India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 10, 2025
ராசி பலன்கள் (10.08.2025)
➤ மேஷம் – ஆக்கம் ➤ ரிஷபம் – அச்சம் ➤ மிதுனம் – ஓய்வு ➤ கடகம் – புகழ் ➤ சிம்மம் – பிரீதி ➤ கன்னி – தனம் ➤ துலாம் – நலம் ➤ விருச்சிகம் – வெற்றி ➤ தனுசு – போட்டி ➤ மகரம் – தெளிவு ➤ கும்பம் – ஊக்கம் ➤ மீனம் – லாபம்.
News August 10, 2025
பண்ட் போன்று காயத்துடனே விளையாடிய இந்திய வீரர்
ஆண்டர்சன் – டெண்டுல்கர் தொடரில் காயம் ஏற்பட்டாலும் களத்தில் இறங்கி போராடிய பண்ட், வோக்ஸ் ஆகியோரின் அரிப்பணிப்பை பலரும் பாராட்டினர். இந்நிலையில் இந்திய வீரர் கருண் நாயரும் விரலில் சிறியளவிலான எலும்பு முறிவுடனே 5-வது டெஸ்டின் 2-வது இன்னிங்க்ஸ்-க்கு பேட்டிங் செய்ய வந்ததாக கூறப்படுகிறது. இக்காயம் குணமடைய சில வாரங்கள் ஆகும் என்பதால் துலிப் டிராபி தொடரை அவர் தவறவிட வாய்ப்புள்ளதாக கூறப்படுகிறது.
News August 10, 2025
இந்திய உணவுமுறையே சிறந்தது
பெரிய பொருளாதாரங்களான G20 நாடுகளிலேயே, இந்தியாவின் உணவுமுறை தான் சிறந்ததாக உள்ளதாக WWF அமைப்பின் லிவிங் பிளானட் அறிக்கை தெரிவிக்கிறது. இந்திய உணவு நுகர்வு முறை தான் சுற்றுச்சூழல் நலத்துக்கு உகந்ததாக இருப்பதாகவும், மற்ற நாடுகள் இதை பின்பற்றினால் புவி வெப்பமயமாதலை கூட குறைக்க முடியும் என்றும் அதில் தெரிவிக்கப்பட்டுள்ளது. USA, AUSTRALIA, ARGENTINA நாடுகளின் உணவுமுறை மிகவும் மோசமாக உள்ளதாம்.
News August 9, 2025
MGR-யை அவமதிக்கும் நோக்கமில்லை: திருமாவளவன்
திராவிட இயக்கத்தில் பார்ப்பனியத்தை ஊடுருவ செய்தவர் MGR என்ற விமர்சனம் உண்டு என <<17349030>>திருமாவளவன்<<>> தெரிவித்தார். இதற்கு <<17351092>>அதிமுகவினர் கடும் எதிர்ப்பு<<>> தெரிவித்தனர். இதுபற்றி பேசிய திருமா, தமிழக அரசியல் கடந்த 60 ஆண்டுகளாக எவ்வாறு இயங்கியது என்ற உரையில் MGR-யை குறிப்பிட்டனே தவிர, அவரை அவமதிக்கும் நோக்கமில்லை என்றார். MGR-யை ஒரு சாதிக்குள் சுருக்கவில்லை, அது தவறாக புரிந்து கொள்ளப்பட்டது எனத் தெரிவித்தார்.
News August 9, 2025
கடன் வட்டி தள்ளுபடி.. தமிழக அரசு அறிவிப்பு
வீட்டு வசதி வாரியத்தில் மலிவு விலையில் வீடு வாங்கிய பலரும் தவணை கட்டத் தவறியதால் அபராத வட்டியுடன் சேர்ந்து கடன் சுமை அதிகரித்துள்ளது. அவர்களுக்கான அபாரத வட்டியை தள்ளுபடி செய்வதாக தமிழக அரசு அறிவித்துள்ளது. இது 2015 மார்ச் 31-க்கு முன்னர் தவணை காலம் முடிவடைந்த வீட்டுவசதி வாரிய திட்டங்களுக்கு மட்டுமே பொருந்தும் எனவும், இந்த சலுகை 2026 மார்ச் 31 வரை அமலில் இருக்கும் என்றும் குறிப்பிடப்பட்டுள்ளது.
