India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 15, 2024
8ஆம் வகுப்பு பாட புத்தகத்திலும் கருணாநிதி பற்றிய பாடம்
9, 10ஆம் வகுப்புகளை தொடர்ந்து 8ஆம் வகுப்பு சமூக அறிவியல் பாட புத்தகத்திலும் முன்னாள் முதல்வர் கருணாநிதி பற்றிய பாடம் இடம்பெற்றுள்ளது. பெண் உரிமை சார்ந்த திட்டங்கள் என்ற தலைப்பில் இடம்பெற்றுள்ள பாடப்பகுதியில், அவர் கொண்டுவந்த பெண்களுக்கு சொத்தில் சம உரிமை சட்டம் குறித்து இடம்பெற்றுள்ளது. கை ரிக்க்ஷா ஒழிப்புத் திட்டம், மதிய உணவுத் திட்டம், சுயமரியாதை திருமணம் உள்ளிட்டவையும் இடம்பெற்றுள்ளன.
News May 15, 2024
SBI வைப்பு நிதி வட்டி உயர்த்தப்பட்டது
Fixed Deposit (FD) என்று சொல்லப்படும் வைப்பு நிதிக்கான வட்டி விகிதத்தை 0.75% வரை உயர்த்தி அறிவித்திருக்கிறது SBI வங்கி. இன்று (மே 15) முதல் இந்த உயர்வு அமலுக்கு வந்துள்ளது. 46 முதல் 179 நாள்கள் வரையிலான FDக்களுக்கு ஆண்டு வட்டி 0.75% உயர்த்தப்பட்டு, 5.5%ஆக நிர்ணயிக்கப்பட்டுள்ளது. ஓராண்டுக்கான FD வட்டி 0.25% உயர்த்தப்பட்டு, 6.25%ஆக நிர்ணயம் செய்யப்பட்டுள்ளது.
News May 15, 2024
சச்சினின் பாதுகாப்பு காவலர் தற்கொலை
சச்சின் டெண்டுல்கரின் விவிஐபி பாதுகாப்பு காவலர் தன்னை தானே துப்பாக்கியால் சுட்டுக் கொண்டு தற்கொலை செய்து கொண்டார். சச்சினின் பாதுகாப்பு பணியில் ஈடுபட்டிருந்த மாநில ரிசர்வ் போலீஸ் படை வீரர் பிரகாஷ் கப்டே, ஜாம்னர் நகரில் உள்ள அவரது சொந்த வீட்டில் சடலமாக மீட்கப்பட்டார். விடுமுறையில் சொந்த ஊருக்கு சென்ற அவர், தனிப்பட்ட பிரச்னையில் தற்கொலை செய்து கொண்டதாக விசாரணையில் தெரியவந்துள்ளது.
News May 15, 2024
26 ஆண்டுகளுக்கு பின் பக்கத்து வீட்டில் மீட்கப்பட்ட நபர்
அல்ஜீரியாவில் 26 ஆண்டுகளுக்கு முன் காணாமல் போனவர், பக்கத்து வீட்டில் இருந்து மீட்கப்பட்டுள்ளார். 1998ஆம் ஆண்டு உள்நாட்டு போர் நடைபெற்று வந்தபோது, ஒமர் என்ற 19 வயது இளைஞர் காணாமல் போனார். அவர் கடத்தப்பட்டிருக்கலாம் அல்லது கொல்லப்பட்டிருக்கலாம் என அவரது குடும்பத்தார் கருதினர். ஆனால், அவரது வீட்டில் இருந்து 200 மீட்டர் தொலைவில் உள்ள வீட்டில் முதியவரால் சிறைப்பிடிக்கப்பட்டிருந்தது தெரியவந்தது.
News May 15, 2024
உலகில் எந்த சக்தியாலும் இதைத் தொட முடியாது
2024 தேர்தல் 2 சித்தாந்தங்களுக்கு இடையேயான தேர்தல் என ராகுல் கூறியுள்ளார். ஒடிசாவில் பரப்புரை மேற்கொண்ட அவர், நாட்டில் முதல்முறையாக ஒரு அரசியல் கட்சி தேர்தலில் வெற்றி பெற்றால் அரசியல் அமைப்பை முடிவுக்கு கொண்டு வருவோம் என கூறுவதாக சாடினார். இந்த அரசியலமைப்பே ஏழைகள், பழங்குடியினர், சிறுபான்மையினருக்கான உரிமைகளை வழங்கியுள்ளதாகவும், உலகில் எந்த சக்தியாலும் இதைத் தொட முடியாது எனவும் அவர் எச்சரித்தார்.
