India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 23, 2024
அடிமேல் அடி வாங்கப் போகும் ராசியினர்
நவ கிரகங்களின் தலைவனான சூரிய பகவான் தற்போது புதன் மற்றும் ராகுவோடு கூட்டணி சேர்ந்துள்ளார். இதனால் கடகம், துலாம், தனுசு, மீன ராசியினருக்கு அடி மேல் அடி விழப்போகிறது. வேலை பார்க்கும் இடத்தில் பிரச்னை, பொருளாதார நெருக்கடி, கடன் கொடுத்தவர்கள் வீடு தேடி வருவது, எதிர்பார்த்த இடத்தில் பணம் கிடைக்காமல் போவது போன்ற பல்வேறு சங்கடமான நிகழ்வுகளை மேற்கண்ட ராசியினர் சந்திக்க உள்ளனர்.
News March 23, 2024
தோனியின் போனிடெய்ல் லுக்
இந்திய கிரிக்கெட் அணியின் முன்னாள் கேப்டனும், சிஎஸ்கே அணியின் நட்சத்திர வீரருமான எம்.எஸ்.தோனி அவ்வப்போது புதுப்புது ஹேர் ஸ்டைலில் தோன்றுவார். அந்த வகையில், அவர் தற்போது போனிடெய்ல் லுக்கில் அவதாரம் எடுத்துள்ளது ரசிகர்களை வெகுவாக கவர்ந்துள்ளது. சென்னை அணியின் பயிற்சி முகாமில் கலந்துகொண்ட அவர், போனிடெய்ல் லுக்கில் வலம்வந்தார். அது தொடர்பான புகைப்படம் சமூக வலைதளங்களில் தற்போது வைரலாகி வருகிறது.
News March 23, 2024
இயற்கை பேரிடரின்போது ₹500 வழங்குவோம்
இயற்கை சீற்றத்தால் பாதிக்கப்படும்போது, மீனவர்களுக்கு நாள்தோறும் ₹500 வழங்குவோம் என முதல்வர் ஸ்டாலின் தெரிவித்துள்ளார். தஞ்சை, நாகை வேட்பாளர்கள் அறிமுகக் கூட்டத்தில் பேசிய அவர், திமுக ஆட்சிப் பொறுப்பேற்றதில் இருந்து ஒவ்வொரு குடும்பத்திற்கும் விடியல் பாய்ச்சப்பட்டுள்ளது எனக் கூறினார். மேலும், பெண்கள், மாணவர்கள், இளைஞர்கள் என அனைவரது நலனுக்காகவும் தமிழக அரசு போராடுவதாகவும் அவர் கூறினார்.
News March 23, 2024
சேஷு சிகிச்சைக்கு பண உதவி தேவை
தமிழ் சினிமாவில் நகைச்சுவை நடிகராக வலம்வந்த சேஷு தற்போது ICU-வில் சிகிச்சை பெற்று வருவதாக நடிகர் S.VE.சேகர் வேதனையுடன் தெரிவித்துள்ளார். இது தொடர்பாக தனது X பக்கத்தில் பதிவிட்டுள்ள அவர், ICU-வில் உள்ள சேஷுக்கு மருத்துவ உதவிக்கு பணம் தேவைப்படுவதாக கூறியுள்ளார். மேலும், சேஷுவின் மகன் பெயருக்கு பணம் அனுப்பி உதவுமாறு கோரிக்கை விடுத்துள்ள அவர், வங்கி கணக்கு எண் தொடர்பான தகவல்களையும் வெளியிட்டுள்ளார்.
News March 23, 2024
மஜதவுக்கு 3 தொகுதிகளை ஒதுக்கிய பாஜக
பாஜக கூட்டணியில் மதச்சார்பற்ற ஜனதா தள கட்சிக்கு 3 தொகுதிகள் ஒதுக்கப்பட்டுள்ளதாக அக்கட்சியின் எம்.பி பிரஜ்வால் ரேவண்ணா தெரிவித்துள்ளார். பாஜக கூட்டணியில் சமீபத்தில் இணைந்த மஜத கட்சி 4 தொகுதிகள் கேட்ட நிலையில், 3 தொகுதிகளை பாஜக ஒதுக்கியுள்ளது. ஹாசன் தொகுதியில் ரேவண்ணா மீண்டும் போட்டியிடுகிறார். அதே போல், அக்கட்சியின் தலைவர் குமாரசாமி, மாண்டியா தொகுதியில் போட்டியிட உள்ளதாகத் தெரிவிக்கப்பட்டுள்ளது
News March 23, 2024
கனவால் தூக்கம் தொலைகிறதா?
