India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 25, 2024
முதல்வர் பதவியை மம்தா ராஜினாமா செய்ய வேண்டும்
மேற்கு வங்க முதல்வர் பதவியை மம்தா ராஜினாமா செய்ய வேண்டுமென பாஜக வலியுறுத்தி உள்ளது. அரசு மற்றும் அரசு உதவிப்பெறும் பள்ளிகளில் ஆசிரியர், ஆசிரியர் அல்லாத பணியாளர்கள் 24,000 பேரின் பணி நியமனத்தை ஒரே உத்தரவில் அதிரடியாக ரத்து செய்து கொல்கத்தா உயர்நீதிமன்றம் தீர்ப்பளித்தது. இதனை வரவேற்றுள்ள பாஜக, மம்தா தலைமையிலான திரிணாமுல் அரசின் வெட்கக்கேடான ஊழல் வெளிச்சத்துக்கு வந்துள்ளதாக தெரிவித்துள்ளது.
News April 25, 2024
அது என் ஹோட்டல் செலவுக்குக் கூட போதாது
மில்லியன் டாலர்கள் தருவதாக இருந்தால் பிக்பேஷ் போன்ற வெளிநாட்டு டி20 தொடர்களில் விளையாட தான் சம்மதிப்பதாக சேவாக் கூறியுள்ளார். ஆடம் கில்கிறிஸ்டுடனான நேர்காணலில், பிக்பேஷ் தொடரில் விளையாட 100,000 டாலர்கள் தருவதாக சொன்னார்கள். அது என் சுற்றுலா பயணம் & ஹோட்டல் செலவுக்குக் கூட போதாது. நாங்கள் பணக்கார மக்கள். எனவே ஏழை நாடுகளுக்கு நாங்கள் செல்ல வேண்டியதில்லை எனக் கூறினார்.
News April 25, 2024
இன்றைய தலைப்புச் செய்திகள்!
*பிரதமர் மோடி தன் கோடீஸ்வர நண்பர்களின் ரூ.16 லட்சம் கோடி கடனைத் தள்ளுபடி செய்திருப்பதாக ராகுல் குற்றச்சாட்டு *ஆன்லைன் மூலம் புதிய வாடிக்கையாளர்களை சேர்க்க கோட்டக் மஹிந்திரா வங்கிக்கு ரிசர்வ் வங்கி தடை *ஒரு பாடலுக்கு, பாடலாசிரியரும் உரிமை கோரினால் என்னவாகும்? என இளையராஜா வழக்கில் சென்னை உயர்நீதிமன்றம் கேள்வி *ஐபிஎல்: குஜராத் அணிக்கு எதிரான போட்டியில் டெல்லி அணி 4 ரன்கள் வித்தியாசத்தில் வெற்றி
News April 25, 2024
பிறந்தநாள் வாழ்த்து போட்டோ அனுப்புங்க!
இன்று (ஏப்ரல் 25) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com -க்கு அனுப்புங்க. Note: பிறந்தநாளுக்கு முந்தைய நாள் இரவு 11 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News April 25, 2024
இந்தியாவின் மருந்து ஏற்றுமதி 9.67% உயர்வு
கடந்த நிதியாண்டில் நாட்டின் மொத்த ஏற்றுமதி 3% சரிந்த நிலையில், மருந்துகள் மற்றும் மருத்துவப் பொருட்களின் ஏற்றுமதி 9.67% அதிகரித்து 2,700 கோடி டாலராக உயர்ந்துள்ளது. அதற்கு முந்தைய ஆண்டில் மருந்து ஏற்றுமதி 2,540 கோடி டாலராக இருந்தது. அமெரிக்கா, இங்கிலாந்து, நெதர்லாந்து, தென்னாப்பிரிக்கா மற்றும் பிரேசில் ஆகிய நாடுகளுக்கு அதிகப்படியான மருந்துகள் ஏற்றுமதியாகியுள்ளன.
News April 25, 2024
‘தல’அஜித்தை புகழ்ந்த துஷார் தேஷ்பாண்டே!
