India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 21, 2024
என்னை மிரட்டி பணிய வைக்க முடியாது
ஓபிஎஸ் அணியின் எந்த மிரட்டலுக்கும்
அஞ்ச மாட்டேன் என முன்னாள் அமைச்சர் ஆர்.பி உதயகுமார் தெரிவித்துள்ளார். 2 முறை அமைச்சராக இருந்த என்னை இபிஎஸ்ஸின் அடியாள் என ஓபிஎஸ் தரப்பினர் விமர்சிப்பதாக வருத்தப்பட்ட அவர், கடைசி வரை அதிமுகவுக்கு விசுவாசமாக இருப்பேன் என்றார். மு.க.அழகிரி மதுரையில் இருந்த பொழுது கிராமம் கிராமமாக சென்று இளைஞர் பாசறையை உருவாக்கி சாதித்ததாகவும் அவர் தெரிவித்தார்.
News May 21, 2024
முதுமை தோற்றத்தை தடுக்கும் ஒயினோதெரபி
ஒயினோதெரபி என அழைக்கப்படும் புதிய அழகு சிகிச்சை முறை தற்போது ட்ரெண்டிங்கில் உள்ளது. ரெட், ஒயிட் அல்லது ரோஸ் ஒயின், மூலிகைகள், எசன்ஷியல் ஆயில்கள் போன்றவற்றை பயன்படுத்தி சருமத்தை சீரமைத்து, முதுமை தோற்றத் தடுப்பு சிகிச்சைகள் செய்யப்படுகின்றன. ஒயின்களில் இயற்கையான அழற்சி தடுப்பு உட்பொருள்கள் இருப்பதாகவும், இவை சரும சுருக்கங்களை சரிசெய்து, முதுமை தோற்றத்தைத் தடுப்பதாகவும் கூறப்படுகிறது.
News May 21, 2024
கொல்கத்தா அணிக்கு 160 ரன்கள் இலக்கு
SRH-KKR இடையேயான Qualifier 1 போட்டியில், கொல்கத்தா அணிக்கு 160 ரன்கள் இலக்காக நிர்ணயிக்கப்பட்டுள்ளது. டாஸ் வென்று பேட்டிங் தேர்வு செய்த SRH அணி, தொடக்கம் முதலே தடுமாறி வந்தது. முன்னணி வீரர்கள் சொற்ப ரன்களில் ஆட்டமிழக்க, ராகுல் திரிபாதி பொறுப்புடன் விளையாடி அணியின் ஸ்கோரை உயர்த்தினார். 10 விக்கெட்டுகள் இழப்பிற்கு, SRH 159 ரன்கள் குவித்தது. KKR வீரர் மிட்செல் ஸ்டார்க் 3 விக்கெட்டுகளை கைப்பற்றினார்.
News May 21, 2024
ஒடிஷாவை தமிழர் ஆளக்கூடாது: அமித் ஷா
தமிழகத்தைச் சேர்ந்தவர் ஒடிசாவை ஆட்சி செய்வதா? என மத்திய உள்துறை அமைச்சர் அமித் ஷா, பிஜேடி தலைவர் வி.கே.பாண்டினை விமர்சித்துள்ளார். நாட்டிலேயே மிகவும் வளமான மாநிலமான ஒடிஷாவில் மக்கள் ஏழைகளாக இருப்பதாக குற்றம் சாட்டிய அவர், மோடிக்கு வாக்களித்தால் ஒடிஷா முதலிடத்திற்கு வரும் என்றார். தமிழகத்தை சேர்ந்த வி.கே.பாண்டியனை மோடி நேற்று விமர்சித்திருந்த நிலையில், இன்று அமித் ஷாவும் விமர்சனம் செய்துள்ளார்.
News May 21, 2024
பாக்கியலட்சுமி தொடரிலிருந்து விஜே விஷால் விலகல்
விஜய் தொலைக்காட்சியில் ஒளிபரப்பாகி வரும் பாக்கியலட்சுமி தொடரிலிருந்து நடிகர் விஜே விஷால் விலகியுள்ளார். கடந்த 2020 முதல் ஒளிபரப்பாகி வரும் இத்தொடரின் மூலம் பலதரப்பட்ட ரசிகர்களை கவர்ந்த அவர், தொடர்ந்து குக் வித் கோமாளியில் பங்கேற்றார். பின், ரெடி ஸ்டெடி போ என்ற நிகழ்ச்சியை தொகுத்து வழங்கினார். இந்நிலையில், பாக்கியலட்சுமி தொடரில் முக்கியத்துவம் தராததால் அதிலிருந்து அவர் விலகியதாக கூறப்படுகிறது.
