India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 27, 2025
கட்சி தொடங்கிய பின், முதல்முறையாக விஜய்
‘விநாயகர் சதுர்த்தியை கொண்டாடும் அனைவருக்கும் நல்வாழ்த்துகள்’ என தவெக தலைவர் விஜய் பதிவிட்டுள்ளார். கடந்த ஆண்டு பிப்ரவரியில் அதிகாரப்பூர்வமாக கட்சியை துவங்கிய அவர், அந்த ஆண்டு விநாயகர் சதுர்த்திக்கு வாழ்த்து கூறாதது சர்ச்சையானது. கடந்த ஆண்டு வாழ்த்து கூறாத விஜய், இந்த ஆண்டு கூறியுள்ளதை பற்றி நீங்கள் என்ன நினைக்கிறீங்க?
News August 27, 2025
RECIPE: வயிற்று கொழுப்பை குறைக்கும் எள்ளு துவையல்!
◆கொலஸ்ட்ரால் & உடல் கொழுப்பு குறைய எள்ளு துவையல் உதவும் என சித்த மருத்துவர்கள் தெரிவிக்கின்றனர்.
➥எள்ளை, வெறும் வாணலியில் வெடிக்கும் வரை வறுத்து, காய்ந்த மிளகாய் சேர்த்து துளி எண்ணெய் விட்டு நன்கு வறுக்கவும்.
➥அவற்றை மிக்ஸியில் வறுத்து ஆறவைத்த தேங்காய், உப்பு & புளி சேர்த்து நன்கு அரைத்து கொள்ளவும்.
➥தண்ணீர் சேர்த்து கெட்டியாக அரைத்து எடுத்தால், எள்ளு துவையல் ரெடி! SHARE IT.
News August 27, 2025
50% வரிவிதிப்பு அமலானது.. ஸ்தம்பிக்கும் துறைகள்
USA-வின் 50% வரி விதிப்பு தற்போது அமலுக்கு வந்துள்ளது. ஜவுளி, ஃபர்னிச்சர், வேளாண் உற்பத்தி, ஸ்டீல், லெதர் ஆகியவற்றிற்கு இந்த வரி விதிப்பு பொருந்தும். இதனால் இத்துறையினர் பெரும் சவாலைச் சந்திக்க நேரும் என்பதால், வேறு விதமான சலுகைகளை வழங்க மத்திய அரசு ஆலோசித்து வருவதாக கூறப்படுகிறது. அதேநேரம், இந்தியா, USA உடனான வர்த்தக பேச்சுவார்த்தையை மீண்டும் துவங்கலாம் என்றும் தகவல்கள் தெரிவிக்கின்றன.
News August 27, 2025
BREAKING: தங்கம் விலையில் பெரிய மாற்றம்
ஆபரணத் தங்கத்தின் விலை இன்றும் கிடுகிடுவென்று உயர்ந்துள்ளது. 22 கேரட் ஆபரணத் தங்கத்தின் விலை சவரனுக்கு ₹280 உயர்ந்து ₹75,120-க்கும், கிராமுக்கு ₹35 உயர்ந்து ₹9,390-க்கும் விற்பனை செய்யப்படுகிறது. கடந்த ஒரு வாரத்தில் மட்டும் தங்கம் விலை சுமார் ₹1,680 அதிகரித்துள்ளது. இதனால், தங்கம் விலை குறையும் என எதிர்பார்த்த நகை பிரியர்கள் அதிர்ச்சி அடைந்துள்ளனர்.
News August 27, 2025
அரசியல்வாதி போல் விஜய் நடக்க வேண்டும்: தமிழிசை
அரசியலுக்குள் விஜய் நுழைகிறார் என்றால், ஒரு நடிகரைப் போல் அல்லாமல் அரசியல்வாதியாக நடந்துகொள்ள வேண்டும் என்று தமிழிசை செளந்தரராஜன் கூறியுள்ளார். தவெக மாநாட்டில் பவுன்சர்களால் தொண்டர் தள்ளிவிடப்பட்டது தொடர்பாக <<17529771>>விஜய்<<>> மற்றும் பவுன்சர்கள் மீது வழக்கு பதியப்பட்டுள்ளது. இதுதொடர்பாக செய்தியாளர்களிடம் பேசிய அவர், ஒரு தலைவருக்கும் தொண்டர்களுக்கும் இடையே பரஸ்பர மரியாதை பேணப்பட வேண்டும் என்றார்.
News August 27, 2025
கொழுக்கட்டையின் கதை தெரியுமா?
