India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 8, 2024
டி20 WC: இலங்கையை வீழ்த்தியது வங்கதேசம்
அமெரிக்காவின் டல்லாஸ் நகரில் நடைபெற்ற டி20 உலகக் கோப்பை லீக் போட்டியில் இலங்கையும், வங்கதேசமும் மோதின. முதலில் பேட் செய்த இலங்கை 20 ஓவர்களில் 9 விக்கெட்டுகள் இழப்புக்கு 124 ரன்களை எடுத்தது. இதையடுத்து, பேட்டிங் செய்த வங்கதேச அணி வீரர்கள் லிட்டன் தாஸ் 36, தவ்ஹித் ஹிரிதோய் 40 ரன்கள் விளாச, 19 ஓவர்களில் 8 விக்கெட்டுகள் இழப்புக்கு 125 ரன்களை எடுத்து 2 விக்கெட் வித்தியாசத்தில் வெற்றி பெற்றது.
News June 8, 2024
ராமோஜி ராவுக்கு திரைப்பிரபலங்கள் இரங்கல்
பிரபல திரைப்பட தயாரிப்பாளர் ராமோஜி ராவ் மறைவுக்கு ரஜினி, Jr என்.டி.ஆர் உள்ளிட்ட திரைப் பிரபலங்கள் இரங்கல் தெரிவித்து வருகின்றனர். ராமோஜி தனது உஷாகிரண் மூவீஸ் மூலம், ஸ்ரீவாரிகி பிரேமலேகா, இனிது இனிது காதல் இனிது உள்ளிட்ட 80க்கும் மேற்பட்ட ஃபீல் குட் படங்களைத் தயாரித்துள்ளார். திரையுலகிற்கு இசையமைப்பாளர் கீரவாணி, தேஜா, நடிகர் ஸ்ரீகாந்த், நடிகை ஜெனிலியா உள்ளிட்டவர்களை இவர் அறிமுகப்படுத்தியுள்ளார்.
News June 8, 2024
உ.பி.யில் பாஜக வாக்கு விகிதம் பாதியாக சரிவு
உத்தர பிரதேசத்தில் 2019 மக்களவைத் தேர்தலில் 75 தொகுதிகளில் போட்டியிட்டு 8.6 கோடி வாக்குகளை பாஜக பெற்றது. ஆனால் 2024 தேர்தலில் 4.3 கோடி வாக்குகளே கிடைத்துள்ளது. 2019இல் 49.6% வாக்கு கிடைத்தநிலையில், 2024இல் 41.4%ஆக குறைந்துள்ளது. வாக்கு குறைவாக கிடைத்த 72 தொகுதிகளில், மோடியின் வாரணாசி, உபி முதல்வர் யோகியின் கோரக்பூர், ராஜ்நாத்தின் லக்னோ உள்ளிட்ட தொகுதிகளும் அடங்கும்.
News June 8, 2024
ஆபரணத் தங்கத்தின் விலை ₹1,520 குறைவு
ஆபரணத் தங்கத்தின் விலை கடந்த 2 நாள்களாக அதிகரித்த நிலையில், இன்று ஒரே நாளில் சவரனுக்கு ₹1,520 குறைந்துள்ளதால் நகைப்பிரியர்கள் மகிழ்ச்சியடைந்துள்ளனர். 22 கேரட் ஆபரணத் தங்கத்தின் விலை சவரனுக்கு ₹1,520 குறைந்து ₹53,200க்கும், கிராமுக்கு ₹190 குறைந்து ₹6,650க்கும் விற்பனையாகிறது. கடந்த மாதம் ₹55 ஆயிரத்திற்கு மேல் விற்பனையான ஆபரணத் தங்கத்தின் விலை ₹2 ஆயிரத்திற்கும் மேல் குறைந்துள்ளது.
News June 8, 2024
வயநாடா? ரேபரேலியா? ராகுலுக்கு புது நெருக்கடி
மக்களவைத் தேர்தலில் வயநாடு, ரேபரேலி ஆகிய 2 தொகுதிகளில் ராகுல் வெற்றி பெற்றுள்ளார். இதுபோல், 2 தொகுதிகளில் வெல்லும் ஒருவர், 14 நாளில் ஏதேனும் ஒன்றை ராஜினாமா செய்ய வேண்டும். இல்லையேல், 2 தொகுதிகளையும் இழக்க நேரிடும். அதன்படி, ஏதேனும் ஒரு தொகுதியை 14 நாளில் ராஜினாமா செய்ய வேண்டிய நெருக்கடி ராகுலுக்கு ஏற்பட்டுள்ளது. இதில், என்ன முடிவை அவர் எடுக்கப் போகிறார் எனத் தெரியவில்லை.
