India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 7, 2024
நிர்வாகிகள் விலகுவதை தடுக்கும் முயற்சியில் சீமான்
அடுத்தடுத்து கட்சியில் இருந்து நிர்வாகிகள் விலகுவதை தடுக்கும் முயற்சியில் சீமான் இறங்கியுள்ளாராம். குறிப்பாக கோவை, ஈரோடு, கரூர் உள்ளிட்ட கொங்கு பகுதிகளைச் சேர்ந்த நாதக நிர்வாகிகள் கூண்டோடு விலகி வருகின்றனர். இதனால், அப்பகுதி நிர்வாகிகளை அழைத்து அவர் பேச்சுவார்த்தை நடத்தி தெளிவுபடுத்தி வருகிறாராம். இதனால், அதிருப்தி மனநிலையில் இருந்த நிர்வாகிகள் பலர் தங்கள் முடிவு மாற்றி வருவதாகக் கூறப்படுகிறது.
News December 7, 2024
போதைப்பொருள் கடத்தல்… NIA குழுவுடன் RN ரவி ஆலோசனை
தேசியப் பாதுகாப்பு ஆலோசனைக்குழுவுடன் தமிழக RN ரவி ரகசிய ஆலோசனை நடத்தி உள்ளார். கடந்த ஆகஸ்டில் NIA ஆலோசகர் அஜித் தோவலுடன் நடந்த சந்திப்பின் தொடர்ச்சியாகவே, இக்கூட்டம் நடந்ததாக தெரிகிறது. இதன்போது, தமிழகத்தில் அதிகரித்துள்ள போதைப்பொருள் கடத்தல் குறித்து விவாதிக்கப்பட்டதாகக் கூறப்படுகிறது. அப்போது, தமிழக போலீசாரின் செயல்பாடுகள் குறித்து தனது அதிருப்தியை அவர் வெளிப்படுத்தியுள்ளார்.
News December 7, 2024
தட்டச்சு, சுருக்கெழுத்து பாடத்திட்டம் மாற்றம்
அடுத்தாண்டு பிப்ரவரி முதல் தட்டச்சு, சுருக்கெழுத்து, கணக்கியல் தேர்வுகளுக்கான பாடத்திட்டம் மாற்றப்படும் என மாநில தொழில்நுட்ப கல்வி இயக்கம் தெரிவித்துள்ளது. ஒவ்வொரு ஆண்டும் பிப், ஆகஸ்ட் மாதங்களில் இந்த தேர்வுகள் இளநிலை, இடைநிலை, முதுநிலை, அதிவேகம் என்ற நிலைகளில் நடத்தப்படுகிறது. இந்நிலையில், புதிய பாடத்திட்டம் பிப்ரவரி முதல் அமலாகிறது. புதிய பாடத்திட்டத்தை <
News December 7, 2024
தமிழகம் முழுவதும் குடிநீர் பரிசோதனை செய்ய உத்தரவு
தமிழகம் முழுவதும் குடிநீரின் மாதிரிகளை பரிசோதித்து அறிக்கை அளிக்க, அதிகாரிகளுக்கு அரசு உத்தரவிட்டுள்ளது. சென்னையில் கழிவுநீர் கலந்த குடிநீரை குடித்ததால் 3 பேர் உயிரிழந்ததாகக் குற்றச்சாட்டு எழுந்துள்ளது. இந்நிலையில், சுழற்சி முறையில் தினமும் 10 குடியிருப்பு பகுதிகளுக்கு சென்று குடிநீர் மாதிரியை பரிசோதிக்கவும், 100% சுகாதாரமான குடிநீர் விநியோகம் செய்யப்படுவதை உறுதி செய்யவும் அறிவுறுத்தப்பட்டுள்ளது.
News December 7, 2024
வலியை மத்திய அரசு உணரவில்லையா?
கடந்த 9 ஆண்டுகளில் தமிழக அரசு, புயல், மழை போன்ற பேரிடர் காலங்களில் மத்திய அரசிடம் நிவாரணப் பணிகளுக்காக மொத்தமாக ₹1.25 லட்சம் கோடி நிதி உதவி கேட்டிருக்கிறது. ஆனால், அதில் 6% தொகை மட்டுமே அளிக்கப்பட்டுள்ளது. ஃபெஞ்சல் நிவாரணப் பணிகளுக்கு ₹6,675 கோடி கேட்டிருந்த நிலையில், வெறும் ₹945 கோடியை அளித்துள்ளது. புயலால் நிலை குலைந்துள்ள தமிழக மக்களின் வலியை மத்திய அரசு உணரவில்லையா? என்ற கேள்வி எழுந்துள்ளது.
