India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 16, 2024
சந்தைக்கு வரும் பஜாஜ் ஹவுசிங் ஃபைனான்ஸ் பங்குகள்
பஜாஜ் ஹவுசிங் ஃபைனான்ஸ் நிறுவனத்தின் பங்குகள் இன்று பங்குச்சந்தையில் பட்டியலிடப்படுகின்றன. பெரும் எதிர்பார்ப்புகளுடன் இந்நிறுவனத்தின் <<14064860>>IPO<<>> செப். 9ஆம் தேதி வெளியானது. ₹6,560 கோடி நிதி திரட்டுவதற்கான இந்த IPOக்கு சுமார் ₹3 லட்சம் கோடி மதிப்பிலான விண்ணப்பங்கள் குவிந்தன. இந்நிலையில், ₹70க்கு IPOஇல் வழங்கப்பட்ட பங்குகள், அதை விட டபுள் விலையில் பட்டியலாகும் என எதிர்பார்க்கப்படுகிறது.
News September 16, 2024
சுப்மன் கில்லுக்கு ஓய்வு?
வங்கதேசத்துக்கு எதிரான டி20 தொடரில் சுப்மன் கில்லுக்கு ஓய்வு அளிக்க உள்ளதாக தகவல் வெளியாகியுள்ளது. அதே மாதத்தில் நியூசிலாந்து அணிக்கு எதிரான டெஸ்ட் தொடரில் இந்திய அணி விளையாடவுள்ளது. அத்தொடருக்கு தயாராகும் வகையில் வங்கதேச டி20 தொடரில் ஓய்வு வழங்கப்படும் எனக் கூறப்படுகிறது. வங்கதேசத்துக்கு எதிரான டி20 போட்டிகள் அக். 7, அக். 10 மற்றும் அக். 13 ஆகிய தேதிகளில் நடைபெறவுள்ளன.
News September 16, 2024
ஓசோனை பாதுகாக்க உறுதியேற்போம்!
குழந்தையை தாய் பாதுகாப்பது போல, பூமிப் பந்தில் வாழும் உயிரினங்களை புற ஊதாக் கதிர்களில் இருந்து ஓசோன் படலம் பாதுகாக்கிறது. ஆனால், நாமோ சுற்றுச்சூழலுக்கு ஒவ்வாத ரசாயனங்கள், குளிரூட்டு சாதனங்கள் மூலம் அந்த படலத்தை சேதப்படுத்தி வருகிறோம். இந்நிலையில் செப். 16 உலக ஓசோன் தினமாக அனுசரிக்கப்படுகிறது. இந்நாளில் ஓசோன் அடுக்கு சிதைவு பற்றிய விழிப்புணர்வை மக்களிடையே பரப்புவோம். Share it.
News September 16, 2024
டிரம்ப் பாதுகாப்பாக இருப்பதில் மகிழ்ச்சி
அமெரிக்காவில் வன்முறைக்கு இடமில்லை என கமலா ஹாரிஸ் உறுதி அளித்துள்ளார். டிரம்ப் மீது துப்பாக்கிச்சூடு நடத்தப்பட்ட சம்பவம் பெரும் பரபரப்பை ஏற்படுத்தியுள்ளது. இது குறித்து தனது X பக்கத்தில் விளக்கம் அளித்த துணை அதிபர் கமலா ஹாரிஸ், டிரம்ப் பாதுகாப்பாக இருப்பதில் மகிழ்ச்சி அடைவதாக தெரிவித்துள்ளார். மேலும், புளோரிடா துப்பாக்கிச்சூடு சம்பவம் தொடர்பான அறிக்கையை பெற்றுள்ளதாகவும் குறிப்பிட்டுள்ளார்.
News September 16, 2024
கண்களில் கதை பேசும் மீனாவின் பிறந்தநாள்
குழந்தை நட்சத்திரமாக அறிமுகமாகி, தமிழ், தெலுங்கு, மலையாளம், ஹிந்தி என பல மொழி படங்களில் ஆளுமை செலுத்தியவர் மீனா. ரஜினி உடன் சிறு வயதிலேயே நடித்து பிரபலமான இவருக்கு, எஜமான், நாட்டாமை, முத்து, அவ்வை சண்முகி, பொற்காலம், வானத்தைப்போல உள்ளிட்ட பல ஹிட் படங்களில் நடிக்கும் வாய்ப்பு கிடைத்தது. கண்களில் கதை பேசி, நடிப்பில் தனித்துவ தடம்பதித்த அவருக்கு இன்று பிறந்தநாள் (48). வாழ்த்துகள் மீனா.
