India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 24, 2024
ஞாயிற்றுக்கிழமை ஆண்கள் எண்ணெய் நீராடலாமா?
எண்ணெய் நீராடலால் உடலில் உள்ள வெப்பம் நீங்கி, நன்மை ஏற்படும். இதனால் ஆண்களும், பெண்களும் வாரத்துக்கு 2 முறை எண்ணெய் நீராட வேண்டும் என பெரியோர்கள் கூறுவார்கள். அதேபோல், ஆண்கள் புதன்கிழமை மற்றும் சனிக்கிழமையும், பெண்கள் செவ்வாய், வெள்ளியும் எண்ணெய் நீராட வேண்டும், மற்ற நாள்களில் எண்ணெய் நீராடுவது குடும்பத்துக்கும், உடலுக்கும் நல்லதல்ல என்றும் பெரியோர்கள் கூறுவார்கள்.
News March 24, 2024
BREAKING: மிகப்பெரிய நிலநடுக்கம்
பப்புவா நியூ கினியாவில் அதிகாலையில் சக்திவாய்ந்த நிலநடுக்கம் ஏற்பட்டுள்ளது. பூமிக்கு அடியில் 95 கிலோமீட்டர் ஆழத்தில் ஏற்பட்ட இந்த நிலநடுக்கம் ரிக்டர் அளவுகோலில் 6.8ஆக பதிவாகியுள்ளது. நிலநடுக்கம் ஏற்பட்டதை அடுத்து, தூங்கிக் கொண்டிருந்த மக்கள் வீட்டில் இருந்து வெளியேறி சாலையில் தஞ்சமடைந்துள்ளனர். சேதம் குறித்து உடனடியாக எந்த தகவலும் வெளியாகவில்லை. சுனாமி எச்சரிக்கையும் விடப்படவில்லை.
News March 24, 2024
சட்டமன்ற தேர்தலிலும் பாஜகவுடன் கூட்டணி தொடரும்
மாபெரும் வாக்கு வித்தியாசத்தில் தேனியில் தான் வெற்றி பெற உள்ளதாக டிடிவி தினகரன் நம்பிக்கை தெரிவித்துள்ளார். தனது முன்னாள் நண்பர் தங்க தமிழ்செல்வனே திமுக சார்பில் தேனியில் போட்டியிடுவதாக கூறிய அவர், யார் வெற்றி பெற வேண்டுமென மக்கள் முடிவு செய்வார்கள் என்று தெரிவித்தார். மேலும், மீண்டும் பிரதமராக மோடியே வரப்போகிறார் என்றும், 2026 சட்டமன்ற தேர்தலிலும் பாஜகவுடன் கூட்டணி தொடரும் எனவும் அவர் கூறினார்.
News March 24, 2024
ஐபிஎல்லில் மகுடம் சூடப் போவது எந்த அணி?
2024 ஐபிஎல் தொடங்கி சில நாள்களே ஆகும் நிலையில், கோப்பையை வெல்லும் அணி எது என்ற விவாதங்கள் தற்போதே தொடங்கியுள்ளன. இதுவரை நடைபெற்ற தொடர்களில் சிஎஸ்கே, மும்பை இந்தியன்ஸ் தலா 5 முறையும், கொல்கத்தா அணி 2 முறையும் கோப்பையை கைப்பற்றியுள்ளன. அணியின் பலத்தை பொறுத்தவரை சிஎஸ்கே, மும்பை இந்தியன்ஸ் வலுவாக இருப்பதால், அதில் ஏதேனும் ஒன்றே கோப்பையை வெல்லக்கூடும் என கூறப்படுகிறது.
News March 24, 2024
நாதக வேட்பாளர்கள் பட்டியல் (3)
26.சிதம்பரம்- ஜான்சி ராணி 27.மயிலாடுதுறை- காளியம்மாள் 28.நாகப்பட்டினம்- கார்த்திகா 29. தஞ்சாவூர்- ஹூமாயூன் கபீர் 30.சிவகங்கை- எழிலரசி 31.மதுரை- சத்யாதேவி 32.தேனி-DR மதன் ஜெயபால் 33.விருதுநகர்- DR கௌசிக் 34.ராமநாதபுரம்-DR சந்திர பிரபா ஜெயபால் 35.தூத்துக்குடி- DR ரொவினா ரூத் 36.தென்காசி- இசை மதிவாணன் 37.நெல்லை- பா.சத்யா 38.குமரி- மரிய ஜெனிபர் 39.கிருஷ்ணகிரி- வித்யா வீரப்பன் 40.புதுவை- DR ரா.மேனகா
News March 24, 2024
தமன்னாவுடன் டேட்டிங் சென்றது எப்போது?
