India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 12, 2024
மோடியை தனியாக சந்திக்க புடின் திட்டம்
தேசிய பாதுகாப்பு ஆலோசகர் அஜித் தோவல், ரஷ்ய அதிபர் புடினைச் சந்தித்து பேசினார். அப்போது, பிரதமர் மோடியின் உக்ரைன் பயணம் குறித்து புடினிடம் தோவல் எடுத்துரைத்தார். இந்த சந்திப்பின்போது, ரஷ்யாவில் அக்.22ல் நடைபெறும் BRICS மாநாட்டையொட்டி, மோடியை புடின் தனியாக சந்தித்து பேச விருப்பம் தெரிவித்துள்ளார். ரஷ்யாவின் சிறந்த நண்பர் மோடி எனவும் புடின் குறிப்பிட்டார்.
News September 12, 2024
அனைத்து மாவட்டங்களிலும் வருகிறது ‘மெகா ஸ்டோர்’
தமிழக நுகர்பொருள் வாணிபக் கழகமும், கூட்டுறவுத்துறையும் இணைந்து வீட்டிற்கு தேவையான அனைத்துப் பொருட்களும் விற்பனை செய்யும் வகையில் மாவட்ட வாரியாக ‘மெகா ஸ்டோரை’ திறக்க திட்டமிட்டுள்ளது. அதில், கூட்டுறவு சங்கங்களின் தயாரிப்புகள், மகளிர் சுய உதவிக்குழு தயாரிக்கும் பொருட்கள், மலைவாழ் மக்கள் தயாரிக்கும் பொருட்கள், மருந்துகள், விவசாயிகளிடம் இருந்து காய்கறி, பழங்கள் விற்பனை செய்ய முடிவெடுக்கப்பட்டுள்ளது.
News September 12, 2024
மாணவர்களுக்காக அரசு பணியை உதறிய அதிகாரி
IRS அதிகாரி ரவி கபூர், தனது அரசு வேலையை ராஜினாமா செய்துவிட்டு, UPSC தேர்வு எழுதும் மாணவர்களுக்காக இலவச வழிகாட்டுதல் பயிற்சியை வழங்கி வருகிறார். கடந்த 2021ல் சிறிய அளவில் தொடங்கப்பட்ட இந்த திட்டத்தில், தற்போது 3 லட்சம் மாணவர்கள் இலவச பயிற்சி பெற்று வருகின்றனர். மன ரீதியாக எதிர்கொள்ளும் பிரச்னைகள், கல்வி சார்ந்து தேவையான உதவிகள், வழிகாட்டுதல்களை அவர் வழங்கிவருகிறார்.
News September 12, 2024
1.30 லட்சம் பேருக்கு ரேஷன் கார்டு தயார்
ரேஷன் கார்டு கோரி விண்ணப்பித்த 3 லட்சம் பேரில், 1.30 லட்சம் பேருக்கு கார்டுகள் தயாராக உள்ளதாக அமைச்சர் சக்கரபாணி தெரிவித்துள்ளார். புதிய கார்டுகளை விநியோகிக்கும் பணிகளை விரைந்து முடிக்கவும் அவர் உத்தரவிட்டுள்ளார். அடுத்த மாதம் முடிவதற்குள் புதிய ரேஷன் கார்டுகள் வழங்கப்படும் என்றும், அதற்கான பணிகள் தொடங்கியதாகவும் அரசு வட்டாரங்கள் தெரிவிக்கின்றன.
News September 12, 2024
பதக்கங்கள் குவிக்கும் தமிழக வீராங்கனைகள்
தெற்காசிய ஜூனியர் தடகள சாம்பியன்ஷிப் போட்டியில் தமிழ்நாட்டைச் சேர்ந்த வீராங்கனைகள் தங்கம், வெள்ளிப் பதக்கங்களை வென்றனர். 5.79மீ நீளம் தாண்டிய பிரதிக்ஷா தங்கமும், 5.75மீ நீளம் தாண்டிய லக்ஷன்யா வெள்ளியும் வென்றனர். முன்னதாக, ஆடவர் நீளம் தாண்டுதல் பிரிவில் தமிழ்நாட்டைச் சேர்ந்த ஜிதின் 7.61மீ தாண்டி தங்கம் வென்ற நிலையில், வீராங்கனைகளும் பதக்கங்களை குவித்துள்ளனர்.
