India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 29, 2024
ஒடிசா முதல்வரின் சிறப்பு செயலாளர் சஸ்பெண்ட்
தேர்தல் நடவடிக்கைகளில் நேரடியாக ஈடுபட்டதற்காக ஒடிசா முதல்வரின் சிறப்பு செயலாளர் டி.எஸ்.குடேவை தேர்தல் ஆணையம் சஸ்பெண்ட் செய்துள்ளது. இதையடுத்து, நாளை மாலை 3 மணிக்கு டெல்லியில் உள்ள தலைமை அலுவலகத்தில் டி.எஸ்.குடே அறிக்கை தாக்கல் செய்யவும் ECI உத்தரவிட்டுள்ளது. மேலும், இந்த புகாரில் காவல் கண்காணிப்பாளர் ஆஷிஷ் குமார் சிங்கிற்கு மருத்துவ பரிசோதனை மேற்கொள்ளவும் உத்தரவிட்டுள்ளது.
News May 29, 2024
பிறந்தநாள் வாழ்த்து போட்டோ அனுப்புங்க
இன்று (மே 29) பிறந்தநாள் காணும் அனைவருக்கும் வாழ்த்துகள். பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 11 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க.
News May 29, 2024
இன்றைய தலைப்புச் செய்திகள்!
* அப்போலோ மருத்துவமனையில் அனுமதிக்கப்பட்ட சென்னை முன்னாள் மேயர் சைதை துரைசாமி, டிஸ்சார்ஜ் செய்யப்பட்டார்.
* மே 4ஆம் தேதி தொடங்கிய அக்னி நட்சத்திரம் இன்றுடன் நிறைவைடைந்தது.
* பழைய பஸ் பாஸ் இருந்தாலே அரசுப் பேருந்துகளில் மாணவர்கள் கட்டணமின்றி பயணிக்கலாம் – போக்குவரத்துத் துறை.
* +1 மாணவர்கள் விடைத்தாள் நகலினை மே 30ம் தேதி முதல் www.dge.tn.gov.in என்ற இணையதளத்தில் பதவிறக்கம் செய்யலாம்
News May 29, 2024
நிம்மதியான தூக்கத்திற்கான சில டிப்ஸ்
*தூங்க செல்லும் முன்பு, சூடான பால் குடித்தால் நிம்மதியான தூக்கம் வரும். பாலில் உள்ள கால்சியம் சத்து ஆழ்ந்த உறக்கத்திற்கு உதவும். *படுக்கை அறையை காற்றோட்டமாக வைத்திருப்பது அவசியம். அதேநேரம், வெளிச்சம் இல்லாமல் பார்த்துக் கொள்ள வேண்டும். *தூங்க செல்வதற்கு 2 மணி நேரத்திற்கு முன்பு செல்போன், டிவி உள்ளிட்ட மின்னணு சாதனங்களை பயன்படுத்த வேண்டாம். இரைச்சல் தராத இதமான பாடல்களை மெல்லிய ஒலியில் கேட்கலாம்.
News May 28, 2024
ரசிகரின் கோரிக்கைக்கு செவி கொடுத்த ரஷ்மிகா
‘கம் கம் கணேஷா’ என்ற தெலுங்கு படத்தின் ப்ரொமோஷன் நிகழ்ச்சியில் பங்கேற்ற ரஷ்மிகா மந்தனா தெலுங்கில் பல விஷயங்களை பேசி இருந்தார். இதைப் பார்த்த ரசிகர் ஒருவர், ரஷ்மிகாவை டேக் செய்து, தங்களுக்கு மொழிகள் கடந்து பல இடங்களில் ரசிகர்கள் இருப்பதால் ஆங்கிலத்தில் பேசினால் நாங்களும் ரசிப்போம் எனத் தெரிவித்திருந்தார். இதற்கு பதிலளித்துள்ள அவர், இனிமேல் முடிந்தளவு ஆங்கிலத்தில் பேச முயற்சிப்பதாக கூறினார்.
