India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 21, 2025
ED ரெய்டால் DMK – BJP கூட்டணி அமையலாம்: அருண்ராஜ்
திமுகவை உருவாக்கிய அண்ணா, கடனில் வாழ்ந்து தனது கடைசி மூச்சை விட்டார் என கூறிய அருண்ராஜ், திமுகவின் தற்போதைய தலைவர்கள் ஊழலில் வாழ்வதாக கடுமையாக விமர்சித்துள்ளார். மதுரை மாநாட்டில் பேசிய அவர், பிளவுவாத அரசியலை செய்யும் திமுக அரசு மக்களை ஏமாற்றி நாடகம் நடத்துகிறது என்றார். மேலும், TN-ல் அடுத்து ED ரெய்டு நடந்தால் பயந்துபோய் திமுக, பாஜகவுடன் கூட்டணி அமைத்தாலும் அமைக்கும் என்றார். உங்கள் கருத்து?
News August 21, 2025
மதுரையில் போட்டியிடுகிறேன்… மாநாட்டில் விஜய் பேச்சு!
மதுரை மாநாட்டில் பரபரப்பாக பேசிய விஜய், தவெக வேட்பாளர் பட்டியலை வெளியிடுவதாகக் கூறி கூட்டத்தை அதிர வைத்தார். தான் மதுரையில் போட்டியிடுவதாக அவர் தெரிவித்த உடனே, தொண்டர்கள் ஆரவாரத்தில் ஆர்ப்பரித்தனர். இதனை அடுத்து, மதுரையின் அனைத்து தொகுதிகளையும் கூறி, அனைத்திலும் விஜய் தான் போட்டி என்றார். அனைத்து தொகுதியிலும் விஜய் போட்டியிடுகிறார் எனக் கருதி வாக்களிக்குமாறு அவர் கேட்டுக் கொண்டார்.
News August 21, 2025
ஓசி என ஏளனம் செய்யும் திமுக அமைச்சர்கள்: CTR நிர்மல்
விஜய்க்கு அனுபவம் இல்லை எனக் கூறும் திமுக அமைச்சர்கள் மக்களை ஓசி என ஏளனம் செய்வதாக CTR நிர்மல்குமார் கூறியுள்ளார். நேர்மையானவர்களை அரசியலில் நுழைய விடாமல் திராவிட கட்சிகள் மக்களை சுரண்ட நினைப்பதாக கடுமையாக விளாசிய அவர், திராவிடம் என்ற பெயரில் கொள்ளையடிக்கும் கும்பலுக்கு வரும் தேர்தல் முடிவு கட்டும் என கடுமையாக சாடியுள்ளார்.
News August 21, 2025
தவெக யாருடன் கூட்டணி.. மாநாட்டில் விஜய் அறிவிப்பு
2026 தேர்தலில் DMK- TVK இடையேதான் போட்டி என விஜய் திட்டவட்டமாக தெரிவித்துள்ளார். தாமரை இலையில் தண்ணீரே ஒட்டாது. அப்படி இருக்கும்போது, TVK எப்படி ஒட்டும் என்றார். மேலும், நேரடி அடிமை கூட்டணியுடன் ஒருபோதும் தவெக இணையாது என்றார். மேலும், MGR ஆரம்பித்த ADMK, தற்போது பொருந்தா கூட்டணியில் சிக்கி தவிப்பதாக அதிமுகவையும் சாடினார். விஜய்யின் கூட்டணி முடிவு குறித்து உங்கள் கருத்து என்ன? கமெண்ட்ல சொல்லுங்க.
News August 21, 2025
மாநாட்டுக்கு தடைகளை ஏற்படுத்திய அமைச்சர்: ஆதவ்
மதுரை தவெக மாநாட்டிற்கு அமைச்சர் மூர்த்தி பல தடைகளை ஏற்படுத்தியதாகவும், அவை அனைத்தையும் உடைத்தெறிந்து மாநாட்டை நடத்தி காட்டியுள்ளதாகவும் ஆதவ் அர்ஜுனா தெரிவித்துள்ளார். உண்மையை சொன்னதால் அமைச்சரவையில் இருந்து பிடிஆர் ஓரங்கட்டப்பட்டார் எனக்கூறிய அவர், மதுரையில் தற்போது ஆதிக்கம் செலுத்தும் அமைச்சர் மூர்த்தி சமூகநீதி காவலரா?, அவரை ஏன் திமுக ஆதரிக்கிறது என கேள்வி எழுப்பியுள்ளார்.
