India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 8, 2024
ஜம்மு காஷ்மீரில் ஓங்கும் காங்., கை
ஜம்மு காஷ்மீரில் காங்., மற்றும் தேசிய மாநாட்டு கட்சி கூட்டணி ஆட்சியமைக்கும் சூழல் உருவாகியுள்ளது. மொத்தமுள்ள 90 தொகுதிகளில் ஆட்சியமைக்க 46 இடங்கள் தேவை. தற்போது காங்., 52 இடங்களில் முன்னிலை வகிக்கிறது. பாஜக 24 இடங்களிலும், தனித்து போட்டியிட்ட மெகபூபா தலைமையிலான மக்கள் ஜனநாயக கட்சி 4 இடங்களிலும் முன்னிலை பெற்றுள்ளன.
News October 8, 2024
LOSS ஆன நிறுவனத்தை வாங்கும் ஏர்டெல்
டாடா குழுமத்தின் ‘TATA PLAY’ நிறுவனத்தை ஏர்டெல் வாங்க உள்ளதாக தகவல் வெளியாகியுள்ளது. OTT-களின் வரவால் இந்த DTH நிறுவனம் நஷ்டத்தை சந்தித்து வரும் நிலையில், ஏர்டெல் இத்தகைய முடிவை எடுத்துள்ளது. இது தொடர்பாக இரு நிறுவனங்களுக்கு இடையே இறுதிகட்ட பேச்சுவார்த்தை நடந்து வருவதாக கூறப்படுகிறது. ஜியோவிற்கு போட்டியாக TATA PLAY-ஐ களமிறக்க ஏர்டெல் முடிவு செய்துள்ளதாக தகவல் வெளியாகியுள்ளது.
News October 8, 2024
அனைவரின் கண்களும் இருவர் மீதே..!
ஹரியானா சட்டசபை தேர்தல் முடிவுகள் சில மணி நேரங்களில் வெளியாக உள்ளன. 1,031 வேட்பாளர்கள் களத்தில் இருந்தாலும், குறிப்பிட்ட இருவரின் முடிவுகளுக்காக நாடே எதிர்பார்ப்பில் உள்ளது. காங்கிரஸ் சார்பில் வினேஷ் போகத் ஜூலானா தொகுதியில் களம் காண்கிறார். இந்திய கபடி அணியின் முன்னாள் கேப்டன் தீபக் ஹூடா, பாஜக சார்பில் மேஹம் தொகுதியில் போட்டியிடுகிறார்.
News October 8, 2024
ஜம்மு காஷ்மீரில் நியமன MLA சர்ச்சை என்ன?
ஜம்மு – காஷ்மீரில் நியமன MLA விவகாரம் சூடுபிடித்துள்ளது. நடந்து முடிந்த தேர்தலில், தொங்கு சட்டப்பேரவை அமைவதற்கான வாய்ப்புள்ளதாக கருத்துக்கணிப்பில் கூறப்பட்டது. இந்நிலையில், ஜம்மு – காஷ்மீரில் 5 MLAகளை நியமனம் செய்ய துணை ஆளுநருக்கு அதிகாரம் உள்ளது. இதனால், பாஜகவுக்கு சாதகமான சூழல் நிலவுவதால், மக்களின் ஆணையை நீர்த்து போகும் வகையில் ஆளுநரின் அதிகாரம் இருப்பதாக எதிர்க்கட்சிகள் குற்றஞ்சாட்டுகின்றன.
News October 8, 2024
காங்., தொடர்ந்து முன்னிலை
இரு மாநிலங்களில் வாக்கு எண்ணிக்கை விறுவிறுப்பாக நடந்து வரும் நிலையில், காங்., முன்னிலை வகிக்கிறது. மொத்தமுள்ள 90 தொகுதிகளில் 63 இடங்களுக்கு முன்னிலை நிலவரம் தெரியவந்துள்ளது. இதில், காங்., 42 இடங்களிலும், பாஜக 16 இடங்களிலும், பிற கட்சிகள் 5 இடங்களிலும் முன்னிலை பெற்றுள்ளன. அதேபோல், ஜம்மு காஷ்மீரில் காங்., கூட்டணி 43, பாஜக கூட்டணி 17, பிற கட்சிகள் 13 இடங்களில் முன்னிலை பெற்றுள்ளன.
