India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 22, 2024
நாமக்கல் தொகுதி வேட்பாளர் மாற்றம்
நாமக்கல் தொகுதிக்கு கொமதேக சார்பில் வேட்பாளராக சூரியமூர்த்தி அறிவிக்கப்பட்டு இருந்த நிலையில், அவருக்கு பதிலாக மாதேஷ்வரன் என்பவர் வேட்பாளராக மாற்றப்பட்டுள்ளார். திமுக கூட்டணியில் இடம்பெற்ற கொமதேகவுக்கு நாமக்கல் தொகுதி ஒதுக்கப்பட்டது. வேட்பாளராக சூரியமூர்த்தி அறிவிக்கப்பட்ட நிலையில், சாதிய வன்முறையை தூண்டும் வகையில் சூரியமூர்த்தி பேசும் பழைய வீடியோக்கள் சமூக வலைதளங்களில் பரவி சர்ச்சையை கிளப்பியது.
News March 22, 2024
இன்றைய தலைப்புச் செய்திகள்
➤அமலாக்கத்துறை கைதை எதிர்த்து உச்ச நீதிமன்றத்தில் கெஜ்ரிவால் தாக்கல் செய்த மனு மீது இன்று விசாரணை ➤ இன்று வெளியாகிறது தமிழக காங்கிரஸ் வேட்பாளர் பட்டியல் ➤திருச்சியில் இன்று தேர்தல் பிரச்சாரத்தை தொடங்குகிறார் முதல்வர் ஸ்டாலின். ➤ ஐ.பி.எல் 17ஆவது சீசன் சென்னையில் இன்று கோலாகலமாக தொடங்குகிறது.
News March 22, 2024
உச்சநீதிமன்றத்தில் கெஜ்ரிவால் மனு மீது இன்று விசாரணை
அமலாக்கத்துறையால் சட்டவிரோதமாக கைது செய்யப்பட்டதை எதிர்த்து கெஜ்ரிவால் தாக்கல் செய்த மனு உச்ச நீதிமன்றத்தில் இன்று விசாரணைக்கு வருகிறது. மதுபானக் கொள்கை முறைகேடு வழக்கில் டெல்லி முதல்வர் கெஜ்ரிவால் நேற்று அமலாக்கத்துறையால் கைது செய்யப்பட்டார். இதனையடுத்து, நேற்றிரவே கெஜ்ரிவால் தரப்பில் உச்ச நீதிமன்றத்தில் அவசர மனுவாக விசாரிக்குமாறு கோரிக்கை விடுக்கப்பட்டது. ஆனால் உச்ச நீதிமன்றம் அதனை ஏற்கவில்லை.
News March 22, 2024
திருச்சியில் பிரச்சாரத்தை தொடங்குகிறார் ஸ்டாலின்
மக்களவைத் தேர்தலில் போட்டியிடும் திமுக மற்றும் அதன் கூட்டணி கட்சி வேட்பாளர்களை ஆதரித்து திமுக தலைவர் ஸ்டாலின் இன்று தேர்தல் பிரச்சாரத்தை தொடங்குகிறார். திருச்சி சிறுகனூரில் இன்று மாலை 5 மணிக்கு நடைபெறும் பொதுக்கூட்டத்தில் திருச்சி, பெரம்பலூர் வேட்பாளர்களுக்கு வாக்கு சேகரிக்கிறார். பிரமாண்ட தேர்தல் பிரச்சார பொதுக்கூட்டத்தில் வைகோ உள்ளிட்ட கூட்டணி கட்சித் தலைவர்களும் பங்கேற்க உள்ளனர்.
News March 22, 2024
இன்றைய நல்ல நேரம்!
▶மார்ச் 22 ▶பங்குனி – 9 ▶கிழமை: வெள்ளி ▶ திதி: திரயோதசி ▶நல்ல நேரம்: காலை 09.30 – 10.30, மாலை 02.00 – 03.00 ▶கெளரி நேரம்: காலை 12.30 – 01.30, மாலை 06.30 – 07.30 ▶ராகு காலம்: காலை 10.30 – 12.00 ▶எமகண்டம்: மாலை 03.00 – 04.30 ▶குளிகை: காலை 07.30 – 09.00 ▶சூலம்: மேற்கு ▶பரிகாரம்: வெல்லம்.
