India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 26, 2024
‘ஜோரா கைய தட்டுங்க’ ஃபர்ஸ்ட் லுக் வெளியானது
யோகி பாபு நடித்துள்ள ‘ஜோரா கைய தட்டுங்க’ படத்தின் ஃபர்ஸ்ட் லுக் போஸ்டரை படக்குழு வெளியிட்டுள்ளது. வினீஷ் மில்லினியம் இயக்கும் இப்படத்திற்கு, எஸ்.என்.அருணகிரி இசையமைத்துள்ளார். இதற்கு முன்னதாக, யோகி பாபு கதாநாயகனாக நடித்த மண்டேலா, பொம்மை நாயகி படங்கள் நல்ல வரவேற்பைப் பெற்றதால், புதிய படத்தின் மீதான எதிர்பார்ப்பு அதிகரித்துள்ளது. போஸ்டரை வெளியிட்ட விஜய் சேதுபதி, படக்குழு வாழ்த்துத் தெரிவித்தார்.
News May 26, 2024
நாளை பாஜக ஆலோசனைக் கூட்டம்
தமிழக பாஜக மாவட்டத் தலைவர்களின் ஆலோசனைக் கூட்டம் நாளை (27.05.2024) அண்ணாமலை தலைமையில் சென்னையில் நடைபெறவுள்ளது. தேர்தலுக்குப் பின் சுணக்கமாக இருந்த அரசியல் களம், மீண்டும் சூடு பிடிக்கத் தொடங்கியுள்ளது. ஜூன் 4ஆம் தேதி தேர்தல் முடிவுகள் வெளியானதற்குப் பின் செய்ய வேண்டியவை குறித்து பாஜக நாளை ஆலோசனை செய்யவுள்ளது. புதிய நிர்வாகிகள் நியமனம் குறித்தும் ஆலோசிக்கப்படவுள்ளதாக தகவல் வெளியாகியுள்ளது.
News May 26, 2024
இறுதிப்போட்டியில் பி.வி.சிந்து அதிர்ச்சி தோல்வி
மலேசியா மாஸ்டர் பேட்மிண்டன் தொடரின் இறுதிப்போட்டியில், பி.வி.சிந்து அதிர்ச்சி தோல்வி அடைந்தார். சீன வீராங்கனை வாங்கிற்கு எதிரான இப்போட்டியில், அபாரமான தொடக்கத்தை கொடுத்த சிந்து முதல் செட்டை 21-16 என்ற புள்ளிக் கணக்கில் கைப்பற்றினார். அதன்பின், 2 & 3ஆவது செட்டுகளில் சற்று தடுமாறிய அவர், 5-21, 16-21 என்ற புள்ளிக் கணக்கில் தோல்வி அடைந்து 2ஆவது இடத்தை பிடித்தார். இதனால், ரசிகர்கள் சோகத்தில் உள்ளனர்.
News May 26, 2024
தொடர் சர்ச்சையில் தலைமைத் தேர்தல் ஆணையம்
மோடியின் பிரசாரம் குறித்து எதிர்க்கட்சியினர் புகார் அளித்தும் நடவடிக்கை எடுக்கவில்லை என்று EC விமர்சனத்துக்கு ஆளானது. ஒவ்வொரு கட்டத் தேர்தல் வாக்குப்பதிவு சதவீதத்தை மாற்றி மாற்றி வெளியிடுவதும் சர்ச்சையை ஏற்படுத்தியுள்ளது. இந்திய ஜனநாயகத் தூண்களில் ஒன்றான EC தொடர்ந்து இதுபோல் சர்ச்சையில் சிக்கினால் அதன்மீது மக்கள் நம்பிக்கையை இழந்து விடுவர். இதை கவனத்தில் கொள்ளுமா தேர்தல் ஆணையம்?
News May 26, 2024
விராட் கோலி நியூயார்க் செல்லவில்லை
டி20 உலகக் கோப்பைக்கான பயிற்சியைத் தொடங்குவதற்காக, இந்திய அணி நியூயார்க் புறப்பட்டது. ரோஹித் ஷர்மா, ஜடேஜா, பும்ரா உள்ளிட்ட முன்னணி வீரர்கள் நேற்று புறப்பட்ட நிலையில், விராட் கோலி மட்டும் செல்லவில்லை. இதுகுறித்து பிசிசிஐயிடம் தெரிவித்த அவர், வரும் 30ஆம் தேதி இங்கிருந்து புறப்படவுள்ளார். இதனால், ஜூன் 1ஆம் தேதி நடைபெறும் வங்கதேசத்துக்கு எதிரான பயிற்சி போட்டியைத் தவறவிட வாய்ப்புள்ளதாக தெரிகிறது.
