India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 31, 2024
Uber ஆட்டோவில் பயணித்தவருக்கு 7.66 கோடி பில்
Uber ஆட்டோவில் பயணம் செய்த ஒரு நபருக்கு ரூ.7.66 கோடி பில் வந்தது அதிர்ச்சியை ஏற்படுத்தியுள்ளது. தீபக் என்ற நபர் ரூ.62க்கு Uber ஆட்டோ புக் செய்துள்ளார். பயண தூரத்தை அடைந்தபின் அவருக்கு ரூ.7,6கோடிக்கு பில் வந்ததால் அதிர்ச்சியடைந்துள்ளார். பயணக் கட்டணம் ரூ. 1,67,74,647, காத்திருப்பு கட்டணம் ரூ. 5,99,09189 என பில்லில் குறிப்பிடப்பட்டுள்ளது. தவறுதலாக இது நடந்ததாக Uber மன்னிப்பு கேட்டுள்ளது.
News March 31, 2024
இந்த 4 ராசியினர் காட்டில் பணமழை
நவகிரகங்களின் மங்கள நாயகனான குரு பகவான் கோடி, கோடியாய் அள்ளிக் கொடுப்பார். இதுவரை மேஷ ராசியில் பயணம் செய்த குரு பகவான் மே மாதத்தில் இருந்து ரிஷப ராசிக்கு இடம்பெயர்வதால், மேஷம், கடகம், மகரம், மீன ராசியினருக்கு அதிர்ஷ்டம் கதவைத் தட்டப் போகிறது. வீடு, நகை, வாகனம் வாங்கும் யோகம், தொழிலை விரிவுப்படுத்தும் வாய்ப்பு, திருமண வரன் தேடி வருவது போன்ற பல்வேறு சுப பலன்களை மேற்கண்ட ராசியினர் அனுபவிக்க உள்ளனர்.
News March 31, 2024
CUET-UG விண்ணப்ப காலக்கெடு நீட்டிப்பு
நாடு முழுவதும் உள்ள மத்திய பல்கலை., மற்றும் பிற கல்வி நிறுவனங்களில் இளநிலை பட்டப் படிப்பிற்கான CUET-UG 2024 தேர்வுக்கு விண்ணப்பிக்கும் அவகாசத்தை நீட்டிப்பதாக NTA அறிவித்துள்ளது. இதற்கான காலக்கெடு இன்றுடன் முடிவடைய இருந்த நிலையில், ஏப்ரல் 5ஆம் தேதி இரவு 9.50 மணி வரை விண்ணப்பிக்கலாம் என அறிவிக்கப்பட்டுள்ளது. CUET-UG 2024 தேர்வு மே 15 முதல் 31 வரை தமிழ் உட்பட 13 மொழிகளில் நடத்தப்படும்.
News March 31, 2024
இன்ஸ்டாவில் புதிய சாதனை படைத்த சிஎஸ்கே!
சமூக வலைத்தளமான இன்ஸ்டாகிராமில் 1.50 கோடி பாலோயர்களை கொண்ட முதல் ஐபிஎல் அணி என்ற சாதனையை சென்னை சூப்பர் கிங்ஸ் அணி படைத்துள்ளது. சென்னை அணியை தொடர்ந்து 1.35 கோடி பாலோயர்களுடன் பெங்களூரு அணி 2ஆவது இடத்தையும், 1.32 கோடி பாலோயர்களுடன் மும்பை இந்தியன் அணி 3ஆவது இடத்தையும் பிடித்துள்ளன. இன்ஸ்டாவை போன்று, டிவிட்டரிலும் 1.04 கோடி பாலோயர்களுடன் சி.எஸ்.கே முதலிடத்தில் இருப்பது குறிப்பிடத்தக்கது.
News March 31, 2024
மோசடி கடன் செயலிகளுக்கு ஆப்பு வைக்கும் ரிசர்வ் வங்கி!
மோசடி டிஜிட்டல் கடன் செயலிகளை அடையாளம் கண்டு நீக்க ரிசர்வ் வங்கி, டிஜிட்டல் இந்தியா டிரஸ்ட் ஏஜென்சி (DIGITA)என்ற புதிய அமைப்பை உருவாக்க உள்ளது. இந்த அமைப்பு, கடன் செயலிகளை சரிபார்த்து, ஆய்வு செய்து சான்றிதழ் அளிக்கும். DIGITA சான்றிதழ் பெறாத கடன் செயலிகள் ஆபத்தானவை என அறிந்துகொள்ளலாம். மேலும், ரிசர்வ் வங்கி 442 தனித்துவமான டிஜிட்டல் கடன் செயலிகளை கூகுளின் வெள்ளைப்பட்டியலில் வெளியிட்டுள்ளது.
