India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 28, 2024
பெங்களூரு குண்டுவெடிப்பு வழக்கில் மேலும் இருவர் கைது
பெங்களூரு குண்டுவெடிப்பு தொடர்பாக மேலும் இருவரை NIA அதிகாரிகள் கைது செய்துள்ளதாக தகவல் வெளியாகியுள்ளது. ராமேஸ்வரம் கஃபேயில் மார்ச் 1ஆம் தேதி நிகழ்ந்த குண்டுவெடிப்பில், 10 பேர் படுகாயமடைந்தனர். இந்த வழக்கில் ஏற்கெனவே 2 பேரிடம் விசாரணை நடந்து வருகிறது. இந்த நிலையில், குண்டு வெடிப்பை நிகழ்த்தியவருடன் நேரடித் தொடர்பில் இருந்ததாக கருதப்படும் மேலும் இருவர் இன்று கைதாகியுள்ளதாக தகவல்கள் தெரிவிக்கின்றன.
News March 28, 2024
ஐபிஎல்லில் அதிவேக அரை சதம் அடித்த வீரர்கள்
▶யஷ்வி ஜெய்ஸ்வால் – 13 பந்துகளில், ▶பேட் கம்மின்ஸ் – 14 பந்துகளில், ▶கே.எல்.ராகுல் – 14 பந்துகளில், ▶சுனில் நரேன் – 15 பந்துகளில், ▶யூசுப் பதான் – 15 பந்துகளில், ▶நிகோலஸ் பூரன் – 15 பந்துகளில், ▶சுரேஷ் ரெய்னா – 16 பந்துகளில், ▶கிறிஸ் கெயில் – 17 பந்துகளில், ▶ஆடம் கில்கிறிஸ்ட் – 17 பந்துகளில், ▶கிறிஸ் மோரிஸ் – 17 பந்துகளில், ▶கீரன் பொல்லார்ட் – 17 பந்துகளில் அடித்துள்ளனர்.
News March 28, 2024
தேனியில் டிடிவி தினகரன் வேட்புமனு ஏற்பு
தேனி மக்களவைத் தொகுதியில் அமமுக சார்பில் போட்டியிடும் டிடிவி தினகரனின் வேட்புமனு ஏற்கப்பட்டது. முன்னதாக வேட்புமனு பரிசீலனையின் போது, அவரது சிங்கப்பூர் குடியுரிமை மற்றும் ஃபெரா வழக்கு தொடர்பான விவரங்கள் வேட்புமனுவில் இல்லாததால், வேட்புமனுவை ஏற்க அதிமுக, திமுக எதிர்ப்பு தெரிவித்தன. இதனால் வேட்புமனு பரிசீலனை நிறுத்தி வைக்கப்பட்ட நிலையில், தினகரன் உரிய ஆவணங்களை அளித்த பின்னர் ஏற்கப்பட்டது.
News March 28, 2024
சின்னத்தை ஒதுக்கியது தேர்தல் ஆணையம்
தமிழ்நாட்டில் அங்கீகரிக்கப்பட்ட மாநிலக் கட்சிகளுக்கு சின்னங்களை ஒதுக்கி அறிவித்திருக்கிறது தேர்தல் ஆணையம். அதன்படி, திமுகவுக்கு உதய சூரியன், அதிமுகவுக்கு இரட்டை இலை, தேமுதிகவுக்கு முரசு சின்னம், இந்திய கம்யூனிஸ்ட் கட்சிக்கு கதிர் அரிவாள் சின்னம் ஆகியவை ஒதுக்கப்பட்டுள்ளன. மற்ற கட்சிகள் தேர்தல் ஆணையம் அளிக்கும் சின்னத்தில் போட்டியிட வேண்டும்.
News March 28, 2024
நடிகர் கிஷன் தாஸ்க்கு நிச்சயதார்த்தம் முடிந்தது
நடிகர் கிஷன் தாஸ், தனது நீண்ட நாள் காதலியை திருமணம் செய்யப் போவதாக அறிவித்துள்ளார். நேர்கொண்ட பார்வை படத்தின் மூலம் தமிழ் சினிமாவில் அறிமுகமான இவர், முதல் நீ முடிவும் நீ படத்தின் மூலம் ரசிகர்களின் மனதை கவர்ந்தார். இந்நிலையில், தனது நீண்ட நாள் தோழியும், காதலியுமான சுசித்ராவை குடும்பத்தார் முன்னிலையில் மோதிரம் மாற்றி நிச்சயம் செய்து கொண்டார். இதுதொடர்பான புகைப்படங்களை இணையத்தில் பகிர்ந்துள்ளார்.
