India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 1, 2024
ஆளுநர் விழாவில் நிறுத்தப்பட்ட தமிழ்த்தாய் வாழ்த்து!
மதுரையில் ‘யங் இந்தியன்ஸ்’ அமைப்பு சார்பில் இன்று நடந்த நிகழ்ச்சியில் ஆளுநர் ரவி கலந்து கொண்டார். நிகழ்ச்சி தொடங்கியதும், மாணவ-மாணவியர் தமிழ் வாழ்த்து பாடினர். அப்போது அவர்கள் தடுத்து நிறுத்தப்பட்டு, தேசிய கீதத்தை பாட வைக்கப்பட்டனர். அதன் பிறகே தமிழ்த்தாய் வாழ்த்து பாடப்பட்டது. ஏற்கனவே, ஆளுநர் ரவி பங்கேற்ற நிகழ்ச்சியில் தமிழ்த்தாய் வாழ்த்தில் ‘திராவிடம்’ என்ற வார்த்தை விடுபட்டது சர்ச்சையானது.
News December 1, 2024
இந்திய அணியின் Strategy இதுதானா?
AUS PM 11 அணிக்கு எதிரான பயிற்சி ஆட்டத்தில் ரோஹித் ஷர்மா ஓபனிங் இறங்காதது அனைவரின் புருவத்தையும் உயர்த்தியுள்ளது. AUSக்கு எதிரான முதல் டெஸ்ட்டில் ரோஹித் இல்லாததால், ராகுலும், ஜெய்ஸ்வாலும் ஓபனிங் களமிறங்கினர். ஆனால், தற்போது ரோஹித் இருந்தும், அவர்களே களமிறங்கியுள்ளனர். முதல் போட்டியில் இந்த ஜோடி சிறப்பாக விளையாடிய நிலையில், அதையே 2வது போட்டியிலும் மெயின்டெய்ன் செய்யும் எனக் கருதப்படுகிறது.
News December 1, 2024
3 மாவட்டங்களுக்கு ரெட் அலர்ட்
3 மாவட்டங்களுக்கு மாலை 6 மணி வரை வானிலை மையம் ரெட் அலர்ட் விடுத்துள்ளது. திருவண்ணாமலை, கள்ளக்குறிச்சி, விழுப்புரத்தில் மாலை 6 மணி வரை அதிகனமழை பெய்ய வாய்ப்பிருப்பதாக வானிலை மையம் தெரிவித்துள்ளது. சென்னை, திருவள்ளூர், காஞ்சிபுரம், செங்கல்பட்டு, தருமபுரி, சேலம், நாகை மாவட்டங்களுக்கு கனமழைக்கான ஆரஞ்ச் அலர்ட், வேலூர், திருப்பத்தூர் உள்ளிட்ட 15 மாவட்டங்களுக்கு மஞ்சள் அலர்ட் விடுத்துள்ளது.
News December 1, 2024
டெல்லி தேர்தலில் ஆம் ஆத்மி தனித்து போட்டி: கெஜ்ரிவால்
டெல்லி சட்டப்பேரவைத் தேர்தலில் ஆம் ஆத்மி கட்சி தனித்து போட்டியிடும் என்று அக்கட்சியின் தலைமை ஒருங்கிணைப்பாளர் கெஜ்ரிவால் அறிவித்துள்ளார். தேசிய அளவில் பாஜகவுக்கு எதிரான காங்கிரஸ் தலைமையிலான இந்தியா கூட்டணியில் ஆம் ஆத்மி கட்சியும் அங்கம் வகிக்கிறது. இந்நிலையில் டெல்லி தேர்தலில் எந்த கட்சியுடனும் ஆம் ஆத்மி கூட்டணி வைக்காது என்று கெஜ்ரிவால் தெரிவித்துள்ளார்.
News December 1, 2024
T20: தமிழக அணியை வீழ்த்திய கர்நாடகா
சையத் முஷ்டாக் அலி டி20 தொடரில் தமிழக அணியை கர்நாடகா வீழ்த்தியது. முதலில் களமிறங்கிய தமிழகம், கர்நாடக பந்துவீச்சை சமாளிக்க முடியாமல் 90 ரன்களில் சுருண்டது. அதிகபட்சமாக வருண் சக்கரவர்த்தி 24 ரன்கள் எடுத்தார். தொடர்ந்து விளையாடிய கர்நாடக அணி, 11.3 ஓவர்களிலேயே 3 விக்கெட் இழப்புக்கு 93 ரன்கள் எடுத்து வெற்றி பெற்றது. அதிகபட்சமாக மனீஷ் பாண்டே 42 ரன்கள் எடுத்தார்.
