India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 14, 2024
அரசியல் சட்டத்தை மாற்றத் துடிக்கும் பாஜக
இந்திய வரலாற்றில் மிக முக்கியமான தேர்தலை நாடு சந்திப்பதாக முதல்வர் ஸ்டாலின் தெரிவித்துள்ளார். பாஜக எனும் பேரழிவு, அரசியல் சட்டத்தை மாற்றத் துடிப்பதாகவும், நாட்டை 200 ஆண்டுகள் பின்னோக்கி இழுத்துச் செல்ல கோரப் பசியுடன் திட்டங்களை தீட்டுவதாகவும் சாடினார். மேலும், புரட்சியாளர் அம்பேத்கர் ஏற்றிவைத்த அரசியல்சட்டம் எனும் ஒளியை சுடர் மங்காமல் பாதுகாக்க வேண்டியது அனைவரின் கடமை என்றும் அவர் கூறினார்.
News April 14, 2024
BREAKING : புதிய கட்சியை தொடங்குகிறார் விஷால்
2026 சட்டப்பேரவை தேர்தலுக்கு முன் புதிய கட்சியை தொடங்குவதாக நடிகர் விஷால் அறிவித்துள்ளார். மக்களுக்கு போதுமான வசதி இல்லை; அதனால் தான், நான் அரசியலுக்கு வருகிறேன். 2026ஆம் ஆண்டு வேட்பாளர் பட்டியலில் என் பெயரும் இருக்கும் எனக் கூறிய அவர், மக்களவைத் தேர்தலில் 100% வாக்குப்பதிவு நடைபெற்றது என்ற செய்தியை கேட்க விரும்புகிறேன் எனத் தெரிவித்துள்ளார். விரைவில் கட்சியின் பெயர் வெளியாகும் என தெரிகிறது.
News April 14, 2024
ஜூன் 4 முதலே வாக்குறுதிகள் அமல்படுத்தப்படும்
பாஜகவின் ‘சங்கல்ப் பத்ரா’ தேர்தல் வாக்குறுதிகள் அனைத்தும் தேர்தல் முடிவுகள் வெளியாகும் ஜூன் 4ம் தேதி முதலே அமல்படுத்த நடவடிக்கை எடுக்கப்படும் என பிரதமர் மோடி உறுதி தெரிவித்துள்ளார். ஏற்கெனவே 100 நாள் செயல்திட்டத்தை அரசு தொடங்கியுள்ளதாகவும் அவர் கூறினார். அதன்படி, குடியுரிமை சட்டம், பெண்களுக்கு ₹1க்கு சானிட்டரி நாப்கின் உள்ளிட்ட முக்கிய திட்டங்கள் பாஜக வெற்றி பெற்றதும் நடைமுறைப்படுத்தப்பட உள்ளது.
News April 14, 2024
திரையில் ஜொலித்தார், அரசியலில் ஜொலிப்பாரா?
கிழக்கே போகும் ரயில் மூலம் திரைத்துறையில் அறிமுகமான ராதிகா சரத்குமார், சித்தி உள்ளிட்ட தொடர்கள் மூலம் சின்னத் திரையிலும் நுழைந்து இல்லத் தரசிகளை கட்டிப் போட்டார். அவர் தற்போது விருதுநகர் தொகுதியில் பாஜக வேட்பாளராக போட்டியிடுகிறார். திரைத் துறை பிரபலங்கள் அரசியலில் சாதிக்கவும் செய்துள்ளனர், தோல்வியும் அடைந்துள்ளனர். இதில் எந்த வரிசையில் ராதிகா சேர்வார்? என்பதை அத்தொகுதி மக்களே அறிவர்.
News April 14, 2024
விஜய பிரபாகருக்கு கை கொடுக்குமா அனுதாப அலை ?
விஜயகாந்தின் சொந்த ஊர், விருதுநகர் மாவட்டம் அருப்புகோட்டை வட்டம் இராமானுஜபுரம் ஆகும். ஆதலால் 2024 மக்களவைத் தேர்தலில் விருதுநகர் தொகுதியில் விஜய பிரபாகரை துணிந்து வேட்பாளராக தேமுதிக நிறுத்தியுள்ளது. விஜயகாந்த் மறைவால் நிலவும் அனுதாப அலை அவரை வெற்றி பெறச் செய்யும் என தேமுதிக நம்புகிறது. ஆனால் மற்றொரு பக்கம், விஜய பிரபாகர் இன்னும் பக்குவமில்லாமல் பேசுகிறார் என்ற கருத்தும் நிலவுகிறது.
News April 14, 2024
21 ஆண்டுகளுக்கு பிறகு… என்ன நண்பா ரெடியா?
