India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 19, 2024
Love you so much விஜய் அண்ணா!
‘லியோ’ படத்திற்காக வியர்வையும், ரத்தத்தையும் சிந்தி உழைத்த அனைவருக்கும் கடமைப்பட்டிருப்பதாக லோகேஷ் கனகராஜ் தெரிவித்துள்ளார். இப்படம் வெளியாகி ஓராண்டு நிறைவு செய்துள்ளதை நினைவுக்கூர்ந்த அவர், “நிறைய பாடங்கள், நிறைய நினைவுகள், நிறைய அழகான தருணங்கள் என மனதிற்கு எப்போதும் நெருக்கமான படம் ‘லியோ’. Love you so much விஜய் அண்ணா. இதை சாத்தியமாக்கியதற்கு நன்றி” என பதிவிட்டுள்ளார்.
News October 19, 2024
எந்த அணியின் கனவு நிறைவேறும்!
WC T20 தொடர் இறுதிப்போட்டியில் NZ-SA அணிகள் நாளை மோதவுள்ளன. இவ்விரு அணிகளுக்கும் ஒரு ஒற்றுமை உள்ளது. அதாவது இவ்விரு நாடுகளின் ஆடவர் மற்றும் மகளிர் அணியினர் இதுவரை T20 WCயை வென்றதில்லை. WC T20 தொடரில் NZ அணி 2 முறையும், SA அணி ஒரு முறையும் இறுதிப்போட்டி வரை சென்று தோல்வியடைந்தது. ஆனால் இம்முறை இவ்விரு அணிகளில் ஏதேனும் ஒன்று நிச்சயம் கோப்பையை வெல்லும் என்பதால் எதிர்பார்ப்பு அதிகரித்துள்ளது.
News October 19, 2024
4 நாள்களில் தங்கம் விலை ₹1,480 உயர்ந்தது
தங்கத்தின் விலை, நாளுக்கு நாள் புதிய உச்சத்தை தொட்டு வருகிறது. கடந்த 15ம் தேதி ஒரு சவரன் தங்கம் ₹56,760க்கு விற்கப்பட்டது. இந்நிலையில், இன்று ஒரு சவரன் ₹58,240க்கு விற்பனை செய்யப்படுகிறது. 4 நாள்களில் ஒரு சவரன் தங்கத்தின் விலை ₹1,480 உயர்ந்துள்ளது. பண்டிகைக் காலம் என்பதால் தங்கம் வாங்க திட்டமிட்டிருந்த மக்கள், இந்த விலை உயர்வால் அதிர்ச்சியில் உள்ளனர்.
News October 19, 2024
உருவானது குறைந்த காற்றழுத்த தாழ்வு பகுதி
அரபிக் கடலில் குறைந்த காற்றழுத்த தாழ்வு பகுதி உருவானது. அடுத்த 2 நாள்களில் ஆழ்ந்த காற்றழுத்த தாழ்வு பகுதியாக வலுவடைந்து, மேற்கு, வடமேற்கு திசையில் நோக்கி நகரும். இதேபோன்று, வங்கக் கடலில் 22ம் தேதி உருவாகக்கூடும் காற்றழுத்த தாழ்வு பகுதி, 24ல் காற்றழுத்த தாழ்வு மண்டலமாக வலுவடையும். இதனால், தமிழகத்தில் 19, 20, 21, 24ம் தேதிகளில் கனமழைக்கு வாய்ப்புள்ளதாக இந்திய வானிலை மையம் கணித்துள்ளது.
News October 19, 2024
ஒரு சவரன் தங்கம் விலை ₹58,000-ஐ தாண்டியது
தங்கத்தின் விலை புதிய உச்சமாக ஒரு சவரன் ₹58,000-ஐ கடந்துள்ளது. சென்னையில் இன்று 22 கேரட் ஆபரணத் தங்கத்தின் விலை சவரனுக்கு ₹320 உயர்ந்து ஒரு சவரன் ₹58,240க்கும், கிராமுக்கு ₹40 உயர்ந்து ஒரு கிராம் ₹7,280க்கும் விற்பனையாகிறது. தங்கத்தை தொடர்ந்து வெள்ளி விலையும் புதிய உச்சத்தை எட்டியுள்ளது. அதன்படி, வெள்ளி கிராமுக்கு ₹2 உயர்ந்து ஒரு கிராம் ₹107க்கும், கிலோ ₹1,07,000க்கும் விற்கப்படுகிறது.
