India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 16, 2024
நடிகர் வீட்டுக்கு வெளியே துப்பாக்கி சூடு, 2 பேர் கைது
சல்மான் கானின் வீட்டுக்கு வெளியே துப்பாக்கியால் சுட்ட 2 பேரை மும்பை போலீஸ் கைது செய்துள்ளது. பாந்த்ரா பகுதியில் உள்ள சல்மான் கான் வீட்டுக்கு வெளியே அண்மையில் 2 பேர் வந்து துப்பாக்கியால் சுட்டனர். இதில் சல்மான் கானின் வீட்டு சுவரில் தோட்டா பாய்ந்து துளை விழுந்தது. இதுகுறித்து விசாரணை நடத்தி, விக்கி குப்தா, சாகர் பால் ஆகியோரை போலீஸ் கைது செய்துள்ளது. அவர்களின் பின்னணி குறித்து தகவல் இல்லை.
News April 16, 2024
IPL: ருத்ரதாண்டவம் ஆடிய தினேஷ் கார்த்திக்
ஹைதராபாத்துக்கு எதிரான நேற்றைய ஐபிஎல் போட்டியில், பெங்களூரு வீரர் தினேஷ் கார்த்திக் ருத்ரதாண்டவம் ஆடியுள்ளார். தொடக்கம் முதலே அதிரடியாக விளையாடிய அவர், 5 Four, 7 Six என விளாசி 23 பந்துகளில் அரைசதம் கடந்தார். கடைசி வரை விடாமல் முயற்சி செய்த அவர், 83(35) ரன்கள் குவித்து 19ஆவது ஓவரில் கேட்ச் கொடுத்து அவுட்டானார். அவரது அதிரடியான ஆட்டத்தை ஒட்டுமொத்த பார்வையாளர்களும் எழுந்து நின்று கைதட்டி பாராட்டினர்.
News April 16, 2024
இபிஎஸ் அரசியல் துரோகி: திமுகவில் இணைந்த EX எம்எல்ஏ
இபிஎஸ் தான் தமிழகத்திலேயே மிகப்பெரிய அரசியல் துரோகி. அவரது சிரிப்பு துரோகத்தின் சிரிப்பு தான் என்று திமுகவில் இணைந்த முன்னாள் அதிமுக எம்எல்ஏ ஆறுகுட்டி விமர்சித்துள்ளார். 50 ஆண்டுகாலம் அதிமுகவில் இருந்த என்னை தூக்கி எறிந்து விட்டார். கடந்த தேர்தலில் கூட சீட் கொடுக்கவில்லை. மரியாதை இல்லாத கட்சியில் இருக்கக்கூடாது என நினைத்து, திமுகவில் இணைந்தேன். இந்த தேர்தலில் திமுக அபார வெற்றி பெறும் என்றார்.
News April 16, 2024
இறுதி கட்ட பரப்புரையில் முதல்வர் ஸ்டாலின்
நாடாளுமன்ற தேர்தல் பரப்புரை இறுதி கட்டத்தை எட்டியுள்ள நிலையில், முதல்வர் ஸ்டாலின் இன்று சென்னையில் வாக்கு சேகரிக்க உள்ளார். வட சென்னை வேட்பாளர் கலாநிதி வீராசாமியை ஆதரித்து கொளத்தூர் தொகுதிக்குட்பட்ட ஜிகேஎம் காலணி பகுதியில் பரப்புரை செய்கிறார். அதனை தொடர்ந்து மாலை 7 மணிக்கு காஞ்சிபுரம் வேட்பாளர் செல்வம் மற்றும் ஸ்ரீபெரும்புதூர் வேட்பாளர் டி.ஆர்.பாலு ஆகியோரை ஆதரித்து பரப்புரையில் ஈடுபட உள்ளார்.
News April 16, 2024
IPL: அதிக ரன்கள் எடுத்த விக்கெட் கீப்பர்
ஐபிஎல் தொடரில் அதிக ரன்கள் எடுத்த விக்கெட் கீப்பர்களின் பட்டியலில் 255 போட்டிகளில் 5,121 ரன்களுடன் CSK அணியின் ஆஸ்தான விக்கெட் கீப்பர் தோனி முதலிடத்தில் உள்ளார். அவருக்கு அடுத்தபடியாக உள்ள 4 வீரர்களின் விவரம் பின்வருமாறு: தினேஷ் கார்த்திக் – 4,659 ரன்கள் (248), குயின்டன் டி காக் – 3,071 ரன்கள் (101), ரிஷப் பந்த் – 3,032 ரன்கள் (104), ராபின் உத்தப்பா – 3,011 ரன்கள் (114).
