India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 21, 2024
நாதக நிர்வாகி கட்சியில் இருந்து விலகல்
நாதக விழுப்புரம் மத்திய மாவட்டச் செயலர் மணிகண்டன் கட்சியில் இருந்து விலகுவதாக அறிவித்துள்ளார். ஏற்கெனவே, விழுப்புரம் மேற்கு மாவட்டச் செயலாளர் பூபாலன், வடக்கு மாவட்டச் செயலாளர் சுகுமார் அடுத்தடுத்து கட்சியில் இருந்து விலகினர். இவர்கள் அனைவரும் கட்சியில் உரிய மரியாதையும், அங்கீகாரமும் கிடைக்கவில்லை என்றும், சீமானின் நடவடிக்கைகளை ஏற்றுக்கொள்ள முடியவில்லை எனவும் சரமாரியாக குற்றஞ்சாட்டியுள்ளனர்.
News October 21, 2024
மனிதனும் நாயகனும் மோதிக் கொண்ட நாள்!
மணிரத்னம் இயக்கத்தில், கமல் நடிப்பில் உருவான ‘நாயகன்’ திரைப்படம் வெளியாகி 37 ஆண்டுகளை நிறைவு செய்துள்ளது. அதே நாளில், ரஜினியின் ‘மனிதன்’ திரைப்படமும் வெளியானது. இரு படங்களும் வெற்றி பெற்றிருந்தாலும் ஃபாக்ஸ் ஆஃபிஸில் ‘மனிதன்’ அதிகமாக வசூலித்தது. ஆனால், தலைமுறைகள் கடந்தும் ‘நாயகன்’ இன்றும் கொண்டாடப்படுகிறது. இதை நீங்கள் எப்படி பார்க்கிறீர்கள்? கமெண்ட்ல சொல்லுங்க.
News October 21, 2024
பொது அறிவு: கேள்விகளுக்கான பதில்கள்
இன்று 11 மணிக்கு <<14412876>>GK<<>> வினா-விடை பகுதியில் கேட்கப்பட்ட கேள்விகளுக்கான பதில்கள் இவையே. 1) கிம்பர்லி – தென் ஆப்பிரிக்கா 2) திப்பு சுல்தான் 3) கோவாரா மீன் 4) ஜப்பான் 5) Research and Analysis Wing 6) பெங்குவின் 7) நாய் (48 பற்கள்). இதுபோன்ற அறிவார்ந்த தகவல்களை பெற Way2News-ஐ தொடர்ந்து படியுங்கள். இன்றைய கேள்விகளுக்கு நீங்கள் எத்தனை சரியான பதிலளித்தீர்கள் என இங்கே கமெண்ட்டில் சொல்லுங்கள்.
News October 21, 2024
மீண்டும் சர்ச்சையில் சிக்கிய யூடியூபர் இர்ஃபான்
யூடியூபர் இர்ஃபானுக்கு ஜூலை 24ம் தேதி குழந்தை பிறந்தது. ஆபரேஷன் தியேட்டரில் இருந்து தொப்புள் கொடியை வெட்டுவது போன்ற வீடியோவை வெளியிட்டிருந்தார். விதிகளின்படி, தொப்புள் கொடியை இர்ஃபான் வெட்டியது குற்றமென டாக்டர்கள் கண்டனம் தெரிவித்துள்ளனர். இதுகுறித்து புகார் அளிக்கப்பட்ட நிலையில், ஹாஸ்பிடல், இர்ஃபானிடம் விளக்கம் கேட்கப்பட்டுள்ளது. ஏற்கெனவே, குழந்தை பாலினத்தை கூறி இவர் சர்ச்சையில் சிக்கினார்.
News October 21, 2024
ALERT: இந்த மாவட்டங்களில் மிக கனமழை கொட்டும்
தமிழகத்தில் இன்று தஞ்சை, புதுக்கோட்டை, ராமநாதபுரம் மாவட்டங்களில் மிக கனமழை பெய்யலாம் என வானிலை மையம் ஆரஞ்ச் அலர்ட் விடுத்துள்ளது. சிவகங்கை, மதுரை, திண்டுக்கல், தேனி, திருப்பூர், கோவை, நீலகிரி, ஈரோடு, கிருஷ்ணகிரி, தருமபுரி, திருப்பத்தூர், கடலூர், அரியலூர், பெரம்பலூர், கரூர், சேலம், நாமக்கல், திருச்சி, திருவாரூர், நாகை, மயிலாடுதுறை ஆகிய 21 மாவட்டங்களில் இன்று கனமழை பெய்யக்கூடும் எனக் கணித்துள்ளது.
