India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 25, 2024
எல்ஐசி சாதனையை ஹூண்டாய் முறியடிக்குமா?
நாட்டின் முன்னணி வாகன தயாரிப்பு நிறுவனமான ஹூண்டாய் மோட்டார்ஸ் பங்குச் சந்தையில் நுழையத் தயாராகி வருவதாகத் தெரிகிறது. ஐபிஓ மூலம் 3 பில்லியன் டாலர்களை திரட்ட நிறுவனம் திட்டமிட்டுள்ளதாக வணிக வட்டாரங்கள் தெரிவிக்கின்றன. இது நடந்தால், எல்ஐசி சாதனையை ($2.7 பில்லியன்) முறியடித்து, இந்திய சந்தையில் மிகப்பெரிய ஐ.பி.ஓவாக ஹூண்டாய் மாறும். நிறுவனத்தின் மொத்த மதிப்பு $20 பில்லியன் என மதிப்பிடப்பட்டுள்ளது.
News May 25, 2024
27 ஆண்டுகளுக்குப் பிறகு இணையும் பிரபுதேவா, கஜோல்
‘மின்சார கனவு’ (1997) படத்திற்குப் பிறகு, நடிகர் பிரபுதேவா & நடிகை கஜோல் இருவரும் புதிய படம் ஒன்றில் மீண்டும் இணைந்து நடிக்கவுள்ளனர். தெலுங்கு இயக்குநர் சரண் தேஜ் பாலிவுட்டில் இயக்கும் இந்தப் படத்தில் நசிருதீன் ஷா, சம்யுக்தா மேனன், ஆதித்யா ஷீல் உள்ளிட்ட பிரபலங்கள் நடிக்கின்றனர். இதன் முதற்கட்ட படப்பிடிப்பு முடிந்துவிட்ட நிலையில், படத்தின் டீசரை விரைவில் வெளியிட படக்குழு தயாராகி வருகிறது.
News May 25, 2024
ஆட்டநாயகன் விருதை வென்ற ஷாபாஸ் அகமது
RR-க்கு எதிரான போட்டியில், 4 ஓவரில் 23 ரன்கள் மட்டும் கொடுத்து 3 விக்கெட்டுகள் எடுத்த SRH அணியின் பந்துவீச்சாளர் ஷாபாஸ் அகமதுக்கு ஆட்டநாயகன் விருது வழங்கப்பட்டுள்ளது. விருதைப் பெற்றுக்கொண்டு பேசிய அவர், “இந்த முக்கியமான போட்டியில் ஆட்டநாயகன் விருது வென்றதை பெருமையாக கருதுகிறேன். SRH அணி மிகவும் ரிலாக்ஸாக இருக்கிறது. ஃபைனலில் கோப்பையை வென்ற பின்பே நாங்கள் கொண்டாடுவோம்” என்று கூறினார்.
News May 25, 2024
முடி உதிரும் பிரச்னையா… அப்போ இதை குடிங்க!
உடலின் நோய் எதிர்ப்பு சக்தியை அதிகரிக்கவும் முடி உதிர்வை தடுக்கவும் கேசவர்தினி ஜூஸை பருகலாம் என்று உணவியல் நிபுணர்கள் பரிந்துரைக்கின்றனர். நெல்லி, பீட்ரூட், கறிவேப்பிலை, இஞ்சி, மஞ்சள் ஆகியவற்றை நறுக்கி எடுத்து, நீர் ஊற்றி அரைத்து சிட்டிகை சீரகம் தூள் சேர்த்தால் கேசவர்தினி ஜூஸ் ரெடி. இதனை காலையில் வெறும் வயிற்றில் 45 நாள்கள் தொடர்ந்து பருகி வந்தால் ரத்தம் சுத்தமாகி, முடி நன்கு அடர்த்தியாக வளரும்.
News May 25, 2024
பண்டிட்கள் வாக்களிக்க சிறப்பு ஏற்பாடுகள்
காஷ்மீரின் அனந்தநாக்-ரஜௌரி மக்களவைத் தொகுதிக்கான வாக்குப்பதிவு இன்று (மே 25) நடைபெறவுள்ளது. இந்நிலையில், இத் தொகுதியில் வாக்களிக்க தகுதிபெற்றுள்ள 26,000 காஷ்மீர் பண்டிட்டுகள் தங்களது வாக்குகளைச் செலுத்த சிறப்பு ஏற்பாடுகள் செய்யப்பட்டுள்ளது. அதன் ஒரு பகுதியாக புலம்பெயர்ந்த வாக்காளர்களுக்காக ஜம்மு, உதம்பூர் & டெல்லி உள்ளிட்ட பகுதிகளில் 34 சிறப்பு வாக்குப்பதிவு மையங்கள் அமைக்கப்பட்டுள்ளன.
