India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 9, 2024
என்ன பேசினார் ஆதவ் அர்ஜுனா?
தவெக தலைவர் விஜய் “ஆட்சி அதிகாரத்தில் கூட்டணி கட்சிகளுக்கு பங்கு வேண்டும்” என்று பேசியதை விசிக துணை பொதுச்செயலாளர் ஆதவ் அர்ஜுனா ஆதரித்திருந்தார். அதேபோல, நடப்பு ஆட்சியிலும் விசிகவுக்கு பங்கு வேண்டும் என்று அவர் வலியுறுத்தினார். மேலும், “மன்னராட்சிக்கு முடிவு கட்ட வேண்டும்” என்று திமுகவை குறிப்பிடும் வகையில் அவர் பேசியது சர்ச்சையை ஏற்படுத்திய நிலையில் கட்சியில் இருந்து சஸ்பெண்ட் செய்யப்பட்டுள்ளார்
News December 9, 2024
முதலமைச்சரை சந்திக்க வந்தார் திருமாவளவன்
ஆதவ் அர்ஜுனாவின் பேச்சுகள் திமுக – விசிக கூட்டணியில் சலசலப்பை ஏற்படுத்திய நிலையில் முதல்வர் ஸ்டாலினை சந்திக்க வந்துள்ளார் விசிக தலைவர் திருமாவளவன். வெள்ள பாதிப்புக்கு விசிக சார்பாக நிவாரணம் அளிக்க வந்திருப்பதாக சொல்லப்பட்டாலும், இது அரசியல் பேச்சுவார்த்தையாகவே பார்க்கப்படுகிறது. ஆதவ் அர்ஜுனாவை கட்சியில் இருந்து சஸ்பெண்ட் செய்துவிட்டுதான் திருமா சந்திப்புக்கே வந்திருக்கிறார்.
News December 9, 2024
IRCTC இணையதளம் முடங்கியது
IRCTC இணையதளம் ஒரு மணி நேரத்திற்கு மேலாக முடங்கியுள்ளதால், வாடிக்கையாளர்கள் அவதியடைந்துள்ளனர். பராமரிப்புப் பணிகள் காரணமாக அடுத்த ஒரு மணி நேரத்திற்கு சேவை கிடைக்காது என்றும் இந்திய ரயில்வே தெரிவித்துள்ளது. டிக்கெட்டுகளை ரத்து செய்ய 14646, 0755-6610661 (அ) etickets@irctc.co.in தொடர்பு கொள்ளுமாறும் அறிவுறுத்தியுள்ளது. SUPER செயலியை மேம்படுத்தி வருவதால் இந்த இடையூறு ஏற்பட்டுள்ளதாகக் கூறப்படுகிறது.
News December 9, 2024
வதந்தி பரப்புவோரை விமர்சித்த அமிதாப்!
வதந்தி பரப்புவோர் குறித்து பாலிவுட் நடிகர் அமிதாப் பச்சன் காட்டமாக பதிவிட்டுள்ளார். அதில், “குறைந்த மூளையை கொண்ட முட்டாள்களுக்கு இந்த உலகில் ஒருபோதும் மரணமில்லை. தங்களின் மூளையற்ற மற்றும் அரைகுறையான அறிவு குறைபாடுகளை மறைப்பதற்காகவே, ஒவ்வொரு நாளும் போலிகளை உருவாக்கி பதிவிடுகிறார்கள்” என்றார். அபிஷேக் – ஐஸ்வர்யா விவாகரத்து குறித்து பரவிய வதந்திக்கு பதிலடி கொடுக்கவே, அவர் பேசுவதாக தெரிகிறது.
News December 9, 2024
ஆதவ் அர்ஜுனா நீக்கம் ஏன்?
