India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 13, 2024
வரலாற்றில் இன்று
1948 – ஹைதராபாத்தை இந்தியாவுடன் இணைக்க நடவடிக்கை எடுக்க ராணுவத்திற்கு இந்திய துணைப் பிரதமர் வல்லபாய் பட்டேல் ஆணையிட்டார்.
2008 – டெல்லி தொடர் குண்டு வெடிப்பில் 30 பேர் உயிரிழந்தனர். 130 பேர் படுகாயமடைந்தனர்.
1929 – திராவிட இயக்க அரசியல் தலைவர் கோ.சி.மணி பிறந்த தினம்
1960 – நவரச நாயகன் கார்த்தி பிறந்த தினம் 2010- தமிழ் எழுத்தாளர் ஆர். சூடாமணி இறந்த தினம்
News September 13, 2024
அதானியின் $310 மில்லியன் நிதி முடக்கம்
சுவிஸ் வங்கிகளில் அதானி சேமித்திருந்த $310 மில்லியனுக்கும் அதிகமான நிதியை, சுவிஸ் அதிகாரிகள் முடக்கியுள்ளதாக ஹிண்டன்பர்க் தெரிவித்துள்ளது. பணமோசடி மற்றும் முறைகேடு விசாரணையின் ஒரு பகுதியாக, 2021 ஆம் ஆண்டிலேயே அதிகாரிகள் இந்த நடவடிக்கை எடுத்துள்ளதாக குறிப்பிட்டுள்ளது. வெளிநாடுகளில் அதானி எப்படியெல்லாம் மோசடி செய்தார் என்பது தொடர்பான விரிவான அறிக்கையையும், ஊடகங்கள் தற்போது வெளியிட்டுள்ளன.
News September 13, 2024
சென்னையில் மின்சாரம் துண்டிப்பு!
மணலி துணை மின் நிலையத்தில் 400 கிலோ வாட் திறன் கொண்ட முக்கிய யூனிட்டில் இரவு தீ விபத்து ஏற்பட்டது. இந்த தீ விபத்தினால் சென்னையில் பல்வேறு பகுதிகளில் மின்சாரம் விநியோகம் பாதிக்கப்பட்டுள்ளது. மணலி, மின்ட் சாலை, வேளச்சேரி, பெசன்ட் நகர், கோடம்பாக்கம், கொளத்தூர், ஓட்டேரி, அயனாவரம், பட்டாளம், மதுரவாயல், புரசைவாக்கம், மந்தைவெளி, தி.நகர் உள்ளிட்ட பல பகுதிகளில் மின்சாரம் துண்டிக்கப்பட்டுள்ளது.
News September 13, 2024
HAPPY BIRTHDAY❤️: பிறந்தநாள் வாழ்த்து போட்டோ அனுப்புங்க
இன்று (செப். 13) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News September 13, 2024
ராசி பலன்கள் (13.09.2024)
*மேஷம் – வெற்றி கிடைக்கும் *ரிஷபம் – செலவு உண்டாகும் *மிதுனம் – தெளிவு ஏற்படும் *கடகம் – பயம் உருவாகும் *சிம்மம் – தடங்கல் ஏற்படும் *கன்னி – தோல்வியை சந்திப்பீர் *துலாம் – சோதனை நாளாக இருக்கும் *விருச்சிகம் – முயற்சி வெற்றி தரும் *தனுசு – நலம் உண்டாகும் *மகரம் – நஷ்டம் ஏற்படும் *கும்பம் – தானம் அளிப்பீர் *மீனம் – நன்மை வந்து சேரும்.
News September 13, 2024
நாளை மறுநாள் பொதுமக்கள் அஞ்சலி செலுத்தலாம்
மறைந்த மார்க்சிஸ்ட் கம்யூனிஸ்ட் கட்சியின் பொதுச்செயலாளர் சீதாராம் யெச்சூரியின் உடல் டெல்லி எய்ம்ஸ் மருத்துவமனைக்கு தானமாக கொடுக்கப்பட்டது. இந்நிலையில், அவரது உடலுக்கு பொதுமக்கள் அஞ்சலி செலுத்தும் விதமாக செப்.14ஆம் தேதி அக்கட்சி தலைமையகத்தில் வைக்கப்படும் என CPM தெரிவித்துள்ளது. அன்றைய தினம் காலை 11 மணி முதல் பிற்பகல் 3 மணி வரை பொதுமக்கள் அஞ்சலி செலுத்தலாம் என தெரிவிக்கப்பட்டுள்ளது.
