India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 13, 2024
தொடர் சரிவில் இந்திய பங்குச்சந்தை
இந்திய பங்குச்சந்தை தொடர்ந்து சரிந்து வருவதால் முதலீட்டாளர்கள் கவலை அடைந்துள்ளனர். இன்றைய வர்த்தகத்தில் மும்பை பங்குச்சந்தை குறியீட்டெண் சென்செக்ஸ் 600 புள்ளிகளுக்கு மேல் சரிந்து, 78,071 புள்ளிகளுடன் வர்த்தகமாகி வருகிறது. நிஃப்டி 200 புள்ளிகள் சரிந்து, 23,686 புள்ளிகளுடன் வர்த்தகமாகிறது. வெளிநாட்டு முதலீட்டாளர்கள் பங்குகளை தொடர்ந்து விற்று வருவதால், சந்தை சரிவதாக நிபுணர்கள் கூறுகின்றனர்.
News November 13, 2024
பொது அறிவு: கேள்விகளுக்கான பதில்கள்
இன்று 10 மணிக்கு <<14597683>>GK<<>> வினா-விடை பகுதியில் கேட்கப்பட்ட கேள்விகளுக்கான பதில்கள் இவையே. 1) பாண்டனல் 2) Border Security Force 3) Dynamometer 4) சுரேகா யாதவ் 5)ஃபார்மிக் அமிலம் 6) நாட்டுப்புறவியல் 7) ராஜநாகம் 8) ஆலிவ் இலை. இதுபோன்ற அறிவார்ந்த தகவல்களைப் பெற Way2News-ஐ தொடர்ந்து படியுங்கள். இன்றைய கேள்விகளுக்கு நீங்கள் எத்தனை சரியான பதிலளித்தீர்கள் என கீழே கமெண்ட்டில் சொல்லுங்கள்.
News November 13, 2024
டாக்டரின் உடல்நிலை சீராக உள்ளது: உதயநிதி
தாக்குதலுக்கு உள்ளான டாக்டர் பாலாஜியின் உடல்நிலை சீராக உள்ளதாக துணை முதல்வர் உதயநிதி ஸ்டாலின் கூறியுள்ளார். தலைப் பகுதியில் 4 இடங்களில் காயம் உள்ளதாகவும், தொடர்ந்து உடல்நிலை கண்காணிக்கப்பட்டு வருவதாகவும் தெரிவித்துள்ளார். மேலும், 6 மாதங்களாக சிகிச்சையில் உள்ள தாயாருடன் வருபவர் என்பதால் சந்தேகம் எழவில்லை எனக் கூறிய அவர், இனிமேல் இதுபோன்ற சம்பவங்கள் நடக்காமல் தடுக்கப்படும் என்றும் உறுதியளித்தார்.
News November 13, 2024
ரஜினி, கமல், விஜய் லிஸ்டில் கெத்து காட்டும் SK..!
‘அமரன்’ திரைப்படம் வெளியாகி 12 நாள்களில் ₹250 கோடி வசூலித்துள்ளதாக படக்குழுவினர் அறிவித்துள்ளனர். இதன்மூலம், ₹250 கோடி பாக்ஸ் ஆஃபிஸில் இணைந்த 4ஆவது நடிகராக சிவகார்த்திகேயன் உருவெடுத்துள்ளார். முன்னதாக, ரஜினிகாந்த், கமல்ஹாசன், விஜய் ஆகியோர் மட்டுமே இந்த பட்டியலில் இருந்தனர். இஸ்லாமியர்களை தவறாக சித்தரித்துள்ளதாக விமர்சனங்கள் எழுந்த நிலையிலும், இப்படத்திற்கு மக்கள் மத்தியில் அமோக வரவேற்புள்ளது.
News November 13, 2024
இன்றும், நாளையும் கனமழை
தமிழ்நாட்டில் இன்று 12 மாவட்டங்களிலும், நாளை 21 மாவட்டங்களிலும் கனமழை பெய்யக்கூடும் என வானிலை மையம் எச்சரித்துள்ளது. செங்கல்பட்டு, காஞ்சிபுரம், கள்ளக்குறிச்சி, விழுப்புரம், கடலூர், மயிலாடுதுறை, நாகை, தஞ்சை, திருவாரூர், புதுக்கோட்டை, அரியலூர், பெரம்பலூர் ஆகிய மாவட்டங்களில் இன்றும், தி.மலை, சிவகங்கை, விருதுநகர், தென்காசி உள்ளிட்ட 21 மாவட்டங்களில் நாளையும் கனமழை பெய்ய வாய்ப்புள்ளது.
