India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 25, 2024
‘வேட்டையன்’ OTT ரிலீஸ் எப்போது?
‘வேட்டையன்’ திரைப்படம் நவ.7ஆம் தேதி அமேசான் பிரைம் தளத்தில் வெளியாக உள்ளதாக தகவல் வெளியாகியுள்ளது. ₹90 கோடிக்கு அமேசான் நிறுவனம் டிஜிட்டல் உரிமத்தை வாங்கியுள்ளதாகவும் கூறப்படுகிறது. ₹300 கோடி பட்ஜெட்டில் உருவான ‘வேட்டையன்’, தியேட்டரில் வெளியான 15 நாள்களில் ₹141.5 கோடியை இந்தியாவில் வசூல் செய்ததாக சினிமா வட்டாரங்கள் தெரிவித்துள்ளன. அக்.10ல் வெளியான இத்திரைப்படம் கலவையான விமர்சனங்களை பெற்றுள்ளது.
News October 25, 2024
சட்டம் அறிவோம்: BNS பிரிவு 196 (1) என்ன சொல்கிறது?
பிறந்த இடம், சாதி, மதம், இனம், மொழி, சமயம், வசிப்பிடம், பிராந்தியம் ஆகியவற்றின் அடிப்படையில், ஒரு குறிப்பிட்ட மக்களுக்கு எதிராக செயல் (அ) பேச்சு (அ) எழுத்தாலோ பகைமை, வெறுப்பு உணர்ச்சிகளை தூண்டி மற்றொரு மக்கள் குழுவை அணித்திரட்டுவது (அ) அமைதியின்மை ஏற்படுத்துவது BNS சட்டப் பிரிவு 196 (1)இன்படி குற்றமாகும். இதற்கு 3 ஆண்டுகள் சிறைத் தண்டனை & அபராதம் (அ) இரண்டும் சேர்த்து விதிக்கப்படும்.
News October 25, 2024
அதிமுகவின் வாக்கு வங்கி அதிகரிப்பு: இபிஎஸ்
மக்களவைத் தேர்தலை நாடாளுமன்ற தேர்தலோடு ஒப்பிடக்கூடாது என இபிஎஸ் தெரிவித்துள்ளார். இது குறித்து பேசிய அவர், கூட்டணிக் கட்சிகளை நம்பியே முதல்வர் ஸ்டாலின் தேர்தலில் களம் காண்பதாக விமர்சித்தார். மேலும் 2019 மக்களவைத் தேர்தலை விட 2024 மக்களவைத் தேர்தலில் திமுகவின் வாக்கு வங்கி 7% குறைந்துள்ளதாகவும், ஆனால் அதிமுகவின் வாக்கு வங்கி 1% அதிகரித்துள்ளதாகவும் அவர் குறிப்பிட்டார்.
News October 25, 2024
156 ரன்களுக்கு இந்தியா ஆல் அவுட்
NZ-க்கு எதிரான 2ஆவது டெஸ்ட் போட்டியின் முதல் இன்னிங்ஸில், 156 ரன்களுக்கு IND ஆல் அவுட்டானது. அதிகபட்சமாக ஜடேஜா 38, ஜெய்ஸ்வால், ஷுப்மன் கில் 30 ரன்களை எடுத்தனர். NZ பவுலர் மிட்செல் சான்ட்னர் 7 விக்கெட்களை கைப்பற்றினார். இந்திய அணி 103 ரன்கள் பின்தங்கியுள்ளது. 3 போட்டிகளை கொண்ட இந்த டெஸ்ட் தொடரில், 1-0 என NZ முன்னிலையில் உள்ளது. 2ஆவது டெஸ்டில் வெற்றி பெற வேண்டிய கட்டாயத்தில் IND உள்ளது.
News October 25, 2024
முதலீட்டாளர்களுக்கு அதிர்ச்சி தந்த பங்குச்சந்தை
மும்பை பங்குச்சந்தை குறியீட்டெண் சென்செக்ஸ் ஒரே நாளில் 700 புள்ளிகளுக்கு மேல் சரிந்ததால் முதலீட்டாளர்கள் அதிர்ச்சி அடைந்துள்ளனர். தேசிய பங்குச்சந்தை குறியீட்டெண் நிஃப்டி 286 புள்ளிகள் சரிந்து 24,113 புள்ளிகளில் வர்த்தகமாகி வருகிறது. கடந்த ஒரு மாதத்தில் சென்செக்ஸ் 6,600 புள்ளிகள் சரிந்ததால், முதலீட்டாளர்களின் போர்ட்ஃபோலியோ மதிப்பு ₹100 லட்சம் கோடி இழப்பை சந்தித்துள்ளது.
