India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 28, 2024
மேலும் 2 நகரங்களில் மினி டைடல் பார்க்
தமிழகத்தில் மேலும் 2 நகரங்களில் மினி டைடல் பார்க் அமைய உள்ளதாக அரசு அறிவித்துள்ளது. அதன்படி, கரூர், தி.மலையில் இதற்கான முதற்கட்ட பணிகளை அரசு தொடங்கியுள்ளது. தகவல் தொழில்நுட்ப சூழல் அமைப்பை விரிவுபடுத்த இரண்டாம், மூன்றாம் தர நகரங்களில் மினி டைடல் பூங்கா அமைக்கும் வகையில் இத்திட்டம் செயல்படுத்தப்படுகிறது. ஏற்கெனவே, விழுப்புரம், தஞ்சாவூர், சேலம் மாவட்டங்களில் மினி டைடல் பூங்கா செயல்பாட்டில் உள்ளன.
News September 28, 2024
இன்றே கடைசி: உடனே விண்ணப்பிங்க
மத்திய அரசின் NTPC நிறுவனத்தில் காலியாக இருக்கும் 250 இடங்களுக்கு வேலைவாய்ப்புக்கு விண்ணப்பிக்க இன்றே கடைசி நாளாகும். NTPCஇல் பல்வேறு துறைகளில் காலியாக இருக்கும் துணை மேலாளர் பதவிகளுக்கு விண்ணப்பப்பதிவு நடைபெறுகிறது. இதற்கு 3-10 ஆண்டு வரை முன் அனுபவம், BE, B-TECH தேர்ச்சி அவசியம். இதுகுறித்த கூடுதல் விவரங்களை NTPCஇன் www.careers.ntpc.co.in இணையதளத்தில் பார்த்து தெரிந்து கொள்ளலாம்.
News September 28, 2024
Health Tips: நீரிழிவு நோயாளிகள் இதை செய்யக்கூடாது!
இந்தியாவில் நீரிழிவு நோயாளிகளின் எண்ணிக்கை நாளுக்கு நாள் அதிகரித்து வருகிறது. அதன் தீவிரத்தைக் கட்டுப்பாட்டிற்குள் கொண்டுவர செய்ய வேண்டியவற்றைக் குறித்து இங்கே பார்க்கலாம். ➤டையூரிடிக் பண்பை அதிகரிக்கும் மதுவை அருந்தக் கூடாது. ➤குளிர்பானங்களை பருக கூடாது. ➤காலணி அணியாமல் இருக்கக் கூடாது. ➤உடலை வருத்தி நடை & உடற்பயிற்சி செய்யக் கூடாது. ➤தலைவலி, மயக்கம் வந்தால் மருத்துவரை அணுக வேண்டும்.
News September 28, 2024
மூலிகை: டெஸ்டோஸ்டிரோனை அதிகரிக்கும் நெருஞ்சில்
‘நெருஞ்சி நறும் வித்தை நினை’ எனும் அகத்தியரின் பாடல் நெருஞ்சில் மூலிகையின் ஆற்றலை எடுத்தியம்பி போற்றுகிறது. டையோசின், ஹெகோஜெனின், ஸாந்தோசைன், டையோஸ்ஜெனின் போன்ற வேதிப்பொருட்கள் நிறைந்த அதன் செடியை நீரில் நன்கு அலசி, அரைத்து வெள்ளாட்டுப் பாலில் ஊற வைத்து, அதை காய்ச்சி, வடிகட்டி தேன் கலந்து 45 நாட்கள் குடித்துவந்தால் டெஸ்டோஸ்டிரோன் குறைபாடு நீங்கும் என சித்த மருத்துவர்கள் பரிந்துரைக்கின்றனர்.
News September 28, 2024
யாரிடமும் காப்புரிமை கேட்க மாட்டோம்: பிரேமலதா
திரைப்படங்களில் கேப்டனின் பாடல், போஸ்டர்களைப் பயன்படுத்தினால் யாரிடமும் காப்புரிமையெல்லாம் கேட்க மாட்டோம் என பிரேமலதா விஜயகாந்த் கூறினார். கேப்டன் எங்களின் சொத்தல்ல, மக்களின் சொத்து என்றும் பெருமிதம் தெரிவித்தார். சண்முகப்பாண்டியன் நடிக்கும் படங்களிலும் கேப்டன் பாடல் இடம்பெறும் என்றார். ‘லப்பர் பந்து’ படத்தில் விஜயகாந்தின், ‘நீ பொட்டு வச்ச தங்கக் குடம்’ பாடல் இடம்பெற்றது குறிப்பிடத்தக்கது.
News September 28, 2024
வாக்குறுதிகளை அள்ளி வீசிய காங்கிரஸ்!