News October 19, 2024
நேர்காணல் அடிப்படையில் வேலைவாய்ப்பு
ஏர் இந்தியா ஏர்போர்ட் சர்வீஸ் லிமிடெட் நிறுவனத்தில் காலியாகவுள்ள 1,067 பணியிடங்களுக்கான அறிவிப்பு வெளியாகியுள்ளது. ஒப்பந்த அடிப்படையில் பல்வேறு பணியிடங்களுக்கு அக். 22 முதல் 26 வரை 9.30AM – 12.30PM நேர்காணல் நடைபெறவுள்ளது. 28 – 55 வயதுடையவர்கள் ஜி.எஸ்.டி வளாகம், சஹார் காவல் நிலையம் அருகில், சிஎஸ்எம்ஐ விமான நிலையம், டெர்மினல் 2, கேட் எண் 5 மும்பை – 400 099 என்ற முகவரிக்கு நேர்காணலுக்கு செல்லலாம்.
News October 19, 2024
செறிவூட்டப்பட்ட அரிசி பாதுகாப்பானது
செறிவூட்டப்பட்ட அரிசியை அனைவருமே சாப்பிடலாம் என மத்திய அரசு தெரிவித்துள்ளது. ஊட்டச்சத்து குறைபாட்டை குறைக்கும் நோக்கில், இலவச செறிவூட்டப்பட்ட அரிசி திட்டம் செயல்படுத்தப்பட்டு வருகிறது. இதனிடையே, தலசீமியா, ரத்த சோகை உள்ளிட்ட ரத்த சிவப்பணு பாதிப்புள்ளவர்களுக்கு இந்த அரிசி பாதுகாப்பானதா? என்ற சந்தேகம் எழுந்தது. இந்நிலையில், இந்த அரிசியால் யாருக்கும் பாதிப்பு ஏற்படாது என ஆய்வில் உறுதியாகியுள்ளது.
News October 19, 2024
நீல நிற சொகுசு பஸ்களிலும் மகளிருக்கு இலவசம்
சென்னை, கோவை உள்ளிட்ட நகரங்களில் புதிதாக தொடங்கிய சொகுசுப் பேருந்து சேவையிலும், பெண்கள் இலவச பயண திட்டத்தை விரிவாக்கம் செய்துள்ளதாக போக்குவரத்து துறை விளக்கமளித்துள்ளது. தமிழகத்தில் நகர்ப்புறங்களில் ‘ஒயிட் போர்டு’ பஸ்களிலும், கிராமப்புறங்களில் நகர பஸ்களிலும் பெண்கள் இலவசமாக பயணித்து வருகின்றனர். இந்நிலையில், நீல நிற சொகுசு பேருந்து சேவையிலும், பெண்கள் இலவசமாக பயணிக்கலாம் எனக் கூறப்பட்டுள்ளது.
News October 19, 2024
ACC Emerging Cup: IND-PAK இன்று மோதல்
ACC Men’s Emerging டி20 ஆசிய கோப்பை தொடரில் IND-PAK அணிகள் இன்று மோத உள்ளன. குரூப் பி பிரிவில் இடம் பெற்றுள்ள திலக் வர்மா தலைமையிலான IND A அணி PAK A அணியை ஓமன் கிரிக்கெட் மைதானத்தில் இரவு 7.30 மணிக்கு எதிர்கொள்கிறது. கடந்த ஆண்டு இறுதிப் போட்டியில், PAK அணியிடம் தோல்வியுற்ற IND அணி சரியான பதிலடி கொடுக்கும் என எதிர்பார்க்கப்படுகிறது. போட்டியை STAR SPORTS 1, FanCode appல் காணலாம்.
News October 19, 2024
ஆளுநருக்கு எதிராக நூதன ஆர்ப்பாட்டம்
ஆளுநர் ரவி பங்கேற்ற நிகழ்ச்சியில், தமிழ்த்தாய் வாழ்த்து பாடும்போது ‘திராவிடநல் திருநாடும்’ என்ற வரி தவிர்க்கப்பட்டது. இதற்கு CM ஸ்டாலின் உள்ளிட்ட பல்வேறு அரசியல் தலைவர்கள் கண்டனம் தெரிவித்து வருகின்றனர். இந்நிலையில், ‘திராவிடநல் திருநாடும்’ என்ற வார்த்தைகளைப் புறக்கணித்த ஆளுநருக்கு அந்த வரி அடங்கிய 1000 அஞ்சல் அட்டைகளை அனுப்பி திராவிடர் விடுதலைக் கழகத்தினர் இன்று ஆர்ப்பாட்டத்தில் ஈடுபட உள்ளனர்.
Featured News
Sorry, no posts matched your criteria.