சில கனவுகள் நம்மை புன்னகையோடு எழ வைத்தாலும், சில கனவுகள் திகிலூட்டி அழ வைக்கும். இதற்கு, தூங்கச் செல்லும் முன் நமது ஆழ்மனத்தில் தோன்றும் எண்ணங்களும், தீவிரமாக ஆலோசிக்கும் எதிர்மறை விஷயங்களும் காரணமாக கூறப்படுகின்றது. குறிப்பாக கனவில் அடிக்கடி பாம்பு, பேய் வருவது, சண்டையிடுவது போன்றவை நமது தூக்கத்தை கலைத்தாலும் அதனால் எந்தவித பாதிப்பும் ஏற்படாது என அறிவியல் அறிஞர்கள் கருத்து தெரிவித்துள்ளனர்.
News March 23, 2024
மக்கள் சின்னத்தை விட என்னைத்தான் தேடுவார்கள்
நாம் தமிழர் கட்சி தேர்தலில் போட்டியிடவே கூடாது என சிலர் விரும்புவதாக சீமான் தெரிவித்துள்ளார். வேட்பாளர் அறிமுக கூட்டத்தில் பேசிய அவர், ” மிகுந்த போராட்டத்துக்கு பிறகு எனக்கு மைக் சின்னத்தை கொடுத்துள்ளார்கள். ஏதாவது ஒன்றை தாருங்கள் என கேட்டும் அவர்கள் எங்களுக்கு சின்னம் தர விரும்பவில்லை. மக்கள் சின்னத்தை தேட மாட்டார்கள், என்னைத்தான் தேடுவார்கள், தேர்தல் முடிவில் இது புரியும்” என்றார்.
News March 23, 2024
பாஜக தேர்தல் பொறுப்பாளர் அமர்பிரசாத் ரெட்டி
தமிழக பாஜக தேர்தல் பொறுப்பாளராக அமர் பிரசாத் ரெட்டி நியமனம் செய்யப்பட்டுள்ளார். நாடு முழுவதும் மக்களவைத் தேர்தல் 7 கட்டங்களாக நடைபெற உள்ள நிலையில், முதல்கட்டமாக ஏப்.19ஆம் தேதி தமிழகத்தில் நடைபெறுகிறது. இதில், தமிழக பாஜக 19 தொகுதிகளில் போட்டியிடுகிறது. இந்த நிலையில், பாஜக மாநிலத் தலைவர் அண்ணாமலை தன்னை தேர்தல் பொறுப்பாளராக நியமித்துள்ளதாக அமர்பிரசாத் ரெட்டி தனது X பக்கத்தில் பதிவிட்டுள்ளார்.
News March 23, 2024
ஹைதராபாத் அணிக்கு 209 ரன்கள் இலக்கு
ஹைதராபாத் அணிக்கு எதிரான ஆட்டத்தில் கொல்கத்தா அணி 20 ஓவர்கள் முடிவில் 208/7 ரன்கள் குவித்துள்ளது. தொடக்க ஆட்டக்காரர் பிலிப் சால்ட் 54 ரன்கள் அடித்தார். அதன்பின் வந்தவர்கள் சொற்ப ரன்னில் ஆட்டமிழந்தனர். இருப்பினும் கடைசியில் களமிறங்கி அதிரடியாக ஆடிய ரமன்தீப் 35, ரிங்கு சிங் 23, ரசல் 64* ரன்கள் விளாசினர். SRH தரப்பில் நடராஜன் 3, மயங்க் மார்கண்டே 2 விக்கெட்டுகளை வீழ்த்தினர்.
News March 23, 2024
நாளை டிடிவி தினகரன் முக்கிய அறிவிப்பு
மக்களவைத் தேர்தலில் போட்டியிட உள்ள அமமுக வேட்பாளர்களை அக்கட்சியின் பொதுச்செயலாளர் டிடிவி தினகரன் நாளை அறிவிக்க உள்ளார். பாஜக கூட்டணியில், அமமுகவுக்கு திருச்சி மற்றும் தேனி தொகுதிகள் ஒதுக்கப்பட்டன. இந்த தொகுதிகளில் போட்டியிடும் வேட்பாளர்களின் பெயர்களை நாளை தேனியில் நடைபெறும் கூட்டத்தில் தினகரன் அறிவிக்க உள்ளார். முன்னதாக தேனி தொகுதியில் டிடிவி தினகரன் போட்டியிடுவார் என ஓபிஎஸ் தெரிவித்திருந்தார்.
Featured News
Sorry, no posts matched your criteria.