India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 27, 2024
அலெர்ட்: மேலும் ஒருவருக்கு MPOX
கேரளாவில் 2ஆவது குரங்கம்மை தொற்று உறுதி செய்யப்பட்டுள்ளது. எர்ணாகுளத்தை சேர்ந்த ஒருவருக்கு வைரஸ் பாதிப்பு இருப்பது கண்டறியப்பட்டுள்ளது. எந்த வைரஸின் திரிபு என்பது இன்னும் உறுதிசெய்யப்படவில்லை. முன்னதாக, கடந்த 18ஆம் தேதி மலப்புரத்தில் ஒருவருக்கு MPOX பாதிப்பு இருப்பது தெரியவந்தது. வைரஸ் தடுப்பு நடவடிக்கைகளை மேற்கொள்ளுமாறு அனைத்து மாநிலங்களுக்கும் மத்திய அரசு நேற்று உத்தரவிட்டது குறிப்பிடத்தக்கது.
News September 27, 2024
சர்ச்சை வீடியோ: மன்னிப்பு கேட்ட Flipkart
‘Big Billion Days’-ஐ முன்னிட்டு, கணவர்களுக்கு தெரியாமல் ஹேண்ட்பேக் வாங்குவது எப்படி என Flipkart புரோமோஷன் வீடியோவை சமீபத்தில் வெளியிட்டது. இதில் ஆண்களை சோம்பேறி, முட்டாளாக காட்சிப்படுத்தியதாக சர்ச்சை எழுந்தது. இதை பலரும் கண்டித்திருந்தனர். இந்நிலையில், தவறு என தெரிந்ததும் உடனே வீடியோவை நீக்கிவிட்டதாகவும், எதிர்காலத்தில் இதுபோன்று நடக்காது எனவும் அந்நிறுவனம் மன்னிப்பு கேட்டுள்ளது.
News September 27, 2024
அமைச்சர் உதயநிதியை சந்தித்த செந்தில் பாலாஜி
சிறையில் இருந்து வெளியே வந்த செந்தில் பாலாஜி, அமைச்சர் உதயநிதியை நேரில் சந்தித்தார். இது குறித்து தனது X பக்கத்தில் பதிவிட்டுள்ள உதயநிதி, பாசிஸ்ட்டுகளின் அரசியல் பழிவாங்கல் நடவடிக்கைக்கு எதிராக 471 நாள்கள் சிறைவாசம் முடித்து, வெளியே வந்திருக்கும் அவரை நேரில் சந்தித்து வரவேற்றதாக தெரிவித்துள்ளார். மேலும் அவரது பணிகள் மென்மேலும் சிறக்க வாழ்த்து தெரிவித்ததாகவும் குறிப்பிட்டுள்ளார்.
News September 27, 2024
Bravo-க்கு பெரிய விசில் அடிங்க..!
2025 ஐபிஎல் சீசனில் KKR ஆலோசகராக நியமிக்கப்பட்டுள்ள டுவைன் பிராவோவை, CSK நிர்வாகம் வாழ்த்தியுள்ளது. களத்தில் சாம்பியனாக இருந்து தங்களது இதயங்களில் லெஜண்ட்டாக நிலைநின்ற பிராவோக்கு ‘விசில்போடு’ என CSK சிறப்பு போஸ்டர் வெளியிட்டுள்ளது. முன்னதாக, அனைத்து வித ஃபார்மேட்களில் இருந்தும் பிராவோ ஓய்வு அறிவித்தார். CPL, MLC உள்ளிட்ட KKR லேபிலின் அனைத்து டி20 லீக் போட்டிகளிலும் அவர் ஆலோசகராக செயல்பட உள்ளார்.
News September 27, 2024
குறி வச்சா இரை விழணும்..!
‘வேட்டையன்’ திரைப்படத்தின் தமிழக வெளியீட்டு உரிமையை ரெட் ஜெயன்ட் மூவிஸ் நிறுவனம் கைப்பற்றியுள்ளது. டி.ஜே.ஞானவேல் இயக்கத்தில், ரஜினி நடிப்பில் உருவாகியுள்ள இப்படத்தை லைகா நிறுவனம் தயாரித்துள்ளது. தமிழ், தெலுங்கு, கன்னடா, இந்தி ஆகிய மொழிகளில் தயாராகியுள்ள இப்படம் உலகம் முழுவதும் அக். 10ஆம் தேதி திரைக்கு வரவுள்ளது. யாரெல்லாம் இப்படத்தை பார்க்க வெயிட்டிங்? கமெண்ட்ல சொல்லுங்க.
News September 27, 2024
விமானத்தில் பறக்க ஆசையா..?