ஹரியானா சட்டப்பேரவை தேர்தலை முன்னிட்டு, கட்சியின் தேர்தல் அறிக்கையை காங்கிரஸ் வெளியிட்டுள்ளது. ரூ.500 மானிய விலையில் சமையல் சிலிண்டர், குடும்பத்தலைவிகளுக்கு மாதம் ரூ. 2000, மின்சாரம் 500 யூனிட் வரை இலவசம், வேளாண் விளைபொருட்களுக்கு குறைந்தபட்ச ஆதார விலை போன்ற வாக்குறுதிகளை காங்கிரஸ் அளித்துள்ளது.
90 தொகுதிகளைக் கொண்ட ஹரியானா சட்டப்பேரவைக்கு அக். 5-ல் ஒரே கட்டமாக வாக்குப்பதிவு நடைபெறுகிறது.
News September 28, 2024
ஓலா திட்டம்: ஒரே நாளில் ‘ஹைப்பர் சர்வீஸ்’
சர்வீஸ் குறைபாடு தொடர்பாக எழுந்த பிரச்னைகளை சரிசெய்ய ஓலா எலக்ட்ரிக் நிறுவனம் ‘ஹைப்பர் சர்வீஸ்’ என்ற புதிய முயற்சியைத் தொடங்கியுள்ளது. விற்பனைக்குப் பிந்தைய சேவைகளை ஒரே நாளில் விரைவாகவும், முறையாகவும் வழங்குவதற்கான தனது சொந்த சேவை வலையமைப்பை விரிவாக்கவுள்ளது. இதற்காக நாடு முழுவதும் 1,000 புதிய மையங்களை திறப்பதுடன், ஒரு லட்சம் மெக்கானிக்களுக்கு சிறப்பு பயிற்சியும் அளிக்கவுள்ளது.
News September 28, 2024
Tata Motors ஆலைக்கு முதல்வர் ஸ்டாலின் அடிக்கல்
ராணிப்பேட்டையில் Tata Motors ஆலைக்கு, முதல்வர் ஸ்டாலின் அடிக்கல் நாட்டினார். பனப்பாக்கம் சிப்காட் பூங்காவில் 470 ஏக்கரில் ரூ 9,000 கோடி முதலீட்டில் இந்த ஆலை அமைகிறது. ஜாகுவார் லேண்ட் ரோவர் கார்களை உற்பத்தி செய்யும் இந்த ஆலையால் 5,000 பேருக்கு வேலை கிடைக்கும் என அறிவிக்கப்பட்டுள்ளது. உலகின் மிகப்பெரிய நிறுவனங்களுக்கு தமிழ்நாடே முகவரி என, விழாவில் முதல்வர் ஸ்டாலின் பெருமிதம் தெரிவித்தார்.
News September 28, 2024
கார் பந்தய அணியை தொடங்கிய அஜித்
‘அஜித் கார் ரேஸிங்’ என்ற கார் பந்தய அணியை நடிகர் அஜித்குமார் தொடங்கியுள்ளார். இந்த அணியின் ரேஸிங் ஓட்டுநராக பெல்ஜியமைச் சேர்ந்த ஃபேபியன் டஃபியூ என்பவர் செயல்படுவார் என்றும் ஐரோப்பாவில் நடக்கும் 24H பந்தயத்தில் போர்ஷே 992 GD3 CUP பிரிவில் இவ்வணி பங்கேற்கும் எனவும் அஜித்தின் மேலாளர் கூறியுள்ளார். இந்த தகவலை அறிந்து அஜித் ரசிகர்களும், குறிப்பாக கார் ரேஸிங் ரசிகர்களும் உற்சாகம் அடைந்துள்ளனர்.
News September 28, 2024
கிராம சபைக்கூட்டம் நடத்த தமிழக அரசு அனுமதி
காந்தி ஜெயந்தியையொட்டி, அக்.2ல் அனைத்து ஊராட்சிகளிலும் கிராம சபைக்கூட்டம் நடத்தப்பட உள்ளது. இதுதொடர்பாக மாவட்ட ஆட்சியர்களுக்கான உத்தரவில், ஊராட்சி எல்லைக்கு உட்பட்ட வார்டுகளில் சுழற்சி முறையை பின்பற்றி காலை 11 மணிக்கு கூட்டத்தை நடத்த வேண்டும் என்று அறிவுறுத்தப்பட்டுள்ளது. வீடுதோறும் குழாய் இணைப்பு மூலம் குடிநீர் வழங்குவதை உறுதி செய்வது தொடர்பாக இக்கூட்டத்தில் ஆலோசனை நடத்துமாறு கூறப்பட்டுள்ளது.
Featured News
Sorry, no posts matched your criteria.