India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 3, 2024
இந்தியாவின் கச்சா எண்ணை இறக்குமதி குறைவு
ரஷ்யா, சவுதி, UAE, USA போன்ற நாடுகளில் இருந்து இந்தியாவுக்கு கச்சா எண்ணெய் இறக்குமதி செய்யப்படும் அளவு குறைந்துள்ளது. இது தொடர்பாக நிபுணர்கள் கூறும்போது, மேற்கு ஆசியாவில் ஏற்பட்ட பதற்றம் மற்றும் எண்ணெய் சுத்திகரிப்பு நிலையங்கள் மூடப்பட்டதால் இறக்குமதி குறைந்துள்ளதாக தெரிவித்துள்ளனர். மேலும், வரும் நாள்களில் கச்சா எண்ணெய் இறக்குமதி மீண்டும் அதிகரிக்க வாய்ப்புள்ளதாக நம்பிக்கை தெரிவித்துள்ளனர்.
News November 3, 2024
தமிழ் அறிவோம்: திருக்குறள் குறித்து அரிய தகவல்
➤திருக்குறளில் தமிழ், கடவுள் என்னும் சொற்கள் பயன்படுத்தப்படவில்லை. ➤ஒரே திருக்குறளில் ஆறுமுறை வந்துள்ள சொல் – பற்று. ➤இரு மரங்கள் (பனை, மூங்கில்), இரு மலர்கள் (அனிச்சம், குவளை), ஒரே விதை (குன்றிமணி) இடம்பெற்றுள்ளன. ➤247 தமிழ் எழுத்துகளில் 37 எழுத்துகள் இடம்பெறவில்லை. ➤சீனம் உள்ளிட்ட 107 மொழிகளில் மொழிபெயர்க்கப்பட்டுள்ளது. ➤திருக்குறளில் மொத்த 14,000 சொற்களும், 42,194 எழுத்துகளும் உள்ளன.
News November 3, 2024
புத்தகம் பேசுகிறது: மணிப்பூர் கலவரமும் பின்னணியும்
மணிப்பூர் கலவரத்தின் பின்னணியை அம்மாநிலத்தின் கடந்த கால வரலாற்றோடு இணைத்து இந்நூல் பதிவு செய்துள்ளது. இட ஒதுக்கீடு குறித்த உச்சநீதிமன்றத் தீர்ப்பை நூலின் ஆசிரியர் விதூஷ் முழுமையாக ஆராய்ந்துள்ளார். மெய்தி & கூகி பழங்குடிகளிடையே நடந்த ஆயுத மோதல், வன்முறைகள், இந்திய அரசின் பங்கு, பொருளாதார இழப்புகள் என கலவரச் சூழலை நிரல்பட விளக்குகிறது. மணிப்பூரின் கள நிலவரத்தை ஆழமாகவும் விரிவாகவும் பேசுகிறது.
News November 3, 2024
டெஸ்ட் தொடரில் சிறப்பாக செயல்படவில்லை: ரோஹித்
NZ-க்கு எதிரான டெஸ்ட் தொடரில் கேப்டனாகவும், பேட்ஸ்மேனாகவும் தான் சிறப்பாக செயல்படவில்லை என்று ரோஹித் ஷர்மா வேதனையுடன் தெரிவித்துள்ளார். இந்த டெஸ்ட் தொடரில் சீனியர் வீரர்களை விடவும் ரிஷப் பண்ட், சுப்மன் கில், வாஷிங்டன் சுந்தர் உள்ளிட்டோர் சிறப்பாக பேட்டிங் செய்ததாகக் கூறிய அவர், இலக்கை சேஸ் செய்யும்போது, விரைவாக ரன்கள் சேர்க்க வேண்டுமென நினைத்ததை IND அணியால் சரியாக செயல்படுத்த முடியவில்லை என்றார்.
News November 3, 2024
வாரிசு அரசியலுக்கு 2026இல் முற்றுப்புள்ளி: EPS
2026 சட்டமன்றத் தேர்தல் வாரிசு அரசியலுக்கு முற்றுப்புள்ளி வைக்கும் என இபிஎஸ் கூறியுள்ளார். சேலத்தில் அதிமுகவினருடன் ஆலோசனை மேற்கொண்ட அவர், தமிழகத்தில் மீண்டும் மன்னராட்சியை மக்கள் அனுமதிக்க மாட்டார்கள் என நம்பிக்கை தெரிவித்தார். மேலும், அதிமுக கொடுத்த அழுத்தம் காரணமாகவே, 2.5 ஆண்டுகள் கழித்து மகளிர் உரிமைத் தொகையை திமுக அரசு வழங்கியதாகவும் அவர் விமர்சித்தார்.