News October 8, 2024
வினேஷ் போகத் முன்னிலை
ஹரியானாவின் ஜூலானா தொகுதியில் காங்கிரஸ் சார்பில் களமிறங்கிய மல்யுத்த வீராங்கனை வினேஷ் போகத் முன்னிலை பெற்றுள்ளார். அவரை எதிர்த்து பாஜக சார்பில் களமிறக்கப்பட்ட யோகேஷ் குமார், பின்னடவை சந்தித்துள்ளார். வினேஷ் முன்னிலை பெற்றதை காங்கிரஸ் தொண்டர்கள் விமர்சையாக கொண்டாடி வருகின்றனர்.
News October 8, 2024
அன்பு கணவரை வாழ்த்திய ஷாலினி
24H யூரோப் சீரிஸ் கார் ரேஸில் பங்கேற்கவுள்ள அஜித்துக்கு ஷாலினி வாழ்த்து தெரிவித்துள்ளார். அஜித் சமீபத்தில் ‘அஜித்குமார் ரேஸிங்’ என்ற புதிய கார் ரேஸ் அணியை தொடங்கினார். இந்நிலையில், 24H யூரோப் சீரிஸில் இந்த அணி பங்கேற்கவுள்ளது. இது குறித்து இன்ஸ்டாவில் பதிவிட்டுள்ள ஷாலினி, தங்களுக்கு விருப்பமான கார் ரேஸராக உங்களை மீண்டும் பார்ப்பதில் மகிழ்ச்சி, வாழ்த்துகள் எனத் தெரிவித்துள்ளார்.
News October 8, 2024
BREAKING: தொடக்கத்திலேயே பாஜகவுக்கு பின்னடைவு
ஹரியானா மற்றும் ஜம்மு காஷ்மீரில் வாக்கு எண்ணிக்கை தொடக்கத்திலேயே பாஜகவை பின்னுக்குத்தள்ளி காங்., முன்னிலை பெற்று வருகிறது. முதற்கட்டமாக தபால் வாக்குகள் எண்ணப்பட்டு வரும் நிலையில், ஜம்மு காஷ்மீரில் காங்., 11 இடங்களிலும், பாஜக 8 இடங்களிலும், மற்றவை 2 இடங்களிலும் முன்னிலை பெற்றுள்ளன. அதேபோல், ஹரியானாவில் காங்., 18 இடங்களிலும், பாஜக 8 இடங்களிலும், மற்றவை 2 முன்னிலை பெற்றுள்ளன.
News October 8, 2024
வாக்கு எண்ணிக்கை தொடங்கியது
ஜம்மு – காஷ்மீர், ஹரியானா சட்டப்பேரவைத் தேர்தலுக்கான வாக்கு எண்ணிக்கை தொடங்கியது. முதலில் தபால் வாக்குகள் எண்ணப்பட்டு வரும் நிலையில், அதை தொடர்ந்து இயந்திரங்களில் பதிவான வாக்குகள் எண்ணப்படுகின்றன. ஜம்மு – காஷ்மீரில் 3 கட்டங்களாக நடைபெற்ற தேர்தலில் 63.88% வாக்குகள் பதிவானது. ஹரியானாவில் ஒரே கட்டமாக நடைபெற்ற தேர்தலில் 67.90% வாக்குகள் பதிவானது.
News October 8, 2024
கட்சி பதவி பறிப்பு.. திமுக எச்சரிக்கை
2026 சட்டமன்றத் தேர்தலை முன்னிட்டு, 234 தொகுதிகளுக்கும் பார்வையாளர்களை திமுக தலைமை நியமித்துள்ளது. வாக்காளர் பட்டியல் சரிபார்ப்பு, பெயர் சேர்ப்பு மற்றும் நீக்கம் உள்ளிட்ட பணிகளை இவர்கள் மேற்பார்வையிட உள்ளனர். மேலும், கூட்டணி மற்றும் கட்சி நிர்வாகிகளுடன் இணைந்து மாவட்டச் செயலாளர்கள் தேர்தல் பணி செய்யவும், சரியாக செயல்படவில்லை என்றால் கட்சி பதவி பறிக்கப்படும் எனவும் எச்சரிக்கப்பட்டுள்ளதாம்.
Featured News
Sorry, no posts matched your criteria.