News May 26, 2024
தவறி கீழே விழுந்தார் வைகோ
மதிமுக பொதுச் செயலாளர் வைகோ வீட்டில் தவறி கீழே விழுந்துவிட்டதாக அவரது மகன் துரை வைகோ தெரிவித்துள்ளார். இதன் காரணமாக வைகோவுக்கு தோள் பட்டையில் காயம் ஏற்பட்டுள்ளது என்றும் சிகிச்சைக்காக அவர் சென்னை விரைந்துள்ளார் என்றும் துரை வைகோ கூறியுள்ளார். நாகர்கோவில் மாவட்டச் செயலாளர் வெற்றிவேல் இல்ல திருமண விழாவில் வைகோ பங்கேற்கவிருந்த நிலையில் துரை வைகோ பங்கேற்று இத்தகவலை கூறினார்.
News May 26, 2024
ராமேஸ்வரத்தில் திடீரென உள்வாங்கிய கடல்
வங்கக்கடலில் உருவான ரெமல் புயல் தீவிர புயலாக வலுவடைந்துள்ள நிலையில், ராமேஸ்வரத்தில் 50 மீட்டர் தூரத்துக்கு திடீரென கடல் உள்வாங்கியுள்ளது. இதனால் படகுகள் தரை தட்டி நிற்கின்றன. இதை அங்கு வந்த சுற்றுலா பயணிகள் ஆச்சரியத்துடன் பார்த்து சென்றனர். காலநிலை மாற்றத்தாலேயே கடல்நீர் உள்வாங்கியிருப்பதாகவும், விரைவில் கடல்நீர் பழைய நிலைக்கு திரும்பி விடும் என்றும் தெரிவிக்கப்பட்டுள்ளது.
News May 26, 2024
வானில் நடைபெறவிருக்கும் அதிசயம்
ஜூன் 3ஆம் தேதி மற்றும் ஜூன் 4ஆம் தேதிக்கு இடையே வானில் 6 கோள்கள் ஒரே நேர்கோட்டில் வரவிருக்கும் அதிசயம் நிகழவுள்ளது. வெள்ளிக் கோளைத் தவிர மற்ற அனைத்தையும் ஒரே நேர் கோட்டில் வானில் பார்க்கலாம். 6 கோள்கள் ஒரே நேரத்தில் வானில் தோன்றுவது இயல்புதான். ஆனால், அவை ஒரே நேர் கோட்டில் தோன்றுவது அதிசயமாக பார்க்கப்படுகிறது. இவற்றைப் பார்ப்பதற்கு தொலைநோக்கி அவசியமாகும்.
News May 26, 2024
18 வருடங்களை நிறைவு செய்த ‘புதுப்பேட்டை’
தனுஷ் நடித்த ‘புதுப்பேட்டை’ திரைப்படம், இன்றுடன் 18 ஆண்டுகளை நிறைவு செய்துள்ளது. செல்வராகவன் இயக்கத்தில் கடந்த 2006ஆம் ஆண்டு வெளியான இப்படம், ரசிகர்களிடையே மிகப்பெரிய வரவேற்பைப் பெற்றது. பிழைப்பிற்காக ரவுடியாக மாறுவதைப் பற்றிப் பேசும் இப்படத்தின் பின்னணி இசை, பாடல்கள் பட்டையைக் கிளப்பி இருக்கும். குறிப்பாக, ‘ஒரு நாளில்’ பாடல், இப்போதும் ரசிகர்களின் ஃபேவரைட். உங்களுக்கு இந்தப் படம் பிடிக்குமா?
News May 26, 2024
ஜுன் 3ஆம் தேதி “கலைஞர் 100” வரியுடன் கோலம்
திமுக தொண்டர்களுக்கு அக்கட்சித் தலைவரும், முதல்வருமான ஸ்டாலின் கடிதம் எழுதியுள்ளார். அக்கடிதத்தில் கருணாநிதி பிறந்தநாளான ஜுன் 3ஆம் தேதி திமுகவினர் தங்களது வீடு முன்பு “கலைஞர் 100” என்ற வரியுடன் கோலமிட்டு அவரின் பிறந்த நாளை கொண்டாட வேண்டும், உள்ளூர் மைதானங்களில் பெண்கள், இளைஞர்களுக்கு விளையாட்டு போட்டிகள் நடத்தி பரிசுகள் வழங்கி ஊக்குவிக்க வேண்டுமென ஸ்டாலின் கேட்டுக் கொண்டுள்ளார்.
Featured News
Sorry, no posts matched your criteria.