India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 27, 2024
ஆறாவது பன்னீர் செல்வம் வேட்புமனு தாக்கல்
முன்னாள் முதல்வர் ஓபிஎஸ் போட்டியிடும் ராமநாதபுரம் தொகுதியில் 6ஆவது பன்னீர் செல்வம் என்ற நபர் வேட்புமனு தாக்கல் செய்துள்ளார். ஏற்கெனவே பன்னீர் செல்வம் என்ற பெயர் கொண்ட 5 பேர் (முன்னாள் முதல்வர் ஓபிஎஸ் உள்பட) வேட்புமனு தாக்கல் செய்துள்ளனர். வேட்புமனு தாக்கல் செய்ய கடைசி நாளான இன்று எம்.பன்னீர் செல்வம் என்ற பெயர் கொண்ட மேலும் ஒரு நபர் சுயேச்சையாக வேட்புமனு தாக்கல் செய்துள்ளார்.
News March 27, 2024
சம்பளத்தை ரூ.12 கோடியாக உயர்த்திய திரிஷா
நடிகை திரிஷா ஒரு படத்துக்கான சம்பளத்தை ரூ.12 கோடியாக உயர்த்தியிருப்பதாக தகவல்கள் வெளியாகியுள்ளன. அவர் இதற்கு முன்பு ஒரு படத்துக்கு ரூ.10 கோடி சம்பளம் வாங்கியதாகவும், ஆனால் தற்போது கமலின் தக் லைஃப் படத்தில் நடிக்க ரூ.12 கோடியாக சம்பளத்தை உயர்த்தி இருப்பதாகவும் தகவல்கள் கூறுகின்றன. இதன் மூலம் தென்னிந்தியாவில் அதிக சம்பளம் வாங்கும் நடிகையாகியுள்ளார் என்று கூறப்படுகிறது.
News March 27, 2024
வேட்புமனுவை மறந்த தங்க தமிழ்செல்வன்
தங்க தமிழ்செல்வன் வேட்புமனுவை எடுக்காமல் மனு தாக்கல் செய்ய வந்து அதிர்ச்சி அளித்தார். தேனி வேட்பாளரான அவர், வேட்புமனு தாக்கல் செய்ய இன்று அமைச்சர்கள் ஐ.பெரியசாமி, மூர்த்தி உள்ளிட்டோருடன் செய்ய ஆட்சியர் அலுவலகம் வந்தார். வேட்புமனுவை தாக்கல் செய்ய தேடிய போது, அதை வீட்டில் விட்டு வந்தது அவருக்கு நினைவுக்கு வந்தது. இதனால், சிறிது நேர தாமதத்திற்கு பிறகு அவர் வேட்புமனுவைத் தாக்கல் செய்தார்.
News March 27, 2024
ராதிகாவை எதிர்த்து பாஜக நிர்வாகி போட்டி
விருதுநகர் தொகுதியில் ராதிகாவை எதிர்த்து பாஜக நிர்வாகி வேதா மனுதாக்கல் செய்துள்ளார். அங்கு வேட்புமனு தாக்கல் செய்த ராதிகா, கடந்த இரண்டு நாட்களாக தீவிர பரப்புரையில் ஈடுபட்டு வருகிறார். இந்நிலையில் அவரை எதிர்த்து விருதுநகர் மாவட்ட பாஜக நிர்வாகி, டெல்லி மோடி பாஜக அணி என்ற பெயரில் சுயேச்சையாக வேட்புமனு தாக்கல் செய்துள்ளார். இதன் மூலம் விருதுநகர் பாஜகவின் கோஷ்டி பூசல் வெளிப்படையாக வெடித்துள்ளது.
News March 27, 2024
ஐபிஎல்லில் அதிக சிக்சர் அடித்தவர்கள்
▶கிறிஸ் கெயில் – 357, ▶ரோஹித் ஷர்மா – 258*, ▶ஏ.பி.டிவில்லியர்ஸ் – 251, ▶எம்.எஸ்.தோனி – 239*, ▶விராட் கோலி – 237*, ▶டேவிட் வார்னர் – 228*, ▶கிரண் பொல்லார்ட் – 223, ▶சுரேஷ் ரெய்னா – 203, ▶ஆண்ட்ரே ரசல் – 200*, ▶ஷேன் வாட்சன் – 190, ▶சஞ்சு சாம்சன் – 188*, ▶உத்தப்பா – 182, ▶அம்பதி ராயுடு – 173, ▶கே.எல்.ராகுல் – 170*, ▶க்ளென் மேக்ஸ்வெல் – 158*
News March 27, 2024
வேட்புமனு தாக்கல் நிறைவடைந்தது
முதல்கட்ட நாடாளுமன்றத் தேர்தலுக்கான வேட்புமனு தாக்கல் 3 மணியோடு நிறைவடைந்துள்ளது. தமிழ்நாடு மற்றும் புதுச்சேரியில் முதல் கட்டத்திலேயே வாக்குப்பதிவு நடைபெற இருப்பதால், வேட்புமனு தாக்கல் நிறைவு பெற்றிருக்கிறது. இதனையடுத்து வேட்புமனு பரிசீலனை 28ஆம் தேதி நடைபெறவுள்ளது. 30ஆம் தேதிக்குள் வேட்பு மனுக்களை வாபஸ் பெறலாம். இறுதி வேட்பாளர் பட்டியல் அன்றைய தினமே வெளியிடப்படும்.