News September 12, 2024
சச்சின் சாதனையை முறியடிக்க 58 ரன்கள் தேவை
வங்கதேசத்திற்கு எதிராக வரும் 19ஆம் தேதி நடைபெற உள்ள டெஸ்ட் போட்டியில் இன்னும் 58 ரன்கள் அடித்தால், சச்சினின் சாதனையை முறியடித்து புதிய சாதனை படைப்பார் கோலி. குறைந்த போட்டிகளில் (623) 27,000 ரன்கள் அடித்த முதல் வீரர் என்ற சாதனையை சச்சின் தன்வசம் வைத்துள்ளார். இதுவரை 591 போட்டிகளில் விளையாடியுள்ள கோலி 26,942 ரன்கள் குவித்துள்ள நிலையில், அந்த சாதனையை தகர்ப்பார் என எதிர்பார்க்கப்படுகிறது.
News September 12, 2024
1 கோடி மோசடி மொபைல் இணைப்புகள் துண்டிப்பு
ஒரு கோடி மோசடி மொபைல் இணைப்புகள் இதுவரை துண்டிக்கப்பட்டு உள்ளதாக தொலை தொடர்புத்துறை தெரிவித்துள்ளது. SANCHAR SAATHI தளத்தில் மக்கள் அளிக்கும் புகார் அடிப்படையில் மோசடி இணைப்புகளை தொலைத்தொடர்புத்துறை துண்டித்தும், முடக்கியும் வருகிறது. அதன்படி, ஒரு கோடிக்கும் மேற்பட்ட இணைப்புகளை துண்டித்துள்ளது. மேலும், 2.27 லட்சம் மொபைல்களையும் முடக்கி உள்ளது. உங்கள் மொபைல் இணைப்பு வேலை செய்கிறதா? கமெண்ட்
News September 12, 2024
ரேஷன் கார்டு மூலம் ₹5 லட்சம் இலவச மருத்துவ காப்பீடு
மத்திய அரசின் PM-JAY திட்டத்தின்கீழ் ₹5 லட்சம் மதிப்பிலான இலவச <<14078906>>மருத்துவ காப்பீடு<<>> வழங்கப்படுகிறது. அதற்கு நீங்கள் தகுதியுடையவரா என்பதை அறிய https://www.pmjay.gov.in/ என்ற இணையதளத்திற்கு சென்று, AM I Eligible ஆப்சனை க்ளிக் செய்யவும். பின் மொபைல் எண் மற்றும் CAPTCHAஐ உள்ளிட்டு, OTP சரிபார்ப்புக்குப் பிறகு உங்கள் தகவல்களை உள்ளிடவும். நீங்கள் தகுதியுடையவர் எனில், உங்கள் பெயர் ரிசல்டில் காட்டப்படும்.
News September 12, 2024
மீண்டும் அதிமுகவில் இணைந்தார் மைத்ரேயன்
பாஜக தேசிய செயற்குழு உறுப்பினர் மைத்ரேயன், அக்கட்சியில் இருந்து விலகி மீண்டும் ADMKவில் இணைந்துள்ளார். ADMK முன்னாள் எம்.பியான இவர், OPS அணியில் இருந்தார். பின்னர் EPS அணிக்கு சென்ற அவர், 2022ல் கட்சியில் இருந்து நீக்கப்பட்டார். தொடர்ந்து, 2023ல் பாஜகவில் இணைந்த அவருக்கு முக்கியத்துவம் அளிக்கப்படாததால் அதிருப்தியில் இருந்தார். இந்நிலையில், இன்று EPS முன்னிலையில் மீண்டும் அதிமுகவில் ஐக்கியமானார்.
News September 12, 2024
தமிழகத்தில் அதிகரிக்கும் உடல் உறுப்பு தானம்!
கடந்த 6 ஆண்டுகளில் இல்லாத அளவு மாநிலத்தில் உடல் உறுப்பு தானம் வழங்குபவர்களின் எண்ணிக்கை அதிகரித்துள்ளதாக தகவல் வெளியாகியுள்ளது. உடல் உறுப்பு தானம் செய்பவர்களின் உடலுக்கு அரசு மரியாதை செலுத்தப்படும் என தமிழக அரசு அறிவித்தது. இந்த அறிவிப்பு வெளியான 11 மாதத்தில் 192 பேரின் உடல்களில் இருந்து 1,086 உறுப்புகள் தானமாக பெறப்பட்டுள்ளன.
Featured News
Sorry, no posts matched your criteria.