India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 9, 2025
கடன் வட்டி தள்ளுபடி.. தமிழக அரசு அறிவிப்பு
வீட்டு வசதி வாரியத்தில் மலிவு விலையில் வீடு வாங்கிய பலரும் தவணை கட்டத் தவறியதால் அபராத வட்டியுடன் சேர்ந்து கடன் சுமை அதிகரித்துள்ளது. அவர்களுக்கான அபாரத வட்டியை தள்ளுபடி செய்வதாக தமிழக அரசு அறிவித்துள்ளது. இது 2015 மார்ச் 31-க்கு முன்னர் தவணை காலம் முடிவடைந்த வீட்டுவசதி வாரிய திட்டங்களுக்கு மட்டுமே பொருந்தும் எனவும், இந்த சலுகை 2026 மார்ச் 31 வரை அமலில் இருக்கும் என்றும் குறிப்பிடப்பட்டுள்ளது.
News August 9, 2025
சஞ்சுவை எடுக்க இரு அணிகள் ஆர்வம்
RR-ல் இருந்து தன்னை விடுவிக்குமாறு சஞ்சு சாம்சன் கேட்டுக்கொண்டதாக செய்திகள் வெளியாகின. இதனால் அவர் CSK-வுக்கு செல்வார் என எதிர்பார்க்கப்படுகிறது. இதுபற்றி பேசிய ஆகாஷ் சோப்ரா, CSK போன்றே KKR-க்கும் ஒரு இந்திய விக்கெட் கீப்பர் பேட்ஸ்மேன் தேவைப்படுவதால், அவர்களும் சஞ்சுவை எடுக்க முன்வரலாம். கடந்த IPL-ல் ₹24 கோடிக்கு ஏலம் எடுத்த வெங்கடேஷ் ஐயரை விடுவித்தால் அவர்களால் சஞ்சுவை எடுக்க முடியும் என்றார்.
News August 9, 2025
இந்திய அரசியலில் தந்தையை விஞ்சிய மகன்கள்!
அன்புமணி கை ஓங்கியுள்ள நிலையில், இந்திய அரசியலில் தந்தையை விஞ்சிய மகன்களின் பட்டியல் இதோ: * 38 வயதில் தன்னை CM ஆக்கிய முலாயம் சிங்கை, SP தலைவர் பொறுப்பில் இருந்து நீக்கினார் அகிலேஷ் * 2006-ல் தேவகவுடாவின் எதிர்ப்பை மீறி CM பதவிக்காக பாஜகவுடன் சேர்ந்த குமாரசாமி, கட்சியையும் தன்பிடிக்குள் கொண்டுவந்தார் * மோடியை எதிர்த்ததால் யஷ்வந்த் சின்ஹாவை விமர்சித்த ஜெயந்த் சின்ஹா, பாஜக முக்கிய தலைவரானார்.
News August 9, 2025
300 கிமீ தொலைவில் பாக்., விமானத்தை வீழ்த்திய இந்தியா
ஆபரேஷன் சிந்தூரில் பாகிஸ்தானின் 6 போர் விமானங்கள் சுட்டு வீழ்த்தப்பட்டதாக, நம் விமானப்படை தளபதி ஏபி சிங் உறுதிப்படுத்தியுள்ளார். குறிப்பாக எல்லையில் இருந்து 300 கிமீ தொலைவில், இந்திய விமானங்களை கண்காணித்த AWACS ரேடார் விமானத்தை, ரஷ்ய தயாரிப்பான S-400 வான்பாதுகாப்பு அமைப்பு சுட்டு வீழ்த்தியதாக அவர் தெரிவித்தார். 300 கிமீ தொலைவில் உள்ள விமானத்தை surface-to-air-ல் வீழ்த்தியது ஒரு உலக சாதனையாகும்.
News August 9, 2025
சளி என்று போனால் நாய்கடி ஊசி போடுகிறார்கள்: EPS
தற்போது அரசு மருத்துவமனையில் டாக்டர்கள், நர்ஸுகள், மருந்துகள் போதியளவில் இல்லை என இபிஎஸ் குற்றம் சுமத்தியுள்ளார். அருப்புக்கோட்டையில் பேசிய அவர், சளி என்று அரசு மருத்துவமனைக்கு சென்றால் நாய்க்கடிக்கு ஊசி போடுவதாக விமர்சித்தார். கடந்த அதிமுக ஆட்சியில் கையில்லாதவருக்கு கைகள் கொடுத்தோம். திமுக ஆட்சியில் காலோடு போனால் கால் இல்லாமலும், உயிரோடு போனால் உயிரில்லாமல் வருவதாகவும் சாடினார்.
