India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 16, 2024
மோடியின் பகல் வேஷத்தை மக்கள் ஏற்க மாட்டார்கள்
ராகுலின் உண்மையான அன்புக்கு முன்னால் மோடியின் பகல் வேஷத்தை தமிழக மக்கள் ஏற்க மாட்டார்கள் என செல்வப்பெருந்தகை விமர்சித்துள்ளார். வட மாநிலங்களில் பாஜகவுக்கு எதிர்ப்பு எழுந்ததையடுத்து தமிழகத்திற்கு மோடி அடிக்கடி வருகிறார். 100 முறை அவர் வந்தாலும், ராகுலின் ஒரு கூட்டத்துக்கு அது இணையாகாது என்ற அவர், தமிழக மக்களுக்கு உண்மையான அன்புக்கும், பொய் வேஷத்துக்கு நன்றாக வித்தியாசம் தெரியும் என்றும் கூறினார்.
News April 16, 2024
இந்தியாவின் மிகவும் வயதான விமான பைலட் காலமானார்
இந்திய விமானப் படையின் மிகவும் வயதான பைலட்டான தலீப் சிங் மஜிதியா தனது 103ஆவது வயதில் நேற்று காலமானார். 1920ஆம் ஆண்டு ஜூலை 27ஆம் தேதி சிம்லாவில் பிறந்த இவர், இரண்டாம் உலகப் போரின் போது 1940ஆம் ஆண்டு இந்திய விமானப்படையில் இணைந்தார். 1941ஆம் ஆண்டு சென்னையில் கடலோர ரோந்து பாதுகாப்பு பணியில் பணியாற்றியுள்ளார். 1949ஆம் ஆண்டு காத்மாண்டுவில் முதல் விமானத்தை தரையிறக்கிய பைலட் என்ற பெருமை இவரையே சேரும்.
News April 16, 2024
ஷங்கர் மகளின் திருமண வரவேற்பு நிகழ்ச்சி
இயக்குநர் ஷங்கரின் மூத்த மகளின் திருமண வரவேற்பு நிகழ்ச்சி, இன்று சென்னையில் கோலாகலமாக நடைபெற்று வருகிறது. இதில், நடிகர் சிவகார்த்திகேயன், மோகன்லால், ரன்வீர் சிங், இசையமைப்பாளர் ஏ.ஆர்.ரகுமான் உள்ளிட்டோர் கலந்து கொண்டனர். நேற்று நடைபெற்ற திருமண விழாவில், ரஜினி, கமல், சூர்யா, கார்த்தி, விக்ரம், விஷால், அர்ஜுன், பாரதிராஜா, மணிரத்னம், விக்னேஷ் சிவன், நயன்தாரா உள்ளிட்ட பலர் கலந்து கொண்டனர்.
News April 16, 2024
RCB அணியில் என்னதான் பிரச்னை?
ஐபிஎல் தொடரில், தொடர்ந்து தோல்விகளை சந்தித்து வரும் RCB அணிக்கு என்னதான் பிரச்னை என ரசிகர்கள் கேள்வி எழுப்பி வருகின்றனர். டு பிளெஸிஸ் கேப்டன்சி, தரமான வெளிநாட்டு பவுலர்கள் (கேமரூன் க்ரீன், அல்ஸாரி ஜோசப், மேக்ஸ்வெல், வில் ஜாக்ஸ்), கோலி – டு பிளெஸிஸ் ஓப்பனிங், பினிஷர் தினேஷ் கார்த்திக் என அனைத்தும் இருந்தும் எப்படி தோல்வி அடைகிறது? என்ன மாற்றம் செய்தால் RCB அணி வெற்றி பெறும்? என கமெண்டில் சொல்லுங்க
News April 16, 2024
அண்ணாமலை ஒரு காலி பெருங்காய டப்பா
பாஜக மாநிலத் தலைவர் அண்ணாமலை ஒரு காலி பெருங்காய டப்பா என்று அதிமுக முன்னாள் அமைச்சர் உதயகுமார் விமர்சித்துள்ளார். இதுகுறித்து அவர் அளித்த பேட்டியில், பாஜகவுக்கு ரெடிமேட் துணியை போல ரெடிமேட் தலைவராக அண்ணாமலை வந்தார் என்றும், அவரிடம் ஆளுமை பண்பு கிடையாது என்றும் தெரிவித்தார். அண்ணாமலை காலி பெருங்காய டப்பா, அதில் வாசம் மட்டும்தான் வரும், எந்தவித பலனும் இருக்காது என்றும் உதயகுமார் கூறினார்.
