India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 30, 2024
40% பங்குகளை மட்டுமே ஐ.டி.சி., வைத்திருக்கும்?
ஐ.டி.சி., நிறுவனத்திலிருந்து அதன் ஹோட்டல் வணிகத்தை, ‘ஐ.டி.சி., ஹோட்டல்ஸ்’ என்ற துணை நிறுவனத்தின் கீழ் கொண்டு வர, இந்திய போட்டி ஆணையம் ஒப்புதல் அளித்துள்ளது. இதற்குரிய பூர்வாங்க பணிகள் நிறைவடைந்த பின், ஐ.டி.சி., ஹோட்டல்ஸ் பங்குகள் தனியாக பங்குச் சந்தையில் பட்டியலிடப்படும் என்றும், இந்த புதிய நிறுவனத்தில் ஐ.டி.சி., 40% பங்குகளை வைத்திருக்கும் என்றும் தகவல் வெளியாகியுள்ளது.
News May 30, 2024
வாக்கு எண்ணும் மையத்தில் யாருக்கெல்லாம் அனுமதி?
வாக்கு எண்ணும் மையத்தில் பொதுமக்கள் அனுமதிக்கப்பட மாட்டார்கள். தேர்தல் மேற்பார்வையாளர்கள், தேர்தல் உதவியாளர்கள், கண்காணிப்பாளர்கள் மற்றும் தேர்தல் ஆணையத்தால் அங்கீகரிக்கப்பட்ட நபர்களுக்கு மட்டுமே வாக்கு எண்ணும் மையத்தில் அனுமதி அளிக்கப்படும். மேலும், தேர்தலோடு தொடர்புடைய அரசு அதிகாரிகள், வேட்பாளர்கள் மற்றும் அவர்களின் முகவர்களும் வாக்கு எண்ணும் மையத்திற்கு செல்ல முடியும்.
News May 30, 2024
நாளை மறுநாள் ‘இந்தியன் 2’ இசை வெளியீடு
கமல் நடித்துள்ள ‘இந்தியன் 2’ படத்தின் இசை வெளியீட்டு விழா, நாளை மறுநாள் மாலை 6 மணிக்கு சென்னையில் உள்ள நேரு மைதானத்தில் நடைபெற உள்ளதாக படக்குழு அதிகாரப்பூர்வமாக அறிவித்துள்ளது. ஷங்கர் இயக்கத்தில் உருவாகியுள்ள இப்படத்திற்கு, அனிருத் இசையமைத்துள்ளார். சமீபத்தில் வெளியான இப்படத்தின் டீசர் மற்றும் பாடல்கள், ரசிகர்களிடையே நல்ல வரவேற்பைப் பெற்றது. இப்படம் வரும் ஜூலை 12ஆம் தேதி திரைக்கு வரவுள்ளது.
News May 30, 2024
இந்து – இஸ்லாமியர் திருமணம் செல்லாது.. தீர்ப்பு
சிறப்பு திருமண சட்டத்தின் மூலம் இந்து, இஸ்லாமியர் இடையே நடக்கும் திருமணம் முஸ்லிம் தனிநபர் சட்டத்தின் (ஷரியத்) கீழ் செல்லாது என ம.பி., ஐகோர்ட் தீர்ப்பளித்துள்ளது. இஸ்லாமிய ஆணுக்கும், இந்து பெண்ணுக்கும் இடையே கலப்பு திருமணத்தை பதிவு செய்து போலீஸ் பாதுகாப்பு வழங்க கோரி மனு தாக்கல் செய்தனர். இதை ஏற்க மறுத்து, முஸ்லீம் சட்டத்தின் கீழ் இது “ஒழுங்கற்ற” திருமணமாக கருதப்படும் என கருத்து தெரிவித்துள்ளது.
News May 30, 2024
ஆன்மீக பயணத்தைத் தொடங்கினார் ரஜினி
ஆன்மீக பயணத்தை தொடங்கியுள்ள நடிகர் ரஜினி, இன்று உத்தரகண்ட் மாநிலம் டேராடூனில் உள்ள புனித ஸ்தலத்திற்கு சென்றுள்ளார். நேற்று விமான நிலையத்தில் செய்தியாளர்களை சந்தித்த அவர், ஆன்மீக பயணம், ஒவ்வொரு ஆண்டும் தனக்கு புது அனுபவத்தைப் தருகிறது என்றும், இம்முறையும் பெறப் போகிறேன் என்றும் தெரிவித்தார். ஒருவாரம் அங்கு தங்கி பத்ரிநாத், கேதார்நாத், பாபாஜி குகை உள்ளிட்ட புனிதத் தலங்களுக்குச் சென்று வழிபட உள்ளார்.
