India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 26, 2025
விஜய்காந்த் நிலை விஜய்க்கும் வரலாம்: செல்வப்பெருந்தகை
விஜய் நாகரிகமாக எதிர்க்கட்சிகளை விமர்சிக்க வேண்டுமென செல்வப்பெருந்தகை கேட்டுக்கொண்டார். விஜயகாந்த் கட்சி ஆரம்பித்து தேர்தலில் 10% வாக்குகள் பெற்றார். தற்போது அக்கட்சியின் நிலை அனைவருக்கும் தெரியும்; நடிகர் சிரஞ்சீவி கட்சி தொடங்கி நடத்திய மாநாட்டில் 20 லட்சம் பேர் பங்கேற்றனர். கடைசியில் அக்கட்சி காங்கிரஸுடன் இணைந்தது; இதேநிலை விஜய்க்கும் வரலாம் என செல்வப்பெருந்தகை சூசகமாக தெரிவித்தார்.
News August 26, 2025
கடவுளை ஏமாத்த முடியாது.. ரவியை அட்டாக் பண்ண ஆர்த்தி!
சொகுசு பங்களாவை ஜப்தி பண்ண, நோட்டீஸ் வீடு தேடி வந்தாலும், தயாரிப்பு நிறுவனம் துவக்க விழா வேலைகளில் மும்முரமாக இருக்கிறார் ரவி மோகன். இந்த நிலையில், ஆர்த்தி ரவி ‘நீங்கள் மற்றவர்களை ஏமாற்றலாம், உங்களையே ஏமாற்றிக் கொள்ளலாம், ஆனால் கடவுளை ஏமாற்ற முடியாது’ என இன்ஸ்டாவில் ஸ்டேட்டஸ் வைத்துள்ளார். ரவியை அட்டாக் பண்ணி தான் இப்படி ஒரு ஸ்டேட்டஸை வைத்துள்ளார் என நெட்டிசன்கள் பதிவிட்டு வருகின்றனர்.
News August 26, 2025
காலை 11 மணிக்கு மேல் வெளியே வராதீங்க.. அலர்ட்
தமிழ்நாட்டில் பரவலாக மழை பெய்து வரும் நிலையிலும், காலை 10 மணிக்கே வெயிலின் தாக்கம் கடுமையாக இருப்பதால், அத்தியாவசியத் தேவைகளுக்குக்கூட வெளியே செல்ல மக்கள் தயங்குகின்றனர். குறிப்பாக, இன்று அதிகபட்ச வெப்பநிலை இயல்பை விட 2-3° செல்சியஸ் அதிகமாக இருக்கக்கூடும் எனவும் IMD எச்சரித்துள்ளது. எனவே, முதியவர்கள், கர்ப்பிணிகள், குழந்தைகள் காலை 11 மணி முதல் மதியம் 3 மணி வரை வெளியே செல்வதை தவிர்ப்பது நல்லது.
News August 26, 2025
RECIPE: சத்துள்ள குதிரைவாலி தக்காளி தோசை!
◆குதிரைவாலி ரத்த சோகையை தடுப்பது மட்டுமின்றி, சர்க்கரை நோயாளிகளுக்கும் பல நன்மைகளை வழங்குகிறது.
➥குதிரைவாலி அரிசி, உளுந்து, வெந்தயத்தை கலந்து, 3 மணி நேரம் ஊற வைத்து, அரைத்து கொள்ளவும். இதனை 8 மணி நேரத்திற்கு புளிக்க வைக்கவும்.
➥தக்காளி, சீரகம், இஞ்சி ஆகியவற்றை விழுதாக அரைத்து, புளிக்க வைத்த மாவுடன் சேர்க்கவும்.
➥இந்த மாவை தோசையாக்கி சாப்பிட்டால், உடலுக்கு நார்ச்சத்து கிடைக்கும்.
News August 26, 2025
வாலாட்டி.. அன்பின் வழிகாட்டி! இன்று சர்வதேச நாய்கள் தினம்!
நாயை வளர்த்து அதன் இனத்தை பாதுகாக்க வேண்டும் என்பதை வலியுறுத்தி, 2004-ம் ஆண்டு முதல் சர்வதேச நாய்கள் தினம் கொண்டாடப்பட்டு வருகிறது. குழந்தைகள் முதல் பெரியவர்கள் வரை அனைவருக்கும் உற்ற நண்பனாக இருப்பது இந்த நாலு கால் ஜீவன்தான். தனிமையில் வாடுபவர்களுக்கு இவர்கள் ஒரு நல்ல கம்பேனியன். தற்போது நாய்கள் குறித்த சர்ச்சைகள் இருப்பினும், அவை முற்றிலும் வெறுக்கப்பட வேண்டிய ஜீவன்கள் அல்லவே!
