India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 14, 2024
ஈரானுக்கு எதிரான தாக்குதலில் அமெரிக்கா பங்கேற்காது
ஈரானுக்கு எதிரான தாக்குதலில் அமெரிக்கா பங்கேற்காதென இஸ்ரேல் பிரதமர் நெதன்யாகுவிடம் ஜோ பைடன் தெரிவித்துள்ளார். சிரியாவில் உள்ள ஈரான் தூதரகம் மீது இஸ்ரேல் தாக்குதல் நடத்தியது. இதற்கு பதிலடியாக நேற்றிரவு இஸ்ரேல் நிலைகள் மீது ஈரான் ட்ரோன்கள், ஏவுகணைகள் வீசி தாக்குதல் நடத்தியது. இதற்கு இஸ்ரேல் பதிலடி தாக்குதல் நடத்த திட்டமிட்டுள்ள நிலையில், இஸ்ரேல் ஆதரவில் இருந்து அமெரிக்கா பின்வாங்கியுள்ளது.
News April 14, 2024
50 லட்சம் பார்வைகளை கடந்த ‘விசில் போடு’
வெங்கட் பிரபு இயக்கத்தில் விஜய் நடித்து வரும் ‘GOAT’ படத்தின் ஃபர்ஸ்ட் சிங்கிள் ‘விசில் போடு’ பாடல் இன்று மாலை 6 மணிக்கு வெளியானது. புத்தாண்டு பரிசாக யுவன் சங்கர் ராஜா இசையில், விஜய் குரலில் வெளியான இந்த பாடல் ரசிகர்களிடம் கலவையான வரவேற்பை பெற்றுள்ளது. ‘விசில் போடு’ பாடல் வெளியாகி 5 மணி நேரத்திற்குள் 50 லட்சம் பார்வைகளை கடந்துள்ளதாக இயக்குநர் வெங்கட் பிரபு தனது X பக்கத்தில் பதிவிட்டுள்ளார்.
News April 14, 2024
மக்களை தவறாக வழிநடத்திய கம்யூனிஸ்ட், திரிணாமுல்
பல ஆண்டுகளாக மேற்கு வங்கத்தில் ஆட்சியில் இருந்த கம்யூனிஸ்ட் மற்றும் திரிணாமுல் காங்கிரஸ் கட்சிகள் மக்களை தவறாக வழிநடத்தியதாக உள்துறை அமைச்சர் ராஜ்நாத் சிங் குற்றம் சாட்டியுள்ளார். மேற்கு வங்கத்தில் நடைபெற்ற தேர்தல் பரப்புரையில் பேசிய அவர், சுதந்திரம் கிடைத்து பல ஆண்டுகள் ஆன நிலையிலும் மே.வங்கம் வளர்ச்சியடையவில்லை. இந்த முறை பாஜக மே.வங்கத்தில் அதிக இடங்களில் வெற்றிபெறும் என்றார்.
News April 14, 2024
புத்தாண்டில் கோடீஸ்வரனாகப் போகும் ராசிகள்
மூன்று கிரகங்கள் சேர்ந்து உண்டாகும் திரிகிரஹி யோகத்தால் வெற்றி கைகூடும் என்கிறது ஜோதிட சாஸ்திரம். அந்த வகையில் சூரியன், புதன், சுக்கிரன் ஆகியோர் மீன ராசியில் சஞ்சரித்துள்ளதால் மேஷம், சிம்மம், துலாம், விருச்சிக ராசியினருக்கு அதிர்ஷ்டம் கதவை தட்டப் போகிறது. தொழிலில் அபரிமிதமான வளர்ச்சி, இரட்டிப்பு ஊதிய உயர்வு, பங்கு முதலீடுகளில் லாபம் என பல்வேறு பலன்களை மேற்கண்ட ராசியினர் அனுபவிக்க உள்ளனர்.
News April 14, 2024
பாஜக உள்ளவரை இடஒதுக்கீடுக்கு ஒன்றுமாகாது
அரசியலில் பாஜக இருக்கும்வரை இடஒதுக்கீட்டிற்கு ஒன்றும் ஆகாதென மத்திய உள்துறை அமைச்சர் அமித் ஷா திட்டவட்டமாக தெரிவித்துள்ளார். சத்தீஸ்கரின் கைராகார்க்கில் நடைபெற்ற பிரசாரக் கூட்டத்தில் பேசிய அவர், இடஒதுக்கீட்டை பாஜக ஒழித்துவிடுமென காங்கிரஸ் பொய் பிரசாரம் செய்து வருவதை வழக்கமாக வைத்திருப்பதாகவும், மகாதேவ் செயலியின் கோபத்தை மனதில் வைத்து தேர்தலில் தாமரை சின்னத்துக்கு வாக்களிக்குமாறு கேட்டுகொண்டார்.
