India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 18, 2024
பொறியியல் படிப்புக்கான மாணவர் சேர்க்கை
12ஆம் வகுப்பு பொதுத்தேர்வு முடிவுகள் வரும் மே 6ஆம் தேதி வெளியாகின்றன. இதனையடுத்து, B.E/B.Tech/B.Arch உள்ளிட்ட பொறியியல் படிப்புகளுக்கான ஆன்லைன் பதிவை மே மாதம் முதல் வாரத்தில் இருந்து தொடங்க, பொறியியல் மாணவர் சேர்க்கை ஆய்வு கூட்டத்தில் முடிவு செய்யபட்டுள்ளது. 2 லட்சம் பொறியியல் படிப்புக்கான இடங்கள் உள்ளன என்பதால், விண்ணப்பம் செய்வதற்கு ஒரு மாதம் வரை கால அவகாசம் வழங்க திட்டமிடப்பட்டுள்ளது.
News March 18, 2024
BREAKING: எஸ்பிஐ-க்கு உச்சநீதிமன்றம் உத்தரவு
தேர்தல் பத்திரம் வாங்கிய தேதி, பெயர், சீரியல் எண்கள் உள்ளிட்ட அனைத்து விவரங்களையும் மார்ச் 21ம் தேதி மாலை 5 மணிக்குள் பிரமாணப் பத்திரமாக தாக்கல் செய்ய வேண்டும் என SBI-க்கு உச்சநீதிமன்றம் உத்தரவிட்டுள்ளது. தேர்தல் பத்திரம் தொடர்பான எந்த தகவலையும் SBI வைத்துக் கொள்ளக்கூடாது. எஸ்பிஐ தாக்கல் செய்த உடன் தேர்தல் ஆணையம், அதனை இணையதளத்தில் பதிவேற்றம் செய்யவும் நீதிமன்றம் உத்தரவிட்டுள்ளது.
News March 18, 2024
ஒரு ரூபாய் கூட நன்கொடை வாங்காத 2 கட்சிகள்
தேர்தல் பத்திரங்கள் மூலம் நாட்டிலேயே அதிக நன்கொடை வாங்கிய கட்சிகளின் பட்டியலில் பாஜக முதலிடத்தில் உள்ளது. இந்த பட்டியலில் திமுக, அதிமுக உள்ளிட்ட கட்சிகளும் உள்ளன. நாட்டிலுள்ள பல கட்சிகள் கோடி கோடியாக நன்கொடையை வாங்கி குவித்துள்ள நிலையில், தேர்தல் பத்திரங்களுக்கு கடும் எதிர்ப்பு தெரிவித்து வரும் இடதுசாரி கட்சிகளான சிபிஎம், சிபிஐ ஆகிய 2 கட்சிகள் ஒரு ரூபாய் கூட நன்கொடை பெறவில்லை.
News March 18, 2024
BREAKING: எஸ்பிஐ மீது உச்சநீதிமன்றம் அதிருப்தி
தேர்தல் பத்திர வழக்கில் எஸ்பிஐ-யின் செயல்பாடு நேர்மையானதாக இல்லை என்று உச்சநீதிமன்றம் கடும் அதிருப்தியை வெளிப்படுத்தியுள்ளது. அனைத்து தரவுகளும் வெளியிட வேண்டும் என்று முதல் உத்தரவிலேயே தெளிவாக உள்ளது. ஆனால் எஸ்பிஐ ஏன் எண்களை வெளியிடவில்லை என நீதிபதிகள் கேள்வி எழுப்பினர். அதற்கு நீதிமன்றத்தின் உத்தரவை நாங்கள் புரிந்து கொண்டதன் அடிப்படையிலேயே தரவுகள் வெளியிடப்பட்டதாக எஸ்பிஐ விளக்கமளித்துள்ளது.
News March 18, 2024
சூர்யாவின் ‘கங்குவா’ டீசர் நாளை வெளியீடு
சிவா இயக்கத்தில் சூர்யா நடிக்கும் ‘கங்குவா’படத்தின் டீசர் நாளை மாலை 4.30 மணிக்கு வெளியாக உள்ளதாக படக்குழு அறிவித்துள்ளது. 3D-இல் உருவாகும் இந்தப் படம் தமிழ், தெலுங்கு, இந்தி உட்பட 10 மொழிகளில் வெளியாக இருக்கிறது. ஒரு பாதி இந்த காலகட்டத்திலும், இன்னொரு பாதி பீரியட் காலகட்டத்திலும் உருவாகியுள்ளது. இதில் 2 கதாபாத்திரங்களில் சூர்யா நடித்துள்ளதாக கூறப்படுவதால், அவரது ரசிகர்கள் ஆவலுடன் உள்ளனர்.
