India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 3, 2024
அமேதியில் நெருக்கடி கொடுப்பாரா பாஜக வேட்பாளர்?
ரேபரேலியில் ராகுலை எதிர்த்து பாஜகவின் தினேஷ் பிரசாத் சிங் போட்டியிடுவதால் எதிர்பார்ப்பு எழுந்துள்ளது. பாஜகவின் முக்கிய தலைவரும், முன்னாள் காங்கிரஸ் நிர்வாகியுமான அவர், ராகுலுக்கு நெருக்கடி கொடுப்பார் என அக்கட்சி நம்புகிறது. 3 முறை எம்எல்ஏவாக இருந்த அவர், 2019 தேர்தலில் ரேபரேலியில் சோனியாவிடம் தோற்றார். இதுவரை 20 முறை அங்கு தேர்தல் நடந்த நிலையில், காங்கிரஸ் 17 முறை வென்றுள்ளது.
News May 3, 2024
நிதி நெருக்கடியில் தமிழக பல்கலைக்கழகங்கள்
துணைவேந்தர்கள் ராஜினாமா செய்யும் அளவிற்குப் பல்கலைக்கழகங்களில் நிதி நெருக்கடி நிலவுவதாக டிடிவி தினகரன் தெரிவித்துள்ளார். இது குறித்து தனது X பக்கத்தில் பதிவிட்டுள்ள அவர், இளைஞர்களின் எதிர்காலத்தை வளப்படுத்தும் பல்கலைக்கழகங்களைப் பாதுகாப்பது தமிழக அரசின் கடமை எனவும், பேராசிரியர்கள், அலுவலர்கள் உள்ளிட்டோருக்குச் சம்பளம் தர முடியாத சூழலை அரசு கண்டுக்கொள்ளாதது கண்டனத்திற்குரியது எனவும் கூறியுள்ளார்.
News May 3, 2024
ஒருநாள், டி20 கிரிக்கெட்: இந்திய அணி முதலிடம்
ஒருநாள், டி20 கிரிக்கெட் தரவரிசை பட்டியலில் இந்திய அணி முதலிடம் பிடித்துள்ளது. ஐசிசி வெளியிட்டுள்ள ஒருநாள் போட்டி தரவரிசையில் இந்தியா முதலிடத்திலும், ஆஸ்திரேலியா, தென்னாப்பிரிக்கா 2, 3ஆவது இடங்களிலும் உள்ளன. டி20 தரவரிசையில் இந்தியா முதலிடத்திலும், ஆஸ்திரேலியா, இங்கிலாந்து அணிகள் 2, 3ஆவது இடங்களிலும் உள்ளன. டெஸ்ட் தரவரிசையில் ஆஸ்திரேலியா முதலிடத்திலும், இந்தியா 2ஆவது இடத்திலும் உள்ளன.
News May 3, 2024
‘அரண்மனை 4’ எப்படி இருக்கிறது?
சுந்தர்.சி-யின் ‘அரண்மனை 4’ படத்திற்கு நல்ல வரவேற்பு கிடைத்துள்ளது. த்ரில்லர், காமெடி ஜானரில் உருவாகியுள்ள இப்படம் ரசிகர்களின் எதிர்பார்ப்பைப் பூர்த்தி செய்துள்ளது. யோகிபாபு, கோவை சரளா, விடிவி கணேஷின் காமெடி சிறப்பாக இருப்பதாகக் கூறும் ரசிகர்கள், VFX காட்சிகளும், பின்னணி இசையும் படத்திற்கு பலம் சேர்த்துள்ளதாகத் தெரிவிக்கின்றனர். மொத்தத்தில் குடும்பத்துடன் கலகலப்பாக பார்க்கலாம் என்கிறார்கள்.
News May 3, 2024
சீமான் போராட்டத்திற்கு போலீசார் அனுமதி மறுப்பு
வடலூர் வள்ளலார் சத்தியஞான சபையில் சர்வதேச மையம் கட்ட எதிர்ப்பு தெரிவித்து நாதக ஒருங்கிணைப்பாளர் சீமான் அறிவித்த போராட்டத்திற்கு போலீசார் அனுமதி மறுத்துள்ளனர். இம்மையம் அமைக்க ஆதரவாகவும், எதிராகவும் அரசியல் கட்சிகள் குரல் எழுப்பி வருகின்றன. இந்நிலையில் தேர்தல் நடத்தை விதிகள் அமலில் உள்ளதால் அரசியல் கட்சிகள் சார்பில் போராட்டம் நடத்த அனுமதி இல்லை என அவரது போராட்டத்திற்கு அனுமதி மறுக்கப்பட்டுள்ளது.
