News November 20, 2024

30 நொடிகளில் உலகைச் சுற்றி…

image

➤ஹாங்காங் தேர்தலில் பங்கேற்ற 45 ஜனநாயக ஆர்வலர்களுக்கு சீன நீதிமன்றம் சிறை தண்டனை விதித்தது. ➤மியான்மரின் ஒக்கலாபா நகரில் 10 லட்சம் போதை மாத்திரைகளை போலீசார் பறிமுதல் செய்துள்ளனர். ➤ஈகுவடாரில் கடும் வறட்சியால் ஏற்பட்ட தண்ணீர் பற்றாக்குறையை சமாளிக்க அடுத்த 60 நாட்களுக்கு தேசிய அவசர நிலை அறிவிக்கப்பட்டுள்ளது. ➤அமெரிக்காவில் படிக்கும் இந்திய மாணவர்களின் எண்ணிக்கை 23% உயர்வடைந்துள்ளது.

News November 20, 2024

இனி தமிழக மீனவர்களின் கதி என்ன?

image

தமிழக மீனவர்கள் மீது அத்துமீறி தாக்குதல், கைது செய்தல், படகுகள் பறிமுதல் என இலங்கை கடற்படை தொடர்ந்து அட்டூழியத்தில் ஈடுபடுகிறது. மீனவர்கள் கைதாவதைத் தடுத்து, படகுகளை மீட்க கோரி ஸ்டாலின் உள்ளிட்டோர் மத்திய அரசை வலியுறுத்தி வருகின்றனர். இந்த சூழ்நிலையில், பறிமுதல் செய்யப்பட்ட படகுகளை கடற்படை பயன்படுத்தி கொள்ள இலங்கை அரசு உத்தரவிட்டிருப்பது, மீனவர்களுக்கு பாதுகாப்பு இல்லாத சூழலை உருவாகியுள்ளது.

News November 20, 2024

2 நாட்கள் முன் காதலிக்க நேரமில்லை என்றார்…இப்போ?

image

ARR விவாகரத்து பலரையும் அதிரச் செய்துள்ளது. நவ. 18-இல் அவரின் பதிவைப் பார்த்தால், இது என்னடா coincidence என யோசிக்க வைக்கிறது. Something awesome is coming soon, Stay tuned for a surprise that will steal your heart! எனப் பதிவிட்டுள்ளார். இது ஒரு பட அறிவிப்பு தான். ஆனால்,வேறொரு செய்தியை சொல்லி அதிர வைத்து விட்டார் ARR. இதில் கூடுதல் தகவல் என்ன தெரியுமா? படத்தின் பெயர் “காதலிக்க நேரமில்லை”.

News November 20, 2024

தங்கம் விலை ₹400 உயர்வு

image

ஆபரணத் தங்கத்தின் விலை தொடர்ந்து 3ஆவது நாளாக அதிகரித்துள்ளதால், நகை பிரியர்கள் அதிர்ச்சியடைந்துள்ளனர். இன்று 22 கேரட் ஆபரணத் தங்கத்தின் விலை சவரனுக்கு ₹400 உயர்ந்து ₹56,920க்கும், கிராமுக்கு ₹50 உயர்ந்து ₹7,115க்கும் விற்பனையாகிறது. கடந்த 3 நாட்களில் மட்டும் தங்கம் விலை ₹1,440 அதிகரித்துள்ளது. வெள்ளி விலை மாற்றமின்றி கிராம் ₹101, கிலோ ₹1,01,000க்கும் விற்கப்படுகிறது.

News November 20, 2024

பொது அறிவு வினா – விடை

image

1) அஜந்தாவில் எத்தனை குகைகள் உள்ளன? 2) CCO என்பதன் விரிவாக்கம் என்ன? 3) உருது இலக்கியத்தின் தந்தை என அழைக்கப்படுபவர் யார்? 4) கோளக வடிவப் பொருட்களின் வளைவை அளக்க உதவும் கருவி எது? 5) ‘பாண்டியன் பரிசு’ என்ற நூலின் ஆசிரியர் யார்? 6) மிசா சட்டம் எந்த ஆண்டு நிறைவேற்றப்பட்டது? 7) வானவில்லில் அதிகமாக ஒளி விலகலடையும் நிறம் எது? விடைகளை கமெண்ட்டில் சொல்லுங்க. சரியான பதிலை 2 மணிக்கு பாருங்க.