News September 12, 2024
CAT தேர்வுக்கு விண்ணப்பிக்க நாளை கடைசி
நாடு முழுவதும் முதுநிலை மேலாண்மை படிப்புகளுக்கு நடத்தப்படும் கேட் தேர்வுக்கு விண்ணப்பிக்க நாளை (செப்.13) கடைசி நாளாகும். இதற்கு விண்ணப்பிக்க விரும்பும் மாணவர்கள் அங்கீகரிக்கப்பட்ட பல்கலை.,யில் குறைந்தபட்சம் 50% மதிப்பெண் அல்லது அதற்கு சமமான CGPAவைப் பெற்றிருக்க வேண்டும். நடப்பு ஆண்டுக்கான கேட் தேர்வு நவ.24ஆம் தேதி நடைபெறுகிறது. விண்ணப்பிக்க மற்றும் கூடுதல் தகவல்களுக்கு இங்கே க்ளிக் பண்ணவும்.
News September 12, 2024
வடிவேலு படங்களின் போஸ்டர் வெளியானது
நடிகர் வடிவேலுவின் பிறந்த நாளையொட்டி அவர் நடித்துவரும் ‘மாரீசன்’, ‘கேங்கர்ஸ்’ படங்களின் புதிய போஸ்டரை படக்குழுவினர் வெளியிட்டுள்ளனர். சுதீஷ் சங்கர் இயக்கும் ‘மாரீசன்’ படத்தில் ஃபகத் பாசில் நாயகனாக நடித்து வருகிறார். இப்படத்தை சூப்பர் குட் பிலிம்ஸ் தயாரித்து வருகிறது. ‘கேங்கர்ஸ்’ படத்தில் நீண்ட இடைவெளிக்குப் பின் சுந்தர்.சி உடன் இணைந்து நடித்து வருகிறார் வடிவேலு.
News September 12, 2024
மோடியை தனியாக சந்திக்க புடின் திட்டம்
தேசிய பாதுகாப்பு ஆலோசகர் அஜித் தோவல், ரஷ்ய அதிபர் புடினைச் சந்தித்து பேசினார். அப்போது, பிரதமர் மோடியின் உக்ரைன் பயணம் குறித்து புடினிடம் தோவல் எடுத்துரைத்தார். இந்த சந்திப்பின்போது, ரஷ்யாவில் அக்.22ல் நடைபெறும் BRICS மாநாட்டையொட்டி, மோடியை புடின் தனியாக சந்தித்து பேச விருப்பம் தெரிவித்துள்ளார். ரஷ்யாவின் சிறந்த நண்பர் மோடி எனவும் புடின் குறிப்பிட்டார்.
News September 12, 2024
அனைத்து மாவட்டங்களிலும் வருகிறது ‘மெகா ஸ்டோர்’
தமிழக நுகர்பொருள் வாணிபக் கழகமும், கூட்டுறவுத்துறையும் இணைந்து வீட்டிற்கு தேவையான அனைத்துப் பொருட்களும் விற்பனை செய்யும் வகையில் மாவட்ட வாரியாக ‘மெகா ஸ்டோரை’ திறக்க திட்டமிட்டுள்ளது. அதில், கூட்டுறவு சங்கங்களின் தயாரிப்புகள், மகளிர் சுய உதவிக்குழு தயாரிக்கும் பொருட்கள், மலைவாழ் மக்கள் தயாரிக்கும் பொருட்கள், மருந்துகள், விவசாயிகளிடம் இருந்து காய்கறி, பழங்கள் விற்பனை செய்ய முடிவெடுக்கப்பட்டுள்ளது.
Featured News
Sorry, no posts matched your criteria.