News August 21, 2025
MGR போல் நல்ல குணம் கொண்டவர் விஜயகாந்த்: விஜய்
MGR குணம்போல், நல்ல குணம் கொண்டவர் விஜயகாந்த் என மதுரை மாநாட்டில் விஜய் உணர்ச்சி பொங்க பேசியுள்ளார். MGR உடன் நெருங்கி பழக முடியாமல் போனது மிகவும் வேதனை அளிப்பதாக கூறிய அவர், மதுரை மண்ணின் மைந்தர் விஜயகாந்தின் அன்பை பெற்றவன் இந்த விஜய் என்றார். MGR, விஜயகாந்தை தவெகவினர் துணைக்கு அழைப்பது, அரசியலில் குழப்பத்தை ஏற்படுத்தும் என அக்கட்சியின் தலைவர்கள்(ADMK, DMDK) கூறிவருவது குறிப்பிடத்தக்கது.
News August 21, 2025
தீபாவளிக்கு பிரதீப்பின் LIK ரிலீஸ்
விக்னேஷ் சிவன் இயக்கத்தில் பிரதீப் ரங்கநாதன் நடிக்கும் ‘லவ் இன்சூரன்ஸ் கம்பெனி’ (LIK) தீபாவளிக்கு ரிலீசாகும் என அறிவிக்கப்பட்டுள்ளது. தவிர்க்க முடியாத சில காரணங்களால் LIK ரிலீஸ் செப்.18ல் இருந்து அக்.17க்கு தள்ளிவைக்கப்பட்டுள்ளது. படத்தின் டீஸர் விநாயகர் சதுர்த்தி அன்று வெளியாகிறது. மேலும் LIK ரிலீசால் ஏற்கனவே தீபாவளிக்கு வெளியாகவிருந்த பிரதீப்பின் ‘டூட்’ படம் தள்ளிப்போக வாய்ப்புள்ளது.
News August 21, 2025
சட்டம் அறிவோம் : போலீசை தண்டிக்கும் சட்டம் தெரியுமா!
ஒரு போலீஸ்காரர் பொதுவெளியில் மரியாதை குறைவாக நடத்தினால், அவருக்கு தண்டனை வாங்கிக் கொடுக்கலாம் என்பது உங்களுக்கு தெரியும்? BNS 296 சட்டத்தின் கீழ் பொது இடத்தில் ஒரு அரசு அதிகாரி உங்களிடம் தரக்குறைவாக நடந்துக் கொண்டார் என்றால், புகார் அளிக்கலாம். குற்றம் நிரூபிக்கப்பட்டால், 3 மாத சிறைத்தண்டனை அல்லது ₹1,000 அபராதம் அல்லது இரண்டும் விதிக்கப்படும். SHARE IT.
News August 21, 2025
சிங்கம் பாணியில் வேட்டை அரசியல்: விஜய் குட்டி கதை
சிங்கம் வேட்டைக்கு மட்டுமே வெளியில் வரும், அப்படி வந்து இரையை குறிவைத்தால் விடாது என மதுரை மாநாட்டில் 2026 தேர்தலை குறிப்பிட்டு விஜய் பேசினார். சிங்கம் கர்ஜித்தால் 8 கிமீ தூரத்திற்கு அதிரும் என உணர்ச்சி பொங்க பேசிய அவர், 2026 தேர்தலில் மாற்றம் நிகழப் போவதற்கான அடையாளம் இந்த மாநாடு என்றார். மேலும், 1967, 1977 பாணியில் அரசியல் மாற்றத்தை நோக்கி மக்கள் தயாராகி வருவதாகவும் சூளுரைத்தார்.
News August 21, 2025
இந்த கேள்விக்கு பதில் சொல்லுங்க பாப்போம்!
நியூஸ் படிச்சி படிச்சி டயர்ட் ஆகிட்டீங்களா.. வாங்க உங்க மூளையை சுறுசுறுப்பாக்குவோம். சட்டென பார்த்தால், கடினமாக தெரியும். ஆனால், ஒரே ஒரு டிரிக் தெரிந்து விட்டால் போதும், இது ரொம்ப ஈசி. ஒரே ஒரு சின்ன Hint தரோம். 11 = 20, 12 = 31 என்ற வரிசையில் இந்த எண்களுக்குள் இருக்கும் வித்தியாசத்தை கவனித்து பாருங்க. பதில் தெரியும். எத்தனை பேர் கரெக்ட்டா பதில் சொல்றீங்க என பார்ப்போம்? SHARE IT.
Featured News
Sorry, no posts matched your criteria.