India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 16, 2024
இதை செய்தால் வீட்டிலிருந்து வாக்களிக்கலாம்
Form 12 D விண்ணப்பத்தை நிரப்பியளித்தால், வீட்டில் இருந்து 85 வயதுக்கும் மேற்பட்ட முதியோர் வாக்களிக்கலாம் என அறிவிக்கப்பட்டுள்ளது. நாட்டில் 85 வயதுக்கும் மேற்பட்ட முதியோர் 81,87,999 பேரும், 100 வயதுக்கும் மேற்பட்ட முதியோர் 2,18,442 பேரும் உள்ளனர். அவர்கள், தேர்தல் அறிவிப்பு வெளியான 5 நாள்களுக்குள் விண்ணப்பத்தை அளித்தால், வீட்டில் இருந்து வாக்களிக்கலாம் என தேர்தல் ஆணையம் அறிவித்துள்ளது.
News March 16, 2024
ஜனநாயகத்தின் மிகப்பெரிய திருவிழா தொடங்கிவிட்டது
ஜனநாயகத்தின் மிகப்பெரிய திருவிழா தொடங்கிவிட்டதாக பிரதமர் மோடி தெரிவித்துள்ளார். மக்களவைத் தேர்தல் தேதி அறிவிப்பை அடுத்து X-ல் பதிவிட்டுள்ள அவர், NDA கூட்டணி தேர்தலுக்கு முழுமையாக தயாராகிவிட்டது எனக் கூறியுள்ளார். கடந்த 10 ஆண்டுகளில் பாஜகவின் நல்ல நிர்வாகம், நிறைவேற்றிய திட்டங்கள் ஆகியவற்றை மக்களிடம் எடுத்துக் கூறி 400 தொகுதிகளுக்கு மேல் வெற்றி பெறுவோம் எனவும் அவர் நம்பிக்கை தெரிவித்துள்ளார்.
News March 16, 2024
வதந்திகள் சவாலாக உள்ளன
தற்போதைய டிஜிட்டல் யுகத்தில் வதந்திகளை கட்டுப்படுத்துவது சவாலாக இருப்பதாக தேர்தல் ஆணையர் ராஜீவ் குமார் தெரிவித்துள்ளார். அடுத்த கட்சிகள் தொடர்பாகவோ, வேட்பாளர்கள் தொடர்பாகவோ விமர்சனம் செய்யலாம், ஆனால் பொய் செய்திகளை பரப்பக் கூடாது என்று வேட்பாளர்களுக்கு அறிவுரை வழங்கப்பட்டுள்ளது. பொய் செய்திகள் குறித்து அவ்வப்போது விளக்கமும் அளிக்கப்படவுள்ளது.
News March 16, 2024
நடிகை கிருத்தி கர்பந்தாவுக்கு திருமணம் முடிந்தது
பிரபல நடிகை கிருத்தி கர்பந்தாவுக்கு அவரது நீண்ட நாள் காதலர் புல்கிட் சாம்ராட் உடன் இன்று திருமணம் முடிந்தது. இவர்களது திருமணம் ஹரியானா மாநிலம் மானேசரில் பிரமாண்டமாக நடைபெற்றுள்ளது. பஞ்சாபி முறையில் நடைபெற்ற இந்த திருமணத்தில் குடும்பத்தினர் மற்றும் நண்பர்கள் கலந்துகொண்டனர். தெலுங்கில் பல படங்களில் நடித்துள்ள கிருத்தி தமிழில் ஜி.வி.பிரகாஷ் நடிப்பில் வெளியான ‘புரூஸ் லீ’ படத்தில் நடித்திருந்தார்.
News March 16, 2024
தமிழ்நாட்டில் அவசர கதியில் தேர்தலா?
தமிழ்நாட்டில் அவசர கதியில் தேர்தல் நடத்தப்படவில்லை என்று சத்ய பிரதா சாகு தெரிவித்துள்ளார். மக்களவை தேர்தல் தமிழ்நாட்டில் ஏப்.19ல் நடத்தப்படவுள்ளது. இதற்கான மனு தாக்கல் தொடங்க 4 நாள்களே உள்ளன. இதனால் அவசர கதியில் தேர்தல் நடத்தபடுகிறதா எனக் கேட்கப்பட்டது. இதற்கு, “நாடு முழுவதும் உள்ள சூழ்நிலைகளை கருத்தில் வைத்தே தேர்தல் அறிவிக்கப்பட்டுள்ளது. அவசர கதியில் நடத்தப்படவில்லை” என பதிலளித்தார்.
