India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 19, 2024
தினம் ஒரு திருக்குறள்!
▶குறள் பால்: அறத்துப்பால் ▶இயல்: பாயிரவியல்
▶அதிகாரம்: கடவுள் வாழ்த்து ▶குறள் எண்: 6
▶குறள்:
பொறிவாயில் ஐந்தவித்தான் பொய்தீர் ஒழுக்க
நெறிநின்றார் நீடுவாழ் வார்.
▶பொருள்: மெய், வாய், கண், மூக்கு, செவி எனும் ஐம்பொறிகளையும் கட்டுப்படுத்திய தூயவனின் உண்மையான ஒழுக்கமுடைய நெறியைப் பின்பற்றி நிற்பவர்களின் புகழ்வாழ்வு நிலையானதாக அமையும்.
News April 19, 2024
ஆட்டநாயகன் விருதை வென்ற பும்ரா
நேரம் குறைவு, இம்பேக்ட் வீரர் விதிமுறை போன்ற காரணங்களால் டி20 போட்டிகள் பவுலர்களுக்கு கடினமாக மாறியுள்ளதாக MI அணியின் வேகப்பந்து வீச்சாளர் ஜஸ்பிரித் பும்ரா கூறியுள்ளார். ஆட்ட நாயகன் விருதைப் பெற்ற பின் பேசிய அவர், “டி20 கிரிக்கெட் போட்டியில், பந்து 2 ஓவர்களிலேயே ஸ்விங் ஆகும். பேட்டிங் வரிசையும் ஆழமாகியுள்ளது. நான் அதிகமாக பந்து வீச விரும்புபவன். எனக்கு டெஸ்ட் கிரிக்கெட் தான் பிடிக்கும்” என்றார்.
News April 19, 2024
தேர்தல் அல்ல; நாட்டை காக்கும் போராட்டம்
2024 மக்களவைத் தேர்தல் என்பது சாதாரண தேர்தல் அல்ல; நாட்டையும் அரசியலமைப்பையும் காப்பதற்கான போராட்டம் என்று காங்கிரஸ் மூத்த தலைவர் ராகுல் காந்தி கூறியுள்ளார். இதுதொடர்பாக அவர் எக்ஸ் பக்கத்தில், “வேலைவாய்ப்பு சந்தைக்கும் இந்திய இளைஞர்களுக்கும் இடையே மோடி அரசு ஒரு தடையை உருவாக்கியுள்ளது. இந்நிலையில், இந்தியா வல்லரசாகும் என நம்மால் எப்படி பேச முடியும்” என்று கேள்வி எழுப்பினார்.
News April 19, 2024
ஹெலிகாப்டர் விபத்தில் ராணுவ தளபதி பலி
கென்யாவில் ராணுவ ஹெலிகாப்டர் விபத்தில் அந்நாட்டு ராணுவ தலைமை தளபதி பிரான்சிஸ் ஒகோல்லா உள்ளிட்ட 9 பேர் உயிரிழந்துள்ளனர். எல்ஜியோ மாராக்வட் என்ற இடத்தில் ராணுவ ஹெலிகாப்டர் கட்டுப்பாட்டை இழந்து கீழே விழுந்து விபத்திற்குள்ளானதாகக் கூறப்படுகிறது. இதில் பயணித்த 9 பேர் சம்பவ இடத்திலேயே உயிரிழந்தனர். இதனை உறுதி செய்த கென்யா அதிபர் வில்லியம் ரூட்டோ, அந்நாட்டு மக்களுக்கு தொலைகாட்சி வாயிலாக தெரிவித்தார்.
News April 19, 2024
பிறந்தநாள் வாழ்த்து போட்டோ அனுப்புங்க!
