India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 21, 2024
பயிற்சியாளர் பதவிக்கு ஹர்பஜன் சிங் ஆர்வம்
இந்திய அணியின் தலைமை பயிற்சியாளர் பதவி மீது ஆர்வம் இருப்பதாக ஹர்பஜன் சிங் தெரிவித்துள்ளார். இதுகுறித்து பேசிய அவர், கிரிக்கெட் தனக்கு நிறைய கொடுத்துள்ளது என்றும், வாய்ப்பு கிடைத்தால் பயிற்சியாளர் பணியை மகிழ்ச்சியுடன் செய்வேன் என்றும் கூறினார். மேலும், வீரர்களுக்கு டெக்னிக்கல் திறனை சொல்லிக் கொடுப்பதை விட, குழுவாக எப்படி செயல்பட வேண்டும் என்பது பற்றி பயிற்சி அளிக்க வேண்டும் எனக் குறிப்பிட்டார்.
News May 21, 2024
வேட்டையாடுபவர்களை பிடிக்க உதவும் AI கேமராக்கள்
வேட்டையாடுபவர்களை பிடிக்க, AI தொழில்நுட்பம் கொண்ட கேமராக்கள் உதவுவதாக வனத்துறை அதிகாரி சுசாந்தா நந்தா தெரிவித்துள்ளார். காடுகளில் வேட்டையாட வருபவர்களை, இந்த வகை கேமராக்கள் உடனடியாக புகைப்படம் எடுத்து அனுப்பும் என்றும், இதனால் வேட்டையாடுபவர்கள் உடனடியாக பிடிபடுவார்கள் என்றும் தெரிவித்துள்ளார். மேலும், இந்த கேமராக்கள் மூலம் ஒடிசாவில் சிக்கிய 2 பேரின் புகைப்படங்களையும் அவர் பகிர்ந்துள்ளார்.
News May 21, 2024
‘தக் லைஃப்’ படப்பிடிப்பு 50% நிறைவு
கமல்ஹாசன் நடித்துள்ள ‘தக் லைஃப்’ படத்தின் படப்பிடிப்பு 50% முடிவடைந்துவிட்டதாக இணையத்தில் தகவல் வெளியாகியுள்ளது. துல்கர் சல்மானும், ஜெயம் ரவியும் படத்தில் இருந்து விலகியதைத் தொடர்ந்து, நடிகர் சிம்பு இப்படத்தில் இணைந்தார். இதனால், மணிரத்னம் படத்தின் கதையை மாற்றியதாகவும், இது முழுக்க முழுக்க கமல்-சிம்புவின் படமாக இருக்கும் எனவும் கூறப்படுகிறது. இப்படத்தில், நடிகர் சிம்பு கமலுக்கு மகனாக நடிக்கிறார்.
News May 21, 2024
RCB ரசிகர்களிடம் மன்னிப்பு கேட்ட வாட்சன்
முன்னாள் ஆஸி., கிரிக்கெட் வீரர் ஷேன் வாட்சன், RCB ரசிகர்களிடம் மன்னிப்பு கேட்டுள்ளார். நிகழ்ச்சி ஒன்றில் பேசிய அவர், 2016ஆம் ஆண்டு ஐபிஎல் தொடரின் இறுதிப் போட்டியில் RCB அணிக்கு தன்னுடைய சிறந்த ஆட்டத்தை கொடுத்திருக்க வேண்டும் என்றும், ஆனால் அந்த சீசனில் தான் மிகவும் மோசமாக விளையாடியதாகவும் தெரிவித்துள்ளார். மேலும், இதற்காக RCB ரசிகர்கள் அனைவரும் தன்னை மன்னிக்க வேண்டும் என உருக்கமாக பேசியுள்ளார்.
News May 21, 2024
ஜூலை 15 முதல் ‘மக்களுடன் முதல்வர்’ திட்டம்
இரண்டாம் கட்டமாக ஜூலை 15 முதல் மக்களுடன் முதல்வர் திட்டம் செயல்படுத்தப்படும் என தமிழக அரசு அறிவித்துள்ளது. பொதுமக்களின் கோரிக்கை மனுக்களுக்கு விரைவில் தீர்வு காணும் வகையில் இத்திட்டம் கடந்த டிசம்பர் மாதம் தொடங்கப்பட்டது. இதில், 5 மாதங்களில் பெற்ற 8.74 லட்சம் மனுக்கள் மீது ஒரே மாதத்தில் தீர்வு காணப்பட்டதாக கூறப்பட்டுள்ளது. 2வது கட்டமாக 12,525 கிராமங்களில் 2,500 சிறப்பு முகாம்கள் நடத்தப்பட உள்ளது.
News May 21, 2024
5 லட்சம் வாக்கு வித்தியாசத்தில் ராகுல் வெல்வாரா?