News August 9, 2025
TN அரசின் கல்வி கொள்கைக்கு கமல் வரவேற்பு
TN அரசின் கல்விக்கொள்கை, சமத்துவத்தையும் சமூகநீதியையும் சேர்த்தே போதிக்கிறது என MP கமல்ஹாசன் தெரிவித்துள்ளார். இதுபற்றி அவரது பதிவில், மாணவர்களை அச்சத்திலேயே ஆழ்த்தும் தேவையற்ற பொதுத்தேர்வுகள் நீக்கம் செய்திருப்பதும், அநீதியான நுழைவுத் தேர்வுகளுக்கு எதிரான அம்சங்கள் இடம்பிடித்திருப்பதும், இருமொழிக் கொள்கையே தொடரும் என அறிவிக்கப்பட்டிருப்பதும் பாராட்டுக்குரியவை என புகழ்ந்துள்ளார்.
News August 9, 2025
கவர்னர் இல.கணேசனுக்கு 2வது நாளாக தீவிர சிகிச்சை
நாகாலாந்து கவர்னர் இல.கணேசன், அவரது சென்னை வீட்டில் நேற்று வழுக்கி விழுந்ததால் தலையில் பலத்த காயம் ஏற்பட்டது. இதனையடுத்து, அப்போலோ ஹாஸ்பிடலில் ICU பிரிவில் அவர் அனுமதிக்கப்பட்டார். டாக்டர்களின் தொடர் கண்காணிப்பில் அவருக்கு சிகிச்சை அளிக்கப்பட்டு வருகிறது. தமிழக பாஜக மூத்த தலைவராக அறியப்படும் அவர், மணிப்பூர், மேற்கு வங்கம் உள்ளிட்ட மாநிலங்களிலும் கவர்னராக இருந்துள்ளார்.
News August 9, 2025
பணம் கொடுத்து ட்ரோல் செய்கிறார்கள்: ரஷ்மிகா
நடிகை ரஷ்மிகா மந்தனா, தனக்கு எதிராக டிரோல் செய்வதற்கு பணம் கொடுக்கப்படுகிறது என பகீர் புகார் தெரிவித்துள்ளார். சிலர் ஏன் இவ்வளவு கொடூரமாக இருக்கிறார்கள் என்பது தனக்கு புரியவில்லை என்றும், இது தன்னை வளரவிடாமல் தடுக்கும் முயற்சி எனவும் தெரிவித்துள்ளார். தன் மீது அன்பு காட்டவில்லை என்றாலும் பரவாயில்லை, அமைதியாக இருங்கள் என வேதனையை வெளிப்படுத்தியுள்ளார்.
News August 9, 2025
₹500 நோட்டுகள் செல்லாதா?.. மத்திய அரசு விளக்கம்
ATM-களில் ₹500 நோட்டுகள் செப்.30 முதல் நிறுத்தப்படும் என்றும் அதன்பின் ₹500 நோட்டுகள் ரத்து செய்யப்படும் எனவும் தகவல் பரவி வருகிறது. இதுகுறித்து பார்லிமென்டில் விளக்கமளித்த மத்திய நிதியமைச்சகம், அது வதந்தி எனத் தெரிவித்துள்ளது. ATM-களில் செப்டம்பருக்குள் ₹100, ₹200 நோட்டுகள் 75% கிடைப்பதை உறுதி செய்யவும், 2026 மார்ச்சில் அதனை 90%ஆக அதிகரிக்க அறிவுறுத்தப்பட்டுள்ளதாகவும் குறிப்பிடப்பட்டுள்ளது.
News August 9, 2025
ராகுல் MP பதவியை ராஜினாமா செய்ய வேண்டும்: பாஜக
லோக்சபா தேர்தலில் வாக்காளர் பட்டியலில் முறைகேடு நடந்ததாக ராகுல் அண்மையில் குற்றஞ்சாட்டினார். இதற்கு பதிலளித்த EC அவரிடமுள்ள ஆதாரங்களை உறுதிமொழி பத்திரங்களாக வழங்கும்படி தெரிவித்த நிலையில், ராகுல் அதற்கு மறுத்துவிட்டார். இந்நிலையில், உறுதிமொழி பத்திரம் தாக்கல் செய்யாத ராகுல், EC மீது கேள்வி எழுப்பும் சோனியா, பிரியங்கா ஆகியோர் MP பதவியை ராஜினாமா செய்ய வேண்டுமென பாஜக சார்பில் வலியுறுத்தப்பட்டுள்ளது.
Featured News
Sorry, no posts matched your criteria.