News April 16, 2024
நவகிரகங்களை எத்தனை சுற்றுகள் சுற்ற வேண்டும்?
நவகிரகங்களைச் சுற்றி வழிபடும் போது அந்தந்த கிரகத்திற்கும் உரிய எண்ணிக்கையில் சுற்றி வழிபட வேண்டும். அதாவது முதலில் 9 முறை சுற்றி வணங்கி பின் அந்த கிரக அனுக்கிரகத்துக்காக மேலும் விசேஷமாக சுற்றிவந்து வழிபட வேண்டும். சூரியன் 10, சுக்கிரன் 6, சந்திரன் 11, சனி 8, செவ்வாய் 9, ராகு 4, புதன் 5, கேது 9, வியாழன் 21 என்ற தனி எண்ணிக்கையில் சுற்றி வழிபட வேண்டும் என நவகிரக தாந்த்ரீக பரிகாரம் கூறுகிறது.
News April 16, 2024
சிதம்பரத்தை குறிவைத்துள்ள பாஜக
ஆர்.எஸ்.எஸ், பாஜக உள்ளிட்ட சங் பரிவாரக் கும்பல்கள் சிதம்பரம் தொகுதியை குறிவைத்து வேலை செய்து வருவதாக செல்வப்பெருந்தகை கூறியுள்ளார். காட்டுமன்னார்கோவிலில் பேசிய அவர், அனைத்துத் தரப்பு மக்களுக்கும் குரல் கொடுப்பவர் திருமாவளவன். அவரை எப்படியாவது தோற்கடிக்க வேண்டும் என சிலர் கங்கணம் கட்டியுள்ளனர். அரசியலமைப்புச் சட்டத்தை பாதுகாக்க எண்ணுவோர் பானை சின்னத்தில் வாக்களிக்க வேண்டும் என்றார்.
News April 16, 2024
புத்தரின் பொன்மொழிகள்
✍நம் வாழ்க்கையில் எதுவுமே நிலையானது இல்லை என்பதை உணர ஆரம்பித்துவிட்டால், நமக்குள் இருக்கும் ஆணவம் காணாமல் போய் விடும். ✍பிரார்த்தனைகளை விட மிகவும் உயர்ந்தது பொறுமை தான். ✍மனநிம்மதிக்கு இரண்டு வழிகள் தான் இருக்கின்றன; ஒன்று விட்டு கொடுப்பது இல்லையெனில் விட்டு விலகுவது. ✍அதிகமாக பேசுவதால் மட்டும் ஒருவன் அறிஞனாகிவிட மாட்டான். ✍உங்கள் மகிழ்ச்சிக்கும் துன்பத்திற்கும் நீங்களே காரணம்.
News April 16, 2024
‘தளபதி69’ படத்தின் இயக்குநரை தெரியும்
விஜய்யின் ‘தளபதி69’ ஐ எந்த இயக்குநர் இயக்கவுள்ள யாரென தெரியும்; ஆனால் இப்போது சொல்ல மாட்டேன் என்று The G.O.A.T பட தயாரிப்பாளர் அர்ச்சனா கல்பாத்தி கூறியுள்ளார். ஊடகமொன்றுக்கு அளித்த பேட்டியில், தளபதி69-ஐ படத்தை ஏஜிஎஸ் நிறுவனம் தயாரிக்க வேண்டும் என ஆசைப்படுகிறேன் எனக் கூறினார். அரசியலுக்கு செல்லும் விஜய்யின் கடைசியாக நடிக்கவுள்ள படம் என்பதால் தளபதி69 மீதான எதிர்ப்பார்ப்பு அதிகரித்துள்ளது.
News April 16, 2024
பாஜகவுக்காக பகல் வேஷம் போடும் பழனிசாமி
மக்களவைத் தேர்தலுக்காக பாஜக எழுதிக் கொடுத்த பாத்திரத்தில் இபிஎஸ் அருமையாக நடிக்கிறார் என்று முதல்வர் ஸ்டாலின் விமர்சித்துள்ளார். திருவள்ளூரில் நடந்த தேர்தல் பிரசார பொதுக்கூட்டத்தில் பேசிய அவர், பாஜக கூட்டணியில் இருந்து விலகியது அவரது சொந்த முடிவு இல்லை. அது பாஜகவின் உத்தரவு. இப்போது அந்தக் கட்சியின் பி-டீமாக அதிமுக இருக்கிறது. பழனிசாமியின் பகல் வேஷம் மக்களிடம் எடுபடப் போவதில்லை என்றார்.
Featured News
Sorry, no posts matched your criteria.