India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 8, 2024
ராமர் கோயில் கட்டியதால் காங்கிரஸ் கோபம்
அயோத்தியில் ராமர் கோயில் கட்டியதால் காங்கிரஸ், I.N.D.I.A கூட்டணி கடும் கோபத்தில் இருப்பதாக பிரதமர் மோடி தெரிவித்துள்ளார். சத்தீஸ்கரின் பஸ்தரில் நடந்த பிரசாரப் பொதுக்கூட்டத்தில் பேசிய மோடி, ‘மக்களின் 500 ஆண்டு கனவு நனவாகியுள்ளது. ஆனால் ராமர் கோயில் பிரான் பிரதிஷ்டை அழைப்பிதழை காங்கிரஸ் நிராகரித்தது மட்டுமின்றி, அதை தவறு என கூறிய காங்கிரஸ் தலைவர்களையும் அக்கட்சியில் இருந்தே நீக்கியது’ என்றார்.
News April 8, 2024
4 நாட்கள் டாஸ்மாக் கடைகளுக்கு லீவ்
தேர்தல் நடைபெற இருப்பதையொட்டி 4 நாட்கள் டாஸ்மாக் கடைகளை மூட உத்தரவிடப்பட்டுள்ளது. வாக்குப்பதிவு நடைபெறும் ஏப்ரல் 19 மற்றும் அதற்கு முந்தைய இரண்டு நாட்களான ஏப்ரல் 17, 18 ஆகிய நாட்களில் டாஸ்மாக் கடைகளை மூட உத்தரவிடப்பட்டுள்ளது. பின்னர், வாக்கு எண்ணிக்கை நடைபெறும் நாளான ஜூன் 4ஆம் தேதியும் டாஸ்மாக் கடைகள் மூடப்படவுள்ளன.
News April 8, 2024
‘டியர் எக்ஸஸ்’ ஃபர்ஸ்ட் லுக் போஸ்டர் வெளியானது!
நடிகை நித்யா மேனன் இன்று தனது 38ஆவது பிறந்த நாளை கொண்டாடி வருகிறார். இதனை முன்னிட்டு அவர் தற்போது நடித்து வரும் ‘DearEXes’ திரைப்படத்தின் ஃபர்ஸ்ட் லுக் போஸ்டர் வெளியிடப்பட்டுள்ளது. பாஸ்க் டைம் தியேட்டர்ஸ் & போப்டர் புரொடக்சன்ஸ் இணைந்து தயாரிக்கும் இந்தப் படத்தை அறிமுக இயக்குநர் காமினி எழுதி இயக்கியுள்ளார். இந்தப் படத்தின் போஸ்டரை இயக்குநர் வெங்கட் பிரபு தனது எக்ஸ் பக்கத்தில் வெளியிட்டுள்ளார்.
News April 8, 2024
அரசியல் தலைவர்களின் பயோபிக்கில் நடிக்க ஆசை
மக்கள் தந்த அதிகாரத்தை சரியான வழியில் பயன்படுத்திய அரசியல்வாதிகளின் பயோபிக்கில் நடிக்க தனக்கு ஆசை இருப்பதாக நடிகை ராஷி கண்ணா கூறியுள்ளார். ஊடகமொன்று அளித்த பேட்டியில், “இந்தியாவில் பல நல்ல மக்கள் தலைவர்கள் இருந்திருக்கிறார்கள். அப்படிப்பட்ட அரசியல் தலைவர்களை இப்போது இருக்கும் இளைஞர்களிடம் கொண்டு சேர்க்க வேண்டும். நல்ல படத்தில் நடிக்க வாய்ப்பு கிடைத்தால் நிச்சயம் நடிப்பேன்” என்றார்.
News April 8, 2024
குறைந்த விலையில் தரமான மதுபானம்
தெலுங்கு தேசம் கட்சி ஆட்சிக்கு வந்தால் குறைந்த விலையில் தரமான மதுபானங்களை விற்போம் என சந்திரபாபு நாயுடு வாக்குறுதி அளித்துள்ளார். ஆந்திராவில் மக்களவைத் தேர்தலுடன், சட்டப் பேரவைத் தேர்தலும் நடைபெறுகிறது. இது தொடர்பான பிரசாரத்தின் போது பேசிய அவர், மதுவிலக்கை அமல்படுத்துவோம் எனக் கூறி ஆட்சிக்கு வந்த ஜெகன் மோகன் ரெட்டி, அதை செய்யாமல் மதுபானங்களின் விலையை மட்டும் உயர்த்திவிட்டதாக குற்றம்சாட்டினார்.