News November 13, 2024
கம்பீர் vs பாண்டிங்: ஓயாத சண்டை..!
விராட் கோலியின் ஃபார்ம் குறித்து ரிக்கி பாண்டிங் கேள்வி எழுப்பியிருந்தார். அதற்கு, அவருக்கு IND அணியில் என்ன வேலை என கம்பீர் பதிலளித்தார். ஆனால், கம்பீரிடம் இருந்து இப்படி ஒரு பதில் வரும் என தான் எதிர்பார்க்கவில்லை என பாண்டிங் தெரிவித்துள்ளார். மேலும், கம்பீரின் குணத்தை பற்றி தனக்கு தெரியும் எனவும், தனது கருத்து குறித்து கோலியிடம் கேட்டால் அவரே ஒப்புக் கொள்வார் எனவும் கூறியுள்ளார்.
News November 13, 2024
பங்குச்சந்தை: IPO என்றால் என்ன?
பங்குச்சந்தையில் கால் பாதிக்கும் புதிய நிறுவனம் தனது பங்குகளை முதல் முறையாக மக்களுக்கு வழங்கும் செயல்முறையை IPO (Initial Public Offering) என அழைக்கிறார்கள். பட்டியலிடப்பட்ட நிறுவனங்களின் பங்குகளைப் போல இல்லாமல், IPOஇல் குறிப்பிட்ட அளவு பங்குகளை மொத்தமாக சேர்த்து மட்டுமே வாங்க முடியும். இதனை ஆங்கிலத்தில் Lot என்பர். தொடக்கத்தில், ஒரு Lot-இன் விலை ₹15,000க்கு குறைவாகவே இருக்கும்.
News November 13, 2024
குஜராத்துக்கான பிரதமரா மோடி?: தெலங்கானா CM
இந்தியாவின் PM மோடி, குஜராத்திற்கான PM-ஆக மட்டும் செயல்படுவதாக தெலங்கானா CM ரேவந்த் ரெட்டி விமர்சித்துள்ளார். தங்கள் மாநிலத்திற்கு வர வேண்டிய செமிகண்டக்டர் தொழிற்சாலையை, PMO அதிகாரிகள், குஜராத்திற்கு மடைமாற்றி இருப்பதாகவும் அவர் குற்றஞ்சாட்டியுள்ளார். முன்னதாக, தங்கள் மாநிலங்களுக்கு வர வேண்டிய முதலீடுகள் குஜராத்திற்கு மாற்றப்படுவதாக முதல்வர்கள் சித்தராமையா, ஸ்டாலின் புகார் தெரிவித்திருந்தனர்.
News November 13, 2024
அரசு டாக்டருக்கு கத்திக்குத்து: விசாரணைக்கு CM உத்தரவு
சென்னையில் கிண்டி அரசு ஹாஸ்பிடலில் மருத்துவர் கத்தியால் குத்தப்பட்ட சம்பவம் அதிர்ச்சியளிப்பதாக CM ஸ்டாலின் கூறியுள்ளார். இக்கொடுஞ்செயலில் ஈடுபட்ட நபர் உடனடியாகக் கைது செய்யப்பட்டதாகவும், டாக்டருக்குத் தேவையான சிகிச்சைகளை அளிக்கவும், விரிவான விசாரணை நடத்தவும் ஆணையிட்டுள்ளதாகத் தெரிவித்துள்ளார். மேலும், இதுபோன்ற சம்பவம் இனி நிகழாமல் தடுக்க நடவடிக்கை எடுக்கப்படும் என்றும் உறுதியளித்துள்ளார்.
News November 13, 2024
டாக்டர்கள் மீதான தாக்குதலை வேடிக்கை பார்க்காதீர்
திமுக ஆட்சியில் யாருக்குமே பாதுகாப்பு கிடையாதா என அன்புமணி கேள்வி எழுப்பியுள்ளார். டாக்டர் மீதான தாக்குதல் குறித்து தனது X பக்கத்தில் பதிவிட்டுள்ள அவர், உழவர்களுக்கு அடுத்தபடியாக உயிர்காக்கும் கடவுள்களாக மதிக்கப்படுவது டாக்டர்கள்தான் என்றார். மருத்துவம் அளிப்பதில் பாகுபாடு காட்டப்படுவதில்லை எனவும், டாக்டர்கள் மீதான தாக்குதலை அரசு வேடிக்கை பார்க்கக் கூடாது என்றும் வலியுறுத்தியுள்ளார்.
Featured News
Sorry, no posts matched your criteria.