News May 28, 2024
12 ராசிகளுக்கான பலன்கள்
*மேஷம் – குழப்பம் ஏற்படும்
*ரிஷபம் – உணர்ச்சிவசப் படாதீர்
*மிதுனம் – சோர்வு உண்டாகும்
*கடகம் – கவலை மேலோங்கும்
*சிம்மம் – இன்பமான நாள்
*கன்னி – துயரம் துரத்தும்
*துலாம் – வேதனை அதிகரிக்கும்
*விருச்சிகம் – ஆதாயம் கிடைக்கும்
*தனுசு – அனுகூலம் உண்டாகும்
*மகரம் – கோபத்தை குறைக்கவும் *கும்பம் – நன்மை ஏற்படும் *மீனம் – சுகமான நாள்
News May 28, 2024
போலி சமூக நீதி: எல்.முருகன் கடும் விமர்சனம்
ஈரோட்டில் அரசு மருத்துவமனையில் ஸ்ட்ரெச்சர் வழங்காததால், காயமடைந்த தாயை தனி ஆளாக சுமந்து சென்ற பெண்ணின் வீடியோ வைரலானது. இதற்கு கண்டனம் தெரிவித்துள்ள எல்.முருகன், அரசு மருத்துவமனைகளில் பாமர மக்களுக்கு தேவைப்படும் அடிப்படை வசதியை கூட ஏற்படுத்திக் கொடுக்க முடியாத “போலி சமூக நீதி” அரசை தான், நாட்டின் முதன்மை ஆட்சி என்று கூறிக் கொள்கிறீர்களா, முதல்வர் ஸ்டாலின் அவர்களே? என விமர்சித்துள்ளார்.
News May 28, 2024
பத்மஸ்ரீ விருதை திருப்பி தர ஹேம்சந்தி மாஞ்சி முடிவு
தனக்கு அளிக்கப்பட்ட பத்மஸ்ரீ விருதை திருப்பித் தர இயற்கை மருத்துவர் ஹேம்சந்தி மாஞ்சி முடிவெடுத்துள்ளார். சத்தீஸ்கரின் நாராயண்பூர் மாவட்டத்தைச் சேர்ந்த இவர், தொலைதூர கிராமத்தில் மருத்துவ சேவையாற்றியதற்காக பத்மஸ்ரீ விருது பெற்றார். இந்நிலையில், விருதை திருப்பி தர வேண்டுமென மாவோயிஸ்டுகள் மிரட்டல் விடுத்துள்ளதால், விருதைத் திருப்பித் தருவதாகவும், மருத்துவப் பயிற்சியை நிறுத்துவதாகவும் அறிவித்துள்ளார்.
News May 28, 2024
தவறான செய்தி: திமுக எம்பி எஸ்.ஆர்.பார்த்திபன் எச்சரிக்கை
சேலம் திமுக எம்பி எஸ்.ஆர்.பார்த்திபனுக்கு நாடாளுமன்ற தேர்தலில் சீட் கிடைக்கவில்லை. இதனால் அதிருப்தியடைந்த அவர் பாஜகவில் இணையப்போவதாக சிலர் வதந்தியை பரப்பி விட்டுள்ளனர். இந்நிலையில், “என்னுடைய நற்பெயருக்கு களங்கம் ஏற்படுத்துகின்ற வகையில் தவறான, பொய்யான செய்திகளை வெளியிடும் நபர்கள் மீது காவல்துறை மூலம் கடும் நடவடிக்கை எடுக்கப்படும்” என்று அவர் எச்சரிக்கை விடுத்துள்ளார்.
News May 28, 2024
பாலஸ்தீனத்திற்கு ஆதரவாக இந்திய பிரபலங்கள்
தெற்கு காசா நகரமான ரஃபாவில் இஸ்ரேல் நடத்திய வான்வழித் தாக்குதலில் 45 பாலஸ்தீனர்கள் கொல்லப்பட்டதற்கு, சர்வதேச அளவில் கண்டனம் எழுந்தது. ஆனாலும், போரை தொடரப்போவதாக இஸ்ரேல் பிரதமர் பெஞ்சமின் நெதன்யாகு உறுதிபட தெரிவித்துள்ளார். இந்நிலையில், பாலஸ்தீனத்திற்கு ஆதரவாக #AllEyesOnRafah என்ற ஹேஷ்டேக் ட்ரெண்டாகி வரும் சூழலில், நடிகைகள் சமந்தா, ராதிகா ஆப்தே, எமி ஜாக்சன் உள்ளிட்டோரும் ஆதரவு அளித்துள்ளனர்.
Featured News
Sorry, no posts matched your criteria.