News November 27, 2024

19 மாவட்டங்களுக்கு இன்று கனமழை எச்சரிக்கை

தமிழகத்தில் இன்று கடலூர், மயிலாடுதுறையில் அதி கனமழை பெய்யக்கூடும் என ரெட் அலர்ட் விடுக்கப்பட்டுள்ளது. சென்னை, திருவள்ளூர், காஞ்சிபுரம், செங்கல்பட்டு, விழுப்புரம், அரியலூர், தஞ்சை, திருவாரூர், நாகை, புதுக்கோட்டை ஆகிய 10 மாவட்டங்களில் மிக கனமழைக்கான ஆரஞ்சு அலர்ட் விடுக்கப்பட்டுள்ளது. ராணிப்பேட்டை, தி.மலை, கள்ளக்குறிச்சி, பெரம்பலூர், திருச்சி, சிவகங்கை, ராமநாதபுரத்தில் கனமழை பெய்யக்கூடும்.

News November 27, 2024

Happy birthday ”The Big Boss” புரூஸ் லீ!!

நம்ம ஏரியாவில் ஒரு பையன் ஒல்லியா இருந்தா அந்தப் பையனுக்கு “புரூஸ் லீ”-ன்னு பட்டப்பெயர் வைச்சிடுவாங்க. இது உலக வழக்கம். இப்பெயருக்கு அப்படி ஒரு மவுசு. அது சரி! மறைஞ்சு 51 வருஷம் ஆகியும், இன்னும் உலகமே ஞாபகம் வச்சு இருக்காங்கன்னு, அதுவே அவரின் மகுடம். வாழ்வில் வெற்றி பெற தடை ஒன்றும் இல்லை என்பதை உலகிற்கு கூறியவர். Happy B’day Bruce Lee. உங்கள் வாழ்வில் புரூஸ் லீ தாக்கம் எத்தகையது?

News November 27, 2024

பஜ்ரங் புனியா 4 ஆண்டுகள் சஸ்பெண்ட்

ஊக்கமருந்து சோதனைக்காக தனது மாதிரியை தர மறுத்ததால் இந்திய மல்யுத்த வீரர் பஜ்ரங் புனியா 4 ஆண்டுகள் இடைநீக்கம் செய்யப்பட்டுள்ளார். முன்னதாக கடந்த மார்ச்சில் தேசிய ஊக்கமருந்து தடுப்பு நிறுவனம் தற்காலிக இடைநீக்கம் செய்த நிலையில், தற்போது உலக மல்யுத்த குழுவும் சஸ்பெண்ட் செய்துள்ளது. இதனால், மல்யுத்த போட்டிகள் மட்டுமின்றி, அவரால் வெளிநாட்டில் பயிற்சியாளர் வேலைக்கும் விண்ணப்பிக்க முடியாது.

News November 27, 2024

சென்னையை நெருங்கும் புயல்

நேற்றிரவு 11.30 மணி நிலவரப்படி ஆழ்ந்த காற்றழுத்த தாழ்வு மண்டலமானது நாகையில் இருந்து 470 கிமீ தென் கிழக்கிலும் சென்னையில் இருந்து 670 கிமீ தெற்கு-தென் கிழக்கிலும் மையம் கொண்டுள்ளது. மணிக்கு 10 கிமீ வேகத்தில் நகரும் இந்த மண்டலம், இன்று ‘ஃபெங்கல்’ புயலாக வலுப்பெறவுள்ளது. இப்புயல் மேலும் படிப்படியாக நகர்ந்து 30ஆம் தேதி இரவு சென்னைக்கும் புதுவைக்கும் இடையே கரையைக் கடக்கும் என்று கணிக்கப்பட்டுள்ளது.

News November 27, 2024

அதானியை முடிச்சு விட்டீங்க போங்க..!

முன்னணி சர்வதேச ரேட்டிங் எஜென்ஸியான மூடிஸ் நிறுவனம், அதானி குழுமத்தின் 7 நிறுவனங்களின் மதிப்பீட்டை ‘Stable’ என்ற நிலையில் இருந்து ‘Negative’ என்ற நிலைக்கு மாற்றியுள்ளது. அதேபோல் ஃபிட்ச் ரேட்டிங்ஸ் நிறுவனமும், அதானி குழுமத்தின் பல நிறுவனங்களின் மதிப்பீட்டை குறைத்துள்ளது. இதனால் பன்னாட்டு நிதி திரட்டும் திறன் மற்றும் அதானி குழுமத்தின் நிதி நிலமை மோசமடையலாம் என கருதப்படுகிறது.