News March 22, 2024
ஐ.பி.எல் கிரிக்கெட் திருவிழா இன்று தொடக்கம்
கிரிக்கெட் ரசிகர்கள் ஆவலுடன் காத்திருந்த ஐ.பி.எல் தொடரின் 17ஆவது சீசன் இன்று தொடங்குகிறது. சென்னை சேப்பாக்கம் மைதானத்தில் இன்றிரவு 8 மணிக்கு தொடங்கும் முதல் போட்டியில், நடப்பு சாம்பியனான சென்னை சூப்பர் கிங்ஸ் அணி, பெங்களூரு அணியை எதிர்கொள்கிறது. முன்னதாக, மாலை 6.30 மணிக்கு கண்கவர் கலைநிகழ்ச்சிகளுடன் நடைபெறும் தொடக்க விழாவில், ஏ.ஆர்.ரஹ்மான், அக்ஷய்குமார் உள்ளிட்டோர் பங்கேற்க உள்ளனர்.
News March 22, 2024
குமாரசாமிக்கு மீண்டும் இதய அறுவை சிகிச்சை
சென்னையில் கர்நாடகா முன்னாள் முதல்வர் குமாரசாமிக்கு, இதய அறுவை சிகிச்சை வெற்றிகரமாக நடந்தது. இதுகுறித்து அவரது மகன் நிகில் தனது X பக்கத்தில், என் தந்தைக்கு சென்னை அப்போலோ மருத்துவமனையில் வெற்றிகரமாக இதய அறுவை சிசிச்சை நடைபெற்றது. அனைவரது பிரார்த்தனையால் அவர் நலமாக உள்ளார். அனைவருக்கும் எங்கள் குடும்பத்தின் சார்பில் நன்றி என பதிவிட்டார். குமாரசாமிக்கு ஏற்கெனவே 2 முறை அறுவை சிகிச்சை நடைபெற்றுள்ளது.
News March 22, 2024
தமிழகத்தில் இதுவரை 208 வழக்குகள் பதிவு
தமிழகத்தில் தேர்தல் நடத்தை விதிகளை மீறியதாக இதுவரை 208 வழக்குகள் பதியப்பட்டுள்ளதாக தமிழக தலைமைத் தேர்தல் அதிகாரி சத்யபிரதா சாகு தெரிவித்துள்ளார். சென்னையில் செய்தியாளர்களிடம் பேசிய அவர், ‘சென்னையில் உரிமம் பெறப்பட்ட 21,229 துப்பாக்கிகளில் இதுவரை 15,113 துப்பாக்கிகள் காவல்துறையிடம் ஒப்படைக்கப்பட்டுள்ளது. மேலும் 962 நபர்களுக்கு ஜாமினில் வர முடியாத பிடிவாரண்ட் பிறப்பிக்கப்பட்டுள்ளது’ என்றார்.
News March 22, 2024
தோனி எதை செய்தாலும் அதில் அணியின் நலன் இருக்கும்
சென்னை சூப்பர் கிங்ஸ் அணியின் கேப்டன் பொறுப்பில் இருந்து தோனி விலகுவது குறித்து போட்டோஷூட்டுக்கு முன்னரே தனக்கு தெரியவந்ததாக சிஎஸ்கே அணியின் சி.இ.ஓ காசி விஸ்வநாதன் தெரிவித்துள்ளார். ஐபிஎல் தொடரின் 17ஆவது சீசன் இன்று தொடங்குகிறது. இந்நிலையில், தோனி விலகியது குறித்து அவர், ‘தோனி எதை செய்தாலும், அணியின் நலனை மனதில் வைத்து தான் இருக்கும். அவருடைய முடிவுக்கு நாம் மரியாதை அளிக்க வேண்டும்’ என்றார்.
News March 22, 2024
ஆப்பிள் நிறுவனம் மீது வழக்கு தொடர்ந்த அமெரிக்கா!
அமெரிக்க ஸ்மார்ட்ஃபோன் சந்தையில் ஏகபோகத்துடன், போட்டியைச் சீர்குலைப்பதாக ஆப்பிள் நிறுவனத்துக்கு எதிராக நீதிமன்றத்தில் அமெரிக்க அரசின் சார்பில் வழக்கு தொடரப்பட்டுள்ளது. மேலும், இதில் வாடிக்கையாளர்கள் மற்றும் டெவலப்பர்கள் உள்நுழைய கட்டுப்பாட்டை ஆப்பிள் நிறுவனம் தவறாகப் பயன்படுத்துவதாகவும் குற்றம்சாட்டப்பட்டது. ஆனால் அரசின் குற்றச்சாட்டுகளுக்கு ஆப்பிள் நிறுவனம் மறுப்பு தெரிவித்துள்ளது.
Featured News
Sorry, no posts matched your criteria.