தமன்னாவுடன் முதன்முதலில் டேட்டிங் சென்றது எப்போது என்பதை அவருடைய காதலர் விஜய்வர்மா பகிர்ந்துள்ளார். லஸ்ட் ஸ்டோரிஸ் படத்தில் 2 பேர் இடையேயான நெருக்கமான காட்சிகள், சர்ச்சையை ஏற்படுத்தியது. அதன்பிறகு 2 பேரும் காதலிப்பதாக ஒப்புக் கொண்டனர். இந்நிலையில், வர்மா அளித்துள்ள பேட்டியில், “லஸ்ட் ஸ்டோரிசில் நடிக்கும்போது டேட்டிங் செல்லவில்லை. 20- 25 நாள்கள் கழித்து தான் டேட்டிங் சென்றோம்” என்றார்.
News March 24, 2024
BREAKING: அமமுக வேட்பாளர் அறிவிப்பு
பாஜக கூட்டணியில் இடம்பெற்றுள்ள அமமுக வேட்பாளர் பட்டியல் சற்றுமுன் வெளியாகியுள்ளது. தேனி மக்களவைத் தொகுதியில் டிடிவி தினகரன் போட்டியிடுவதாக அதிகாரப்பூர்வமாக அறிவிக்கப்பட்டுள்ளது. அதேபோல், திருச்சி மக்களவை தொகுதியில் அமமுக சார்பில், செந்தில் நாதன் போட்டியிடுவார் எனவும் அறிவிக்கப்பட்டுள்ளது. இதனால் திருச்சி தொகுதியில் அமமுக, மதிமுக, அதிமுக இடையே போட்டி நிலவுகிறது.
News March 24, 2024
150 இளைஞர்களை நிறுத்த போகிறேன்
நாதக சார்பில் வரும் சட்டமன்றத் தேர்தலில் 150 இளைஞர்களை நிறுத்த போவதாக ஒருங்கிணைப்பாளர் சீமான் சூளுரைத்துள்ளார். மக்களவைத் தேர்தலுக்கான வேட்பாளர்களை நேற்றைய தினம் சீமான் அறிவித்தார். அதில், 20 பெண் வேட்பாளர்கள், 20 ஆண் வேட்பாளர்கள் என சரிசமமாக வேட்பாளர்களை களமிறக்கினார். மேலும், அதில் 15 பேர் மருத்துவர்கள் ஆவார்கள். திரைப்பட இயக்குநர் மு.களஞ்சியம் விழுப்புரத்தில் போட்டியிடுகிறார்.
News March 24, 2024
நாதக வேட்பாளர்கள் பட்டியல் (2)
11.ஆரணி- பாக்கியலட்சுமி 12.விழுப்புரம்- இயக்குநர் மு.களஞ்சியம் 13.கள்ளக்குறிச்சி- ஆ.ஜெகதீசன் 14.சேலம்- DR மனோஜ்குமார் 15.நாமக்கல்- க.கனிமொழி 16.ஈரோடு- DR கார்மேகன் 17.திருப்பூர்- சீதாலட்சுமி 18.நீலகிரி- ஆ.ஜெயகுமார் 19.கோவை- ம.கலாமணி ஜெகநாதன் 20.பொள்ளாச்சி- DR சுரேஷ் குமார் 21.திண்டுக்கல் – DR கைலைராஜன் 22. கரூர்- DR கருப்பையா 23.திருச்சி – ராஜேஷ் 24.பெரம்பலூர்- இரா.தேன்மொழி 25. கடலூர்- மணிவாசகன்
News March 24, 2024
வாக்காளர் அட்டை இல்லையா?
வாக்காளர் அடையாள அட்டை இல்லாதவர்கள் 12 ஆவணங்களை கொண்டு வாக்களிக்கலாம் என இந்திய தேர்தல் ஆணையம் அறிவித்துள்ளது. அதன்படி, ஆதார் அட்டை, தேசிய ஊரக வேலை உறுதியளிப்பு திட்ட பணி அடையாள அட்டை, புகைப்படத்துடன் கூடிய வங்கி/அஞ்சல் புத்தகம், ஓட்டுநர் உரிமம், பான் கார்டு, பாஸ்போர்ட், புகைப்படத்துடன் கூடிய ஓய்வூதிய ஆவணம், MP/MLAக்களின் அடையாள அட்டை உள்ளிட்டவற்றில் ஏதேனும் ஒன்றை காட்டி வாக்களிக்கலாம்.
Featured News
Sorry, no posts matched your criteria.