News May 30, 2024
‘ஜியோ ஃபைனான்ஸ்’ App அறிமுகம்
ஜியோ ஃபைனான்சியல் சர்வீசஸ் நிறுவனம், ‘ஜியோ ஃபைனான்ஸ் App-இன் பீட்டா வெர்ஷனை வெளியிட்டுள்ளது. இந்த App மூலம், டிஜிட்டல் பேங்கிங், UPI பண பரிவர்த்தனைகள் மற்றும் கட்டணங்களை செலுத்தலாம். உடனடியாக டிஜிட்டல் வங்கி கணக்கைத் திறக்க முடியும். வங்கி கணக்குகள் மற்றும் சேமிப்புகளை இதில் பார்த்துக் கொள்ளலாம். எதிர்காலத்தில், வீட்டுக் கடன், மியூச்சுவல் ஃபண்ட் போன்ற பல்வேறு வசதிகள் கொண்டு வரப்படவுள்ளது.
News May 30, 2024
அதிக நாள் வாழும் உயிரினங்கள்
▶’சீஷெல்ஸ்’ எனும் ராட்சத ஆமை – 200 ஆண்டுகள் வரை உயிர் வாழும். ▶’கொய்’ எனும் மீன் வகை – 226 ஆண்டுகள் வரை உயிர் வாழும். ▶பௌஹெட் திமிங்கிலம் – 100 முதல் 200 ஆண்டுகள் வரை உயிர் வாழும். (அதிக நாள் உயிர் வாழும் பாலூட்டி). ▶க்ரீன் லேண்ட் சுறா – 272 வருடங்கள் வரை உயிர்வாழும். ▶மக்காவ் எனும் கிளி வகை அதிக வருடங்கள் வாழும் பறவை இனம் (82 வருடங்கள்). ▶கடல் முள்ளெலிகள் – 150 முதல் 200 வருடங்கள் உயிர் வாழும்.
News May 30, 2024
புதுச்சேரியில் பள்ளித்திறப்பு தேதியில் மாற்றம்
புதுச்சேரியில் பள்ளித்திறப்பு தள்ளிவைக்கப்பட்டுள்ளதாக அம்மாநில அரசு அறிவித்துள்ளது. ஜூன் 6ஆம் தேதி பள்ளிகள் திறக்கப்படும் என்று அறிவிக்கப்பட்ட நிலையில், தற்போது வெப்பம் அதிகரித்து வருவதால், மாணவர்களின் பாதுகாப்பு நலன் கருதி ஜூன் 6ஆம் தேதிக்கு பதில் ஜூன் 12ஆம் தேதி பள்ளிகள் திறக்கப்படும் என்று அறிவிக்கப்பட்டுள்ளது.
News May 30, 2024
‘கோல்டன் பூட்’ விருது வென்ற ரொனால்டோ
சவுதி ப்ரோ லீக் கால்பந்து தொடரில், அதிக கோல்கள் அடித்தவருக்கான ‘கோல்டன் பூட்’ விருதை அல்-நாசர் அணி வீரர் ரொனால்டோ பெற்றுள்ளார். 35 கோல்கள் அடித்த அவர், ஒரு சீசனில் அதிக கோல்கள் அடித்த வீரர் என்ற புதிய சாதனையை படைத்துள்ளார். இதற்கு முன்னதாக, மொரோக்கோவைச் சேர்ந்த அப்தர்ரஸாக் அடித்த 34 கோல்களே அதிகபட்சமாக இருந்தது. இதனால், சவூதி ப்ரோ லீக்கில் தனது அணிக்கு 2ஆவது இடத்தை பெற்றுத் தந்துள்ளார்.
News May 30, 2024
கோட்டை பைரவர் கோயிலில் அமித் ஷா தரிசனம்
தமிழ்நாடு வந்துள்ள மத்திய உள்துறை அமைச்சர் அமித் ஷா, புதுக்கோட்டை மாவட்டம் திருமயத்தில் உள்ள சத்தியகிரீஸ்வரர் கோயில் மற்றும் கோட்டை பைரவர் கோயிலுக்கு சென்று சிறப்பு தரிசனம் செய்தார். அப்போது, பாஜக மாநிலத் தலைவர் அண்ணாமலை, மூத்த தலைவர் ஹெச்.ராஜா உள்ளிட்டோர் உடன் இருந்தனர். முன்னதாக, ஏப்.12ஆம் தேதி சுவாமி தரிசனம் செய்ய திட்டமிட்டிருந்த நிலையில், கடைசி நேரத்தில் பயணம் ரத்து செய்யப்பட்டது.
Featured News
Sorry, no posts matched your criteria.