News November 27, 2024

பிக் பாஸில் அருண் செயல்… வருந்திய அர்ச்சனா

கடந்த சீசன் டைட்டல் வின்னர் அர்ச்சனா, இம்முறை பிக் பாஸ் வீட்டில் இருக்கும் அருண் பிரசாத்திற்கு ஆதரவாக பதிவிட்டு வருகிறார். இதனால், ரசிகர்களால் அர்ச்சனா கடுமையான விமர்சிக்கப்படுகிறார். இது குறித்த பதிவு ஒன்றை அவர் வெளியிட்டுள்ளார். அதில், நானும் மனுஷி தான், என்னை இவை மிகவும் காயப்படுத்துவதாக குறிப்பிட்டுள்ளார். நான் பங்கெடுக்காத விஷயத்திற்கு விமர்சிக்காதீர்கள் என்றும் கேட்டுக் கொண்டுள்ளார்.

News November 27, 2024

பல்கலைக்கழகத் தேர்வுகள் ஒத்திவைப்பு

கனமழை முன்னெச்சரிக்கையாக தமிழகத்தின் பல பல்கலைக்கழகத் தேர்வுகள் ஒத்திவைக்கப்பட்டுள்ளன. குறிப்பாக சென்னை ‘மெட்ராஸ் பல்கலைக்கழகம்’, திருச்சி பாரதிதாசன் பல்கலைக்கழகம், சிதம்பரம் அண்ணாமலை பல்கலைக்கழகம் ஆகியவற்றின் தேர்வுகள் ரத்து செய்யப்பட்டுள்ளன. மாற்று தேர்வுகளுக்கான தேதி பின்னர் அறிவிக்கப்படும்.

News November 27, 2024

உதயநிதி ஸ்டாலினின் பிறந்தநாள் இன்று

தமிழக துணை முதல்வரும் திமுக இளைஞரணித் தலைவருமான உதயநிதி ஸ்டாலினின் 47ஆவது பிறந்தநாள் இன்று. நடிகராக வாழ்க்கையைத் தொடங்கி அரசியலின் மீது கொண்ட நாட்டத்தின் காரணமாக எம்.எல்.ஏவாகி, அமைச்சராகி தற்போது துணை முதல்வராகியிருக்கிறார். அவருக்கு உங்களுடைய வாழ்த்துகளை வே2நியூஸ் வாயிலாக நீங்களும் பகிர்ந்து கொள்ளுங்கள்.

பிறந்தநாள் வாழ்த்துகள் உதயநிதி ஸ்டாலின்.

News November 27, 2024

அடுத்த 3 மணி நேரத்திற்கு மழை

தமிழகத்தில் காலை 10 மணி வரை திருவள்ளூர், சென்னை, செங்கல்பட்டு, காஞ்சி, விழுப்புரம், கடலூர், மயிலாடுதுறை, நாகை, திருவாரூர், தஞ்சை, புதுக்கோட்டை, அரியலூர், பெரம்பலூர், சிவகங்கை, ராமநாடு மாவட்டங்களில் இடி, மின்னலுடன் மழை பெய்யும் என்றும் நீலகிரி, கோவை, கள்ளக்குறிச்சி, திருச்சி, தென்காசி, விருதுநகர், மதுரை, தூத்துக்குடி, நெல்லை, குமரி மாவட்டங்களில் லேசான மழை பெய்யும் என்றும் IMD அறிவித்துள்ளது.

News November 27, 2024

“ஆண் குழந்தைகளுக்கும் பாலியல் துன்புறுத்தல்”

பெண் குழந்தைகளுக்கு நிகராக, ஆண் குழந்தைகளும் பாலியல் துன்புறுத்தலுக்கு ஆளாவதாக ஆய்வுகளின் வாயிலாக தெரியவந்துள்ளதாக அமைச்சர் அன்பில் மகேஷ் கூறியுள்ளார். தினந்தோறும் வெளியாகும் பத்திரிகை செய்திகளை படித்து, விழிப்புணர்வுடன் இருக்க வேண்டுமே தவிர யாரும் பயப்படத் தேவையில்லை என்று அறிவுறுத்திய அவர், தலைமை ஆசிரியர்கள் மாணவர்களுக்கு ஒரு நண்பனை போல இருந்து விழிப்புணர்வை ஏற்படுத்துமாறும் கேட்டுக்கொண்டார்.