News April 14, 2024
அரை சதம் கடந்தார் ரோஹித்
சென்னை அணிக்கு எதிரான போட்டியில் அதிரடியாக ஆடிவரும் மும்பை வீரர் ரோஹித் ஷர்மா அரை சதம் கடந்துள்ளார். 30 பந்துகளை எதிர்கொண்ட அவர் 7 பவுண்டரி, 2 சிக்ஸர்கள் விளாசி அரை சதத்தை (51*) பதிவு செய்துள்ளார். தற்போது வரை மும்பை அணி 9 ஓவரில் 81/2 ரன்கள் எடுத்துள்ளது. திலக் வர்மா 6* ரன்களுடன் களத்தில் உள்ளார். சிறப்பாக பந்துவீசிய பதீரனா 2 விக்கெட்டுகளை சாய்த்தார்.
News April 14, 2024
கன்னையா குமாருக்கு வாய்ப்பளித்த காங்கிரஸ்
மக்களவைத் தேர்தலில் டெல்லி, பஞ்சாப் மற்றும் உ.பி-யில் ஒரு தொகுதியில் போட்டியிடும் வேட்பாளர்கள் பட்டியலை காங்கிரஸ் கட்சி வெளியிட்டுள்ளது. இதில், வடகிழக்கு டெல்லி தொகுதியில் போட்டியிட, அனைத்திந்திய மாணவர் கூட்டமைப்பின் தலைவர்களில் ஒருவராக விளங்கிய கன்னையா குமாருக்கு வாய்ப்பு வழங்கப்பட்டுள்ளது. டெல்லியில் ஆம் ஆத்மியுடன் கூட்டணி வைத்துள்ள காங்கிரஸ் 3 தொகுதிகளில் போட்டியிடுவது குறிப்பிடத்தக்கது.
News April 14, 2024
நோயாளிகளின் தகவல்களை சேகரிப்பது ஆபத்து
ஆயுஷ்மான் பாரத் திட்டத்தில் நோயாளிகளின் அனைத்து தகவல்களும் சேகரிக்கப்படுவது ஆபத்தானது என இந்திய மருத்துவ சங்கம் (IMA) தெரிவித்துள்ளது. மத்திய அரசின் இந்த புதிய நடவடிக்கை தனி மனித உரிமைக்கு எதிரானது என குற்றம்சாட்டிய IMA, இதன் மூலம் நோயாளிகளின் தனிப்பட்ட தகவல்கள், தனியார் காப்பீடு நிறுவனங்கள் மற்றும் மருந்து தயாரிப்பு நிறுவனங்களின் கைகளுக்கு செல்ல வாய்ப்புள்ளதாக எச்சரிக்கை விடுத்துள்ளது.
News April 14, 2024
சரப்ஜித் சிங் கொலை குற்றவாளி சுட்டுக்கொலை
பாகிஸ்தானின் லாகூரில் லஷ்கர் இ தொய்பா அமைப்பின் தலைவர் ஹபீஸ் சயீத்தின் நெருங்கிய கூட்டாளி அமீர் சர்பராஸ் தம்பா மர்மநபரால் சுட்டுக்கொல்லப்பட்டுள்ளார். பாகிஸ்தான் சிறையில் தண்டனை அனுபவித்த இந்தியரான சரப்ஜித் சிங் 2013ஆம் ஆண்டு சிறையில் கொடூரமாக தாக்கப்பட்டு கொலை செய்யப்பட்டார். இந்த வழக்கில் முக்கிய குற்றவாளியான அமீர் சர்பராஸ்க்கு எதிராக ஆதாரமில்லையென நீதிமன்றம், 2018இல் விடுதலை செய்திருந்தது.
News April 14, 2024
தேர்தல் பணி செய்வோரின் சம்பளம் அறிவிப்பு
தமிழகத்தில் தேர்தல் பணியில் ஈடுபடுவோரின் சம்பள விவரம் வெளியாகியிருக்கிறது. அதன்படி, Presiding Officer – ₹1700, Polling Officer – ₹1300, Office Assistant – ₹700, Counting Supervisor – ₹850, Counting Assistant – ₹650, Micro Observer – ₹1000, Sector Magistrate – ₹1500, Asst. Zonal Officer – ₹1000, Reception Officer – ₹800, Cashier – ₹800, VAO – ₹800, Village Assistant – ₹700, Instructors – ₹800.
Featured News
Sorry, no posts matched your criteria.