News November 3, 2024
தொடர் தோல்வி…இது தான் கம்பீர் Era’வா?
நியூசிலாந்து அணிக்கு எதிராக தொடரை முழுமையாக இழந்த நிலையில், கடும் விமர்சனத்தை பெற்று வருகிறார் அணியின் பயிற்சியாளர் கம்பீர். அவர் பொறுப்பேற்ற பிறகு, இந்தியா இலங்கைக்கு எதிரான ஒருநாள் தொடர் (2-0) என்ற கணக்கிலும், தற்போது நியூசிலாந்து (3-0) எதிராகவும் தோல்வி அடைந்துள்ளது. இந்தியாவில் டெஸ்ட் தொடரை இழந்த கேப்டன்களாக சச்சின் (vs SA ,2000) தற்போது ரோகித் (vs NZ, 2024) ஆகியோர் இருக்கிறார்கள்.
News November 3, 2024
Health Tips: இதயநோயாளிகள் வேகமாக நடக்கலாமா?
இதயத்தின் ரத்தக் குழாய்களில் அடைப்பு உள்ளவர்கள் வேகமாக வாக்கிங், டிரெட்மில்லில் நடப்பது போன்றவற்றை செய்யலாமா? என பலருக்கு கேள்வி எழலாம். மிதமான வேகத்தில் தவறில்லை. ஆனால், உடலை வருத்திக்கொண்டு நடக்கக் கூடாது. இதயம் பலவீனமான நோயாளிகள் வேகமாக நடக்கும்போது ஆக்ஸிஜன் தேவை அதிகரிக்கும். ரத்த ஓட்டம் வேகமெடுக்கும்போது, பம்பிங் செயல்பாடுகளில் பிரச்னை ஏற்பட்டு, உயிருக்கே ஆபத்தாக முடியலாம்.
News November 3, 2024
பயப்படுறியா குமாரு.. விஜய்யை சுற்றும் ஒற்றை கேள்வி
தவெக மாநாட்டில் திமுகவின் பெயரை குறிப்பிடாமல் ஊழல் கட்சி, குடும்பக் கட்சி என விஜய் விமர்சித்திருந்தார். இந்நிலையில், இன்றைய செயற்குழுக் கூட்டத்தில், பொய் வாக்குறுதிகள் கொடுத்து திமுக ஏமாற்றுவதாக தீர்மானமே நிறைவேற்றப்பட்டது. ஆனால், பாஜக என்ற பெயர் எந்தவொரு தீர்மானத்திலும் இடம்பெறவில்லை. திமுகவை எதிர்க்க துணிந்த விஜய்யால், பாஜக பெயரை கூட சொல்ல தயங்குவது ஏன் என பலரும் கேள்வியெழுப்புகின்றனர்.
News November 3, 2024
ஒரே டெஸ்ட்..நியூசிலாந்தின் பல சாதனைகள்
* 3 அல்லது அதற்கு மேற்பட்ட டெஸ்ட் தொடரில் இந்தியாவை சொந்த மண்ணில் வீழ்த்திய முதல் அணி * 1998 முதல் இந்தியாவில் 19 டெஸ்டில் விளையாடி பெறாத வெற்றியை 18 நாட்களில் பெற்றுள்ளது * 12 ஆண்டுகளுக்குப் பிறகு இந்தியாவை சொந்த மண்ணில் வீழ்த்திய அணி (முன்னர் இங்கிலாந்து 2012’இல்) * இந்தியாவில் இந்தியாவை ஒரு இன்னிங்சில் 50 ரன்களுக்கு குறைவாக சுருட்டிய முதல் அணி(பெங்களூருவில் 46 ஆல் அவுட்)
News November 3, 2024
சிகரெட் பழக்கத்தை கைவிட்ட ஷாருக்கான்!
இந்திய நடிகர்களிலேயே பலருக்கு சிகரெட் பழக்கம் இருந்தாலும், Chain Smokers சிலர் மட்டுமே. அவர்களில் ஒருவர்தான் ‘பாலிவுட் பாட்ஷா’ ஷாருக்கான். நாளொன்றுக்கு 100 சிகரெட்டுகளை அடிப்பதாக அவரே ஒருமுறை கூறியிருக்கிறார். இந்நிலையில், நேற்று (நவ.2) தனது 59-வது பிறந்தநாளை கொண்டாடிய ஷாருக்கான், சிகரெட் பழக்கத்தை கைவிட்டுவிட்டதாக அதிரடியாக அறிவித்தார். அவரு விட்டுட்டுாரு.. நீங்க எப்படி ரசிகாஸ்..
Featured News
Sorry, no posts matched your criteria.