News March 18, 2024
விற்று தீர்ந்த IPL டிக்கெட்டுகள்; ரசிகர்கள் அதிருப்தி
சென்னை- பெங்களூரு அணிகளுக்கு இடையேயான IPL போட்டிக்கான டிக்கெட்டுகள், 10 நிமிடங்களில் விற்றுத் தீர்ந்தது. இன்று காலை 9:30 மணி முதல் Paytm Insider மற்றும் CSK தளத்தில் டிக்கெட்டுகளை பெறலாம் என கூறப்பட்டிருந்தது. ஆனால் ரசிகர்கள் அனைவரும் ஒரே நேரத்தில் வாங்க குவிந்ததால், 2 தளங்களும் முடங்கின. இந்நிலையில், டிக்கெட்டுகள் முழுமையாக விற்கப்பட்டு விட்டதாக காட்டப்பட்டதால் ரசிகர்கள் அதிருப்தி அடைந்துள்ளனர்.
News March 18, 2024
பாஜக கூட்டணிக்கு பெருகும் ஆதரவு
தமிழகத்தில் பாஜக கூட்டணிக்கு பெரும் ஆதரவு உள்ளதாக பிரதமர் மோடி எக்ஸ் தளத்தில் பதிவிட்டுள்ளார். தெலங்கானா, கர்நாடகா, தமிழ்நாடு உள்ளிட்ட தென்மாநிலங்களில் என்டிஏ கூட்டணிக்கு ஆதரவு பெருகுவதாக தெரிவித்துள்ளார். இன்று மாலை அவர் கோவை வர உள்ள நிலையில், இதனை பதிவிட்டுள்ளார். தமிழகத்தில் பாஜக கூட்டணியில் தமாகா, புதிய நீதி கட்சி, IJK, தமமுக உள்ளிட்ட கட்சிகளுடன், ஓபிஎஸ், டிடிவியும் இடம்பெற உள்ளனர்.
News March 18, 2024
BIG BREAKING: ஆளுநர் பதவியை ராஜினாமா செய்தார் தமிழிசை
ஆளுநர் பதவியை தமிழிசை சவுந்தரராஜன் ராஜினாமா செய்யவுள்ளதாக குடியரசுத் தலைவருக்கு கடிதம் அனுப்பியுள்ளார். வரும் நாடாளுமன்ற தேர்தலில் புதுச்சேரி, தென்சென்னை அல்லது நெல்லை ஆகிய தொகுதிகளில் ஒன்றில் தமிழிசை போட்டியிட வாய்ப்புள்ளது என்று கூறப்படும் நிலையில், அவர் தனது ஆளுநர் பதவியை ராஜினாமா செய்துள்ளார்.
News March 18, 2024
பிரதமர் கூட்டத்தில் ஓபிஎஸ் – டிடிவி?
கோவையில் இன்று வாகனப் பேரணியில் ஈடுபடும் பிரதமர் மோடி, தொடர்ந்து சேலத்தில் நாளை நடைபெறும் பாஜக பொதுக்கூட்டத்தில் பங்கேற்கிறார். என்டிஏ கூட்டணியில் இடம்பெற்றுள்ள கட்சித் தலைவர்கள் பங்கேற்கும் இக்கூட்டத்தில், முதல்முறையாக ஓபிஎஸ், டிடிவி பங்கேற்க உள்ளதாக தகவல் வெளியாகியுள்ளது. இருவருடனான கூட்டணி பேச்சுவார்த்தை இறுதிகட்டத்தை எட்டிய நிலையில், அவர்களுக்கு அழைப்பு விடுக்கப்பட்டதாக கூறப்படுகிறது.
News March 18, 2024
இந்தியாவின் முதல் தபால் நிலையம்
இந்தியாவில் பிரிட்டிஷ் காலத்தில் தொடங்கப்பட்ட தபால் நிலையம் ஒன்று தற்போது 250 ஆண்டுகளை நிறைவு செய்துள்ளது. 1774இல் மேற்கு வங்க மாகாண கவர்னர் ஜெனரல் வாரன் ஹேஸ்டிங்கால் தொடங்கி வைக்கப்பட்ட முதல் தபால் நிலையம் இது. தற்போது 250ஆண்டுகள் ஆனதை முன்னிட்டு தபால் நிலைய வளாகத்தில் கண்காட்சி நடத்தப்படுகிறது. இதில் ஆரம்பகாலத்தில் தபால் எப்படி எடுத்துச் செல்லப்பட்டது என்பதை விளக்கும் ஓவியங்கள் இடம்பெற்றுள்ளது.
Featured News
Sorry, no posts matched your criteria.