News December 20, 2024

ராகுல் காந்தி இப்பவே மன்னிப்பு கேட்கணும்: வானதி

ராகுல் காந்தி மீது நாகலாந்து பெண் எம்.பி. பாங்னோன் கொன்யாக் பரபரப்பு புகார் அளித்தது தொடர்பாக வானதி சீனிவாசன் கருத்து தெரிவித்துள்ளார். பழங்குடியின பெண் எம்.பி.யை அவமதித்த ராகுல் காந்தி உடனடியாக மன்னிப்பு கேட்க வேண்டும் என வானதி வலியுறுத்தியுள்ளார். முன்னதாக, நாடாளுமன்றத்தில் தனக்கு மிக அருகே ராகுல் நின்றது அசெளகர்யமாக இருந்ததாக பாங்னோன் கொன்யாக் புகார் கூறியிருந்தது குறிப்பிடத்தக்கது.

News December 20, 2024

WIஐ துவம்சம் செய்த IND அணி

WI மகளிர் அணிக்கு எதிரான 3ஆவது டி20 போட்டியில், IND அணி 60 ரன்கள் வித்தியாசத்தில் அபார வெற்றி பெற்றது. முதலில் பேட்டிங் செய்த IND அணி, 4 விக்கெட் இழப்பிற்கு 217 ரன்களை எடுத்தது. கேப்டன் ஸ்மிரிதி மந்தனா அதிகபட்சமாக 77 ரன்களை விளாசினார். அடுத்து களமிறங்கிய WI அணி, 20 ஓவர்களில் 9 விக்கெட்டுகள் இழப்பிற்கு 157 ரன்களை மட்டுமே எடுத்து தோல்வியை தழுவியது. 2-1 என்ற கணக்கில் இந்திய அணி தொடரை கைப்பற்றியது.

News December 20, 2024

பொங்கல் பரிசு ரூ.1000 கைக்கு வருமா?

பொங்கல் பரிசுத்தொகையாக ரூ.1000-ஐ தமிழக அரசு வழங்கவுள்ளதாக கூறப்படுகிறது. இந்த தொகையை வங்கியில் செலுத்த அரசு முதலில் முடிவு செய்திருந்தது. ஆனால், சிலரது அக்கவுண்ட்டுகளில் மினிமம் பேலன்ஸ் இல்லாமல் இருந்தால், பொங்கல் பரிசை வங்கியே எடுத்துவிடும் என்பதை அதிகாரிகள் அரசுக்கு சுட்டிக்காட்டினர். இதையடுத்து, ரேஷன் கடைகளிலேயே பொங்கல் பரிசை வழங்க முடிவு செய்யப்பட்டுள்ளதாக தகவல்கள் தெரிவிக்கின்றன.

News December 20, 2024

காங்., நிலை பாஜகவிற்கு வரும்: மாயாவதி எச்சரிக்கை

அமித்ஷா கூறிய வார்த்தைகள், அம்பேத்கரின் கண்ணியத்தை வெகுவாக காயப்படுத்தி உள்ளதாக மாயாவதி கண்டனம் தெரிவித்துள்ளார். மேலும், தான் கூறிய வார்த்தைகளை திரும்பப் பெற்று வருத்தம் தெரிவிக்க வேண்டும் எனவும் அவர் வலியுறுத்தியுள்ளார். அதை செய்யத் தவறும் பட்சத்தில், பாபா சாகேப்பிற்கு காங்கிரஸ் செய்ததை, மக்கள் எப்படி மறக்காமல் உள்ளனரோ, அதேநிலை தான் பாஜகவிற்கும் ஏற்படும் என்றும் எச்சரித்துள்ளார்.