News March 28, 2024
அடுத்த 3 மணி நேரத்திற்கு மழை
இரண்டு நாட்களாக தமிழ்நாட்டின் தென் மாவட்டங்களில் பரவலாக மழை பெய்து வருகிறது. இந்நிலையில் அடுத்த 3 மணி நேரத்திற்கு (மாலை 7 மணி வரை) தென்காசி, தூத்துக்குடி, திருநெல்வேலி, கன்னியாகுமரி ஆகிய மாவட்டங்களில் லேசான அல்லது மிதமான மழை பெய்யும் என்று சென்னை வானிலை ஆய்வு மையம் தெரிவித்துள்ளது. கோவையில் லேசான மழை பெய்ய வாய்ப்புள்ளது.
News March 28, 2024
கெஜ்ரிவாலின் காவல் மேலும் 4 நாள்கள் நீட்டிப்பு
டெல்லி முதல்வர் அரவிந்த் கெஜ்ரிவாலின் அமலாக்கத்துறை காவலை ஏப்.1 வரை நீட்டித்து டெல்லி ரோஸ் அவென்யூ நீதிமன்றம் உத்தரவிட்டுள்ளது. டெல்லி மதுபானக் கொள்கை முறைகேடு வழக்கில் மார்ச் 21ஆம் தேதி அமலாக்கத்துறையால் கெஜ்ரிவால் கைது செய்யப்பட்டார். ஆத் ஆத்மியை அமலாக்கத்துறை அழிக்க முயற்சிப்பதாக நீதிமன்றத்தில் குற்றம்சாட்டிய கெஜ்ரிவால், அமலாக்கத்துறை காவல் நீட்டிப்புக்கு எந்த எதிர்ப்பும் தெரிவிக்கவில்லை.
News March 28, 2024
பிரதமரின் வாகனங்களுக்கு அனுமதி மறுப்பு
பிரதமர் மோடியின் பாதுகாப்பு வாகனங்களில் இருந்து 3 முக்கிய வாகனங்களை நீக்க தேசிய பசுமைத் தீர்ப்பாயம் உத்தரவிட்டுள்ளது. 2014ஆம் ஆண்டு முதல் பிரதமரின் வாகன வரிசையில் பங்கேற்றிருக்கும் இந்த வாகனங்கள், டீசலில் இயங்குவன. அந்த வாகனங்கள் BS3 தரச் சான்றிதழ் மட்டுமே பெற்றிருப்பதால் சுற்றுச் சூழலுக்கு அச்சுறுத்தலாக இருப்பதாக பசுமைத் தீர்ப்பாயம் தெரிவித்துள்ளது.
News March 28, 2024
அதிக வெப்பத்துக்கு தயாராகுங்கள்
இந்த ஆண்டின் கோடை காலம் மிகவும் கடுமையானதாக இருக்கும் என்று இந்திய வானிலை ஆய்வு மையம் எச்சரித்திருக்கிறது. ஏப்ரல் முதல் ஜூன் மாதம் வரை வெப்ப அலை அதிகம் வீசும் என்றும் இயல்பை விட வெப்பம் 2 அல்லது 3 டிகிரி அதிகமாக உணரப்படும் என்றும் வானிலை அய்வு மையம் கணித்திருக்கிறது. ஆகையால், வீட்டை விட்டு வெளியே செல்வோர் போதுமான முன்னெச்சரிக்கையை எடுக்கவும்.
News March 28, 2024
₹7 உயர்த்தியதற்கு ₹700 கோடிக்கு விளம்பரம் செய்வர்
100 நாள் வேலைத்திட்டத்திற்கான தினசரி ஊதியத்தை மத்திய அரசு ரூ.7 உயர்த்தியுள்ளது. இது குறித்து காங்., எம்.பி ராகுல் தனது X பக்கத்தில், ‘வாழ்த்துகள் MNREGA தொழிலாளர்களே. பிரதமர் உங்களின் சம்பளத்தை ரூ.7 உயர்த்தியுள்ளார். இவ்வளவு பெரிய தொகையை வைத்து என்ன செய்ய போகிறீர் என பிரதமர் உங்களை கேட்கலாம். மேலும் ரூ.700 கோடி செலவில் உங்கள் சார்பில் ‘மோடிக்கு நன்றி’ விளம்பரத்தை அவர்கள் துவங்குவார்கள்’ என்றார்.
Featured News
Sorry, no posts matched your criteria.