News May 25, 2024
உதவியாளர்களிடம் கதை சொல்ல வேண்டுமா?
டாடா, ஸ்டார் ஆகிய இரு படங்களின் வசூல் ரீதியிலான வெற்றியைத் தொடர்ந்து, வளர்ந்துவரும் இளம் நடிகர்களின் பட்டியலில் லேட்டஸ்டாக நடிகர் கவின் இணைந்துள்ளார். ‘ஸ்டார்’ படம் ₹7 கோடியை வசூலித்ததை அடுத்து, தனது சம்பளத்தை ₹5 கோடியாக கவின் உயர்த்தியுள்ளதாகக் கூறப்படுகிறது. அத்துடன், இனி அவரின் இரு உதவியாளர்கள் கதையைக் கேட்டு ஓகே செய்தால் மட்டுமே 3ஆவதாக கவின் கேட்பார் என்று சினிமா வட்டாரங்கள் கூறுகின்றன.
News May 25, 2024
மே 25 வரலாற்றில் இன்று!
➤1607 – புனிதத் துறவி மக்தலேனா தே பாசி கார்மேல் மறைந்த நாள். ➤1837 – கியூபெக்கில் இங்கிலாந்து ஆட்சிக்கெதிராக கிளர்ச்சி வெடித்தது. ➤1940 – போலோன் துறைமுகத்தை ஜெர்மனிக் கைப்பற்றியது. ➤1977 – வில்லியம் ஷேக்ஸ்பியரின் இலக்கியங்கள் மீதான தடையை சீனா நீக்கியது. ➤1981 – ரியாத் நகரில் வளைகுடா கூட்டுறவுப் பேரவை உருவானது. ➤2008 – நாசாவின் பீனிக்ஸ் விண்ணூர்தி செவ்வாயில் தரையிறங்கியது.
News May 25, 2024
அணு எரிபொருளை இந்தியாவுக்கு வழங்கும் ரஷ்யா
இந்தியாவுக்கு அடுத்த தலைமுறை அணு எரிபொருள் மிக விரைவில் அளிக்கப்படும் என்று ரஷ்ய அணுசக்தி கழகத்தின் தலைவர் அலெக்ஸி லிகாச்சே அறிவித்துள்ளார். செர்பியாவில் இந்திய அணுசக்தி கமிஷனின் தலைவர் அஜித்குமார் மோஹான்தியை லிகாச்சே நேரில் சந்தித்து பேசியுள்ளார். அப்போது அவர், அணுசக்தியை உலக அமைதிக்காக பயன்படுத்துவதும் இந்தியாவுடனான துறைசார்ந்த ஒத்துழைப்பை விரிவுபடுத்த தயாராக ரஷ்யா இருப்பதாகக் கூறியுள்ளார்.
News May 25, 2024
பப்புவா நியூ கினியாவில் 3,000 பேர் மாயம்
பப்புவா நியூ கினியாவில் ஏற்பட்ட மிகப் பெரிய நிலச்சரிவில் சிக்கி 100 பேர் உயிரிழந்துள்ளனர். மலைப் பாங்கான அந்த நாட்டின் தலைநகர் போர்ட் மோர்ஸ்பிக்கு 600 கி.மீ. தொலைவிலுள்ள காவ்கலாமில் நிலச்சரிவில் புதையுண்டது. பாதிக்கப்பட்ட பகுதிகளில் மீட்புப் பணிகள் முடுக்கிவிடப்பட்டுள்ளது. நிலச்சரிவில் 3,000 பேர் மாயமாகியுள்ளன நிலையில், உயிரிழந்தோரின் எண்ணிக்கை 1,000-க்கும் மேல் இருக்கும் என்று அஞ்சப்படுகிறது.
News May 25, 2024
SRH அணியின் வெற்றிக்கு முக்கிய பங்காற்றிய அபிஷேக்
RR-க்கு எதிரான போட்டியில், தான் வீசிய 4 ஓவரில் 24 ரன்கள் மட்டும் கொடுத்து 2 முக்கிய விக்கெட்டுக்களை எடுத்த அபிஷேக் ஷர்மா SRH அணியின் வெற்றிக்கு முக்கிய பங்காற்றியுள்ளார். SRH அணியின் வெற்றி குறித்து பேசிய அவர், ஐபிஎல் இறுதிப்போட்டியில் விளையாட வேண்டும் என்பது எனது கனவுகளில் ஒன்றாகும். அது நிறைவேற உள்ளது. பயிற்சியில் கற்ற அனைத்தையும் களத்தில் செயல்படுத்த வாய்ப்பளித்த கம்மின்ஸுக்கு நன்றி என்றார்.
Featured News
Sorry, no posts matched your criteria.