India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 3, 2024
வாக்கு எண்ணிக்கையும், படிவங்களும்… (1/2)
வாக்கு எண்ணிக்கை பணியின்போது பல்வேறு படிவங்கள் பயன்படுத்தப்படும். அதனை தெரிந்து கொள்வோம். 1) படிவம் 21E- வேட்பாளரின் வாக்கு விவரம், வெற்றி விவரம் 2) படிவம் 22- வெற்றி பெறும் வேட்பாளருக்கு RVO அதிகாரியால் அளிக்கப்படும் சான்று. இதை பெறுவோரே எம்எல்ஏ, எம்பியாக அதிகாரபூர்வமாக தேர்வு செய்யப்பட்டவர்கள் ஆவர் 3) படிவம் 38- வாக்கு எண்ணும் பணி சூப்பர்வைசர், உதவியாளருக்கு அளிக்கப்படும் சான்றிதழ்.
News June 3, 2024
தங்கம் விலை சவரனுக்கு ₹352 குறைவு
கடந்த சில நாள்களாக தொடர்ந்து சரிந்து வரும் ஆபரணத்தங்கத்தின் விலை இன்று சவரனுக்கு ₹352 குறைந்துள்ளது. அதன்படி, சென்னையில் 22 கேரட் தங்கத்தின் விலை சவரனுக்கு ₹53,328க்கும், கிராமுக்கு 44 குறைந்து ₹6,666க்கும் விற்பனையாகிறது. 24 கேரட் தங்கத்தின் விலை சவரனுக்கு 57,088க்கும், கிராமுக்கு ₹7,136க்கும் விற்கப்படுகிறது. வெள்ளி விலை கிராமுக்கு 70 காசுகள் குறைந்து ₹97.30க்கு விற்பனை செய்யப்படுகிறது.
News June 3, 2024
NRI வாக்குகள் எப்படி கணக்கிடப்படும்?
தேர்தலில் வாக்களிக்க வெளிநாட்டு வாழ் இந்தியர்களுக்கு EC அனுமதியளித்துள்ளது. இதற்காக, EC இணையதளம் சென்று 6 A படிவத்தை பூர்த்தி செய்து தபாலிலோ, இணையதளத்திலோ பதிவேற்றலாம். அதை சரிபார்த்து பெயரை வாக்காளர் பட்டியலில் EC சேர்க்கும். இதையடுத்து தேர்தல் நாளில் குறிப்பிட்ட தொகுதியில் உள்ள சாவடியில் நேரில் சென்று வாக்களிக்க வேண்டும். அவரது வாக்கு, பிற வாக்குப் போலவே கணக்கிடப்படும்.
News June 3, 2024
2019 தேர்தலில் அதிக வாக்கு வித்தியாசத்தில் வென்றவர்கள்
2019 மக்களவைத் தேர்தலில் நவ்சாரி தொகுதியில் பாஜக வேட்பாளர் சிஆர் பாட்டீல், காங்கிரஸ் வேட்பாளர் டிபி பாட்டீலை விட 6.89 லட்சம் அதிக வாக்கு வித்தியாசத்தில் வென்றார். இதுவே கடந்த மக்களவைத் தேர்தலில் அதிக வாக்கு வித்தியாசத்தில் பெற்ற வெற்றியாகும். திண்டுக்கல் தொகுதி திமுக வேட்பாளர் வேலுசாமி 5.38 லட்சம் வாக்கு வித்தியாசத்தில் வென்றதே தமிழகத்தில் 2019இல் அதிக வாக்கு வித்தியாசத்தில் பெற்ற வெற்றியாகும்.
News June 3, 2024
சூப்பர் ஓவரில் நமீபியா த்ரில் வெற்றி
ஓமன் அணிக்கு எதிரான டி20 உலகக் கோப்பை போட்டியில், நமீபியா அணி 11 ரன்கள் வித்தியாசத்தில் வெற்றி பெற்றுள்ளது. முதலில் ஆடிய ஓமன் அணி 20 ஓவர்கள் முடிவில் 109 ரன்கள் எடுத்தது. பின்னர் களமிறங்கிய நமீபியா அணியும், 6 விக்கெட்டுகள் இழப்பிற்கு 109 ரன்கள் எடுத்ததால் போட்டி சமனில் முடிந்தது. இதனால் சூப்பர் ஓவர் வீசப்பட்டது. அதில், நமீபியா 21 ரன்கள் எடுக்க, ஓமன் 10 ரன்கள் மட்டுமே எடுத்து தோல்வியை தழுவியது.