News October 25, 2024
விஜய் வருகையால் அதிரும் அரசியல் களம்
வருவேன்… வரமாட்டேன்… மையம், விளிம்பு… இப்படி எந்த ஊசலாட்டமும் இன்றி, நிதானமாக திட்டமிட்டு 2026-ஐ இலக்கு வைத்து களமிறங்குகிறார் விஜய். ஆரம்பத்தில் அலட்சியம் காட்டிய பெரிய கட்சிகள், இப்போது உற்றுநோக்கி வருகின்றன. பெரிய கட்சிகளான DMK, ADMK-வின் 2026 தேர்தல் வியூகம், விஜய்யின் நகர்வின் அடிப்படையில் தான் இருக்கும் என்கின்றனர் அரசியல் நோக்கர்கள். தமிழக அரசியல் களத்தில் அதிர்வை ஏற்படுத்துமா தவெக?
News October 25, 2024
பட்டியலின மக்கள் மீது தாக்குதல்: 98 பேருக்கு ஆயுள்
கர்நாடகாவில் பட்டியல் இனத்தவர்களை தாக்கிய வழக்கில் 98 பேருக்கு ஆயுள் தண்டனையும், 3 பேருக்கு 5 ஆண்டு சிறை தண்டனையும் விதித்து அம்மாநில அமர்வு நீதிமன்றம் தீர்ப்பளித்துள்ளது. 2014ல் சினிமா டிக்கெட் தொடர்பான தகராறில் பட்டியல் இனத்தவர்களை தாக்கி, அவர்களின் வீடுகளும் எரிக்கப்பட்டதாக, 117 பேர் மீது குற்றம் சாட்டப்பட்டது. இதில், 11 பேர் உயிரிழந்த நிலையில், எஞ்சியவர்களுக்கு தண்டனை அறிவிக்கப்பட்டுள்ளது.
News October 25, 2024
மூலிகை: சுவாசப் பிரச்னையை தீர்க்கும் இம்பூறல்
“இன்புறா வேரை இதமாய் அருந்தினர்க்கு… சுவாசம்” எனும் அகத்தியர் பாடல் இம்பூறலின் ஆற்றலை விளக்குகிறது. குயினோன்ஸ், அலிசாரின், பால்மடைன் போன்ற வேதிப்பொருட்கள் நிறைந்த இதன் வேரோடு அதிமதுரம் சேர்த்துத் தயாரிக்கப்படும் இனிப்புச் சுவைமிக்க குடிநீரை 7 நாட்கள் பருகிவந்தால், பனிக்காலத்தில் ஏற்படும் சளி, இருமல், சுவாச இரைப்பு, ரத்தச்சோகை உள்ளிட்ட பிரச்னைகள் தீரும் என சித்த மருத்துவர்கள் கூறுகின்றனர்.
News October 25, 2024
மஸ்கிற்கு கொட்டு வைத்த கோர்ட்..!
USA அதிபர் தேர்தலில் டிரம்பை ஆதரிக்கும் நபர்களுக்கு தினமும் $1 மில்லியன் வழங்க எலான் மஸ்க்கிற்கு அந்நாட்டு நீதிமன்றம் தடை விதித்துள்ளது. சட்டத்தை மீறி வாக்காளர்களுக்கு பணம் வழங்குவதாகக் கடும் எச்சரிக்கையும் விடுத்துள்ளது. பேச்சுரிமை, ஆயுதம் வைத்து கொள்ளும் உரிமை என்ற தனது மனுவில் கையெழுத்திடும் நபர்களில் ஒருவரை தேர்ந்தெடுத்து, தேர்தல் நடைபெறும் வரை பரிசு வழங்குவதாக மஸ்க் அறிவித்து இருந்தார்.
News October 25, 2024
தடுமாறும் இந்திய அணி
NZ-க்கு எதிரான 2ஆவது டெஸ்ட் போட்டியில், 103 ரன்களுக்கு 7 விக்கெட்களை இழந்து இந்திய அணி தடுமாறி வருகிறது. ரோஹித் 0, கோலி 1, பண்ட் 18, சர்ஃபராஸ் 11, ஜெய்ஸ்வாலும், ஷுப்மன் கில்லும் 30 ரன்கள் என சொற்ப ரன்களில் முன்கள வீரர்கள் வெளியேறினர். ஜடேஜாவும், சுந்தரும் களத்தில் உள்ளனர். IND அணி 164 ரன்கள் பின் தங்கியுள்ளது. முதல் போட்டியில் IND மோசமாக தோற்ற நிலையில், 2ஆவது போட்டியிலும் சொதப்பி வருகிறது.
Featured News
Sorry, no posts matched your criteria.