India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 4, 2024
ஃபைனலில் மோதும் இந்தியா – பாக்!
U21 ஜூனியர் ஆசிய கோப்பை ஹாக்கி ஃபைனலில் இந்திய அணி, பாகிஸ்தானுடன் பலப்பரீட்சை நடத்தவுள்ளது. ஓமனில் 10வது சீசன் நடந்து வருகிறது. அதன் அரையிறுதியில் இந்திய அணி 3-1 என்ற கோல் கணக்கில் மலேசிய அணியை வீழ்த்தி, 7வது முறையாக ஃபைனலுக்கு முன்னேறியது. மற்றொரு அரையிறுதியில் ஜப்பானை பாக்., அணி வீழ்த்தியது. கோப்பையை கைப்பற்றும் நோக்கில் இந்தியா, பாக்., இன்று மோதும் போட்டியில் பரபரப்புக்கு பஞ்சமிருக்காது.
News December 4, 2024
வங்கதேசத்தில் இந்திய டி.வி., சேனல்களுக்கு தடை கோரி மனு
வங்கதேசத்தில் ஒளிபரப்பாகும் இந்திய டி.வி சேனல்களுக்கு தடை விதிக்கக் கோரி அந்நாட்டின் ஐகோர்ட்டில் மனு தாக்கல் செய்யப்பட்டுள்ளது. அந்த மனுவில், ஜி பங்களா, ரிபப்ளிக் பங்களா உள்ளிட்ட டிவி சேனல்கள் நாட்டில் உள்ள சிறுபான்மையாக ஹிந்துக்கள் மீது தாக்குதல் நடப்பதாக வன்முறையை தூண்டும் வகையில் செய்திகளை பரப்புவதாக கூறப்பட்டுள்ளது. இந்த மனு மீது விரைவில் விசாரணை நடக்கும் என எதிர்பார்க்கப்படுகிறது.
News December 4, 2024
தினம் ஒரு திருக்குறள்
▶குறள் பால்: அறத்துப்பால். ▶குறள் இயல்: இல்லறவியல். ▶அதிகாரம்: நடுவு நிலைமை. ▶குறள் எண்: 118 ▶குறள்: சமன்செய்து சீர்தூக்குங் கோல்போல் அமைந்தொருபால் கோடாமை சான்றோர்க் கணி. ▶பொருள்: முதலில் சமமாக நின்று பிறகு தன்மீது வைக்கப்பட்ட பாரத்தை சீர்தூக்கி காட்டும் தராசு போல, ஒரு பக்கமாக சாயாமல் சமனாக நின்று நீதியைக் காக்கும் பொருட்டு நடுநிலைமையோடு வாழ்வதே சான்றோருக்கு அழகாகும்.
News December 4, 2024
பெண்களுக்கு எதிரான ‘சதி’க்கு முடிவு கட்டிய நாள் இன்று!
இந்தியாவில் ‘சதி’ உடன்கட்டை ஏறும் முறை சட்டப்பூர்வமாக ஒழிக்கப்பட்ட தினம் இன்று. கணவனை இழந்த (விரும்பாத) பெண்ணை எரியும் சிதை தீயில் தள்ளி, ‘சதி மாதா’ என்ற புனித பட்டத்தை அளிக்கும் வழக்கம் வங்கத்தில் இருந்தது. கட்டாயப்படுத்தி தீயில் இறக்கும் இம்முறையை கேரி, ராஜாராம் மோகன் ராய் போன்றோர் எதிர்த்தனர். 1829இல் இக்கொடூரத்திற்கு எதிராக சட்டமியற்றி ஆளுநர் வில்லியம் பென்டிங்க் முடிவு கட்டினார்.