விசிகவில் இருந்து ஆதவ் அர்ஜுனா 6 மாதங்கள் இடைநீக்கம் செய்யப்பட்டது குறித்து அறிக்கையில் இவ்வாறு குறிப்பிடப்பட்டுள்ளது. “ஆதவ் அர்ஜுனாவின் செயல்பாடுகள் கட்சி மற்றும் தலைமையின் மீதான நன்மதிப்பையும் நம்பகத் தன்மையையும் கேள்விக்குள்ளாக்கும் வகையில், பொதுவெளியில் கடுமையான விமர்சனங்களை உருவாக்கியிருக்கிறது. இவை, கட்சிப் பொறுப்பாளர்களிடையே நிலவும் கட்டுக்கோப்பைச் சீர்குலைக்கும் வகையில் உள்ளது”
News December 9, 2024
டங்ஸ்டன் சுரங்க அனுமதிக்கு எதிராக பேரவையில் தீர்மானம்
மதுரை மேலூரில் டங்ஸ்டன் கனிம சுரங்கத்திற்கு மத்திய அரசு வழங்கிய அனுமதியை ரத்து செய்யக்கோரி சட்டப்பேரவையில் தனித் தீர்மானம் கொண்டுவரப்பட்டுள்ளது. தீர்மானத்தை அவை முன்னவர் துரைமுருகன் முன்மொழிந்தார். அதில், மாநில அரசுகளின் அனுமதியின்றி எந்த சுரங்கத்திற்கும் அனுமதி வழங்கக் கூடாது எனவும், சுரங்கத்திற்கு தேர்வான பகுதி ஏற்கெனவே பல்லுயிர் பெருக்கத் தலமாக உள்ளதாகவும் குறிப்பிடப்பட்டுள்ளது.
News December 9, 2024
ஆதவ் அர்ஜுனா இடைநீக்கம்
திமுக குறித்து விமர்சித்ததாக எழுந்த புகாரில் ஆதவ் அர்ஜுனாவை கட்சியில் இருந்து 6 மாதங்கள் சஸ்பெண்ட் செய்து உத்தரவிட்டுள்ளார் விசிக தலைவர் திருமாவளவன். விகடன் நடத்திய “எல்லோருக்குமான தலைவர் அம்பேத்கர்” புத்தக வெளியீட்டு விழாவில் விசிக துணை பொதுச் செயலாளர் ஆதவ் அர்ஜுனா பேசிய “தமிழகத்தில் மன்னராட்சி நடக்கிறது” போன்ற கருத்துகள் கூட்டணியில் சலசலப்பை ஏற்படுத்திய நிலையில், விசிக நடவடிக்கை எடுத்திருக்கிறது
News December 9, 2024
ஹாலிவுட்டிலும் கெத்து காட்டும் புஷ்பராஜ்!
புஷ்பா 2வில் வரும் ‘Pushpa-னா National நினைச்சியா International’ என்பதற்கு ஏற்ப, வட அமெரிக்க பாக்ஸ் ஆபிஸிலும் ஒரு கலக்கு கலக்கி வருகிறது. படம் ஒட்டு மொத்தமாக 2 நாள்களில் மட்டும் $1,370,000 (11.6 CR) வசூல் செய்துள்ளதாக Box office mojo தெரிவித்துள்ளது. இதன்மூலம் ரீ ரிலீஸான கிறிஸ்டோபர் நோலனின் ‘இன்டர்ஸ்டெல்லர்’ படத்தின் வசூலை முந்தியுள்ளது. மேலும் வெளியான 3 நாள்களில் ரூ.621 கோடி வசூல் செய்துள்ளது.
News December 9, 2024
27ஆம் தேதி தொடங்குகிறது புத்தகக் கண்காட்சி
சென்னையில் ஆண்டுதோறும் நடைபெறும் புத்தகக் கண்காட்சி இந்தாண்டு வரும் 27ஆம் தேதி தொடங்கும் என்று அறிவிக்கப்பட்டுள்ளது. சென்னை நந்தனம் YMCA மைதானத்தில் இக்கண்காட்சி ஜனவரி 12ஆம் தேதி வரை நடைபெறவுள்ளது. இதனை துணை முதல்வர் உதயநிதி ஸ்டாலினும், பள்ளிக்கல்வித்துறை அமைச்சர் அன்பில் மகேஷும் தொடங்கி வைக்கவுள்ளனர். மொத்தம் 900 அரங்குகள் அமைக்கப்படவுள்ளதாக ஏற்பாட்டாளர்கள் தெரிவித்துள்ளனர்.
News December 9, 2024
காய்கறி விலை குறைந்தது
சென்னை கோயம்பேடு சந்தையில் காய்கறிகளின் விலை சரிந்துள்ளது. இன்று காலை நிலவரப்படி ஒரு கிலோ வெங்காயம் ₹30க்கும், ஒரு கிலோ தக்காளி ₹35க்கும் விற்பனையாகிறது. தமிழகத்தில் தற்போது மழையின் தீவிரம் குறைந்திருப்பதால் விலை சரிவதாக வியாபாரிகள் தெரிவித்துள்ளனர். பீன்ஸ், கேரட், அவரைக்காய் கிலோ தலா ₹40, பீட்ரூட் கிலோ ₹30, வெண்டைக்காய் கிலோ ₹20, கத்திரிக்காய் கிலோ ₹10 என்று விற்பனையாகிறது.
Featured News
Sorry, no posts matched your criteria.