India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 19, 2024
Breaking: பிரேமலதா விஜயகாந்த் மீது பாய்ந்தது வழக்கு
தேர்தல் நடத்தை விதிமுறைகளை மீறி 300 பெண்களுக்கு இலவச எம்பிராய்டிங் பயிற்சிக்கான டோக்கன் வழங்கியதாக தேர்தல் நடத்தும் அலுவலர் அளித்த புகாரின் பேரில், தேமுதிக பொதுச் செயலாளர் பிரேமலதா விஜயகாந்த் மீது 3 பிரிவுகளின் கீழ் கோயம்பேடு காவல் நிலையத்தில் வழக்குப்பதிவு செய்யப்பட்டுள்ளது. அதேபோல், நடத்தை விதியை மீறியதாக முன்னாள் அமைச்சர் பெஞ்சமின் உள்ளிட்டோர் மீதும் வழக்குப்பதிவு செய்யப்பட்டுள்ளது.
News March 19, 2024
தினம் ஒரு தொகுதி: இன்று கன்னியாகுமரி
தமிழகத்தின் தென்கோடி தொகுதியான குமரி, எப்போதும் தேசிய கட்சிகளின் ஆதிக்கம் மிகுந்ததாக உள்ளது. கன்னியாகுமரி, நாகர்கோவில், குளச்சல், பத்மநாபபுரம், விளவங்கோடு, கிள்ளியூர் ஆகிய 6 சட்டப்பேரவைத் தொகுதிகளை உள்ளடக்கிய இத்தொகுதியில், சாதிரீதியான வாக்குகளைவிட மதரீதியான வாக்குகளே தேர்தல் முடிவுகளைத் தீர்மானிக்கின்றன. இதுவரை இங்கு நடந்த 4 தேர்தல்களில் திமுக 1, காங். (கூட்டணி) 2, பாஜக 1 என வெற்றி பெற்றுள்ளன.
News March 19, 2024
ஓய்வை திரும்பப் பெற்ற கிரிக்கெட் வீரர்
இலங்கை அணியின் சுழற்பந்து வீச்சாளர் ஹசரங்கா தனது ஓய்வை திரும்பப் பெற்றுள்ளார். முன்னதாக அவர் வெள்ளை பந்து கிரிக்கெட்டில் கவனம் செலுத்துவதற்காக டெஸ்ட்டில் இருந்து ஓய்வு பெறுவதாக அறிவித்தார். சமீபத்தில், இலங்கை கிரிக்கெட் வாரியத்தின் பரிந்துரையை ஏற்று தனது முடிவை திரும்பப் பெற்றுள்ளார். இதையடுத்து வரும் 22ஆம் தேதி நடைபெறும் வங்க தேசத்திற்கு எதிரான டெஸ்ட் தொடருக்கான அணியில் இடம் பிடித்துள்ளார்.
News March 19, 2024
ஷ்ரேயாவுக்கு ரஜினி சொன்ன அட்வைஸ்!
பெண் குழந்தையை பெற்றெடுத்தபின் நடிகை ஷ்ரேயா தற்போது மீண்டும் நடிப்பில் கவனம் செலுத்தி வருகிறார். சமீபத்திய நேர்காணலில் ரஜினி குறித்து பேசிய அவர், ‘சிவாஜி படத்தில் நடிக்கும்போது நீங்கள் தற்போது ஹிட் படங்களில் நடித்துள்ளீர்கள். நாளை இந்த நிலைமை மாறலாம். எப்பேதும் ரசிகர்களோடு மரியாதையாக நடந்துகொள்ளுங்கள். அவர்களிடம் அன்புடன் நடந்துகொள்ளுங்கள்’ என ரஜினி அட்வைஸ் செய்ததாக கூறியுள்ளார்.
News March 19, 2024
ஸ்ட்ராபெர்ரி வெள்ளரி சம்மர் பூஸ்ட் ட்ரை பண்ணுங்க!
கோடைகாலம் தொடங்கும் முன்பாகவே வெயிலின் தாக்கம் அதிகமாக உள்ளது. வெயிலில் இருந்து தப்பிக்க இளநீர், மோர் மட்டுமின்றி ஸ்ட்ராபெர்ரி வெள்ளரி சம்மர் பூஸ்ட் ட்ரை பண்ணி பாருங்கள். ஒரு கப் ஸ்ட்ராபெர்ரி, 1 ஆரஞ்சு, 1 கப் வெள்ளரியுடன் தேவையான அளவு தண்ணீர், சர்க்கரை கலந்து அரைத்து, ஜூஸ் தயார் செய்து பருகலாம். இந்த ஜூஸ் உடலுக்கு குளிர்ச்சியைக் கொடுப்பதுடன், உங்களை புத்துணர்ச்சியாக வைத்துக்கொள்ளவும் உதவும்.