News December 4, 2024
‘இந்தியா ஒரு ஆய்வகம்’ சர்ச்சையில் சிக்கிய பில்கேட்ஸ்
புதிய விஷயங்களை முயற்சி செய்து பார்ப்பதற்கான ஒரு ஆய்வகமாக இந்தியா இருப்பதாக மைக்ரோசாப்ட் நிறுவனர் பில்கேட்ஸ் கூறியிருப்பது பெரும் சர்ச்சையை ஏற்படுத்தியுள்ளது. ஹாஃப்மேனுடன் பாட் கேஸ்டில் பேசிய அவர், “இந்தியாவில் ஒரு விஷயத்தை நம்மால் செய்ய முடிந்தால், உலகின் எந்த மூலையிலும் அதனை நாம் சாத்தியப்படுத்தலாம். மருத்துவம், கல்வி உள்ளிட்ட துறைகளில் இந்தியா தற்போது முன்னேறி வருகிறது” என்றார்.
News December 4, 2024
மீண்டும் மீண்டுமா? குகேஷ்-லிரென் போட்டி ‘டிரா’
சிங்கப்பூரில் நடக்கும் உலக செஸ் சாம்பியன்ஷிப்பின் 7ஆவது சுற்றில், இந்தியாவின் குகேஷ், சீனாவின் டிங் லிரென் மோதினர். இந்திய GM குகேஷ், 31%க்கும் மேலான நேரத்தைக் கண்களை மூடியபடி வெள்ளை நிற காய்களுடன் விளையாடினார். விறுவிறுப்பான இப்போட்டி, 46ஆவது நகர்த்தலில் ‘டிரா’ ஆனது. இது, இத்தொடரில் தொடர்ச்சியாக பதிவான 4ஆவது ‘டிரா’. 7 சுற்றுகளின் முடிவில், இருவரும் தலா 3.5 புள்ளிகளுடன் சமநிலையில் உள்ளனர்.
News December 4, 2024
பிறந்தநாள் வாழ்த்து போட்டோ அனுப்புங்க!
இன்று (டிச.4) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்கு உரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News December 4, 2024
‘புஷ்பா 3’ குறித்த பதிவை நீக்கிய படக்குழு
அல்லு அர்ஜுன் நடிப்பில் ‘புஷ்பா-3’ வெளியாவதை ஆஸ்கர் விருது பெற்ற சவுண்ட் இன்ஜினியர் ரசூல் பூக்குட்டி மறைமுகமாக உறுதி செய்துள்ளார். ‘புஷ்பா 2: தி ரூல்ஸ்’ படத்தின் இசைப் பணிகள் முடிந்ததை குறிக்கும் வகையில் ஒரு புகைப்படத்தை படக்குழு வெளியிட்டது. அதில், ரசூல் உள்ளிட்டோர் நிற்க, பின்புற திரையில் ‘புஷ்பா 3: தி ராம்பேஜ்’ என எழுதப்பட்டிருந்தது. இப்பதிவு வைரலானதை அடுத்து படக்குழு உடனே அதை நீக்கியுள்ளது.
News December 4, 2024
பிறந்தநாள் வாழ்த்து போட்டோ அனுப்புங்க!
இன்று (டிச.4) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்கு உரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News December 4, 2024
இரவோடு இரவாக எமர்ஜென்சி அமலுக்கு வந்தது!
தென் கொரியாவில் இரவோடு இரவாக எமர்ஜென்சி சட்டத்தை அந்நாட்டின் அதிபர் யூன் சுக் யோல் அமல்படுத்தியுள்ளார். தொலைக்காட்சியில் தோன்றி நாட்டு மக்களுக்கு உரையாற்றிய அவர், வட கொரிய கம்யூ. படைகளின் துணையுடன் எதிர்க்கட்சிகள் தென் கொரியாவில் கிளர்ச்சியை ஏற்படுத்த சதி செய்கின்றனர். தேசத்தின் நிலைத்தன்மை, சுதந்திரம் & பாதுகாப்பை உறுதி செய்ய இந்த நடவடிக்கை எடுக்கப்பட்டுள்ளதாக தெரிவித்தார்.
Featured News
Sorry, no posts matched your criteria.