News May 15, 2024
அடுத்த 5 நாள்களுக்கு கனமழை பெய்யும்
தமிழ்நாட்டில் மே 19ஆம் தேதி வரை கனமழை தொடரும் என்று சென்னை வானிலை ஆய்வு மையம் தெரிவித்துள்ளது. நாளை (மே 16) 10 மாவட்டங்களிலும், மே 17, 18 தேதிகளில் 26 மாவட்டங்களிலும், மே 19ஆம் தேதி 28 மாவட்டங்களிலும் மழை பெய்யும் என்று அறிவிக்கப்பட்டுள்ளது. வடக்கு மாவட்டங்களைத் தவிர பெரும்பாலான மாவட்டங்கள் அடுத்த 5 நாள்களுக்கு கனமழையை பெற இருக்கின்றன. இதற்கான ஆரஞ்சு அலர்ட் விடுக்கப்பட்டுள்ளது.
News May 15, 2024
இந்திய அணிக்கு யார் அடுத்த பயிற்சியாளர்?
ராகுல் டிராவிட்டின் பதவி காலம் ஜூன் மாதத்துடன் முடிவடைவதால், இந்திய அணிக்கு யார் புதிய தலைமை பயிற்சியாளராக வருவார்கள் என ரசிகர்கள் ஆவலுடன் உள்ளனர். அந்த வகையில், ஃப்ளெமிங், கம்பீர், ஆண்டி ஃப்ளவர், ஜஸ்டின் லாங்கர், ஷேவாக், ரிக்கி பாண்டிங் ஆகியோர் பிசிசிஐயின் விருப்பப் பட்டியலில் இருப்பதாகவும், இதுகுறித்து அவர்களிடம் பேச்சுவார்த்தை நடத்த முனைப்பு காட்டி வருவதாகவும் தகவல் வெளியாகியுள்ளது.
News May 15, 2024
ஜோதிராதித்ய சிந்தியாவின் தாயார் காலமானார்
மத்திய அமைச்சர் ஜோதிராதித்ய சிந்தியாவின் தாயார் மாதவி ராஜே இன்று காலை காலமானார். நிமோனியாவால் பாதிக்கப்பட்ட அவர், கடந்த சில நாள்களாக வென்டிலேட்டர் உதவியுடன் டெல்லி எய்ம்ஸ் மருத்துவமனையில் சிகிச்சை பெற்று வந்த நிலையில் உயிரிழந்தார். இவர் குவாலியரை ஆட்சிசெய்த குடும்பத்தை சேர்ந்தவர் என்பதால், ராஜமாதா என்றே மக்களால் அழைக்கப்பட்டார். அவரது மறைவுக்கு அரசியல் தலைவர்கள் இரங்கல் தெரிவித்து வருகின்றனர்.
News May 15, 2024
APPLY NOW: அரசு துறைகளில் வேலை
தமிழ்நாடு அரசின் பல்வேறு துறைகளில் காலியாக உள்ள மேனேஜர், சீனியர் ஆபிசர், ரிப்போர்ட்டர் உள்ளிட்ட பல்வேறு பணியிடங்களை நிரப்புவதற்கான, ஒருங்கிணைந்த தொழில்நுட்ப சேவைகள் தேர்வுக்கான அறிவிப்பை தமிழ்நாடு அரசுப் பணியாளர் தேர்வாணையம் வெளியிட்டுள்ளது. விண்ணப்பதாரர்கள் tnpsc.gov.in என்ற இணையதளத்தில் ஜூன் 14ஆம் தேதி வரை விண்ணப்பிக்கலாம். மேலும் விவரங்களுக்கு இங்கே <
News May 15, 2024
FD-இல் பிரதமர் மோடியின் 95% சொத்துகள்
பிரதமர் மோடி தனது பிரமாணப் பத்திரத்தில் ₹3.02 கோடி சொத்து உள்ளதாகவும், அதில் 2.86 கோடி (95%) FD வைக்கப்பட்டுள்ளதாகவும் குறிப்பிட்டிருந்தார். இதுதவிர்த்து, பங்குச்சந்தைகளில் எந்த முதலீடுகளையும் அவர் மேற்கொள்ளவில்லை. பொதுவாகவே, FD நம்பகமான முதலீடாக கருதப்படுகிறது. குறிப்பாக, மூத்த குடிமக்களுக்கு கேட்கவே வேண்டாம். மோடியின் முதலீடும், FDயின் ஸ்திரத்தன்மை, பாதுகாப்பு போன்ற நம்பிக்கையையே காட்டுகிறது.
Featured News
Sorry, no posts matched your criteria.