News April 16, 2024
நடிகர் ரஜினி உருக்கமாக இரங்கல்
பிரபல நடிகர் துவாரகீஷ் மறைவுக்கு நடிகர் ரஜினி உருக்கமாக இரங்கல் தெரிவித்துள்ளார். எனது நீண்ட நாள் அன்பு நண்பர் துவாரகீஷ் மறைவு எனக்கு மிகவும் வேதனை அளிக்கிறது. காமெடி நடிகராக தனது வாழ்க்கையைத் தொடங்கி, ஒரு பெரிய தயாரிப்பாளராகவும், இயக்குநராகவும் தன்னை உயர்த்தி கொண்டவர். அவருடன் பழகிய இனிய நினைவுகள் என் நினைவுக்கு வருகின்றன. அவரை இழந்து வாடும் குடும்பத்தினருக்கு ஆழ்ந்த அனுதாபங்கள் என கூறியுள்ளார்.
News April 16, 2024
சமுத்திரகனியின் வழி, தனி வழி
நடிகரும், இயக்குநருமான சமுத்திரகனி, சுப்பிரமணியபுரம், பாயும்புலி, வட சென்னை, ரஜினி முருகன் படங்களில் வில்லனாகவும், நாடோடி, சாட்டை, தொண்டன், டானில் குணச்சித்திர பாத்திரங்களிலும், காலாவில் காமெடியனாகவும் கலக்கினார். சாட்டை, டான் படங்களில் அவரின் நடிப்பு கண்கலங்க வைத்தது. இதுபோல தனி வழியை ஏற்படுத்தி, விதவிதமான கதாபாத்திரங்களில் நடிக்கும் திறமை, சிலருக்கே அமையும். அது சமுத்திரகனியிடம் உள்ளது.
News April 16, 2024
பிரசார களத்துக்கு வராத காங்கிரஸ் தலைவர்கள்
காங்கிரஸ் மாநிலத் தலைவராக உள்ள செல்வ பெருந்தகை, கட்சி சார்பில் தேர்தல் பிரசாரம் செய்கிறார். அவருக்கு முன்பு மாநில காங்கிரஸ் தலைவர்களாக இருந்த கே.வி. தங்கபாலு, கிருஷ்ணசாமி, திருநாவுக்கரசர், ஈவிகேஎஸ் இளங்கோவனையும், ப. சிதம்பரம் உள்ளிட்ட மூத்த தலைவர்களையும் பிரசார களத்தில் காண முடியவில்லை. இதைக் கண்ட காங்கிரசார், பதவிக்கு மட்டும் வருவார்கள், பிரசாரத்துக்கு வர மாட்டார்களா என குமுறுகின்றனர்.
News April 16, 2024
UPSC 2023 தேர்வு முடிவுகள் வெளியானது
2023ஆம் ஆண்டுக்கான சிவில் சர்வீசஸ் இறுதித் தேர்வு முடிவுகளை (CSE) மத்திய பணியாளர் தேர்வாணையம் வெளியிட்டுள்ளது. 3 கட்டங்களாக நடத்தப்பட்ட இந்தத் தேர்வில், 1016 தேர்வர்கள் தேர்ச்சி பெற்றுள்ளனர். தேர்வு முடிவுகளை upsc.gov.in மற்றும் upsconline.nic.in ஆகிய இணையதளங்களில் தெரிந்து கொள்ளலாம். இதில், ஆதித்ய ஸ்ரீவஸ்தவா, அனிமேஷ் பிரதான், டோனூரு அனன்யா ரெட்டி ஆகியோர் முதல் 3 இடங்களை பிடித்துள்ளனர்.
News April 16, 2024
பிளே ஆஃப் சுற்றுக்கு முன்னேறுமா RCB?
நடப்பு ஐபிஎல் தொடரில், பெங்களூரு அணி பிளே ஆஃப் சுற்றுக்கு செல்வது கடினம் என கிரிக்கெட் விமர்சகர்கள் கூறி வருகின்றனர். நடந்து முடிந்த 7 போட்டிகளில் 6இல் தோல்வி அடைந்துள்ள பெங்களூரு அணி, 2 புள்ளிகளுடன் கடைசி இடத்தில் (10ஆவது) உள்ளது. இதனால் எஞ்சியிருக்கும் 7 போட்டிகளிலும் வெற்றி பெற்றால் மட்டுமே RCB அணி பிளே ஆஃப்க்கு செல்ல முடியும். மேலும், மற்ற அணிகளின் வெற்றி தோல்விகளையும் நம்பி இருக்க வேண்டும்.
Featured News
Sorry, no posts matched your criteria.