News December 1, 2024
ஓட்டப் பயிற்சியின்பாேது நெஞ்சுவலியில் மாணவன் பலி
உத்தரப் பிரதேசத்தில் ஓட்டப் பயிற்சியின்போது பள்ளி மாணவன் நெஞ்சு வலி ஏற்பட்டு உயிரிழந்திருப்பது பரபரப்பை ஏற்படுத்தியுள்ளது. அலிகார் மாவட்டத்தில் உள்ள பள்ளியில் பயிலும் 14 வயதான மொஹித் சவுத்ரி, விளையாட்டு போட்டியில் கலந்து கொள்ள திட்டமிட்டிருந்தான். இதற்கான பயிற்சியில் ஈடுபட்டிருந்த போது நெஞ்சு வலி ஏற்பட்டுள்ளது. ஹாஸ்பிடலுக்கு அழைத்து சென்றபோது உயிரிழந்ததாக டாக்டர்கள் தெரிவித்துள்ளனர்.
News December 1, 2024
நடிப்பு அரக்கனுக்கு டாக்டர் பட்டம்
தமிழ் சினிமாவில் பன்முகத் தன்மை கொண்ட நடிகர்கள் பலர் இருந்தாலும் S.J.சூர்யா அதில் தனி ரகம். இயக்குநர், கதாநாயகன், குணச்சித்திர நடிகன் என தனது அசாத்திய திறமையால் தனக்கென ரசிகர் பட்டாளத்தை கொண்டுள்ளவர். இந்நிலையில், இவரது கலைத் திறமையை பாராட்டும் விதமாக, வேல்ஸ் யுனிவர்சிட்டி இவருக்கு கவுரவ டாக்டர் பட்டம் வழங்கியுள்ளது. மக்களவை சபாநாயகர் ஓம் பிர்லா, சூர்யாவுக்கு பட்டத்தை வழங்கினார்.
News December 1, 2024
ஃபெஞ்சல் புயல் வலுவிழந்தது: அதிகாரப்பூர்வ அறிவிப்பு
ஃபெஞ்சல் புயல் ஆழ்ந்த காற்றழுத்த தாழ்வு மண்டலமாக வலுவிழந்து விட்டதாக அறிவிக்கப்பட்டுள்ளது. சென்னை அருகே நள்ளிரவு கரையைக் கடந்த புயல் இன்று காலை 11.30 மணிக்கு வலுவிழந்ததாக வானிலை மையம் கூறியுள்ளது. கடலூரில் இருந்து 30 கி.மீ. தொலைவிலும், விழுப்புரத்தில் இருந்து 40 கி.மீ. தொலைவிலும், சென்னையில் இருந்து 120 கி.மீ. தொலைவிலும் தற்போது அது நிலை கொண்டிருப்பதாகவும் குறிப்பிட்டுள்ளது.
News December 1, 2024
இனி ஒரு மாசம் இல்ல.. 15 நாள்கள் தான்..!
ரயில்களில் AC கோச்களில் வழங்கப்படும் போர்வைகள் 15 நாள்களுக்கு ஒரு முறை துவைக்கப்பட உள்ளதாக வடக்கு ரயில்வே செய்தி தொடர்பாளர் தெரிவித்துள்ளார். முன்னதாக, போர்வைகள் மாதத்திற்கு ஒரு முறை துவைக்கப்படுவதாக ரயில்வே அமைச்சர் தெரிவித்து இருந்தார். இது ரயில்வேயின் சுத்தம் மற்றும் பயணிகளின் சுகாதாரம் குறித்து பல கேள்விகளை எழுப்பியது. இதனால் பயணிகள் பலரும் தங்கள் மனக்குமுறல்களை கமெண்ட்களாக பதிவிட்டனர்.
News December 1, 2024
பொறுப்பேற்றதும் ஆக்ஷனில் இறங்கிய ஜெய் ஷா
ICC தலைவராக ஜெய் ஷா இன்று பொறுப்பேற்றார். 2028 லாஸ் ஒலிம்பிக்ஸில் கிரிக்கெட் முதன் முதலாக சேர்க்கப்பட்டுள்ள நிலையில், அதற்கு முக்கியத்துவம் கொடுத்து தயாராவதுதான் ICC தலைவராக தன் முன் இருக்கும் முதல் பணி என அவர் தெரிவித்துள்ளார். மேலும், மகளிர் கிரிக்கெட் வளர்ச்சியை துரிதப்படுத்த வேண்டிய காலகட்டத்தில் ICC இருப்பதாகவும் கூறியுள்ளார். அடுத்த 3 ஆண்டுகள் அவர் ஐசிசியை வழிநடத்த உள்ளார்.
Featured News
Sorry, no posts matched your criteria.