News March 31, 2024
தடுமாறும் சென்னை அணி
ஐபிஎல் தொடரில் டெல்லி அணிக்கு எதிரான போட்டியில் சென்னை அணி தடுமாறி வருகிறது. விசாகப்பட்டினத்தில் நடைபெறும் 13ஆவது லீக் போட்டியில் முதலில் பேட்டிங் செய்த DC அணி 5 விக்கெட் இழப்புக்கு 191 ரன்கள் எடுத்தது. இதையடுத்து 192 ரன்கள் இலக்குடன் களமிறங்கிய சென்னை அணி தொடக்க வீரர்கள் ருதுராஜ் 1 (2), ரச்சின் 2 (12) ரன்களில் அவுட்டாகினர். CSK அணி தற்போது வரை 5 ஓவர்களில் 23/2 ரன்கள் எடுத்துள்ளது.
News March 31, 2024
சிலிண்டர் விலை.. முக்கியத் தகவல்
வர்த்தகம், வீட்டு உபயோக சிலிண்டர் விலை மாதந்தோறும் 1ஆம் தேதி மாற்றி அமைக்கப்படும். தற்போது தேர்தல் நடத்தை விதிகள் அமலில் இருப்பதால் ஜூன் 1ஆம் தேதி வரை விலை மாற்றம் இருக்காது எனத் தகவல்கள் தெரிவிக்கின்றன. மேலும், ஜூன் 4-ல் தேர்தல் முடிவுகள் வெளியான பிறகு அமையும் புதிய அரசைப் பொறுத்து சிலிண்டர் விலை மாறலாம் எனக் கூறப்படுகிறது. தற்போது வீ.உ.சிலிண்டர்-₹918, வர்த்தக சிலிண்டர் ₹1960க்கு விற்பனையாகிறது.
News March 31, 2024
அயோத்தி ராமருக்கு இனிமேல் பருத்தி உடை
கோடைக்காலம் முடியும் வரை அயோத்தி ராமருக்கு பருத்தி உடை மட்டுமே அணிவிக்கப்படும் என கோயில் நிர்வாகம் தெரிவித்துள்ளது. உ.பி., மாநிலம் அயோத்தியில் புதிதாக கட்டப்பட்ட ராமர் கோயில் சமீபத்தில் திறக்கப்பட்டது. இந்நிலையில், கோயில் அறக்கட்டளை வெளியிட்டுள்ள அறிவிப்பில், கோடைக்காலம் மற்றும் வெயிலின் தாக்கம் அதிகரித்துள்ளதால் இன்று முதல் ராமருக்கு பருத்தி உடைகள் மட்டுமே அணிவிக்கப்படும் எனக் கூறப்பட்டுள்ளது.
News March 31, 2024
நல்ல திட்டங்களை குறைசொல்லும் அதிமுக, பாஜக!
திமுக கொண்டு வந்ததால் நல்ல திட்டங்களை கூட அதிமுகவும், பாஜகவும் குறை சொல்வதாக ஸ்டாலின் தெரிவித்துள்ளார். ஈரோட்டில் திமுக கூட்டணி வேட்பாளர்களை ஆதரித்து பிரசாரம் செய்த அவர், ‘வேண்டுமென்றே அவதூறு கூறுகின்றனர். வெள்ள நிவாரணத் தொகையை கூட பிச்சை என்று சொல்லி பாஜக இழிவுப்படுத்தியது. சட்டம் ஒழுங்கை சீர்குலைத்து இருண்ட ஆட்சியை கொடுத்தது அதிமுக தான். மக்களுக்கான அரசாக திமுக செயல்பட்டு வருகிறது’ என்றார்.
News March 31, 2024
நள்ளிரவு முதல் சுங்கச் சாவடி கட்டணம் உயர்கிறது
தமிழகத்தில் உள்ள 29 சுங்கச் சாவடிகளில் நள்ளிரவு முதல் (ஏப்.1) புதிய கட்டணம் அமலுக்கு வருகிறது. தேசிய நெடுஞ்சாலை ஆணையத்தால் நிர்வகிக்கப்படும் சுங்கச் சாவடிகளில் அவ்வப்போது சுங்கக் கட்டணம் உயர்த்தப்பட்டு வருகிறது. இந்த நிலையில், சில முக்கிய சுங்கச் சாவடிகளில் நாளை முதல் ₹5-₹20 வரை கட்டண உயர உள்ளது. இதனால் அத்தியாவசியப் பொருட்களின் விலை கணிசமாக உயரும் என பொதுமக்கள் அச்சம் தெரிவித்துள்ளனர்.
Featured News
Sorry, no posts matched your criteria.