News December 7, 2024
பொங்கலுக்கு ₹1000 + மகளிர் உரிமைத் தொகை ₹1000
பொங்கல் சிறப்புத் தொகுப்போடு சேர்த்து மக்களுக்கு ₹1000 ரூபாய் வழங்க அரசு திட்டமிட்டுள்ளதாக தகவல் வெளியாகியிருக்கிறது. ஆண்டுதோறும் பொங்கலுக்கு அரிசி, பருப்பு, கரும்பு, சர்க்கரை ஆகிய பொருட்கள் அடங்கிய பரிசுத் தொகுப்பு வழங்கப்படுகிறது. அதோடு சேர்த்து ₹1000 அளிக்கப்பட்டால், ஜனவரி மாதம் மகளிர் உரிமைத் தொகையுடன் சேர்ந்து குடும்பத்திற்கு ₹2000 கிடைக்கும்.
News December 7, 2024
GSTஐ உயர்த்தினால் ஒரு லட்சம் பேருக்கு வேலை காலி!
ஆடைகளுக்கு GST உயர்த்தினால் ஒரு லட்சம் பேருக்கு வேலை பறிபோகும் என இந்திய ஆடை உற்பத்தியாளர்கள் சங்கம் தெரிவித்துள்ளது. GST-யை 12%இல் இருந்து 28%ஆக உயர்த்தவுள்ளதாகத் தகவல் வெளியாகியுள்ளது. இந்த தகவல் உறுதியானால் சிறு, நடுத்தர நிறுவனங்களைப் பாதிக்கும் என அச்சங்கம் கவலை தெரிவித்துள்ளது. அதேநேரம், ₹1,000 வரையிலான ரெடிமேட் ஆடைகளுக்கான 5% GST-யை ₹1,500ஆக உயர்த்த பரிந்துரைக்கப்பட்டுள்ளதை வரவேற்றுள்ளனர்.
News December 7, 2024
விழுப்புரத்திற்கு இன்றும் விடுமுறை
ஃபெஞ்சல் புயல் பாதிப்பில் இருந்து இன்னும் மீளாத விழுப்புரம் மாவட்டத்தில் இன்றும் கல்வி நிலையங்களுக்கு விடுமுறை அளிக்கப்பட்டுள்ளது. பள்ளிகளில் சீரமைப்பு பணிகள் முடித்து திங்கட்கிழமை முதல் அவை செயல்படும் என்று ஆட்சியர் அறிவித்துள்ளார். அதேநேரம், விடுமுறை நாள்களை ஈடு செய்யும் விதமாக புதுச்சேரியில் இன்று பள்ளிகள் செயல்படவுள்ளன.
News December 7, 2024
காலையில் எழுந்ததுமே….
எப்போதும் காலையில் செய்யும் சில வேலைகள் நம்மை நாள் முழுக்க உற்சாகமாக இருக்க செய்யும். அவற்றில் சில, * உங்களின் காலை கடன்களை முடியுங்கள் * நாளில் மேற்கொள்ளவுள்ள வேலையை பட்டியலிடுங்கள் * உடற்பயிற்சி செய்யுங்கள் * உங்களுக்கு பிடித்த மெல்லிய இசையை கேளுங்கள் * மாணவர்கள் காலையில் படித்தால், நினைவாற்றல் கூடும் * எழுந்தவுடன் தண்ணீர் அருந்துங்கள், அது உடலின் உள்ளுறுப்புகளை சுறுசுறுப்பாக்கும்.
News December 7, 2024
அரசியலில் பரபரப்பை கிளப்பிய விழா
தவெக தலைவர் விஜய் கலந்துகொண்ட ‘எல்லோருக்குமான தலைவர் அம்பேத்கர்’ புத்தக வெளியீட்டு விழா தமிழக அரசியலில் புதிய புயலை கிளப்பியிருக்கிறது. திருமாவளவனை நிகழ்ச்சியில் கலந்துகொள்ள விடாமல் கூட்டணி தடுக்கிறது என்று விஜய் பேசியதும், மன்னராட்சி ஒழிக்கப்பட வேண்டும் என்று ஆதவ் அர்ஜூனா பேசியதும் சர்ச்சைக்கான முக்கிய கருப்பொருளாக மாறியுள்ளன. இதன் தாக்கம் என்னவாக இருக்கும் என்று நீங்கள் நினைக்கிறீர்கள்?
Featured News
Sorry, no posts matched your criteria.