News October 21, 2024
நடிப்புக்கு முடிவுரை எழுதும் சமந்தா?
நடிகை சமந்தா முழு நேரத் தயாரிப்பாளராக மாற இருப்பதாகத் தகவல் வெளியாகியுள்ளது. தென்னிந்தியாவின் முன்னணி நடிகையாக வலம் வரும் அவர், ‘தளபதி 69’ உள்பட பல படங்களில் நடிக்க “நோ…” சொல்லிவிட்டாராம். ஒரேயொரு ஹிந்தி வெப் சீரிஸ் மட்டும் கைவசம் வைத்திருக்கும் சமந்தா, முழு நேரத் தயாரிப்பாளராக முடிவு எடுத்திருக்கிறாராம். இதற்காக ட்ரலாலா மூவிங் பிக்சர்ஸ் என்ற நிறுவனத்தை தொடங்கி மும்முரமாக பணியாற்றி வருகிறார்.
News October 21, 2024
ரயிலில் இதை எடுத்துச் செல்லக்கூடாது
தீபாவளி நெருங்கி வருவதால் மக்கள் வெடி பொருட்களை ரயிலில் சொந்த ஊர்களுக்கு எடுத்துச் செல்வர். ஆனால் ரயில்வே பாதுகாப்பு விதிகளின் படி அது தவறு. எளிதில் தீப்பிடிக்க வாய்ப்புள்ளதால் கொண்டு செல்ல அனுமதி கிடையாது. ஒருவேளை மீறி கொண்டு சென்றால் ரூ.1000 அபராதமும், 3 ஆண்டு சிறை தண்டனையும் விதிக்கப்படும். கேஸ் ஸ்டவ், சிலிண்டர்கள், அமிலங்கள் போன்றவற்றை எடுத்துச் செல்லவும் அனுமதி இல்லை.
News October 21, 2024
இவர்கள் செய்தால் சரி, இந்தியா செய்தால் தவறா?
ஜனநாயகம், மதச்சார்பின்மை, சட்டத்தின் ஆட்சி என எல்லாவற்றிலும் மேற்கத்திய நாடுகளுக்கு இரட்டை வேடம் தான். மற்ற நாடுகளுக்கு சொல்லும் அறிவுரையை அவர்கள் பின்பற்ற மாட்டார்கள். தீவிரவாதத்தை ஒழிக்கிறோம் என நாடுகளை அழிப்பார்கள், ஆட்சிகளை கவிழ்ப்பார்கள், மதத்தீவிரவாதத்தை ஊட்டி வளர்ப்பார்கள். ஆனால், நாட்டை பிளவுபடுத்த சதி செய்யும் தீவிரவாதிகளை அழிக்க முயற்சித்தால், இந்தியாவுக்கு தடை போடுகிறார்கள். இது சரியா?
News October 21, 2024
Apply Now: விண்ணப்பிக்க இன்றே கடைசி நாள்!
தமிழ்நாடு போக்குவரத்துக் கழகத்தில் தொழில் பழகுநர் பயிற்சி பெற விண்ணப்பிப்பதற்கான காலக்கெடு இன்றுடன் நிறைவடைகிறது. ஓராண்டு Apprentices பயிற்சி விரும்புவோர் இன்றே விண்ணப்பிக்கலாம். பயிற்சி இடங்கள்: 499. கல்வித் தகுதி: Diploma, B.A, B.Sc, B.Com, BBA, BBM, B.E. வயது வரம்பு: 18-30. தேர்வுமுறை: நேர்காணல் & சான்றிதழ் சரிபார்ப்பு. உதவித்தொகை: ₹8,000 – ₹9,000. கூடுதல் விவரங்களுக்கு இந்த <
News October 21, 2024
ரஜினிக்கு கண்டிஷன் போட்ட மருத்துவர்கள்
ரஜினியை வைத்து சண்டை காட்சிகளைப் படமாக்கக் கூடாது என மருத்துவர்கள் எச்சரித்துள்ளதாகத் தகவல் வெளியாகியுள்ளது. ‘கூலி’ படத்தின் அடுத்தக்கட்ட படப்பிடிப்பு சென்னையில் தொடங்கியுள்ளது. இதில் ரஜினி பங்கேற்பார் என எதிர்பார்க்கப்பட்ட நிலையில், அவர் ஓய்வெடுக்க வேண்டுமென மருத்துவர்கள் எச்சரித்துள்ளனர். இனி அவர் படப்பிடிப்பில் பங்கேற்றாலும், அவரை வைத்து சண்டைக் காட்சிகள் படமாக்கப்படாது எனக் கூறப்படுகிறது.
Featured News
Sorry, no posts matched your criteria.