சென்னை சூப்பர் கிங்ஸ் அணி வீரர் துஷார் தேஷ்பாண்டே, நடிகர் அஜித்குமாருடன் எடுத்து கொண்ட புகைப்படத்தை தனது இன்ஸ்டா பக்கத்தில் பகிர்ந்திருந்தார். மேலும் அதில், ‘புத்திசாலித்தனமும், எளிமையும் நிறைந்தவர் அஜித்’ என புகழாரம் சூட்டியிருந்தார். நடிகர் அஜித் இன்று தனது 24ஆவது திருமண நாளை கொண்டாடும் வேளையில், அவருடன் துஷார் தேஷ்பாண்டே எடுத்துக்கொண்ட புகைப்படம் சமூக வலைதளங்களில் வைரலாகி வருகிறது.
News April 25, 2024
ஐபிஎல் : குஜராத் அணி தோல்வி
குஜராத் அணிக்கு எதிரான போட்டியில் டெல்லி அணி 4 ரன்கள் வித்தியாசத்தில் வெற்றி பெற்றது. டெல்லி அருண் ஜெட்லி மைதானத்தில் நடைபெற்ற போட்டியில், டாஸ் வென்ற குஜராத் அணி பவுலிங்கை தேர்வு செய்தது. இதனையடுத்து, முதலில் பேட்டிங் செய்த டெல்லி அணி 20 ஓவரில் 224/4 ரன்கள் குவித்தது. 225 ரன்கள் என்ற இலக்கை துரத்திய குஜராத் அணி, 20 ஓவரில் 8 விக்கெட் இழப்பிற்கு 220 ரன்கள் மட்டுமே எடுத்து தோல்வியடைந்தது.
News April 25, 2024
பணக்கடலில் மூழ்கப் போகும் ராசிகள்..
மீன ராசியில் புதன் பகவான் நேரடியாக வருகின்ற காரணத்தினால் ரிஷபம், கடகம், மிதுனம் ஆகிய ராசிக்காரர்கள் பொருளாதார ரீதியாக மிகப்பெரிய பலன்களை பெற போகின்றார். நீங்கள் எடுத்த காரியங்கள் அனைத்தும் வெற்றி அடையும். பணம் சம்பாதிப்பதற்கான பல்வேறு விதமான வாய்ப்புகள் கிடைக்கும். நிதிநிலை மிக முன்னேற்றமாக இருக்கும். புதிய முதலீடுகள் நல்ல பலன்களை பெற்று தரும். பணத்தை சேமிப்பதற்கான சூழ்நிலைகள் அமையும்.
News April 25, 2024
என் இறுதிச்சடங்குக்காவது வந்துவிடுங்கள்!
மக்களுக்காக நான் பாடுபட்டிருக்கிறேன் என்று நீங்கள் நினைத்தால், என்னுடைய இறுதிச்சடங்குக்கு வாருங்கள் என்று மல்லிகார்ஜுன கார்கே கூறியுள்ளார். கலபுர்கியில் நடந்த கூட்டத்தில் உணர்ச்சிவசப்பட்ட
நிலையில் பேசிய அவர், நீங்கள் காங்கிரஸுக்கு வாக்களிக்கிறீர்களோ இல்லையோ, எனது இறுதி மூச்சு இருக்கும் வரை இந்த நாட்டின் அரசியலமைப்பையும், ஜனநாயகத்தையும் காக்க பாடுபடுவேன். அதுவரை ஓயமாட்டேன் என்றார்.
News April 25, 2024
பிராய்லர் கோழி சாப்பிட்டால் மலட்டுத்தன்மை?
பிராய்லர் கோழியை அதிகமாகச் சாப்பிட்டால் மலட்டுத்தன்மை ஏற்பட வாய்ப்புள்ளதாக சில மருத்துவர்கள் எச்சரிக்கின்றனர். அதே நேரம், பிராய்லர் கோழிகளுக்கு ஹார்மோன் ஊசிச் செலுத்துவதில்லை எனக் கூறும் மருத்துவர்கள், நோய்த் தொற்றில் இருந்து பாதுகாக்க தடுப்பூசி மட்டுமே செலுத்தப்படுகிறது என்கிறார்கள். அந்தத் தடுப்பூசியும் மனிதர்களில் நேரடி பாதிப்பை ஏற்படுத்த வாய்ப்பில்லை எனக் கூறுகின்றனர்.
Featured News
Sorry, no posts matched your criteria.