News May 3, 2024
தமிழக உள்மாவட்டங்களில் 5 நாள்களுக்கு வெப்ப அலை
இன்று முதல் 7ஆம் தேதி வரை, அடுத்த 5 நாள்களுக்கு தமிழக உள்மாவட்டங்களில் ஒருசில இடங்களில் அதிகபட்ச வெப்பநிலை 2 முதல் 4 டிகிரி செல்சியஸ் வரை இயல்பை விட அதிக வெப்பநிலை நிலவக்கூடும் என்று வானிலை மையம் எச்சரித்துள்ளது. இன்றும் நாளையும் வட தமிழக உள்மாவட்டங்களில் அதிகபட்ச வெப்பநிலை 3 முதல் 5 டிகிரி செல்சியஸ் இயல்பை விட மிக அதிகமாக இருக்கக்கூடும் என்றும் வானிலை மையம் குறிப்பிட்டுள்ளது.
News May 3, 2024
பிரியங்கா காந்தி தேர்தலில் போட்டியிடாதது ஏன்?
மோடியின் பொய் பிரசாரத்தை பிரியங்கா காந்தி தனது தீவிரமான பரப்புரையால் ஒற்றை ஆளாக தவிடுபொடியாக்கி வருவதாக காங். பொதுச்செயலாளர் ஜெய்ராம் ரமேஷ் தெரிவித்துள்ளார். பிரியங்கா காந்தி தேர்தலில் போட்டியிடாதது குறித்து விளக்கம் அளித்த அவர், பிரியங்கா நாடு முழுவதும் பிரசாரம் செய்து வருவதாகவும், ஒரு குறிப்பிட்ட தொகுதிக்குள் அவர் சுருங்கிவிடக் கூடாது என்பதால் இந்த முடிவை எடுக்கப்பட்டதாகவும் தெரிவித்தார்.
News May 3, 2024
ரயிலில் அபாயச் சங்கிலி எப்படி செயல்படுகிறது?
ரயிலில் பயணிக்கும் பெரும்பாலானவர்களுக்கு அபாயச் சங்கிலி குறித்து தெரிந்திருக்கும். இதைப் பிடித்து இழுத்தால், ரயில் ஓட்டுநருக்கு சிக்னல் கிடைத்து அவர் ரயிலை நிறுத்துவார் என நினைப்போம். ஆனால், அது முற்றிலும் தவறு. ரயில் பெட்டிகளில் உள்ள அபாயச் சங்கிலிகள் பிரேக் பிரஷர் உடன் நேரடியாக இணைக்கப்பட்டிருக்கும். அதைப் பிடித்து இழுக்கும்போது, பிரஷர் ரிலீஸாகி வேகம் வெகுவாகக் குறைந்து ரயில் தானாக நிற்கும்
News May 3, 2024
அயோத்திக்கு வரும் பாகிஸ்தான் பக்தர்கள்
உத்தர பிரதேச மாநிலம் அயோத்தியில் கட்டப்பட்டுள்ள பிரம்மாண்ட ராமர் கோயிலில் தினந்தோறும் ஏராளமான பக்தர்கள் தரிசனம் செய்து வருகின்றனர். இந்நிலையில், பாகிஸ்தானில் இருந்து 200 பேர் கொண்ட சிந்தி சமூகத்தைச் சேர்ந்தவர்கள் புனிதப் பயணமாக அயோத்தி ராமர் கோயிலுக்கு இன்று தரிசனம் செய்ய வரவுள்ளனர். பிரயாக்ராஜில் இருந்து அயோத்திக்கு சாலை மார்க்கமாக வரும் அவர்களுக்காக, சிறப்பு ஏற்பாடுகள் செய்யப்பட்டுள்ளன.
News May 3, 2024
7030 புதிய பேருந்துகள் வாங்க அரசு முடிவு
இந்த ஆண்டு 7030 புதிய பேருந்துகள் வாங்கப்பட இருப்பதாக தமிழக போக்குவரத்து கழகம் தெரிவித்துள்ளது. மேலும், இந்தாண்டில் மட்டும் 15 ஆண்டுகள் நிறைவடைந்த 652 பேருந்துகள் கழிக்கப்பட்டுள்ளதாகவும் போக்குவரத்து அதிகாரிகள் தெரிவித்தனர். கடந்த சில நாட்களாக பேருந்தின் கதவு, படிக்கட்டுகள் கழன்று விபத்து நேர்ந்ததை அடுத்து எதிர்க்கட்சித் தலைவர்கள், போக்குவரத்து கழகத்தை கடுமையாக விமர்சித்திருந்தனர்.
Featured News
Sorry, no posts matched your criteria.