News August 26, 2025
ஒரே படத்தில் நடித்த நடிகர்கள் அடுத்தடுத்து மரணம்
KGF பட புகழ் <<17509653>>தினேஷ் மங்களூரு<<>> மரணமடைந்த செய்தி ரசிகர்களை அதிர்ச்சியில் ஆழ்த்திய நிலையில், அவரின் மரணம் குறித்து புது தகவல் வெளிவந்துள்ளது. இவர் ‘காந்தாரா’ பட ஷூட்டிங்கில் இருந்த போது பக்கவாதம் ஏற்பட்டு சிகிச்சை பெற்று, வீடு திரும்பிய சில நாள்களில் மரணமடைந்துள்ளார். ஏற்கெனவே, இப்படத்தில் நடித்து வந்த ராஜேஷ் , நிஜூ, கபில் ஆகியோரும் மரணமடைய, இது அபசகுணமா என நெட்டிசன்கள் பதிவிட்டு வருகின்றனர்.
News August 26, 2025
விஜய் VS விஷால்… யார் மாஸ்?
விஜய் அரசியல் வருகையால் 2026 தேர்தல் களம் அவ்வளவு எளிதாக இருக்காது என்று அரசியல் விமர்சகர்கள் கூறுகின்றனர். இதனால், அவருக்கு எதிராக <<17519653>>விஷாலை <<>>களமிறக்க திமுக பேச்சுவார்த்தை நடத்துவதாக செய்திகள் வெளிவருகின்றன. உண்மையில விஷால் பிரபலம் தான், அதில் மாற்றுக்கருத்தில்லை. ஆனால், விஜய்யை எதிர்த்து வெற்றிபெறும் அளவுக்கு விஷாலுக்கு மாஸ் இருக்கிறதா என்றால், அது கேள்வி குறிதான் என்கிறார்கள் நெட்டிசன்கள்.
News August 26, 2025
இரட்டை வேடம் போடும் திமுக: அன்புமணி
ராமநாதபுரத்தில் ஹைட்ரோ கார்பன் திட்டத்தை அனுமதிக்க மாட்டோம் என TN அரசு தெரிவித்துள்ளது. இந்நிலையில் இதுபற்றி அறிக்கை வெளியிட்ட அன்புமணி, இத்திட்டத்துக்காக கிணறுகள் அமைக்க ONGC-க்கு அனுமதி அளித்தது மாநில சுற்றுச்சூழல் தாக்க மதிப்பீட்டு ஆணையம் என்றும், இந்த முடிவை அவர்கள் தன்னிச்சையாக எடுத்ததாக திமுக நாடகமாடுவதாகவும் விமர்சித்துள்ளார். இந்த விவகாரத்தில் திமுக இரட்டை வேடம் போடுவதாகவும் சாடினார்.
News August 26, 2025
இன்றே இப்போதே கேட்டுவிடுங்கள்..
‘நாங்கல்லாம் அந்த காலத்துல’ எனச் சொல்லும் தலைமுறையிலும் சரி, இன்றைய நவீன வாழ்விலும் சரி, நாம் பரபரப்பாகவே இயங்கி வருகிறோம். இதனிடையே, நமக்கு பிடித்தவர்களிடம் கூட சில விஷயங்களை பேசவோ, கேட்கவோ மறந்திருப்போம் (அ) வேண்டுமென்றே தவிர்த்திருப்போம். இதற்கான விடைகளை தெரிந்துகொண்டால் சந்தேகம், பயம், வெறுப்பு போன்றவை அடுத்த நொடியே நீங்கும். இவ்வாறான கேள்விகள் உங்களுக்கு உள்ளதா, யாரிடம் கேட்கப் போகிறீர்கள்?
News August 26, 2025
சிரஞ்சீவி நிலைதான் விஜய்க்கும்: வேலுமணி அட்டாக்
தவெக மாநாட்டில் ஸ்டாலின், EPS என யாரையும் விட்டு வைக்காமல், விஜய் அட்டாக் செய்ததுதான் தற்போது பேசுபொருளாக உள்ளது. இந்நிலையில், இபிஎஸ் பற்றி பேச தவெக தலைவர் விஜய்க்கு உரிமையில்லை என்று முன்னாள் அமைச்சர் வேலுமணி பதிலடி கொடுத்துள்ளார். ஆந்திராவில் மிகப்பெரிய கூட்டத்தை கூட்டி கட்சி தொடங்கிய சிரஞ்சீவியே கட்சியை கலைத்துவிட்டு போய்விட்டார்; அதே நிலைதான் விஜய்க்கும் வரும் என்று சாடியுள்ளார்.
Featured News
Sorry, no posts matched your criteria.