News March 27, 2024
நாளை தொடங்குகிறது 2ம் கட்ட தேர்தல் வேட்புமனுத் தாக்கல்
மக்களவை 2ஆவது கட்ட தேர்தலுக்கான வேட்புமனுத் தாக்கல் நாளை தொடங்குகிறது. கர்நாடகா, கேரளா உள்ளிட்ட 12 மாநிலங்களில் உள்ள 88 தொகுதிகளுக்கும், மணிப்பூரில் ஒரு தொகுதியில் உள்ள பாதி பகுதிகளுக்கும் ஏப்ரல் 26இல் 2வது கட்ட தேர்தல் நடைபெறுகிறது. இதற்கான வேட்புமனுத் தாக்கல் நாளை தொடங்குகிறது. வேட்புமனுத் தாக்கல் செய்ய ஏப்ரல் 4 கடைசி தேதியாகும். மனு மீது ஏப்.5, ஏப்.6ஆம் தேதிகளில் பரிசீலனை நடைபெறும்.
News March 27, 2024
சித்தார்த் – அதிதி ரகசிய திருமணம்
நடிகர் சித்தார்த் தனது நீண்ட நாள் காதலியை ரகசிய திருமணம் செய்து கொண்டதாக இணையத்தில் தகவல் கசிந்துள்ளது. நடிகை அதிதி ராவை நீண்ட நாட்களாக காதலித்து வந்த அவர், இன்று தெலங்கானா மாநிலத்தில் உள்ள கோயிலில் ரகசியமாக திருமணம் செய்து கொண்டதாகக் கூறப்படுகிறது. ஆனால் திருமணம் தொடர்பான புகைப்படங்கள் எதுவும் வெளியாகாததால், இதுகுறித்த அறிவிப்பு விரைவில் வெளியாகும் என எதிர்பார்க்கப்படுகிறது.
News March 27, 2024
போபண்ணா ஜோடி அபார வெற்றி
மியாமி ஓபன் டென்னிஸ் தொடரின் காலிறுதிப் போட்டியில், போபண்ணா-எப்டன் ஜோடி வெற்றி பெற்றது. நெதர்லாந்தைச் சேர்ந்த வெர்பீக் – ஆஸி.,யைச் சேர்ந்த ஸ்மித் ஜோடிக்கு எதிரான இப்போட்டி, இன்று விறுவிறுப்பாக நடைபெற்றது. முதல் செட்டை 3-6 என்ற புள்ளிக் கணக்கில் ஸ்மித் ஜோடி கைப்பற்ற, அடுத்த 2 செட்டுகளையும் 7-6, 10-7 என்ற புள்ளிக் கணக்கில் போபண்ணா ஜோடி கைப்பற்றியது. இதன் மூலம், அரையிறுதிச் சுற்றுக்கு முன்னேறியது.
News March 27, 2024
அரவிந்த் கெஜ்ரிவாலுக்கு உடல்நலக்குறைவு
டெல்லி முதல்வர் அரவிந்த் கெஜ்ரிவாலுக்கு திடீரென்று உடல்நலக்குறைவு ஏற்பட்டுள்ளதாக சற்றுமுன் தகவல் வெளியாகியுள்ளது. மதுபான கொள்கை முறைகேடு வழக்கில் அமலாக்கத்துறையால் கைதாகி 7 நாட்களாக சிறையில் இருக்கும் நிலையில், அவரின் உடல்நிலை பாதிக்கப்பட்டுள்ளது. அவருக்கு எந்த மாதிரியான சிகிச்சை அளிக்கப்படுகிறது என்பது குறித்த எந்த தகவலும் இதுவரை வெளியாகவில்லை.
Featured News
Sorry, no posts matched your criteria.