிலின் தாக்கம் அதிகரித்துள்ளதால், மக்கள் சிரமத்திற்கு ஆளாகியுள்ளனர். சூடான வறட்சியான சிவந்த சருமம், குமட்டல்& வாந்தி, தலைவலி, சோர்வு, கால் பிடிப்பு, மூச்சுத்திணறல், நெஞ்சு படபடப்பு, தலைசுற்றல், மயக்கம், பதற்றம் போன்றவை வெப்பம் சார்ந்த உடல் பாதிப்புகளுக்கான அறிகுறிகள். இதிலிருந்து தப்பிக்க, அதிகளவில் தண்ணீர், மோர் போன்றவற்றை குடிக்க வேண்டும், குளிர்ந்த நீரில் குளிக்கவும்.
News March 22, 2025
உலக தண்ணீர் தினத்தை போற்றுவோம்!
நீரின்றி அமையாது உலகு. உயிர்கள் தோன்ற நீர் அவசியம். பரிணாம வளர்ச்சிகளும் நீரில் இருந்தே தோன்றியதாக கூறுகிறது அறிவியல். இன்று உலக தண்ணீர் தினம் கடைபிடிக்கும் வேளையில் நீரைப் போற்றுவோம். கோடைக்காலத்தில் மட்டுமல்ல; மழைக்காலத்திலும் நீரை சேமிக்கும் பழக்கத்தை இளம் தலைமுறையினருக்கு கடத்துவோம். நீர்நிலைகள் மாசடையாமல் பாதுகாக்க கற்றுத் தருவோம்! மண் வளத்தையும்; மனித வாழ்வையும் பாதுகாப்போம்!
News March 22, 2025
நதிநீர் இணைப்பு சாத்தியமா? அமைச்சர் பதில்
மாநிலங்களுக்கு இடையே ஒருமித்த கருத்து உருவானால் மட்டுமே, நதிநீர் இணைப்பு சாத்தியமாகும் என மத்திய அமைச்சர் பாட்டீல் தெரிவித்துள்ளார். லோக்சபாவில் பேசிய அவர், நதிநீர் இணைப்பு தொடர்பாக மாநிலங்களுக்கு இடையே ஒருமித்த கருத்தை ஏற்படுத்த, மத்திய அரசு முயன்று வருவதாக கூறினார். இணைப்புக்காக 30 நதிகள் அடையாளம் காணப்பட்டு, 11 நதிகளுக்கான திட்ட அறிக்கைகளும் தயாரிக்கப்பட்டுள்ளதாகவும் விளக்கமளித்தார்.
News March 22, 2025
‘ஸ்டேட்டஸ்’ஸில் தெறிக்கும் புதிய மாவட்டம்
கோவை மாவட்டத்தில், பொள்ளாச்சி 2வது பெரிய நகரமாக உள்ளது. கடந்த அதிமுக ஆட்சியின்போது, பொள்ளாச்சியை மாவட்டமாக உருவாக்குவதற்கான பூர்வாங்கப் பணிகள் தொடங்கப்பட்டு, அரசிடம் அறிக்கை சமர்ப்பிக்கப்பட்டது. ஆனால் இதுவரை எந்த அறிவிப்பும் வெளியாகவில்லை. இந்நிலையில், பொள்ளாச்சி மாவட்டமாக்க வலியுறுத்தி, அரசு ஊழியர்கள் கோரிக்கை அட்டை அணிந்து பணியாற்ற, பொதுமக்களும் சமூக வலைதளங்களில் ‘ஸ்டேட்டஸ்’ வைக்கின்றனர்.
News March 22, 2025
ஐபிஎல் போட்டி இன்று நடக்குமா?
நாடே எதிர்பார்த்து காத்துக் கொண்டிருக்கும் ஐபிஎல் கிரிக்கெட் போட்டி இன்று தொடங்குகிறது. கொல்கத்தா ஈடன் கார்டன் மைதானத்தில் RCB-ம், KKR-ம் மோதும் முதல் போட்டி இரவு 7.30-க்கு தொடங்கும் நிலையில், அங்கு மழை வெளுத்து வாங்கிக் கொண்டிருக்கிறது. மேலும், கொல்கத்தாவில் மிக கனமழைக்கான அலர்ட்டையும் வானிலை மையம் விடுத்திருப்பதால், இன்று போட்டி நடைபெறுமா என ரசிகர்கள் புலம்பி வருகின்றனர்.