News March 19, 2024
பாமகவின் முடிவு தமிழக அரசியலை மாற்றியுள்ளது
ஒரே இரவில் பாமகவின் முடிவு தமிழக அரசியலை மாற்றியுள்ளதாக பாஜக மாநிலத் தலைவர் அண்ணாமலை கூறியுள்ளார். கூட்டணியில் இணைந்த பாமகவுக்கு நன்றி தெரிவித்த அவர், ராமதாஸ் யோசித்த பல விஷயங்களை மோடி செயல்படுத்தி வருவதாகவும், தேசிய ஜனநாயக கூட்டணியின் மூத்த தலைவராக ராமதாஸ் இருக்க உள்ளதாகவும் தெரிவித்தார். மேலும், சேலத்தில் நடக்கும் பிரதமரின் பொதுக்கூட்டத்தில் ராமதாஸ், அன்புணி பங்கேற்க உள்ளதாகவும் அவர் கூறினார்.
News March 19, 2024
பிடிக்கவில்லை என்றால், இதை செய்யுங்கள்
இன்றைய காலத்தில் மக்கள் பல்வேறு பொருட்களை ஆன்லைன் மற்றும் ஆஃப்லைனில் வாங்குகின்றனர். அப்படி வாங்கும் பொருட்களின் சேவையில் அதிருப்தி அடைந்தால், ‘தேசிய நுகர்வோர் உதவி மையத்தில்’ புகார் செய்யலாம். இதற்கு 1800-11-4000, 1915 என்ற ஹெல்ப்லைன் எண்ணில் புகார் அளிக்கலாம். மேலும், 8800001915 என்ற எண்ணில் உங்கள் புகார்களை SMS வாயிலாக அனுப்பலாம். அரசு இணையதளத்திலும் குறைதீர்க்கும் வசதி உள்ளது.
News March 19, 2024
சற்றுமுன்: சக்திவாய்ந்த நிலநடுக்கம்
ஆப்கானிஸ்தானில் இன்று காலை 6.05 மணிக்கு சக்திவாய்ந்த நிலநடுக்கம் ஏற்பட்டுள்ளது. பூமிக்கு அடியில் 130 கிலோமீட்டர் ஆழத்தில் ஏற்பட்ட இந்த நிலநடுக்கம் ரிக்டர் அளவுகோலில் 5.3ஆக பதிவாகியுள்ளது. இதனால், கட்டடங்கள் குலுங்கியதால், பீதியடைந்த மக்கள் வீடுகளை விட்டு வெளியேறி சாலையில் தஞ்சம் அடைந்துள்ளனர். கடந்த ஆண்டு 6.3ஆக பதிவான நிலநடுக்கத்தால் 2000க்கும் மேற்பட்டோர் உயிரிழந்தனர் என்பது குறிப்பிடத்தக்கது.
News March 19, 2024
வாரிசு அரசியலை எதிர்த்த வைகோவின் இன்றைய நிலை?
வாரிசு அரசியலை எதிர்த்து மிகப்பெரிய கலகம் செய்து, பல எம்.எல்.ஏ.க்கள் மற்றும் முக்கிய தலைவர்களுடன் திமுகவில் இருந்து பிரிந்து மதிமுக என்ற கட்சியை தொடங்கியவர் தான் வைகோ. ஆனால், காலச் சுழற்சியில் சிக்கிய அவர், கடந்த தேர்தலில் சொந்த சின்னத்தில் கூட நிற்கமுடியாமல் போனது. வேறுவழியில்லை!, மீண்டும் அவரே வாரிசு அரசியலை கையிலெடுத்து, தற்போது மகனுக்கு திருச்சி தொகுதியை விடப்பிடியாக கேட்டு பெற்றிருக்கிறார்.
News March 19, 2024
ஆர்டரை ரத்து செய்ததற்காக ₹10,000 அபராதம்!
ஃப்ளிப்கார்ட் தளத்தில் நுகர்வோர் ஒருவர் ₹39,000 கொடுத்து ஐபோனை ஆஃபரில் புக் செய்துள்ளார். ஆனால் கூடுதல் லாபத்திற்காக அந்த ஆர்டரை வேண்டுமென்றே ஃப்ளிப்கார்ட் ரத்து செய்து, பணத்தை திருப்பி கொடுத்துள்ளது. ஆனால், ஆர்டரை ரத்து செய்ததற்காக அந்த நபர் நுகர்வோர் நீதிமன்றத்தை அணுகினார். அதில், நுகர்வோர் அடைந்த மன உளைச்சலுக்காக ₹10,000 இழப்பீடு வழங்க ஃப்ளிப்கார்ட் நிறுவனத்திற்கு நீதிமன்றம் உத்தரவிட்டுள்ளது.
Featured News
Sorry, no posts matched your criteria.