புராணங்களின் படி, ஞானபாலி என்னும் அரசன், ருத்ரயாகத்தின் நடுவே ஒற்றைக்கண் பூதனாகி, உயிர்களை விழுங்க தொடங்கினான். தேவர்கள் விநாயகரிடம் சரணடைந்தபோது, அவர் ஞானபாலியை கொழுக்கட்டை வடிவில் மாற்றி விழுங்கினார். அவன் பசியை தீர்க்கவே விநாயகருக்கு கொழுக்கட்டையை படைப்பதாக கூறப்படுகிறது. கொழுக்கட்டையின் தத்துவம்: இனிப்பு பூரணம் ஆன்மாவின் இனிமையையும், வெள்ளை மேலடுக்கு சுத்தமான மனதையும் குறிக்கிறது. SHARE IT.
News August 27, 2025
50% ஆஃபர்.. Redmi அதிரடி தள்ளுபடி அறிவிப்பு
Redmi ஃபோனுக்கான Battery-ஐ 50% தள்ளுபடியில் மாற்றிக் கொள்ளலாம் என்று வாடிக்கையாளர்களுக்கு Redmi ஆஃபரை அறிவித்துள்ளது. ஆகஸ்ட் 25 முதல் 30-ம் தேதி வரை வாடிக்கையாளர்களுக்கு சர்வீஸ் சென்டர்களில் இந்த சலுகையை பெற்ற முடியும். இந்த வாய்ப்பை தனது வாடிக்கையாளர்கள் பயன்படுத்திக் கொள்ள வேண்டும் என்று வேண்டுக்கோள் விடுத்துள்ளது. அப்பறம் என்ன உடனே சர்வீஸ் சென்டருக்கு கிளம்புங்க.. Battery-ஐ மாத்துங்க.
News August 27, 2025
அப்பாவுக்கு அபர்னா சென் மீது காதல்: ஸ்ருதிஹாசன்
கமல்ஹாசன், ஏன் பெங்காலி கற்றார் என அவரது மகள் ஸ்ருதிஹாசன் கலகலப்பாக கூறியுள்ளார். பெங்காலியை அப்பா (கமல்) கற்றுக் கொண்டதற்கு நடிகை அபர்னா சென் மீதான காதலே காரணம் என்று சமீபத்திய பேட்டியில் தெரிவித்துள்ளார். இதனாலேயே ‘ஹே ராம்’ படத்தில் ராணி முகர்ஜிக்கு அபர்னா என்று பெயர் வைத்ததாகவும் ஸ்ருதி கூறியுள்ளார். இதுதொடர்பான வீடியோ வைரலாகவே ‘என்ன ஒரு வெளிப்படையான பகிர்வு’ என நெட்டிசன்கள் கூறி வருகின்றனர்.
News August 27, 2025
அப்பட்டமான ஹிந்தி திணிப்பு: சு.வெங்கடேசன் சாடல்
டிக்கெட் கவுன்ட்டர்கள், அலுவலக ஆவணங்கள் உள்ளிட்டவற்றில் ஹிந்தி மொழி பயன்பாட்டை அதிகரிக்கும்படி தெற்கு ரயில்வே உத்தரவிட்டுள்ளது. இது அப்பட்டமாக ஹிந்தி திணிப்பை அனைத்து வகையிலும் மேற்கொள்வதன் மற்றொரு அடையாளம் என MP சு.வெங்கடேசன் விமர்சித்துள்ளார். செய்தியாளர்களிடம் பேசிய அவர், உள்ளூர் மொழி அறிவற்றவர்கள் ஊழியர்களாக இருப்பதே சமீபத்தில் ரயில்வேயில் நடைபெற்ற விபத்துகளுக்கு காரணம் என்றும் சாடினார்.
News August 27, 2025
மூலிகை: பலன்களை அள்ளி தரும் சுண்டைக்காய்!
➤சுண்டைக்காய் சாம்பார், காரக்குழம்பு ருசியாக இருப்பது மட்டுமின்றி, உடலுக்கு பல நன்மைகளை அளிக்கும்.
➤வயிற்றுவலி, உப்புசம், ஏப்பம் போன்ற செரிமானம் பிரச்னைகளை சரிசெய்யும் ஆற்றல் சுண்டைக்காய்க்கு உள்ளதாக அகத்தியர் பாடலில் குறிப்பிடப்பட்டுள்ளது.
➤இதன் வற்றல் சூரணத்தை மோரில் கலந்து பருக, குடலில் உள்ள நல்ல நுண்கிருமிகளின் எண்ணிக்கை அதிகரிக்கும் என சித்த மருத்துவர்கள் தெரிவிக்கின்றனர். SHARE IT.
Featured News
Sorry, no posts matched your criteria.