News June 3, 2024
வெற்றி பெறுவது நிச்சயம்: ஓபிஎஸ்
மக்களவைத் தேர்தலில் தன்னுடைய வெற்றி வாய்ப்பு பிரகாசமாக உள்ளது என ஓபிஎஸ் தெரிவித்துள்ளார். பாஜக கூட்டணியில் ராமநாதபுரம் தொகுதியில் சுயேச்சையாக போட்டியிட்ட அவர், பலன்களை எதிர்பார்த்து கட்சி வேலை செய்யவில்லை என்றும், தான் மத்திய அமைச்சராவது இறைவன் கையில் தான் உள்ளது எனவும் கூறினார். அத்துடன், அரசின் தவறுகளை சுட்டிக்காட்டும் ஒரே இயக்கம் அதிமுக உரிமை மீட்புக் குழு எனவும் பெருமிதம் தெரிவித்தார்.
News June 3, 2024
பங்குச்சந்தை புதிய உச்சம்
தேர்தலுக்கு பிந்தைய கருத்துக் கணிப்பு முடிவுகள் பாஜகவுக்கு சாதகமாக வந்திருப்பதால் இந்திய பங்குச்சந்தைகள் புதிய உச்சத்தை தொட்டுள்ளன. தேசிய பங்குச்சந்தை நிஃப்டி இன்று 650 புள்ளிகளுக்கு மேல் உயர்ந்து 23,122 புள்ளிகளில் வர்த்தகம் ஆகிறது. நிஃப்டி 23,000 புள்ளிகளை கடப்பது வரலாற்றில் இதுவே முதல் முறையாகும். நாளை தேர்தல் முடிவுகளைப் பொறுத்து பங்குச்சந்தைகளில் ஏற்ற இறக்கம் இருக்கும்.
News June 3, 2024
ஓமன் – நமீபியா போட்டி ‘டை’ ஆனது
டி20 உலகக் கோப்பை தொடரில் இன்று ஓமன், நமீபியா அணிகள் மோதின. இதில், இரண்டு அணிகளும் 109 ரன்கள் எடுத்ததால் போட்டி ‘டை’ ஆனது. இதனால், போட்டி சூப்பர் ஓவருக்குள் நுழைந்துள்ளது. முதலில் பேட்டிங் செய்த ஓமன், 19.4 ஓவர்களில் அனைத்து விக்கெட்டுகளையும் இழந்து 109 ரன்கள் எடுத்தது. தொடர்ந்து விளையாடிய நமீபியா, 20 ஓவர்களில் 6 விக்கெட்டுகளை இழந்து 109 ரன்கள் எடுத்தது.
News June 3, 2024
கலைஞர் நினைவிடத்தில் முதல்வர் மரியாதை
தமிழக முன்னாள் முதல்வர் கலைஞர் கருணாநிதியின் நூற்றாண்டு நிறைவு விழாவையொட்டி முதல்வர் ஸ்டாலின் அவரது நினைவிடத்தில் மரியாதை செய்தார். அவருடன், அமைச்சர்கள், எம்.எல்.ஏக்கள், எம்.பிக்கள் உள்ளிட்ட முக்கிய நிர்வாகிகள் இருந்தனர். பின்னர், கருணாநிதியின் புகைப்படக் கண்காட்சியை முதல்வர் பார்வையிட்டார். தொடர்ந்து, அண்ணா நினைவிடத்திலும் முதல்வர் மரியாதை செலுத்தினார்.
News June 3, 2024
EXITPOLLS: அதிமுகவுக்கு ஒரு தொகுதி கூட கிடைக்காது
மக்களவைத் தேர்தலில் திமுக கூட்டணி 40.90% வாக்குகளை பெறும் என தினமலர் நாளிதழின் தேர்தலுக்கு பிந்தைய கருத்துக் கணிப்பு முடிவுகள் கூறுகின்றன. பாஜக கூட்டணி 25.16% வாக்குகள் பெற்று இரண்டாம் இடம் பிடிக்கும் என்றும் தெரிவித்துள்ளது. அதிமுக ஒரு தொகுதியில் கூட வெற்றி பெறாது என்றும், 25.07 வாக்குகளுடன் 3வது இடம் பிடிக்கும் என்றும், நாதக 8.74% வாக்குகளுடன் 4ஆவது இடம்பிடிக்கும் எனவும் கணித்துள்ளது.
Featured News
Sorry, no posts matched your criteria.