வாடிக்கையாளர்கள் வெறும் ₹1,111 முதல் விமானத்தில் பயணம் செய்யும் வகையில் Grand Runway Fest saleஐ இண்டிகோ நிறுவனம் தொடங்கியுள்ளது. இச்சலுகையில் BOB, Fedaral வங்கி வாடிக்கையாளர்களுக்கு விமான டிக்கெட்டுகளில் 15% வரை உடனடி தள்ளுபடியும் கிடைக்கும். இச்சலுகை செப். 30ஆம் தேதி வரை மட்டுமே. ஜன. 1 முதல் மார்ச் 31ஆம் வரை பயணம் செய்வதற்கான டிக்கெட்டுகளை இந்த நாள்களில் முன்பதிவு செய்துகொள்ளலாம்.
News September 27, 2024
ஜெகனின் திருப்பதி பயணம் ரத்து
திருப்பதி செல்ல இருந்த ஜெகன் மோகன் ரெட்டி, தனது பயணத்தை ரத்து செய்துள்ளார். பக்தர்களின் வசதி மற்றும் பாதுகாப்பு அம்சங்களை கருத்தில் கொண்டு இந்த முடிவை எடுத்துள்ளதாகக் கூறப்படுகிறது. லட்டு விவகாரத்தில் சந்திரபாபு நாயுடு செய்த பாவத்திற்கு மாநிலம் முழுவதும் உள்ள கோயிலில் பரிகார பூஜை செய்ய ஜெகனின் YSR Cong கட்சி அழைப்பு விடுத்திருந்தது. அதன் ஒரு பகுதியாக, அவர் திருப்பதி பயணம் மேற்கொள்ள இருந்தார்.
News September 27, 2024
விருமாண்டி to யுத்தம் செய்: அந்த ஒரு டெக்னிக்..!
சினிமாவில் Rashomon Effect என்ற ஒரு கதை சொல்லும் டெக்னிக் உள்ளது. ஒரே சம்பவத்தை வெவ்வேறு கோணங்களில் 2 கதாபாத்திரங்கள் விவரிப்பதாகும். கமல்ஹாசனின் ‘விருமாண்டி’ படத்தை இதற்கு சிறந்த உதாரணமாக சொல்லலாம். ‘நாயகன்’, ‘திருட்டுப்பயலே’, ‘யுத்தம் செய்’ ஆகிய படங்களில் இந்த உத்தியின் சில கூறுகள் பயன்படுத்தப்பட்டிருக்கும். ஜப்பான் இயக்குநர் அகிரா குரோசவாவின் ‘Rashomon’ படத்தில் இந்த டெக்னிக்கை உருவாக்கினார்.
News September 27, 2024
ஆதார் விவரங்களை வெளியிட்ட வெப்சைட்டுகள் முடக்கம்
ஆதார், பான் கார்டு விவரங்களை வெளியிடும் பல்வேறு இணையதள பக்கங்களை மத்திய அரசு முடக்கியுள்ளது. கசிந்த தகவல்களால் யாருக்காவது பாதிப்பு ஏற்பட்டால், உரிய புகார் அளித்து இழப்பீடு பெறலாம் என தகவல் தொழில்நுட்ப அமைச்சகம் தெரிவித்துள்ளது. முன்னதாக, ஸ்டார் ஹெல்த் இன்சூரன்ஸ் அதிகாரிகள் 3.1 கோடி வாடிக்கையாளர்களின் டேட்டாவை விற்றுள்ளதாக ஹேக்கர் ஒருவர் குற்றஞ்சாட்டியது குறிப்பிடத்தக்கது.
News September 27, 2024
அரசியல் தலையீடு இல்லாமல் நடவடிக்கை எடுங்க!
வெளிநாடுகளுக்கு போதைப் பொருள் கடத்தும் அவலம் தொடர்வதாக இபிஎஸ் குற்றஞ்சாட்டியுள்ளார். இது குறித்த அறிக்கையில், தமிழகத்தில் போதைப் பொருள் புழக்கத்தை அடியோடு ஒழிக்க அரசியல் தலையீடு இன்றி நடவடிக்கை எடுக்க வேண்டுமென மத்திய, மாநில அரசுகளை வலியுறுத்தியுள்ளார். மேலும், போதைப் பொருட்களின் ஆணிவேரைக் கண்டறிந்து குற்றவாளிகளை சட்டத்தின் முன் நிறுத்தி கடும் தண்டனை பெற்றுத்தர வேண்டுமெனவும் தெரிவித்துள்ளார்.
Featured News
Sorry, no posts matched your criteria.