News April 8, 2024
அர்ஜுன் டெண்டுல்கர் எங்கே?
கிரிக்கெட் உலகின் ஜாம்பவான் சச்சின் டெண்டுல்கரின் மகன் அர்ஜுன், நடப்பு ஐபிஎல் தொடரில் மும்பை அணிக்காக விளையாடவில்லை. ஆல்ரவுண்டரான அவர், ரஞ்சி கோப்பை தொடரில் கோவா அணிக்காக 6 போட்டிகளில் விளையாடி 258 ரன்கள் எடுத்ததுடன், 9 விக்கெட்டுகளை வீழ்த்தினார். மேலும், ரஞ்சி போட்டியில் அவரது செயல்பாடு மந்தமாகவே இருந்தது. இதனால் நடப்பு சீசனில் அவர் மும்பை அணியில் இடம் பிடிக்கவில்லை என தகவல்கள் தெரிவிக்கின்றன.
News April 8, 2024
பாஜக இஸ்லாமியர்களுக்கு எதிரான கட்சி இல்லை
பிரதமர் மோடியின் ஆட்சியில் இந்தியாவின் எந்தப்பகுதியிலும் சிறுபான்மையினருக்கு எந்த தீங்கும் நடக்கவில்லை என முன்னாள் முதல்வரும், ராமநாதபுரம் தொகுதி பாஜக கூட்டணி வேட்பாளருமான ஓபிஎஸ் தெரிவித்துள்ளார். மேலும், பாஜக இஸ்லாமியர்களுக்கு எதிரான கட்சி இல்லை. கடந்த சட்டமன்றத் தேர்தலில் பாஜக உடனான கூட்டணியால் தான் அதிமுக தோற்றது என்பது தவறான கருத்து எனவும் அவர் தெரிவித்துள்ளார்.
News April 8, 2024
காங்கிரசில் சேரும் பாஜக முன்னாள் மத்திய அமைச்சர்
முன்னாள் மத்திய அமைச்சர் செளதரி வீரேந்திர சிங் பாஜகவில் இருந்து விலகி காங்கிரசில் இணைகிறார். உ.பியைச் சேர்ந்த அவர், பாஜக அரசில் 2 முறை மத்திய அமைச்சராக இருந்தார். இதனிடையே, துஷ்யந்த் செளதாலா கட்சியுடன் பாஜக கூட்டணி அமைத்ததால் அதற்கு எதிர்ப்பு தெரிவித்து வீரேந்திர சிங் பாஜகவில் இருந்து விலகியிருக்கிறார். அவருடைய மகன் ஏற்கெனவே காங்கிரஸில் இணைந்துவிட்ட நிலையில் வீரேந்திர சிங் நாளை இணையவுள்ளார்.
News April 8, 2024
புதிய உச்சத்தை தொட்டது நிஃப்டி
தேசிய பங்குச்சந்தை நிஃப்டி 152 புள்ளிகள் உயர்ந்து புதிய உச்சமான 22,666 புள்ளிகளை எட்டியது. கடந்த ஒரு மாதமாகவே சர்வதேச பங்குச்சந்தைகள் தினமும் புதிய உச்சத்தினை தொட்டு வருகின்றன. தற்போது உலக பொருளாதாரம் முன்னேற்றம் கண்டுள்ளதால் தங்கம் விலை, பங்குச்சந்தை ஆகியவை உயர்ந்து வருகின்றன. இன்னும் சில தினங்களுக்கு இதே மாதிரியான முன்னேற்ற போக்கு நிலவும் என்று வல்லுநர்கள் கணித்துள்ளனர்.
News April 8, 2024
ஆட்சிக்கு வந்தவுடன் 30 லட்சம் பேருக்கு அரசு வேலை
மத்தியில் காங்கிரஸ் ஆட்சியமைத்ததும் முதல் நடவடிக்கையாக 30 லட்சம் பேருக்கு அரசு வேலை வழங்கப்படுமென காங்கிரஸ் எம்.பி ராகுல் காந்தி வாக்குறுதி அளித்துள்ளார். ம.பி.,யின் சியோனியில் நடந்த பிரசாரக் கூட்டத்தில் பேசிய அவர், மத்திய அரசில் 30 லட்சம் காலிப் பணியிடங்கள் உள்ளன. பாஜகவினர் அதை உங்களுக்கு கொடுக்க மறுக்கிறார்கள். ஒப்பந்த அடிப்படையில் வேலை தருகின்றனரே தவிர, அரசு வேலையை தரவில்லை எனவும் சாடினார்.
Featured News
Sorry, no posts matched your criteria.