News November 20, 2024

இன்று மாலை EXIT POLL: வெற்றி யாருக்கு?

image

மகாராஷ்டிரா, ஜார்கண்ட் தேர்தலுக்கான வாக்குப்பதிவு இன்று நடைபெற்று வருகிறது. மகாராஷ்டிராவில் 288 தொகுதிகளுக்கும், ஜார்கண்டில் இரண்டாம் கட்டமாக 38 தொகுதிகளுக்கும் தேர்தல் நடந்து வருகிறது. இந்நிலையில், இன்று மாலை தேர்தலுக்கு பிந்தைய கருத்துக்கணிப்பு முடிவுகள் வெளியாகவுள்ளன. இந்த EXIT POLL குறித்த தகவல்கள் உடனுக்குடன் பிரத்யேகமாக WAY2NEWS-இல் வெளியிடப்படும். தொடர்ந்து FOLLOW செய்யுங்கள்.

News November 20, 2024

தமிழக மீனவர்களுக்கு எதிராக திரும்பிய இலங்கை

image

தமிழக மீனவர்களிடம் இருந்து பறிமுதல் செய்யப்படும் படகுகளை கடற்படை பயன்படுத்திக் கொள்ள இலங்கை அரசு உத்தரவிட்டுள்ளது. மன்னாரில் இருந்து 5 படகுகள், யாழ்ப்பாணத்தில் இருந்து 8 படகுகள் என மொத்தம் 13 படகுகள் முதற்கட்டமாக இலங்கை கடற்படையினரிடம் ஒப்படைக்கப்பட்டுள்ளன. அந்நாட்டு அரசின் முடிவால் தமிழக மீனவர்கள் அதிர்ச்சியடைந்துள்ளனர். மேலும், இது தமிழகத்திற்கு எதிரான நடவடிக்கையாக பார்க்கப்படுகிறது.

News November 20, 2024

Stock Market: பங்குச்சந்தையில் உள்ள பிரிவுகள்

image

இந்திய பங்குச்சந்தையில் பங்குகள் பல பிரிவுகளாக பிரிக்கப்படுகின்றன. பங்குச்சந்தையில் உள்ள பிரிவுகள்:- *வங்கி & நிதிச்சேவை *மருந்து & சுகாதாரம் *வாகனம் *ரியல் எஸ்டேட் *பெட்ரோலியம் & எரிசக்தி *உலோகங்கள் & சுரங்கத் தொழில் *FMCG *IT *தொலைத்தொடர்பு *மின்னணு சேவைகள். இவற்றில் தங்கள் துறை சார்ந்த விருப்பம், லாபம் & வளர்ச்சி விகிதத்தை ஆராய்ந்து, அதற்கு ஏற்ப முதலீட்டாளர்கள் பங்குகளைத் தேர்வு செய்யலாம்.

News November 20, 2024

நம்ம வீட்டுல விவாகரத்து நடந்த மாதிரி வலி

image

ஏ.ஆர்.ரஹ்மானின் அமைதியான சுபாவமும், குறும்பு பேச்சும் அவரை ‘‘நம்ம வீட்டு பையன்’ என்று உணர வைக்கும். அவர் தனது மனைவியை பிரிவதாக அறிவித்திருப்பது நமது வீட்டில் ஒருவருக்கு விவாகரத்து நடப்பது போன்ற ஒரு உணர்வை ஏற்படுத்தியுள்ளது. மற்ற சினிமாக்காரர்களின் விவாகரத்தை விட ரஹ்மானின் பிரிவு ரசிகர்களை அதிகமாக பாதித்திருப்பது சமூக வலைதள போஸ்ட்கள் மூலம் தெரிகிறது. நீங்க எப்படி ஃபீல் பண்றீங்க?

News November 20, 2024

ரயில்களில் ஜெனரல் கோச் அதிகரிப்பு

image

நாடு முழுவதும் உள்ள எக்ஸ்பிரஸ் ரயில்களில் 583 பொது பெட்டிகள் இணைக்கப்பட்டு உள்ளதாக ரயில்வே நிர்வாகம் அறிவித்துள்ளது. ரயில்களில் தேவைக்கேற்ப கூடுதல் பெட்டிகளை இணைக்க வேண்டுமென பொதுமக்கள் நீண்ட காலமாக கோரிக்கை விடுத்து வந்தனர். இந்நிலையில், பொது பெட்டிகளில் பயணிப்போருக்கு முன்னுரிமை அளிப்பதாகவும், அவர்களுக்கு அதிக வசதிகள் வழங்க நடவடிக்கை மேற்கொள்ளப்பட்டுள்ளதாகவும் தெரிவிக்கப்பட்டுள்ளது.

error: Content is protected !!