News June 8, 2024
20 தமிழ் படங்களின் 2ஆம் பாகம் உருவாகிறது
ஒரு படம் வெற்றி பெற்றதும், 2ஆம் பாகம் எடுக்கும் வழக்கம் தமிழ் திரைத்துறையிலும் பின்பற்றப்படுகிறது. அதன்படி, சுமார் 20 படங்களின் 2, 3, 4ஆம் பாகங்கள் வரவுள்ளன. ஜெயிலர், விடுதலை, இந்தியன், சர்தார், கைதி, தனி ஒருவன், டிமான்டி காலனி, விக்ரம் , துப்பறிவாளன், சூது கவ்வும், கலகலப்பு, சார்பட்டா பரம்பரை, பிசாசு, பிச்சைக்காரன், 7ஜி ரெயின்போ காலனி , காஞ்சனா உள்ளிட்ட படங்களின் அடுத்த பாகம் வரவுள்ளது.
News June 8, 2024
மனைவிக்கு தவறான உறவு? கணவர் விவாகரத்து பெறலாம்
மனைவி தவறான உறவு வைத்திருந்தால், அதை அடிப்படை காரணமாக வைத்து கணவர் விவாகரத்து பெறலாம் என சத்தீஸ்கர் உயர்நீதிமன்றம் தீர்ப்பளித்துள்ளது. கீழ்நீதிமன்ற தீர்ப்பை எதிர்த்து தாக்கலான மனுவை விசாரித்த நீதிபதிகள், மனைவியின் தவறான தொடர்பு கணவருக்கு இழைக்கப்படும் கொடுமை என்றும், இது இந்து திருமணச் சட்டத்தின் 13 (1) (i-a) ஆவது பிரிவின்கீழ் திருமணத்தை ரத்து செய்ய வழிவகை செய்கிறது எனவும் கூறியுள்ளனர்.
News June 8, 2024
டெல்லி கிளம்பினார் தமிழிசை
தமிழிசைக்கு மத்திய அமைச்சர் பதவி தரப்படலாம் என கூறப்படும் நிலையில், அவர் டெல்லி புறப்பட்டு சென்றார். அதற்கு முன் பேசிய அவர், தமிழகத்தில் காங்., தனித்து நின்றால் எந்த இடத்திலும் டெபாசிட் கூட வாங்காது என விமர்சித்தார். மேலும், காங்., வாங்கிய வாக்குகள் அனைத்தும் திமுகவின் வாக்குகள் தான். 28 ஒட்டு துணிகளை வைத்து போர்வையை போர்த்தி இருப்பவர்கள், ஒழுங்காக இருப்பவர்களை குறை கூறுகிறார்கள் என விமர்சித்தார்.
News June 8, 2024
அரசு மரியாதையுடன் ராமோஜியின் இறுதி நிகழ்வு
ராமோஜி ராவின் இறுதிச் சடங்குகளை அரசு மரியாதையுடன் நடத்த தெலங்கானா அரசு முடிவு செய்துள்ளது. தற்போது டெல்லி சென்றுள்ள முதல்வர் ரேவந்த், இதற்கான உத்தரவை மாவட்ட நிர்வாகத்திற்கு பிறப்பித்துள்ளதாக தகவல் வெளியாகியுள்ளது. தெலங்கானாவில் முதன்முறையாக ஊடகத்துறையைச் சேர்ந்த முன்னோடி ஒருவருக்கு, அரசு மரியாதையுடன் இறுதி நிகழ்வு நடைபெறவுள்ளது. அந்தப் பெருமையை ராமோஜி ராவ் பெற்றுள்ளார்.
News June 8, 2024
தெலுங்கு மாநிலங்களின் அரசியலை தீர்மானித்த ஆர்.ஆர்
தெலுங்கு தேச அரசியலின் பிதாமகன் என்.டி.ஆரில் தொடங்கி YSR ஜெகன் வரை 4 நான்கு தலைமுறை தேர்தல் அரசியலை தீர்மானித்த அதிகாரமிக்க
ஆளுமையாக திகழ்ந்தவர் ராமோஜி ராவ். தனக்கு தவறென தோன்றுவதை யாராக இருந்தாலும் துணிந்து சொல்லும் நேர்மை கொண்டவர். ஈ டிவி ஊடகம் என்பதைக் கடந்து, இரு தெலுங்கு மாநில மக்களின் எண்ண ஓட்டத்தைப் பிரதிபலித்ததோடு, விமர்சன ரீதியிலான அரசியல் கருத்துருவாக்கத்தையும் விதைத்தது.
Featured News
Sorry, no posts matched your criteria.