India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 8, 2024
அமேசான், ஃபிளிப்கார்ட்டுக்கு செக் வைக்கும் ED?
அமேசான், ஃபிளிப்கார்ட் தளங்களின் முக்கிய விற்பனையாளர்களுக்கு சொந்தமான பல்வேறு இடங்களில் ED ரெய்டு நடத்தியுள்ளது. வெளிநாட்டு செலவாணி மேலாண்மை சட்டம் (FEMA) மற்றும் வெளிநாட்டு இ-காமர்ஸ் நிறுவனங்கள் இந்தியாவில் சொந்தமாக பொருள்களை விற்க கூடாது என்ற FDI சட்டத்தை இந்நிறுவனங்கள் மீறியுள்ளதாக புகார் எழுந்தது. இது தொடர்பாக அமலாக்கத்துறை மிகப்பெரிய விசாரணையை தொடங்கியுள்ளது.
News November 8, 2024
டிரம்ப் அரசில் முடிசூடும் இந்தியர்கள்
2025 ஜனவரியில் அதிபராக பதவியேற்க உள்ள டிரம்ப், தனது அமைச்சரவையில் 4 இந்திய வம்சாவளியினருக்கு முக்கிய பொறுப்புகள் வழங்கலாம் என எதிர்பார்க்கப்படுகிறது. விவேக் ராமசாமிக்கு உள்துறை வழங்கப்படலாம் என கருதப்படுகிறது. காஷ்யப் காஷ் படேலுக்கு உளவுத்துறையான CIA இயக்குநராகலாம் என கூறப்படுகிறது. பாபி ஜிண்டாலுக்கு சுகாதரத்துறையும், நிக்கி ஹேலிக்கு வெளியுறவுத்துறையும் வழங்கப்படலாம் என கருதப்படுகிறது.
News November 8, 2024
மௌனம் கலைத்த ஆண்டர்சன்
டெஸ்ட் கிரிக்கெட்டில் இருந்து ஓய்வு பெற்ற ஜேம்ஸ் ஆண்டர்சன் (42), IPL மெகா ஏலத்திற்கு பதிவு செய்தது ஏன் என தெரிவித்துள்ளார். தன்னுள் இருக்கும் ஏதோ ஒன்று தொடர்ந்து தன்னால் விளையாட முடியும் என கூறி வருவதாகவும், IPL-ல் இதற்கு முன் விளையாடியது இல்லை உள்ளிட்ட பல காரணங்கள் தன்னை பதிவு செய்ய வைத்ததாகவும் அவர் கூறியுள்ளார். ஆண்டர்சன் கடைசியாக கடந்த 2014ல் டி20 போட்டியில் விளையாடியது குறிப்பிடத்தக்கது.
News November 8, 2024
தினம் ஒரு திருக்குறள்
▶குறள் பால்: அறத்துப்பால் ▶அதிகாரம்: இனியவைகூறல். ▶குறள் எண்: 94 ▶குறள் : துன்புறூஉம் துவ்வாமை இல்லாகும் யார்மாட்டும்
இன்புறூஉம் இன்சொ லவர்க்கு. ▶ விளக்க உரை: எவரிடமும் இன்பம் தரும் இனிய சொற்களைப் பேசுபவர்க்குத் துன்பம் தரும் வறுமை வராது.
News November 8, 2024
சனாதனத்திற்கு தடையாக இருந்தால்.. RSS எச்சரிக்கை
சனாதனம் மற்றும் துறவிகளின் பணிகளுக்கு தடையாக இருக்கும் அனைத்தையும், சங்க தொண்டர்கள் தடி கொண்டு அகற்றுவார்கள் என RSS தலைவர் மோகன் பகவத் தெரிவித்துள்ளார். வங்கதேசத்தில் இந்துக்கள் மீது நடத்தப்பட்ட வன்முறையில் இருந்து பாடம் கற்குமாறும், நாம் அஞ்சவோ, அநீதியை பொறுத்துக் கொள்ளவோ தேவையில்லை எனவும் கூறியுள்ளார். மேலும், வேறுபாடுகள் இருப்பினும் நாம் அடிப்படையில் ஒரு மக்கள் எனவும் தெரிவித்துள்ளார்.