News May 21, 2024
யோகி பாபுவின் ‘வானவன்’ படப்பிடிப்பு நிறைவு
நகைச்சுவை நடிகர் யோகி பாபு கதாநாயகனாக நடித்து வரும் ‘வானவன்’ படத்தின் படப்பிடிப்பு நிறைவடைந்ததாக படக்குழு தெரிவித்துள்ளது. இதுகுறித்து பேசிய இயக்குநர் சஜின் கே. சுரேந்திரன், குழந்தைகள் மற்றும் குடும்பங்கள் கொண்டாடும் வகையான படமாக இது இருக்கும் என்றும், விரைவில் படத்தின் ஃபர்ஸ்ட் லுக் மற்றும் டீசர் வெளியிடப்படும் என்றும் கூறினார். இப்படத்திற்கு, கோவிந்த் வசந்தா இசையமைத்திருக்கிறார்.
News May 21, 2024
அரைசதம் கடந்தார் ராகுல் திரிபாதி
கொல்கத்தாவுக்கு எதிரான முதல் Qualifier போட்டியில், ஹைதராபாத் வீரர் ராகுல் திரிபாதி அதிரடி காட்டி வருகிறார். தொடக்க ஆட்டக்காரர்களான டிராவிஸ் ஹெட், அபிஷேக் ஷர்மா, ஷபாஸ் அகமது ஆகியோர் சொற்ப ரன்களில் ஆட்டமிழந்த நிலையில், ராகுல் பொறுப்புடன் விளையாடி வருகிறார். 7 Four, 1 Six என விளாசிய அவர், 29 பந்துகளில் அரை சதம் அடித்தார். இதனால் அணியின் ஸ்கோர் மளமளவென உயர்ந்தது. SRH அணி எவ்வளவு ரன் குவிக்கும்?
News May 21, 2024
CSK கட்சியை தொடங்குவது உறுதி
காமெடி நடிகர் கூல் சுரேஷ் சிஎஸ்கே என்ற பெயரில் கட்சியை தொடங்க உள்ளதாகவும், 2026 சட்டசபை தேர்தலில் போட்டியிட இருப்பதாகவும் அண்மையில் கூறியிருந்தார். இந்நிலையில், இன்று
தான் CSK கட்சியை தொடங்குவது உறுதி என்று அவர் கூறியுள்ளார். விஜய் விருப்பம் தெரிவித்தால் தமிழக வெற்றிக் கழகத்துடன் சிஎஸ்கே கட்சி பயணிக்கும் என்றார். மேலும், இது தவெகவிற்கு கூடுதல் பலமாக அமையும் என்றும் அவர் தெரிவித்தார்.
News May 21, 2024
34 மாவட்டங்களில் மழைக்கு வாய்ப்பு
ராணிப்பேட்டை, வேலூர், திருப்பத்தூர், தி.மலை, கிருஷ்ணகிரி, தருமபுரி, கள்ளக்குறிச்சி, ஈரோடு, நீலகிரி, கோவை, திருப்பூர், சேலம், நாமக்கல், திருச்சி, கரூர், மதுரை, பெரம்பலூர், சென்னை, திருவள்ளூர், காஞ்சிபுரம், செங்கல்பட்டு, கடலூர், மயிலாடுதுறை, நெல்லை, தேனி, தென்காசி, தூத்துக்குடி, விருதுநகர், திருவாரூர், புதுக்கோட்டை, சிவகங்கை, திண்டுக்கல், ராமநாதபுரம், குமரியில் இரவு 10 மணி வரை மழைக்கு வாய்ப்புள்ளது.
News May 21, 2024
சிம்புவுக்கு ஜோடியாகும் கியாரா, ஜான்வி?
சிம்பு நடிக்கும் ‘STR48’ படத்தில், அவருக்கு ஜோடியாக பாலிவுட் நடிகைகள் கியாரா அத்வானி மற்றும் ஜான்வி கபூரும் நடிக்க உள்ளதாக இணையத்தில் தகவல் வெளியாகியுள்ளது. படத்திற்கான ப்ரீ புரடக்ஷன் பணிகள் தற்போது நிறைவடைந்துள்ள நிலையில், ஜூலை மாதம் படப்பிடிப்பைத் தொடங்க படக்குழு திட்டமிட்டுள்ளது. இதில், சிம்பு இரட்டை வேடத்தில் நடிக்க உள்ளதாகவும், பிரம்மாண்ட பொருட்செலவில் படமாக்கப்பட உள்ளதாகவும் கூறப்படுகிறது.
Featured News
Sorry, no posts matched your criteria.