News August 9, 2025
இந்த கோடுகளின் அர்த்தம் தெரியுமா?
‘Bleed lines’ என்ற இந்த கோடுகள் ரூபாய் நோட்டுகளில் ஏன் இருக்கின்றன என தெரியுமா? இவற்றை தேய்த்து தான் கண்பார்வை இல்லாதவர்கள் நோட்டின் மதிப்பை அறிகின்றனர். இந்த கோடுகள் நோட்டுகளின் மதிப்பிற்கு ஏற்ப கூடும், குறையும். ₹100 நோட்டின் இருபுறமும் 4 கோடுகள் இருக்கும். அதுவே, ₹200 நோட்டுகளில் 4 கோடுகளுடன் 2 பூஜ்ஜியங்கள் இருக்கும். ₹500 நோட்டுகளில் 5 கோடுகளும், ₹2,000 நோட்டில் 7 கோடுகளும் இருக்கும்.
News August 9, 2025
புறம்போக்கு நிலத்திற்கு பட்டா வேண்டுமா?.. இதை பண்ணுங்க!
புறம்போக்கு இடத்தில் வீடு கட்டி இருந்தால் பட்டா பெற முடியுமா? ஆம், 5 ஆண்டுகளுக்கு மேல் குடியிருப்போருக்கு வீட்டுமனை பட்டா வழங்கப்படும். அடையாள அட்டை, வசிப்பிட சான்று, மின்கட்டண ரசீது உள்ளிட்டவற்றுடன் பட்டா கோரி வட்டாட்சியர் அலுவலக இ-சேவை மையத்தில் விண்ணப்பிக்க வேண்டும். அதிகாரிகள் நிலத்தை ஆய்வு செய்து எந்த பிரச்னையும் இல்லையெனில் பட்டா வழங்குவார்கள். SHARE IT.
News August 9, 2025
‘கூலி’ மாயஜாலத்துக்கு இவர் தான் காரணம்: லோகேஷ்
விக்ரம், கூலி படங்களில் ஒளிப்பதிவாளராக பணியாற்றியவர் கிரிஷ் கங்காதரன். இவரை குறித்து லோகேஷ் X பக்கத்தில் பதிவு ஒன்றை வெளியிட்டுள்ளார். அதில், கிரிஷ் உங்களுடன் மீண்டும் பணியாற்றியதில் மகிழ்ச்சி என்றும், உங்கள் தொலைநோக்கு பார்வை, கடின உழைப்பு, உறுதியான ஆதரவு கூலியில் பெரும் பங்காக இருக்கும் என தெரிவித்துள்ளார். நீங்கள் உருவாக்கிய மாயாஜாலத்தை காண மக்கள் ஆவலுடன் காத்திருப்பதாகவும் புகழ்ந்துள்ளார்.
News August 9, 2025
மினிமம் பேலன்ஸ் எப்படி கணக்கிடப்படும்?
வங்கிகளின் சேமிப்பு கணக்குக்கான மினிமம் பேலன்ஸ் (MAB) என்பது, மாதத்தின் இருப்புத் தொகையின் சராசரியாகும். மினிமம் பேலன்ஸ் ₹10,000 இருக்க வேண்டுமென்றால், தினமும் ₹10,000 கணக்கில் இருக்க வேண்டியதில்லை. 1-ம் தேதி முதல் மாத முடிவு வரை, தினந்தோறும் உங்கள் அக்கவுன்ட்டின் குளோசிங் தொகைகளை கூட்டி, அதை மாதத்தின் மொத்த நாள்களின் எண்ணிக்கையால் வகுத்தால் கிடைப்பதே மினிமம் பேலன்ஸ் ஆகும்.
News August 9, 2025
கணவன் காதில் பாய்சன் ஊற்றிய மனைவி
தெலுங்கானாவில் இச்சம்பவம் நடந்துள்ளது. மது அடிமையான சம்பத்துக்கும், மனைவி ரமாதேவிக்கும் எப்போதும் சண்டை தான். தன் கடை வருமானத்திலேயே, ரமாதேவி குடும்பத்தை நடத்தி வந்துள்ளார். இந்நிலையில், கடைக்கு வரும் ராஜய்யாவுடன் கள்ள உறவு ஏற்பட, இருவரும் சம்பத்தை கொல்ல முடிவு செய்தனர். உறங்கிக் கொண்டிருந்த சம்பத் காதில், இருவரும் விஷத்தை ஊற்ற, அப்போதே அவர் உயிரிழந்தார். இருவரும் இப்போது கம்பி எண்ணுகின்றனர்.
Featured News
Sorry, no posts matched your criteria.