இன்று (ஏப்ரல் 19) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com -க்கு அனுப்புங்க. Note: பிறந்தநாளுக்கு முந்தைய நாள் இரவு 11 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News April 19, 2024
மின் உற்பத்தி நிறுவுதிறனில் தமிழகம் 3ஆவது இடம்
தேசிய அளவில் காற்றாலை, சூரியசக்தி உள்ளிட்ட புதுப்பிக்கத்தக்க மின் உற்பத்தி நிறுவுதிறனில் (22,161 மெகாவாட்) தமிழ்நாடு 3ஆவது இடம்பிடித்துள்ளது. மத்திய அரசு வெளியிட்ட குறிப்பில், “மார்ச் மாத நிலவரப்படி, தமிழகத்தில் 2,301 மெகாவாட் திறனில் நீர்மின் நிலையங்கள் உள்ளன. சோலார் மின் உற்பத்தி நிறுவுதிறன் 8,211 மெகாவாட்டாக உள்ளது. சர்க்கரை ஆலைகளில் நிறுவுதிறன் 1,045 மெகாவாட்டாக உள்ளதெனக் கூறப்பட்டுள்ளது.
News April 19, 2024
காங்கிரஸின் ‘ராகுல்யான்’ நிலை
தோல்வி பயத்தால் உத்தரப் பிரதேசத்தில் இருந்து கேரளாவுக்கு ராகுல் காந்தி இடம்பெயர்ந்துள்ளார் என்று பாதுகாப்புத் துறை அமைச்சர் ராஜ்நாத் சிங் கிண்டலாகக் கூறியுள்ளார். பத்தனம்திட்டாவில் நடந்த பொதுக்கூட்டத்தில் பேசிய அவர், “பாஜக ஆட்சியில் சந்திரயான்-2 விண்கலம் நிலவில் நிலைநிறுத்தப்பட்டது. அதனை உலகம் கண்டு வியந்தது. கடந்த 20 ஆண்டுகளாக ‘ராகுல்யான்’ எங்கும் ஏவப்படவோ, தரையிறங்கவோ இல்லை” என்றார்.
News April 19, 2024
இன்றைய தலைப்புச் செய்திகள்!
*அரவிந்த் கெஜ்ரிவாலை கொல்ல சதி நடப்பது – டெல்லி அமைச்சர் அதிஷி
*மக்களவைத் தேர்தலில் தென் மாநிலங்களில் பாஜக அதிக வெற்றியைப் பெறும் – அமித் ஷா
*வாக்குப்பதிவு எந்திரங்களில் முறைகேடாகப் பயன்படுத்த வாய்ப்பு இல்லை – தேர்தல் ஆணையம்
*இந்தியாவில் வேலையின்மை மிக மோசமான அளவில் உயர்ந்துள்ளது – ரகுராம் ராஜன்
*PBKS அணிக்கு எதிரான 33ஆவது லீக் போட்டியில் MI அணி 9 ரன்கள் வித்தியாசத்தில் வென்றது.
News April 19, 2024
பிறந்தநாள் வாழ்த்து போட்டோ அனுப்புங்க!
இன்று (ஏப்ரல் 19) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com -க்கு அனுப்புங்க. Note: பிறந்தநாளுக்கு முந்தைய நாள் இரவு 11 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News April 19, 2024
தீபிகா படுகோனின் புகைப்படத்தால் சர்ச்சை
தீபிகா படுகோன் – ரன்வீர் ஜோடிக்கு 2018ஆம் ஆண்டு திருமணமான நிலையில், கடந்த சில மாதங்களுக்கு முன்பு தான் கர்ப்பமாக இருப்பதாக தீபிகா அறிவித்தார். இந்நிலையில், ‘சிங்கம் அகெய்ன்’ படப்பிடிப்பில் அவர் கலந்து கொண்டார். அந்தப் புகைப்படங்களை பார்த்த ரசிகர்கள் அதிர்ச்சி அடைந்தனர். அவரின் வயிற்றைப் பார்த்த நெட்டிசன்கள், அவர் வாடகைத் தாய் மூலமே குழந்தையைப் பெற்றெடுக்க இருப்பதாகச் சர்ச்சையை கிளப்பியுள்ளனர்.
Featured News
Sorry, no posts matched your criteria.