ரேபரேலியில் 5 லட்சம் வாக்கு வித்தியாசத்தில் ராகுல் வெற்றி பெறுவார் என காங்கிரஸ் நிர்வாகிகள் விருப்பம் தெரிவித்துள்ளனர். ரேபரேலியில் இதுவரை 20 தேர்தல்கள் நடைபெற்றுள்ள நிலையில், அதில் 17 முறை காங்கிரஸ், 2 முறை பாஜக, ஜனதா கட்சி 1 முறை வென்றுள்ளது. ரேபரேலி தொகுதிக்குட்பட்ட 4 சட்டப்பேரவை தொகுதிகளிலும் அகிலேஷ் கட்சி எம்எல்ஏக்களே வெற்றி பெற்றுள்ளதால், அதிக வாக்குகள் கிடைக்கும் என காங்கிரஸ் நம்புகிறது.
News May 21, 2024
முன்னாள் டிஜிபி ராஜேஷ் தாஸ் மீது வழக்குப்பதிவு
முன்னாள் டிஜிபி ராஜேஷ் தாஸ் மீது மேலும் ஒரு வழக்கு பதிவு செய்யப்பட்டுள்ளது. அவரது மனைவி பீலா தங்கியிருந்த வீட்டிற்கு சென்று தகராறு செய்ததாக 3 பிரிவுகளின் கீழ் போலீசார் வழக்குப் பதிந்துள்ளனர். ஏற்கனவே பீலா விவாகரத்து கோரி நீதிமன்றத்தில் மனு தாக்கல் செய்து இருப்பதும், அது தொடர்பான விசாரணை நடந்து வருவதும் குறிப்பிடத்தக்கது. பாலியல் வழக்கில் ஏற்கெனவே ராஜேஷ் தாஸ் 3 ஆண்டு சிறை தண்டனை பெற்றுள்ளார்.
News May 21, 2024
IPLஇல் அதிக ரன் குவித்த வீரர்கள்
▶விராட் கோலி – 973 (2016) ▶ஷுப்மன் கில் – 890 (2023) ▶ஜாஸ் பட்லர் – 863 (2022) ▶டேவிட் வார்னர் – 848 (2016) ▶கேன் வில்லியம்சன் – 735 (2018) ▶கிறிஸ் கெயில் – 733 (2012) ▶மைக்கல் ஹசி – 730 (2013) ▶டு பிளசி – 730 (2023) ▶கிறிஸ் கெயில் – 708 (2013) ▶விராட் கோலி – 708*(2024). இதில், பெங்களூரு அணியைச் சேர்ந்த விராட் கோலி மற்றும் கிறிஸ் கெயில் ஆகியோர் மட்டுமே 2 முறை இடம்பிடித்துள்ளனர்.
News May 21, 2024
24 மாநிலங்களில் முழுமையாக நிறைவடைந்த தேர்தல்
5 கட்ட தேர்தலில் இதுவரை 428 தொகுதிகளில் வாக்குப்பதிவு நிறைவடைந்துள்ளது. மொத்தமுள்ள 543 இடங்களில் 80% இடங்களில் தேர்தல் முடிந்துள்ளது. 6ஆவது கட்டமாக மே 25ஆம் தேதி 57 தொகுதிகளிலும், 7ஆவது கட்டமாக ஜுன் 1ஆம் தேதி 57 தொகுதிகளிலும் தேர்தல் நடைபெறுகிறது. தமிழகம், ஆந்திரா உள்ளிட்ட 24 மாநிலங்களில் தேர்தல் முழுமையாக நடந்து முடிந்துள்ளது. உ.பி, மே.வங்கம் மாநிலங்களில் தேர்தல் தொடர்ந்து நடைபெற்று வருகிறது.
News May 21, 2024
எம்.எஸ்.சுப்புலட்சுமியின் வாழ்க்கை வரலாறு படம்
பாரத ரத்னா விருது பெற்ற இந்தியாவின் முதல் இசைக்கலைஞர் எம்.எஸ்.சுப்புலட்சுமியின் வாழ்க்கை வரலாறு, திரைப்படமாக உருவாகவுள்ளது. பெங்களூரைச் சேர்ந்த தயாரிப்பு நிறுவனமும், கர்நாடகாவை சேர்ந்த முன்னணி இயக்குநர் குழுவும் படத்தின் முன் தயாரிப்பு பணிகளைத் தொடங்கிவிட்டதாகவும், அவரது கதாபாத்திரத்திற்கு த்ரிஷா அல்லது நயன்தாராவை தேர்வு செய்ய படக்குழு பேச்சுவார்த்தை நடத்தி வருவதாகவும் கூறப்படுகிறது.
Featured News
Sorry, no posts matched your criteria.