வெங்கட் பிரபு இயக்கத்தில் விஜய் நடிக்கும் ‘GOAT’ படத்தின் முதல் பாடலான “விசில் போடு…” இன்று மாலை 6 மணிக்கு வெளியாகும் என படக்குழு அறிவித்துள்ளது. ‘புதிய கீதை’ படத்திற்கு பிறகு விஜய், யுவன் சங்கர் ராஜாவின் கூட்டணியில் இப்படத்தின் பாடல்கள் தயாராகியுள்ளன. 21 ஆண்டுகளுக்கு பிறகு சேர்ந்துள்ள இந்த கூட்டணியின் வெற்றியை கொண்டாட ரசிகர்கள் காத்திருக்கின்றனர். இப்பாடலை விஜய் பாடியுள்ளது குறிப்பிடத்தக்கது.
News April 14, 2024
லோகேஷின் அடுத்தப்படம் இதுதான்
தனித்துவமான ஸ்கிரீன்பிளே மூலம் தொடர் வெற்றிப் படங்களை கொடுத்து வருபவர் லோகேஷ் கனகராஜ். இவர் தயாரிப்பாளர் அவதாரம் எடுத்து பல படங்களை தயாரிக்க திட்டமிட்டுள்ளார். ‘ஃபைட் கிளப்’ படத்தை அவரது ஜி ஸ்குவாட் நிறுவனம் வெளியிட்டு இருந்தது. இந்நிலையில், சுல்தான் படத்தை இயக்கிய பாக்யராஜ் கண்ணன் இயக்கத்தில் ராகவா லாரன்ஸ் நடிக்கும் ‘Benz’ படத்தை லோகேஷ் கனகராஜ் தயாரிக்கவுள்ளதாக அறிவிக்கப்பட்டுள்ளது.
News April 14, 2024
ஆபரணத் தங்கம் ரூ.55,000ஐ நெருங்கியது
ஆபரணத் தங்கத்தின் விலை இதுவரை இல்லாத அளவிற்கு உயர்வு ரூ.55,000ஐ நெருங்கியுள்ளது. 22 கேரட் ஆபரணத் தங்கத்தின் விலை சவரனுக்கு ரூ.600 உயர்ந்து ரூ.54,840க்கும், கிராமுக்கு ரூ.75 உயர்ந்து ரூ.6,855க்கும் விற்பனை செய்யப்படுகிறது. அதே நேரம் வெள்ளி விலையில் மாற்றமின்றி கிராமுக்கு ரூ.89க்கும் விற்பனை செய்யப்படுகிறது. கடந்த 10 நாள்களில் மட்டும் தங்கத்தின் விலை ரூ.2,760 உயர்ந்துள்ளது.
News April 14, 2024
பாஜக தேர்தல் வாக்குறுதியில் ராமர்…
அயோத்தியில் குழந்தை ராமர் கோயிலின் கும்பாபிஷேகம் நடைபெற்றதை நினைவுகூரும் வகையில் உலகம் முழுவதும் ராமாயண உற்சவ விழாவை கொண்டாட திட்டமிட்டுள்ளதாக பாஜக தேர்தல் அறிக்கையில் தெரிவித்துள்ளது. ராமாயணம் உலகம் முழுவதும் கொண்டாடப்படுகிறது. குறிப்பாக தெற்கு மற்றும் தென்கிழக்கு ஆசியாவில் கொண்டாடப்படுகிறது. அதனால், ராமரின் வரலாறை உலகம் முழுவதும் ஆவணப்படுத்துவோம் என பாஜக வாக்குறுதியாகத் தெரிவித்துள்ளது.
News April 14, 2024
சங்கல்ப் பத்திரம் இல்லை, சங்கட பத்திரம்
சங்கல்ப் பத்திரம் என்பதற்குப் பதில், சங்கட பத்திரம் என்று தேர்தல் அறிக்கையை பாஜக வெளியிட்டிருக்க வேண்டுமென காங்கிரஸ் விமர்சித்துள்ளது. இளைஞர்கள் வேலையில்லாமல் தவிப்பதாகவும், பெண்களுக்கு பாதுகாப்பில்லாத சூழல் நிலவுவதோடு, மக்களிடையே பீதி நிலவுகிறது என்றும், இந்த சூழலை ஏற்படுத்தியற்காக மன்னிப்பு பத்திரம், (அ) சங்கடப் பத்திரம் என்ற பெயரில் அறிக்கையை வெளியிட்டிருக்கலாம் என அக்கட்சி கூறியுள்ளது.
Featured News
Sorry, no posts matched your criteria.