News November 8, 2024
TrueCaller அலுவலகத்தில் ரெய்டு
இந்தியாவில் உள்ள TrueCaller நிறுவனத்தின் அலுவலகங்களில் IT அதிகாரிகள் ரெய்டு நடத்தியுள்ளனர். வரி ஏய்ப்பு செய்ததாக வந்த புகாரை அடுத்து பெங்களூரு, மும்பை மற்றும் குருகிராமில் உள்ள அலுவலகங்களில் சோதனை நடத்தியதாக அதிகாரிகள் தெரிவித்துள்ளனர். முன்னறிவிப்பு இல்லாமல் ரெய்டு நடத்தியதாகவும், சர்வதேச தரநிலைகளுக்கு உட்பட்டே பரிவர்த்தனைகளை மேற்கொண்டதாக TrueCaller தெரிவித்துள்ளது.
News November 8, 2024
6 ஆண்டாக Anime பொம்மை உடன் வாழும் நபர்!!
இன்றைய காலக்கட்டத்தில், உலகில் பல்வேறு வகையான உறவுகள் ஏற்பட்டுவிட்டன. AI-வுடன் காதலில் இருப்பவர்களை குறித்து கேட்டுள்ளோம். ஆனால் அனைவரையும் ஆச்சரியப்படுத்தும் வகையில் வாழ்கிறார் ஜப்பான் நபர் ஒருவர். அகிஹிகோ கோண்டோ என்பவர் 2018 -ல் அனிமே கதாபாத்திரமான ஹட்சுனே மிகு என்கிற மெய்நிகர் கதாபாத்திரத்தை மணந்து கொண்டுள்ளார். இத்தம்பதிகள் தற்போது தங்களின் 6-வது திருமண நாளையும் கொண்டாடி உள்ளார்கள்.
News November 8, 2024
இன்றைய நல்ல நேரம்
▶நவ. 8 (ஐப்பசி 22) ▶வெள்ளி ▶நல்ல நேரம்: 09:15 AM – 10:15 AM ▶கெளரி நேரம்: 12:00 AM – 01:00 AM, 06:30 PM – 07:30 PM ▶ராகு காலம்: 10:30 PM – 12:00 PM ▶ எமகண்டம்: 03:00 PM – 04:30 PM ▶குளிகை: 07:30 AM – 09:00 AM ▶திதி: சப்தமி ▶ பிறை: வளர்பிறை ▶சுப முகூர்த்தம்: ஆம் ▶ சூலம்: மேற்கு ▶ பரிகாரம்: வெல்லம் ▶ நட்சத்திரம்: உத்திராடம் ▶சந்திராஷ்டமம்: திருவாதிரை.
News November 8, 2024
தமிழ் சினிமாவில் மேலும் ஒரு ஹீரோயின் அறிமுகம்
பிரதீப் ரங்கநாதன் நடிக்கும் ‘டிராகன்’ படத்தின் மூலம் கயது லோஹர் தமிழ் சினிமாவில் அறிமுகமாகியுள்ளார். பல்லவி என்ற கேரக்டரில் நடிப்பதாக அப்படத்தின் இயக்குநர் அஸ்வத் மாரிமுத்து தெரிவித்துள்ளார். பாலிவுட் மாடலான கயது லோஹர், கன்னட மற்றும் தெலுங்கு சினிமாவில் நடித்து இளைஞர்களை கவர்ந்தவர். மேலும், இந்த படத்தில் அனுபமா பரமேஸ்வரனும் இன்னொரு ஹீரோயினாக நடிக்கிறார்.
News November 8, 2024
Hitman-க்கு ஆதரவாக AUS முன்னாள் கேப்டன்
AUS-க்கு எதிரான டெஸ்ட் தொடரின் முதல் 2 போட்டிகளில் ரோஹித் விளையாட மாட்டார் என தெரியவருகிறது. அப்படியானால், அடுத்தடுத்த போட்டிகளில் அவரது கேப்டன் பொறுப்பை தேர்வு குழு பறிக்க வேண்டும் என கவாஸ்கர் தெரிவித்து இருந்தார். ஆனால் இதை ஏற்க முடியாது என AUS முன்னாள் கேப்டன் ஃபின்ச் கூறியுள்ளார். ரோஹித் தனது மனைவி, குழந்தையுடன் நேரம் செலவிட விரும்புவதில் என்ன தவறு எனவும் கேள்வி எழுப்பியுள்ளார்.
Featured News
Sorry, no posts matched your criteria.