News September 16, 2024
நெப்போலியன் ஹில்லின் பொன்மொழிகள்
*வலிமையும் வளர்ச்சியும் தொடர்ச்சியான முயற்சி மூலம் மட்டுமே வரும். *சிறிதளவு நெருப்பு சிறிதளவு வெப்பத்தையே தருவதைப் போல, பலவீனமான ஆசைகள் பலவீனமான விளைவுகளையே தரும். *நமக்குப் புரியாததை நாம் நம்ப மறுக்கிறோம். *அதிகமாக நேசித்தால் நீங்கள் காயப்படக்கூடும், ஆனால் குறைவாக நேசித்தால் நீங்கள் துன்பத்தில் வாழ்வீர்கள். *வாய்ப்பு என்பது பெரும்பாலும் துரதிர்ஷ்டம் என்ற மாறுவேடமிட்டே வருகிறது.
News September 16, 2024
முதலிடத்திற்கு முன்னேறிய இந்திய மகளிர் அணி
செஸ் ஒலிம்பியாட் தொடரின் ஓபன் பிரிவு 5ஆவது சுற்றில் இந்திய மகளிர் அணி வெற்றி பெற்று அசத்தியுள்ளது. கஜகஸ்தான் அணியை எதிர்கொண்ட இந்திய அணி 2.5 – 1.5 என்ற புள்ளி கணக்கில் வெற்றி பெற்றது. இதன் மூலம் 10 புள்ளிகளை பெற்ற இந்திய அணி, 7ஆவது இடத்தில் இருந்து முதலிடத்திற்கு முன்னேறியது. எதிர்வரும் சுற்றுகளிலும் இந்திய வீரர்கள் சிறப்பாக விளையாட வாழ்த்துகள்.
News September 16, 2024
நானிக்கு மகுடம் சேர்த்த ‘சூரியாவின் சனிக்கிழமை’
‘சூரியாவின் சனிக்கிழமை’ திரைப்படம் உலகம் முழுவதும் ₹100 கோடி வசூல் செய்துள்ளதாக படக்குழு அறிவித்துள்ளது. விவேக் ஆத்ரேயா இயக்கத்தில் நானி நடிப்பில் வெளியான இப்படத்தில், எஸ்.ஜே.சூர்யா வில்லனாக நடித்திருந்தார். பிரியங்கா மோகன் முன்னணி பெண் கதாபாத்திரத்தில் நடித்திருந்தார். கடந்த 29ஆம் தேதி திரைக்கு வந்த இப்படம், நானியின் திரை பயணத்தில் மேலும் ஒரு மகுடமாக மாறியுள்ளது.
News September 16, 2024
தினம் ஒரு திருக்குறள்
▶ குறள் பால்: அறத்துப்பால் ▶ அதிகாரம்: வாழ்க்கைத் துணைநலம் ▶ குறள் எண்: 54 ▶ குறள்: பெண்ணின் பெருந்தக்க யாவுள கற்பென்னும் திண்மைஉண் டாகப் பெறின். ▶ பொருள்: கற்பென்னும் திண்மை கொண்ட பெண்மையின் உறுதிப் பண்பைப் பெற்றுவிட்டால், அதைவிடப் பெருமைக்குரியது வேறு யாது?
News September 16, 2024
டிரம்ப் மீது மீண்டும் துப்பாக்கிச்சூடு
அமெரிக்க Ex. அதிபர் டிரம்ப் மீது மீண்டும் துப்பாக்கிச்சூடு நடத்தப்பட்டுள்ளது. புளோரிடாவில் உள்ள கோல்ஃப் கிளப்பில் டிரம்ப் விளையாட சென்றார். அப்போது, அவர் மீது திடீரென துப்பாக்கிச்சூடு நடத்தப்பட்டது. பின்னர், பாதுகாவலர்கள் அவரை பாதுகாப்பாக அனுப்பி வைத்தனர். புதரில் இருந்த ஏகே47 துப்பாக்கி மீட்கப்பட்ட நிலையில், சந்தேகத்திற்குரிய நபர் கைது செய்யப்பட்டுள்ளார். இது டிரம்ப் மீதான 2ஆவது தாக்குதலாகும்.
Featured News
Sorry, no posts matched your criteria.