News March 22, 2025
பெட்ரோல், டீசல் விலை உயர்வு
சென்னையில் பெட்ரோல், டீசல் விலை இன்று (மார்ச் 22) உயர்ந்துள்ளது. நேற்று ஒரு லிட்டர் பெட்ரோல் ₹100.80க்கு விற்பனையான நிலையில், இன்று 0.13 காசுகள் உயர்ந்து ₹100.93க்கு விற்பனையாகிறது. அதேபோல் டீசல் விலையும் ஒரு லிட்டருக்கு 0.13 காசுகள் உயர்ந்து ₹92.52க்கு விற்பனை செய்யப்படுகிறது. இந்த விலை உயர்வால், வாகன ஓட்டிகள் அதிருப்தியடைந்துள்ளனர். உங்கள் ஊரில் பெட்ரோல் விலை என்ன?
News March 22, 2025
அனைத்து போலீசாருக்கும் பறந்த எச்சரிக்கை!
ஐஜிக்கள் மற்றும் டிஐஜிக்களுடன் டிஜிபி சங்கர் ஜிவால் நேற்று ஆலோசனை நடத்தினார். அப்போது தமிழகம் முழுவதும் உள்ள ரவுடிகளின் பட்டியலை உடனடியாக தாக்கல் செய்யுமாறு சங்கர் ஜிவால் உத்தரவிட்டார். அதேபோல, ரவுடிகள் குறித்து உளவு போலீசார் தகவல் அளித்தும் நடவடிக்கை எடுக்காத இன்ஸ்பெக்டர்கள் மற்றும் எஸ்.ஐ.க்கள் மீது சஸ்பெண்ட் உள்ளிட்ட கடுமையான நடவடிக்கைகள் பாயும் எனவும் அவர் எச்சரித்தார்.
News March 22, 2025
இனி மாநில மொழிகளில் தொடர்பு: அமித்ஷா அதிரடி
மும்மொழிக்கொள்கை தொடர்பான சர்ச்சை அதிகரித்து வரும் நிலையில், ஒவ்வொரு இந்திய மொழியும் நாட்டிற்கு ஒரு பொக்கிஷம் என அமித்ஷா கூறியுள்ளார். ராஜ்யசபாவில் பேசிய அவர், இந்தி எந்த மொழிக்கும் போட்டியில்லை என்றார். மேலும், வரும் டிசம்பர் மாதத்திற்குப் பிறகு அனைத்து முதல்வர்கள், எம்.பிக்கள், பொதுமக்களுடனான கடிதத் தொடர்புகளை அந்தந்த மாநில மொழிகளிலேயே மேற்கொள்ள உள்ளதாகவும் தெரிவித்துள்ளார்.
News March 22, 2025
சென்னையில் பள்ளிகளுக்கு இன்று விடுமுறை இல்லை
சென்னையில் உள்ள அனைத்துப் பள்ளிகளும் செயல்படும் என்று பள்ளிக்கல்வித்துறை அறிவித்துள்ளது. வழக்கமாக சனிக்கிழமை பள்ளிகளுக்கு விடுமுறை அளிக்கப்படும் நிலையில், விடுமுறை அட்டவணையில் திருத்தம் செய்யப்பட்டுள்ளது. இதனால், சென்னையிலுள்ள அரசு, அரசு உதவிபெறும் பள்ளிகள், ஆதிதிராவிடர், தனியார் என அனைத்துப் பள்ளிகளும் (மார்ச் 22ஆம் தேதி வெள்ளிக்கிழமை அட்டவணை) அடிப்படையில் இயங்கும் என்றும் அறிவிக்கப்பட்டுள்ளது.
Featured News
Sorry, no posts matched your criteria.