News March 16, 2024
அமலாக்கத்துறை 7 நாள்கள் விசாரிக்க அனுமதி
தெலங்கானா முன்னாள் முதல்வர் கேசிஆரின் மகள் கவிதாவை, மார்ச் 23 வரை விசாரிக்க அமலாக்கத்துறைக்கு டெல்லி ரோஸ் அவென்யூ நீதிமன்றம் அனுமதி அளித்துள்ளது. டெல்லி மதுபானக் கொள்கை ஊழல் வழக்கு தொடர்பாக நேற்று மாலை ED அதிகாரிகளால் அவர் கைது செய்யப்பட்டார். முன்னதாக உயர் ரத்த அழுத்தம் இருப்பதால் தனது உடல்நிலையை பரிசீலிக்க வேண்டும் என கவிதா தரப்பினர் வைத்த கோரிக்கையை ஏற்க நீதிமன்றம் மறுத்துவிட்டது.
News March 16, 2024
தேர்தலில் வாக்களிக்க தேவையான ஆவணங்கள்
தேர்தல்களில் வாக்களிக்க தேவைப்படும் ஆவணங்களின் பட்டியலை தேர்தல் ஆணையம் வெளியிட்டுள்ளது. அதில், ஆதார், வங்கி/தபால் நிலைய பாஸ்புக், டிரைவிங் லைசென்ஸ், பான்கார்டு, இந்திய பாஸ்போர்ட், புகைப்படத்துடன் கூடிய ஓய்வூதிய ஆவணம், மத்திய, மாநில அரசு ஊழியர்களின் அடையாள அட்டை, எம்பி/எம்எல்ஏ/எம்எல்சிக்களின் அடையாள அட்டை உள்ளிட்டவைகளை கொண்டு வாக்களிக்கலாம் எனக் கூறப்பட்டுள்ளது.
News March 16, 2024
தமிழகத்தில் பொது விடுமுறை
ஒவ்வொரு தேர்தலிலும் வாக்குப்பதிவு நடைபெறும் நாளன்று பொது விடுமுறை அளிக்கப்படும். தமிழகத்தில் ஏப்ரல் 19 (வெள்ளிக்கிழமை) வாக்குப்பதிவு நடைபெற இருப்பதால் அன்றைய தினம் பொது விடுமுறையாக அறிவிக்கப்படவுள்ளது. இதற்கான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. விடுமுறையை கணக்கிட்டு முன்னேற்பாடுகளை செய்து கொள்ளுங்கள்.
News March 16, 2024
வேட்புமனு தாக்கல் தொடங்க 4 நாள்களே உள்ளன
மக்களவைத் தேர்தலுக்கு தமிழ்நாட்டில் வேட்பு மனு தாக்கல் தொடங்க இன்னும் 4 நாள்களே உள்ளன. முதல்கட்ட தேர்தல் நடைபெறும் மாநிலங்களில் தமிழ்நாடும் ஒன்று. அதன்படி வருகிற 20ஆம் தேதி வேட்பு மனு தாக்கல் தொடங்குகிறது. மனு தாக்கலுக்கு 27ஆம் தேதி கடைசி நாள். மனு மீது 28ஆம் தேதி பரிசீலனை நடைபெறுகிறது. மனுவை திரும்ப பெற 30ஆம் தேதி கடைசி நாள். ஏப்ரல் 19ல் தேர்தலும், ஜூன் 4ல் வாக்கு எண்ணிக்கையும் நடைபெறுகிறது.
News March 16, 2024
தேர்தல் நடைபெறும் மொத்த காலம்
நாடாளுமன்றத் தேர்தலுக்கான முதல்கட்ட வேட்புமனுத் தாக்கல் மார்ச் 20ஆம் தேதி தொடங்குகிறது. அதாவது, அன்றுமுதல் தேர்தல் பணிகள் அதிகாரப்பூர்வமாக தொடங்குகின்றன. அன்று தொங்கி ஜூன் 4ஆம் தேதி வாக்கு எண்ணும் நாள் வரை தேர்தல் நடைபெறவுள்ளது. அதாவது, 85 நாட்கள். உலகின் மிகப்பெரிய ஜனநாயகத் திருவிழாவான இந்த 85 நாட்களும் செய்திகளை உடனுக்குடன் தெரிந்துகொள்ள Way2Newsஉடன் இணைந்திருங்கள்.
Featured News
Sorry, no posts matched your criteria.